Þorgerður Katrín stefnir á ESB-aðild

  Það er alveg ljóst eftir yfirlýsingu Þorgerðar Katrínar Gunnarsdóttir
varaformanns Sjálfstæðisflokksins í gær, hvert hugur hennar stefnir
í Evópumálum. Sem kemur alls ekki á óvart. Því  það var  hún  sem
fremst fór við myndun  núverandi ríkisstjórnar, þar sem  helmingur
ráðherrar úr Samfylkingunni eru yfirlísitir ESB-sinnar.

  Það að vilja boða til þjóðaratkvæðagreiðslu  um Evrópusambandið á
næsta kjörtímabili ásamt  því að breyta  stjórnarskránni fyrir næstu
kosningar svo hún  verði  ekki til  trafala við  inngöngu Íslands í ESB,
segir allt sem segja þarf um hug varaformanns Sjálfstæðisflokksins til
Evrópumála. Spurning  hvort  aðildarviðræður  séu  í  raun  komnar á
undirbúningsstig á þessu kjörtímabili, þótt ekki sé gert ráð fyrir þeim í
stjórnarsáttmálanum.  Allt virðist geta gerst í þeim efnum.

  Innan Sjálfstæðisflokksins eru í dag sterk öfl sem þrýsta fast á
Evrópusambandsaðild Íslands og upptöku evru. Greinilegt er að
Þorgerður Katrín ætlar að leiða þau öfl innan flokksins. Alvarlegur
klofningur  er því í uppsiglingu innan Sjálfstæðisflokksins, eins
og raunar innan  flestra  annara flokka varðandi Evrópumálin.

 

Hefur áhyggjur af borgarmálum

Athugasemdir

[Gunnlaugur Snær Ólafsson (IP-tala skráð) 15.5.2008 kl. 11:34]

Þetta er nú ekki alveg rétt. Ég var á þessum umrædda fundi, og sagði hún ekki að ESB aðild væri markmið, en að umræðan þurfti að vakna innan flokksins.

Hún gerði ansi margar athugasemdir gagnvart ESB, en þó er rétt hjá þér að hún líklegast er meðal þeirra sem eru að mýkjast í þessum málum.

Bjarni Ben kom hinsvegar með aðra skynsamlega afstöðu...

[Guðmundur Jónas Kristjánsson, 15.5.2008 kl. 11:55]

Gunnlaugur. Tölum hreint út um hlutina. Sá sem er tilbúin til að
gera það miklar breytingar á fullveldisákvæðunum í stjórnarskránni
þannig að Ísland geti gerst aðili að ESB, hlýtur að vilja  greiða
fyrir aðild Íslands´að ESB. Og sá sem vill þjóðaraðtkvæðagreiðslu
um slíka aðild eins og eldheitir ESB-sinnar krefjast, hlýtur  þar með   vilja greiða fyrir slíkri aðild. Þannig að það fer EKKERT á milli mála
hvert hugur Þorgerðar Katrínar  stefnir í þessum málum...

[Gestur Guðjónsson, 15.5.2008 kl. 12:54]

Guðmundur. Það er alveg ljóst að það þarf að gera þessar breytingar á stjórnarskránni, óháð því hvort við sækjum um ESB eða ekki. Það er miklum vafa undirorpið hvort EES aðildin standist stjórnarskrá, eða annað alþjóðasamstarf ef út í það er farið.

Þess vegna verður að fara í þá vinnu að breyta stjórnarskránni hvað þetta varðar og reyndar svo margt annað, sem verður að fara í, en Geir H Haarde virðist ekkert áfram um að sú vinna fari fram eða verði vönduð, því í hana þyrfti að fara þegar í stað ef vandaðar tillögur ættu að liggja fyrir fyrir næstu kosningar til Alþingis.

[Guðmundur Jónas Kristjánsson, 15.5.2008 kl. 13:59]

Gestur minn. Ekki misskilja. Það er án efa sem margt má betur fara
í stjórnarskránni. Held að um það sé ekki ágreiningur. En hversu
aðkallandi það er - er allt annað mál. Hins vegar eins og þú veist
þá þarf að gera verulegar breytingar á henni ef Ísland á að geta
gerst aðili að ESB. Þar er um að ræða verulegt framsal á fullveldi.
Við andstæðingar aðildar Íslands að ESB- erum m.a á móti aðild að
ESB einmit út af þessu mikla fullveldisfraamsali, þótt ótal margt
komi til. Þess vegna er lítill samhljómur í málflutningi þeirra sem
segjast a.m.k í orði vera á móti ESB vegna fullveldisafsalsins, en
vilja samt greiða götu þeiira fullveldisbreytinga á stjórnarskránni
svo að aðildinni geti orðið. Bjarni Harðarson er t.d heill í sinni
afstöðu hvað þetta varðar, og hefur sagt að hann munu ekki samþykkja svo mikla breytingu á stjórnarskránni hvað fullveldið
varðar sem ESB-sinnar vilja að gerðar verði.

Það er þetta sem málið snýst um Gestur. Engar aðkallandi
breytingar kalla á í stjórnarskránni varðandi alþjóðleg samskipti
okkar í dag. Kannski skýrir það að Geir er ekkert að flýta sér í
þeim efnum. Skil hann mæta vel í því og styð.

Sem ESB-andstæðingur dettur mér því ekki hug að styðja
breytingaáform ESB-sinna á stjórnarskránni. Þeir sem styðja þá
í því eru í raun að greiða fyrir ESB-aðilidinni og sigla því undir
fölsku flaggi. Það er ekki flóknara en það Gestur minn ...

[Magnús Helgi Björgvinsson, 15.5.2008 kl. 19:13]

Er það ekki rétt skilið hjá mér að hún vill þjóðaratkvæðagreiðslu um hvort við eigum að fara í viðræður.

Er ekki rétt að gera það? Er ekki stjórnmálamanna að fara að vilja meirihluta þjóðarinar? Stjórnmálamenn né aðrir eiga ekkert með að láta sem að þeir viti betur en þjóðin.

Ef að málið og ESB fær kynningu bæði kostir og gallar og síðan kosið um hvort að hefja skuli aðildarviðræður væri væntanlega verið að fara að vilja þjóðarinnar. Og síðan ef að samningar tækjust yrðu þeir kynntir og við fengjum aftur að kjósa um þá.

 Verður ekki betra, nema kannski að ég vildi að þetta ferli færi í gang fyrr.

[Guðmundur Jónas Kristjánsson, 15.5.2008 kl. 19:58]

Magnús. Þeir stjórnmálamenn sem geta ekki tekið hreina og  klára
afstöðu í stærsta pólitíska hitamáli lýðveldisins, eiga ekkert erindi
í stjórnmál. Meðan Alþingi Íslendinga hefur ekki tekið þá pólitisku
meirihlutaákvörðun að Ísland skuli sækja um ESB-aðild er bæði
þjóðaratkvæðakreystla  ótímabær  og rugl og sömuleiðis breyting
á stjórnarskránni!