Formaður Framsóknar á pólitískum villigötum !

   Hann fer ekki gæfulega  af  stað hinn  nýkjörni  formaður
Framsóknarflokksins.  Það fyrsta  sem  hann leggur  til   á
sínum nýbyrjaða pólitíska ferli  er að þjóðin fari úr öskunni
í eldinn. Vill að hér verði mynduð vinstristjórn í skjóli og með 
stuðningi Framsóknar. Að Samfylkingin og Vinstri-grænir myndi
hér rauð-græna stjórn.  Ríkisstjórn með afdönkuðum sósíal-
istum  og öðrum vinstrisinnuðum róttæklingum með nýtinga-
banni á okkar helstu auðlindir,  - og handónýtri Samfylkingu
sem hugsar um það eitt dag og nótt að koma þjóðinni undir
erlend yfirráð. -  Er þetta forsmekkurinn af því nýja Íslandi
sem  hin ,,nýja Framsókn"  boðar  undir  forystu Sigmundar
Davíðs?

   Hér er formaður Framsóknar á algjörum pólitískum villigötum.
Í stað þess að leiða hina gjörónýtu og and-þjóðlegu Samfylk-
ingu til enn meiri vegs og virðingar í íslenzkum stjórnmálum,
á formaður Framsóknar að sjálfsögðu  að  krefjast  kosninga
nú þegar, ásamt því að forseta verði falið að mynda utanþings
ríkisstjórn, neyðarstjórn, meðan kosningar fara fram og ný
ríkisstjórn tekur við. - Því það þarf allsherjar uppstokkun og
hreinsun í íslenzkum stjórnmálum í dag. Ekki bara í banka, -
fjármála- og embættismannakerfi. - Það þarf í raun allsherjar
,,hundahreinsun" ásamt því að allir þeir mafíósar sem ollu
efnahagshruninu, verði sóttir til ábyrgðar, settir inn bakvið
lás og slá, og með eignafrystingu meðan mál þeirra verði
rannsökuð. - Þetta er það sem þjóðin krefst í dag. - En það
skilur hinn nýi formaður Framsóknar alls ekki, sem virðist al-
gjörlega blindur af úreltri, afturhaldssamri og and-þjóðlegri
vinstrimennskuhugmyndum. 

  Hinn nýi formaður  Framsóknar veldur miklum vonbrigðum. Í
stað þess að vilja endurnýja Framsókn á þjóðlegum grunni á
mið/hægri kannti íslenzkra stjórnmála, þar sem mesta pólitíska
uppstokkunin er þörf, á nú að leiða flokkinn í átt að úreltri og
óþjóðlegri vinstrimennsku, með sósíaldemókratisku ESB-ívafi 
ásamt daðri við vinstrisinnaða róttæklina og anarkista úr
Vinstri-grænum. -    Þvílíkt pólitískt hlutskipti fyrir Framsókn
og hinn nýja formann!


 

Vill verja minnihlutastjórn falli

Athugasemdir

[Ragnar Eiríksson, 22.1.2009 kl. 01:14]

Þetta er hryllilegt - í einu orði sagt hryllilegt!    Daður svona vinstri-vinstri er ekki það sem pilsnerfylgis flokkurinn á að gera!   Hann á að "krefjast  kosninga
nú þegar, ásamt því að forseta verði falið að mynda utanþings ríkisstjórn, neyðarstjórn, meðan kosningar fara fram og ný ríkisstjórn tekur við."   Þetta segir Guðmundur!     Halleluja.

Ragnar