Vantraust Jóns Baldvins á Ingibjörgu Sólrúnu

    Í kvöldfréttum Stöðvar 2 galopnar Jón Baldvin Hannibalsson
fyrrverandi krataforningi á allar gáttir og segist ekki skorast
undan endurkomu í stjórnmálin  verði  eftir því  leitað. Segist
vera reiðubúinn  að  vinna MEÐ HVERJUM SEM ER.  Hann er
vonsvikinn með Samfylkinguna, hún hefði ekki staðið sig sem
skyldi í Evrópumálunum og að ríkisstjórnin væri ekki að standa
sig.

   Þetta er meiriháttar vantraust á Ingibjörgu Sólrúnu Gísla-
dóttir formanns Samfylkingarinnar  frá einum  merkasta fyrrv. 
krataforingja. Ekki verður  annað  lesið  í  þetta  en dulbúna
hótun um að nýr krataflokkur sjái dagsins ljós áður en langt
um líður. 

     Það var Jón Baldvin sem á sínum tíma kom Íslandi inn í
EES-samninginn. Illu heilli. Því með mörgum rökum má nú
fullyrða að það hafi einmitt verið fyrir tilverknað EES-sam-
ningsins sem bankahrunið, icesave-reikningar og  bresk
hryðjuverkalög ásamt tilheyrandi OFUR-skuldasúpu blasir
nú við íslenzku þjóðinni. - Hefði Jóni Baldvini ekki tekist að
þröngva EES-samningnum upp á þjóðina, heldur að gerður
hafi verið venjubundinn viðskiptasamningur við ESB eins
og við öll önnur viðskiptalönd Íslands, væri íslenzk þjóð í
MJÖG góðum málum í dag.

  Greinilegt er að Jón Baldvin kann ekki að sammast sín
gagnvart þjóð sinni í dag. Ekki frekar er Samfylkingin sem
vill nú ganga skrefinu lengra en Jón Baldvin á sínum tíma,
með innlimun Íslands í ESB, með tilheyrandi afsali á fullveldi
og yfirráðum yfir íslenzkum auðlindum.

 

Athugasemdir

[Ingólfur T Garðarsson, 31.12.2008 kl. 00:43]

Sé þetta ekki sem frétt.  Er Jón Baldvin merkur stjórnmálamaður?.  Það get ég ekki séð og hef þó fylgst með honum í tæp 40 ár.  Hann er á sama level og Ingibjörg nema betur gefinn og betur máli farinn.

[Guðmundur Jónas Kristjánsson, 31.12.2008 kl. 00:49]

Ingólfur. Í mínum huga er Jón Baldvin merkur krataforðingi, en kratar eru
merkir fyrir eindæmis rugl og óþjóðlegheit, og því Jón merkur sem slíkur.

[Skarfurinn, 31.12.2008 kl. 10:18]

Mér sýnist þú misskilja þetta allt viljandi eða óviljandi, hefði verið betur hlustað á Jón Baldvin á sínum tíma værum við komin í ESB fyrir 6-8 árum og hefðum sloppið mun betur við hrunið og með alvöru gjaldmiðil, það er alkunna að EES samningurinn hefur fært okkur tugi milljarða í gegnum tíðina, tollfríðindi og annað slíkt. Hitt er svo annað mál að  stjórnmála- og embættismenn okkar  hafa greinilega ekki lesið smáaletrið í samningunum varðandi sjálfsábyrgð ríkja í sambandi við Icesafe reikningana (20 þ eur) þá er það þeirra klúður 100%, en ekki hægt að klína á ESB. 

[Guðmundur Jónas Kristjánsson, 31.12.2008 kl. 10:43]

Skarfur. Þú ert að miskilja. HVERGI er að finna beina lagastoð varðandi
EES-regluverkið að óbreyttir íslendingar þurfi að taka á sig 600 milljarða
ábyrgð á því sem EINKAFYRIRTÆKI hafa búið til á EES-svæðinu. ENGINN.
Einungis túlkunaratriði Breta. Þá er alveg með ólíkindum að þjóð á EES-svæðinu komist upp með það að beita aðra EES-þjóð hryðjuverkalögum í
viðskiptum.  Bendi á að Evran hefur sviflast á þriðja tug
prósenta gagnvart dollar síðustu mánuði. Er evran þá handónýtur gjaldmiðill?  Bendi þér á hversu evran er að verða meiriháttar vandamál,
því hvorki gengi hennar eða vextir taka nokkurt mið af efnahagsástandi
viðkomandi ríkis, hagkerfis, á evrusvæðinu. Enda meiriháttar kreppa í
uppsiglingu þar, spáð td 15% atvinnuleysi á Spáni.
EES-samninginn hefði ALDREI átt að gera heldur beinan viðskiptasamning
við ESB eins og við gerum við öll önnur ríki. Værum þá ekki í þeirra
hrikalegu skuldasúpu og við erum í dag.

[Skarfurinn, 31.12.2008 kl. 15:17]

Mér finnst með ólíkindum að þú skulir kenna EES um bankahrunið, þetta var sofandaháttur FME og SÍ ásamt ótrúlegri græðgi bankastjóra gömlu bankanna einku Sigurjóns hjá LÍ sem komu okkur á kaldan klaka, eftirlststofnanir sváfu á verðinum. Svo talar þú um atvinnuleysi í ESB ríkjunum sem er að hluta til rétt ábending og slæmt mál, en þú gleymir risamáli fyrir okkur Íslandinga sem eru hæsto okurvextir í heimi og verðtryggingin sem er alla lifandi að drepa og aðeins leyfð hér, í Ísrael og einu landi öðru, en yrði strax afnumin við inngöngu í ESB ásamt lægra matarverði, þetta eru engin smámál finnst mér.