Icesave-saminganefnd í rannsókn ! Landsdómstóll settur yfir ráðherra!

   Fyrir liggur nú svart á hvítu að samninganefndin sem fór með
icesave-málið hefur framið alvarleg og refsiverð afglöp gagnvart
íslenzkum hagsmunum. Greinar þeirra Eiriks Tómassonar, laga-
prófessors og Ragnars Hall hæstaréttarlögmanns, í Mbl. í gær
sýna það svo verður ekki um villst. Afglöpin og yfirsjón svokölluðu
samingamanna munu kosta íslensku þjóðina FLEIRI HUNDRUÐ
MILLJARÐA, nái svikasamningurinn fram að ganga á Alþingi Ís-
lendinga.

   Þetta er með HREINUM EINDÆMUM!  Og enn ætlar fjármála-
ráðherrann að reyna verja glæpinn sem icesave-nefndin  er
nú sek um og er nú BERSKJÖLDUÐ frammi fyrir alþjóð. Hér er
um svo alvarlegt mál að ræða, að þetta kallar á tafarlausa rann-
sókn. - Hvernig í VERÖLDINNI gat það gerst að menn skyldu
VOGA SÉR að skrifa upp á slíkan ALRÆMDAN VERSALASAMING
í tíunda veldi? - Fjármálaráðherra, sem ber pólitíska ábyrgð
á þessum  glæpsamlega nauðasamningi, ætti tafarlaust að
segja af sér. Í framhaldinu ætti að setja Landsdóm yfir hann.

   Það er með HREINUM ÓLÍKINDUM hversu  illa hefur verið
haldið á þessu máli allt frá upphafi. Og athyglisvert er að
það þurfti ríkisstjórn kommúnista og krata til að KLÚÐRA því
ALGJÖRLEGA. Enda fyrrverandi leiðtogi hérlendra kommúnista
sem fór fyrir nefndinni. Já, ALLTAF SKAL  ÞAÐ VERA VINSTRI-
MENNSKAN SEM FER FRAM Þ V E R T  Á  ÞJÓÐLEGA HAGSMUNI!

   Því miður er enn ekki til staðar róttækur þjóðfrelsisflokkur
til að taka á málum, og hreinsa ÆRLEGA til í íslenzkum
stjórnmálum og efnahagslífi. SPILLING, AULAHÁTTUR og
AUMINGJASKAPUR blasir nefnilega þar hvarvetna við enn
þann dag í dag, eins og icesave-klúðrið sannar svo hriklega. -

   Icesve-málið MÁ MEÐ ENGUM KRINGUMSTÆÐUM  verða
samþykkt á Alþingi Íslendinga, eins og Eiríkur Tómasson
lagaprófessor segir. - Verður það gert, mun íslenzka þjóðin
gera uppreisn gegn hinni alræmdu and-þjóðlegu vinstristjórn 
kommúnista og krata, sem því miður situr enn við völd......... 

   Já, það mun SJÓÐA UPP ÚR!!!!!!!!!!

„Menn sömdu af sér“

Athugasemdir

[Guðmundur Jónas Kristjánsson, 21.7.2009 kl. 00:28]

Góð spurning Dóra!

[Margrét Sigurðardóttir, 21.7.2009 kl. 04:07]

"" ALLTAF SKAL  ÞAÐ VERA VINSTRI-
MENNSKAN SEM FER FRAM Þ V E R T  Á  ÞJÓÐLEGA HAGSMUNI!""

Hvað með SjálfstæðisFLokkinn og Framsókn? Fóru þeir ekki fram gegn íslenskum þjóðarhagsmunum sl. 20 ár?

[Guðmundur Jónas Kristjánsson, 21.7.2009 kl. 09:01]

Ekki alla vega svona HRIKALEGA.  Versalasamingur í tíunda veldi og
stórkostleg aðför að fullveldi og sjálfstæði þjóðarinnar með ESB-AÐILDARUMSÓKN er borðliggjandi ÞVERT Á ÞJÓÐARHAGSMUNI þar sem
vinstriöflin standa fyrir í dag Magrét. Liggur það þér ekki ljóst fyrir?

[Magnús Helgi Björgvinsson, 21.7.2009 kl. 10:28]

Guðmundur bíddu nú við. Hvað er verið að reyna að bjarga. Eru það ekki skuldbindingar sem á okkur hafa lent vegna þess að bankarnir skulduðu svo mikið. Aðallega vegna þess að eftirlit með þeim var ekki stóraukið í kjölfar einkavæðingar. Einkavæðingar þar sem gefnir voru tugir milljarða til fjárglæframanna sem stálu svo af okkur milljörðum á milljarða ofan sem og Bretum, Hollendingum og fleirum.

Og svo væri nú spurning af hverju þú heldur að IceSave nefndin hafi framið refsiverðan glæp. Þú gerir þér væntanlega grein fyrir því að samninganefnd er til þess að semja um hluti. Það eru svo stjórnvöld sem ákveða hvort að samnigur sé samþykktur.

