Það sem Eirikur Bergmann þagði um

   Í Fréttablaðinu í dag skrifar Evrópusambandssinninn Eiríkur
Bergmann heila síðu um Evrópumál, og fjallar þar aðallega um
undanþágur og sérlausnir sem Íslandi kann að  standi til boða
gangi það í ESB.  Nú eru þetta allt atriði sem liggja fyrir, enda
fyrir liggur að stærstum hluta hvað í aðildinni felst fyrir alla þá
sem nenna að kynna sér málið. Hins vegar vakti athygli sem
Eirikur kaus algjörlega að minnast ekki orði á og sem er ein
aðal orsök þess að Íslendingar gætu aldrei fallist á ESB-aðild.
Og hún er um fjárfestingar útlendinga í íslenzkum útgerðum.
Hvers vegna minnist ekki Eirikur Bergmann  einu orði á það
stóra mál?

   Í dag eru útlendingum bannað að eignast meirihluta í ís-
lenzkum útgerðarfyrirtækjum. Við ESB-aðild breytist það. Á
Íslandsmiðum er framseljanlegur kvóti. Útlendingar gætu þá
komist bakdyramegin inn í íslenzka fiskveiðilögsögu með því
að eignast meirihluta í íslenzkum útgerðum. Hið alræmda
kvótahopp sem nú hefur m.a lagt breskan sjávarútveg í
rúst heldi þar með innreið sína á Íslandsmið.  Stór hluti
virðisaukans af fiskimiðum Íslands mun því flytjast úr
landi með tíð og tíma og hverfa úr íslenzku hagkerfi.

   Hvað kostaði það íslenzkt þjóðarbú?

   Hvers vegna þagar Eirikur Bergmann og aðrir ESB-sinnar
þunnu hljóði yfir því ?
  

Athugasemdir

[Magnús Helgi Björgvinsson, 5.4.2008 kl. 19:48]

Það er ekki víst að það breytist. Hef heyrt  Eirík benda á að við gætum fengið undanþágu frá því vegna smæðar okkar.  Og eins þá hef ég heyrt að útlendingar gætu ef þeir vildu náð yfirráðum í fyrirtækjum hér ef þeir beita fyrir sig nokkrum eignarhlutum í íslenskum fyrirtækjum. En ég skil ekki hvað við töpum á því þó það eigi útlendingar í íslenskum fyrirtækjum. Fyrirtækin borga væntanlega skatta hér. Annars eru þau náttúrulega alltaf að losna við að borga öll gjöld sbr. veiðileyfisgjaldið nú og sjómannaafsláttinn hjá sjómönnum sem er náttúrulega bara kaup sem við þjóðin greiðum fyrir fyrirtækin

[Guðmundur Jónas Kristjánsson, 5.4.2008 kl. 21:13]

Magnús. Skilur þú ekki við hvað ég á? Eða neitið þið ESB-sinnar að
skilja það? Hef ALDREI heyrt ykkur útskýra hvernig þið ætlið að verja
kvótahoppið af Íslandsmiðum til útlendinga með FRAMSELJANLEG
kvótakerfi eins og nú. Í dag skilar HVER EINASTA KRÓNA sér  í
íslenzka hagkerfið af Íslandsmiðum. Það getur gjörbreyst komist
útlendingar yfir kvótann í formi meirihlutaeignar í íslenzkum útgerð-
arfyrirtækjum. Hér gætu verið um að ræða GRÍÐARLEGA fjármuni sem
myndu hverfa úr íslenzku hagkerfi.

Meðan þið útskýri ekki hvernig þið ætlið að koma í veg fyrir slíkt
skuli þið leggja áform ykkar um ESB-aðild á hilluna.

[Magnús Helgi Björgvinsson, 5.4.2008 kl. 22:28]

Eftifarndi las ég haft eftir manni sem sat á fundi með þeim sem útfærðu fiskiveiðikerfi ESB

"1 Sjávarútvegsstefna ESB byggist á nýlegri veiðireynslu. Og þar sem það eru einungis Íslendingar sem hafa veiðireynslu í íslenskri lögsögu munu einungis Íslendingar fá úthlutaðan kvóta eftir að Ísland gengur í ESB. Reglan um veiðireynslu er ekki að fara breytast hjá ESB enda er hún hornsteinn sjávarútvegsstefnu Sambandsins.
2. Sjávarútvegsfyrirtæki sem fá úthlutaðan kvóta þurfa að hafa bein efnahagsleg tengsl við það svæði sem reiðir sig á veiðarnar. Þessi regla ESB er landsbyggðinni sérstaklega hagfellt og kemur í veg fyrir kvótahopp. "

[Ævar Rafn Kjartansson, 5.4.2008 kl. 22:37]

Mér fannst þessi grein Eiríks mjög áhugaverð. En það sem skiptir mestu máli er að Íslendingar skilgreini sínar kröfur og væntingar OG KANNI grundvöll, kosti og galla aðildar.

[Guðmundur Jónas Kristjánsson, 6.4.2008 kl. 00:45]

Magnús. Þetta er bull, sbr Brétland. Spánverjar og Portugalir hafa
meiriháttar séð glufurnar í kerfinu og nánast rústað breskri útgerð
með meiriháttar kvótahoppi og kvótabraski!!!!!!!!!!!!!*

Ævar. Lestu Rómarsáttmálann og alla viðaukana við hann. Það
sem fellst í ESB aðild liggur 100% fyrir!!!