Sjálfstæðisflokkur stefnir á ESB. L-listinn skýr valkostur gegn því !

    Þorgerður Katrín Gunnarsdóttir vara-formaður Sjálfstæðisflokksins,
sagði í þætti Bylgjunnar á Sprengisandi í gær, að allt benti til  að eftir
landsfund flokksins myndi hann opna á aðildarviðræður við Evrópu-
sambandið. Ef það yrði niðurstaðan, yrði það grundvallarbreyting  á
stefnu flokksins í Evrópumálum. Mjög sterk öfl innan flokksins kalla
á aðild að ESB, og fjölmargir sjálfstæðismenn  tala fyrir  því  í  dag.
Þannig er Bjarni Benediktsson sem er sterklega talinn næsti formað-
ur flokksins, fylgjandi aðildarviðræðum, og svo er um ýmsa þingmenn
flokksins, eins og Jón Magnússon, sem er hlynntur aðild að Evrópu-
sambandinu.

   Fyrir okkur þjóðfrelsis-og fullveldissinna er nánast ENGUM flokki
á Alþingi Íslendinga lengur treystandi í Evrópumálum, þótt meirihluti
þjóðarinnar sé andvíg aðild. Þannig er Framsókn orðin ESB-sinnaður
krataflokkur eins og Samfylkingin. Vinstri-græn tala fyrir aðildarvið-
ræðum og þar með umsókn að ESB, því aðildarviðræður geta ekki
orðið nema sótt verðu um aðild. Þá syðja Vinstri grænir breytingu á
stjórnarskránni um þjóðaratkvæðagreiðslur, sem auðveldar mjög að
breyta fullveldisákvæðum stjórnarskrárinnar eftir kosningar, og þar
með aðild að ESB. Frjálslyndir styðja þá breytingu, en formaður þing-
flokks þeirra var til skamms tíma yfirlýstur ESB-sinni. Og þannig mætti
lengi telja.

   Því er það ánægjuefni fyrir okkur þjóðfrelsis-og fullveldissinna að
tilkynnt hefur verið um framboð, sem ALFARIÐ hafnar öllum hugmynd-
um um aðildarviðræður og umsókn að Evrópusambandinu. Framboð
sem vill standa vörð um sjálfstæði og fullveldi Íslands.  Framboð
hófsamra BORGARLEGRA GILDA.   Framboð sem ESB-andstæðingar
geta 100% treyst. - Framboð L-listans.

   Innan grasrótar Sjálfstæðisflokks og Framsóknarflokks er mikil
andstaða við ESB-aðild. Sú grasrót á nú að koma til liðs við L-list-
ann. - Það er svo míkið í húfi, því fullveldið og sjálfstæði þjóðar-
innar er forsenda fyrir endurreisn efnahags hennar  á næstu
árum.

Athugasemdir

[Haraldur Hansson, 9.3.2009 kl. 11:30]

Það væri óskandi að umræðan um ESB færi að snúast um meira en evru, kreppu, fisk og auðlindir. Að menn gætu litið lengra nefi sínu og horft 30 ár fram í tímann. Hugsi um hver staðan verður þegar kreppan er búin og gleymd en við komin í þetta stóra samband. Að menn skoði bæði söguna og framtíðina. Átti sig á að þetta er ekki klúbbur sem þú gengur í til að redda kreppu og ferð svo bara aftur heim þegar því er lokið.

Það er framsalið á ríkisvaldinu sem mun draga úr framtaki og slagkrafti þjóðarinnar. Það er eitthvað sem bæði okkar saga og annarra kennir okkur. Nokkuð sem gerist ekki í einum grænum heldur læðist aftan að okkur á nokkrum áratugum.  Í því liggur hættan - þar verður skaðinn.

Það skiptir nákvæmlega engu máli hvernig samningar bjóðast, við verðum að segja nei. 

[Guðmundur Jónas Kristjánsson, 9.3.2009 kl. 13:33]

Takk fyrir Haraldur. 100% sammála.