VG og Frjálslyndir styðja ESB-væðingu stjórnarskrárinnar

    Ein af höfuðástæðum þess kapps sem Samfylkingin leggur á
varðandi breytingu á stjórnarskránni um þjóðaratkvæðagreiðslur
nú fyrir þinglok, er sú að hún mun mjög auðvelda allt ESB-aðildar-
ferlið á næsta kjörtímabili. Því þá þarf ekki að  rjúfa þing  og  efna
til kosninga til  að stórskerða  fullveldisákvæði  stjórnarskrárinnar.
Að Framsókn skuli styðja þessa breytingu er skiljanlegt, því Fram-
sókn er orðin yfirlíst ESB-sinnaður krataflokkur. Hins vegar kemur
það verulega á óvart að Frjálslyndir skuli standa að slíkri breytingu.
Skv yfiirlistri stefnu flokksins er hann ekki hlynntur ESB-aðild. Samt
ætlar hann að stór greiða fyrir ESB-umsókn með því að styðja frum-
varpið. Í þessu máli sem fjölmörgum öðrum málum er flokkurinn
ekki samkvæmur sjálfum sér, enda fylgið eftir því. VG hafa hins
vegar sýnt að þeim er ALLS EKKI treystandi í Evrópumálunum,
enda fylgjandi þjóðaratkvæðagreiðslu um málið og þar með aðild-
arumsókn að ESB. Afstaða Sjálfstæðisflokksins til þessa máls er
hins vegar afar óljós, enda honum ekki heldur treystandi í Evrópu-
málum lengur.

   Það að efna til stjórnlagaþings er mun kosta hátt í milljarð nú í 
miðri kreppu er svo ekkert annað en vítavert hneyksli, og Framsókn
til háborinnar skammar að detta slíkt OFURbruðl með almennafé í
hug. Á sama tíma er t.d Landhelgisgæslan í algjöru fjársvelti.

  L-listinn, framboð þjóðfrelsis og fullveldissinna, er eina framboðið í
dag sem er heilt í þessu máli.  Styðjum L-listann! 

Telur stjórnlagaþing kosta meira en milljarð

Athugasemdir

[Hilmar Gunnlaugsson, 7.3.2009 kl. 00:45]

Ég tel það eðlilegt að atkvæðagreiðsla verði haldin um inngöngu í sambandið.

[Guðmundur Jónas Kristjánsson, 7.3.2009 kl. 00:52]

Enda algjör ESB-sinni Hilmar. Skil þig mjög vel á þeim forsendum!

[Hilmar Gunnlaugsson, 7.3.2009 kl. 01:16]

Ég tel ýmsa kosti vera við sambandið en jafnframt galla. Hef því ekki enn gert hug minn upp með ESB en tel það lang eðlilegast að þjóðin fái að ráða í kjörklefunum.

[Guðmundur Jónas Kristjánsson, 7.3.2009 kl. 01:30]

Hilmar. ENGINN hefur áhuga á að nálgast það sem hann er andvígur á grundvelli upplýsinga. Hvet því þig til að kynna þér ESB. Allar upplýsingar um það liggja fyrir. Svo er það bara kalt persónulegt og pólitískt mat hvers
og eins að meta. Hef gert það. Niðurstaðan. MJÖG andvígur! Er því ALFARIÐ
á móti aðild að ESB og þjóðaratkvæði um það! Svo einfallt mál er það hér
Hilmar og hjá okkur L-listafólki.....

[Hilmar Gunnlaugsson, 7.3.2009 kl. 16:34]

Ég á enn eftir að gera upp hug minn. Margar upplýsingar liggja fyrir og tel ég erfitt verk að meta þær allar.

[Guðmundur Jónas Kristjánsson, 7.3.2009 kl. 16:58]

Bara ein grundvallarspurning. Ertu hlynntur því að ESB-þegnar geti eignast
meirihluta í ísl. útgerðum og komist yfir hinn dýrmæta kvóta þeirra? En
það mun gerast gangi Ísland inn í ESB með ófyrirséðum efnahagslegum
afleiðingum..

[Hilmar Gunnlaugsson, 8.3.2009 kl. 01:07]

Er það víst? Nú hefur verið talað um að undanþágur verði veittar okkur ef við göngum inn í sambandið.

[Georg Eiður Arnarson, 8.3.2009 kl. 15:45]

Sæll Guðmundur , að gefnu tilefni , ég er alfarið á móti inngöngu í ESB . kv .