Framsókn berst gegn hagsmunum bænda og sjómanna!

    Gagnstætt Fullveldissinnum, berst Framsókn gegn grundvallar-
hagsmunum bænda og sjómanna. Er orðin einskonar anti-bænda-
og sjómannaflokkur. Hefur nú gerst ESB-flokkur eins og kratar, já
og raunar VG líka, og vill nú að sótt verði um aðild að ESB.  Sem
Búnaðarþing andmælti kröfuglega fyrir nokkrum vikum, og sagði
ESB-aðild leggja íslenzkan landbúnað í rúst. Þá hefði ESB-aðild
skelfilegar afleiðingar fyrir íslenzkan sjávarútveg. ESB-þegnar
myndu komast yfir kvótann á Íslandsmiðum með tíð og tíma,
með hrikalegum efnahagslegum afleðingum.  Það er alveg með
ólíkindum hvernig Framsókn hefur nú svikið grasrót sína. Hver
hefði getað ímyndað sér fyrir 10 árum að Framsókn ætti eftir að
verða ESB-sinnaður krataflokkur árið 2009?

   Þá hefur ESB-vírusinn gjörsamlega smitað Steingrím J  og
félaga. Eru nú orðnir GALOPNIR fyrir aðildarviðræðum og að
sótt verði um ESB. Sem út af fyrir sig er ekki svo skrítið, því
kommúnistar og vinstrisinnaðir róttæklingar HAFA ALDREI
hugsað um íslenzka hagsmuni, þegar flokkshagsmunir eru
í húfi.

   Bændur og sjómenn geta því lagt allt sitt traust á L-lista
fullveldissinna í komandi kosningum.  Eina framboðið  sem
berst gegn ESB aðild en fyrir fullveldi og sjálfstæði Íslands.

Framsókn vill í vinstrisæng