Ísland taki alls ekki þátt í öðru ,,köldu stríði"

   Átökin í Georgíu meiga alls ekki verða til þess að nýtt ,,kalt stríð"
hefjist. Engu að síður virðast margt benda til þess af ummælum Dick
Cheney varaforseta Bandaríkjannan að dæma í gær. Þar hvetur hann
til að NATO-ríkin sameinist gegn ágangi Rússa. Gamalkunnur frasi
Bandaríkjamanna á tímum kalda stríðsins.

   Átökin í Georgíu eru flókin, og langt í frá svört og hvít. Upptök
áttakanna er Því líka hægt að horfa útfrá tveim sjónarhólum. Engu
að síður er það staðreynd að eftir að her Georgíu fór yfir landamærin
við S-Ossetíu HÓFUST stríðsátök með inngripum Rússa. Gleymum
því ekki að í S-Ossetíu býr sérstök þjóð, sem ásamt N-Ossetíu á
skýlausan rétt til að verða sjálfstæð og fullvala þjóð. Því  þegar
þjóðmenning og tunga myndar þjóð eins og t.d í Tíbet eigum við
Íslendingar ÆTÍÐ að skilja og styðja sjálfstæðisbaráttu slíkra þjóða.
Því okkar sjálfstæði og fullveldi er einmitt byggt á slíkum rétti og
skilningi.

  Það sem gerir málið flóknara er að í vetur var hérað innan Serbíu,
Kosovo, viðurkennt sem sjálfstætt  ríki, þrátt fyrir mótmæli Serba.
Í Kosovo býr engin sérstök þjóð, heldur mörg þjóða-og trúarbrot.
Þarna leku Vesturveldin meiriháttar af sér, sem nú er að koma
þeim í koll varðandi Georgíu-átökin. Því með engu móti er hægt
að rökstyðja sjálfstæði Kosovo en andmæla um leið rétti Osseta
til sjálfstæðis. Ísland átti því alls ekki að styðja sjálfstæði kosovo.
 
    Margt óæskilegt hefur verið að gerast á undanförnum misserum
í samskiptum Bandaríkjamanna og Rússa. Uppsetning bandariskra
eldflauga í nánast túnfæti Rússa í Póllandi og Tekklandi hefur að
SJÁLFSÖGÐU valdið hörðum viðbrögðum Rússa. Eða hvað myndu
Bandaríkjamenn segja ef Rússar hyggðust setja upp eldflaugar á
Kúbu í dag? Viðbrögð Bandaríkjanna myndu að sjálfsögðu verða þau
sömu og í Kúbudeilunni 1961.  - En þarna eru Bandaríkin nú einmitt
að ögra Rússum eins og Sovétríkin ögruðu Bandaríkjunum 1961. Er
þetta ekki nokkuð ljóst? Styðja íslenzk stjórnvöld þessa eldflauga-
deilu?

   Herskipauppbygging Bandaríkjanna við Georgíu þessa daganna er
einnig ögrun við Rússa. Bandaríkin myndu aldrei samþykkja slíka
rússneska flotauppbyggingu við austurströnd Bandaríkjanna. 
Aldrei!

   Eðlilega vilja margir tengja aukna hörku Bandaríkjanna ganvart
Rússum þessa daganna bandarisku forsetakosningum. Hinir engil-
saxnesku haukar virðast þurfa á slíku köldu stríðu að halda. Gjör-
samlega fáránlegt!!!. Því nú eru Rússar loks orðnir frjáls kristin
þjóð. Hafa brotist undan járnhæl kommúnismans. Tekið upp frjálst
markaðskerfi  og komið á lýðræðislegu stjórnskipulagi. Hvers vegna
eigum við Vesturlandabúar að fara að fjandskapast einmitt við þá
núna? KRISTNA  þjóðina?  Horfandi á allt aðrar hættur sem VIRKILEGA 
ÓGNA  vestrænum samfélögum og VESTRÆNUM gildum í dag, sbr.
öfgafullir íslamistar og hreyfingar þeim tengd útum alla Evrópu.
 Hverskonar rugl er þetta allt saman?

   Ísland á því ALLS EKKI að taka þátt í því að búa til kalt stríð aftur! 
Ísland á því að skipa sér í sveit þeirra þjóða sem vilja hamla á móti
slíku!  Og láta rödd sína heyrast hátt og skýrt í því sambandi.!!!  

  

 
  

Cheney: NATO-ríkin verða að sameinast gegn ágangi Rússa

Athugasemdir

[Óskar Helgi Helgason (IP-tala skráð) 7.9.2008 kl. 00:28]

Heill og sæll; Guðmundur Jónas !

Þakka þér; liðveizluna, kæri spjallvinur. Þrátt fyrir meiningarmun okkar, öðru hvoru, veit ég ætíð, að ég á hauk í horni, þar sem þú ert, Guðmundur minn.

Með beztu kveðjum, sem oftar /

Óskar Helgi Helgason 

[Magnús Jónsson, 7.9.2008 kl. 00:58]

Guðmundur : hjartanlega sammála þér berum klæði á vopnin, verum öðrum fyrirmynd í þessari deilu, það er nóg komið af ofbeldi í Evrópu.

[Ólafur Þórðarson, 7.9.2008 kl. 09:17]

Já og bara nóg komið af því að taka þessa brjálæðinga í Hvíta húsinu trúanlega! Það er ekkert að marka það sem kemur frá þessu brenglaða liði. Kalt stríð er tilbúningur hvíta hússins.

[Sigríður Bryndís Baldvinsdóttir (IP-tala skráð) 7.9.2008 kl. 13:08]

Innilega sammála þér í þessu Guðmundur Jónas, Ísland átti ekki að styðja sjálfstæði Kósóvó, heldur mun frekar styðja Ossetiu til sjálfstæðis , enda ekki saman að líkja. Ætlar ísland svo að styðja það þegar múslimar innan Þýskalands eða Svíþjóðar eða annara nágrannaríkja munu búa til land innan okkar landa og heimta sjálfstæði? Ekki langt í það, enda tala múslimar núþegar um Berlín sem höfuðborg þeirra í Evrópu, vegna þess hve vel þeim gengur að taka yfir þar.  Hræsnin innan Nató er óendanleg, og ég vil sjá Ísland segja sig úr Nató sem fyrst.

og já fólk þarf að fara að standa upp og ÞORA að segja sína meiningu varðandi þetta.

Kveðja

SiggaDís

[Guðmundur Jónas Kristjánsson, 7.9.2008 kl. 17:05]

Þakka ykkur 4  fyrir innlegg ykkar og stuðning við viðhorf mín.