[Sigurður Þórðarson, 21.7.2009 kl. 10:33]

Eins og alþingi er skipað þá myndi Samfylkingin ráða mestu um skipan Landsdóms

[Magnús Helgi Björgvinsson, 21.7.2009 kl. 11:00]

Og Guðmundur greinar Eiríks og Ragars sýna bara ekki  endanlega niðurstöð sbr. þessa grein úr Mogganum í dag:

„ÞEIR Ragnar H. Hall lögmaður og Eiríkur Tómasson lagaprófessor hafa á opinberum vettvangi haldið því fram að skuldbindingar vegna innstæðutrygginganna í Icesave-málinu hafi verið rangt reiknaðar. Takmarkaður rökstuðningur hefur fylgt fullyrðingum þeirra en þó verður helst skilið að þeir telji að réttur lagaskilningur leiði til þess að krafa ábyrgðarsjóðs innstæðutrygginga eigi að njóta einhvers konar aukins forgangs fram yfir aðrar forgangskröfur við úthlutun úr þrotabúi Landsbanka. Í því sambandi er vísað til þeirra reglna sem beitt hafi verið við úthlutun til Ábyrgðasjóðs launa eftir að hann hefur leyst til sín hluta af forgangskröfu launamanns.

Þessi skilningur á gildandi framkvæmd um úthlutun til Ábyrgðasjóðs launa er okkur framandi. Þó höfum við bæði fengist mikið við gjaldþrotarétt, bæði sem skiptastjórar og sem kennarar í fullnusturéttarfari. Þvert á móti teljum við að gildandi framkvæmd sé eindregið þannig að Ábyrgðarsjóður launa eignist einungis hliðsetta stöðu við launamanninn sem hann keypti hluta kröfu af þegar kemur að úthlutun úr þrotabúi en alls ekki neina frekari forgangsstöðu. Þetta teljum við að hafi verið óumdeild framkvæmd við gjaldþrotaskipti hérlendis um árabil. Á þetta hefur þó ekki reynt fyrir dómstólum svo okkur sé kunnugt.

Rétt er að taka fram að neyðarlögin svokölluðu koma þessu máli ekki við að öðru leyti en því að þau áskildu að innstæður skyldu taldar meðal forgangskrafna. Í 112. gr. laga um gjaldþrotaskipti o.fl. eru innstæður ekki taldar upp meðal þeirra krafna sem njóta forgangs við gjaldþrotaskipti. Forgangur innstæðna helgast hins vegar af ákvæðum neyðarlaganna og síðar laga nr. 44/2009 um breytingu á lögum um fjármálafyrirtæki. Í þeim er tekið fram að við slitameðferð fjármálafyrirtækis skuli: „kröfur um innstæður samkvæmt lögum um innstæðutryggingar og tryggingakerfi fyrir fjárfesta jafnframt teljast til krafna sem njóta rétthæðar skv. 1. og 2. mgr. 112. gr. laga um gjaldþrotaskipti o.fl.“ Í 115. gr. laga um gjaldþrotaskipti o.fl. er tekið fram að „[v]ið framsal eða önnur aðilaskipti að kröfu fylgja réttindi á hendur þrotabúi skv. 109.-114. gr.“ Í þessu felst árétting á þeirri almennu reglu sem ævinlega hefur verið talin gilda að gjaldþrotaskiptarétti og raunar hvarvetna í kröfurétti einnig, að framsalshafi kröfu eignist þann rétt sem framseljandi átti en ekki betri rétt eins og Ragnar og Eiríkur virðast álíta. Í 3. mgr. 10. gr. laga um innstæðutryggingar og tryggingakerfi fyrir fjárfesta segir: „Komi til greiðslu úr sjóðnum yfirtekur hann kröfu kröfuhafa á hendur hlutaðeigandi aðildarfyrirtæki eða þrotabúi. Krafa sjóðsins nýtur rétthæðar í samræmi við 1. mgr. 112. gr. laga um gjaldþrotaskipti o.fl....“ Tryggingasjóðurinn yfirtekur því hluta kröfu innstæðueiganda, að því marki sem sjóðurinn hefur greitt innstæðueiganda innstæðu sína. Þá verður í raun um að ræða tvær kröfur sem lýst verður í bú fjármálafyrirtækis vegna einnar innstæðu: kröfu Tryggingarsjóðs annars vegar og kröfu innstæðueiganda vegna þeirrar fjárhæðar, sem hann hefur ekki fengið bætta, hins vegar.

Það er því ljóst ef ákvæði laganna eru lesin að allar kröfur um innstæður samkvæmt lögum um innstæðutryggingar teljast forgangskröfur á grundvelli 112. gr. laga um gjaldþrotaskipti o.fl. Ekki verður séð að neins staðar í þessum eða öðrum lagaákvæðum sé mælt fyrir um mismunandi rétthæðar þeirra eftir því hver kröfuhafinn er. Í 112. gr. laga um gjaldþrotaskipti o.fl. segir: „Næstar kröfum skv. 109.-111. gr. ganga að réttri tiltölu við fjárhæð hverrar kröfu:“ Er því síðan lýst hvaða kröfur eigi þar undir. Ekki er gerður neinn greinarmunur á tegund krafna innbyrðis, eins og er t.d. gert í 110. gr. laganna. Þá er hvorki í lögum um innstæðutryggingar að finna ákvæði sem kveður á um að kröfur Tryggingasjóðsins skuli vera rétthærri en aðrar forgangskröfur, né heldur er fjallað um það í lögum um fjármálafyrirtæki. Þau lagaákvæði, sem veita Tryggingasjóðnum og almennum innstæðuhöfum forgangsrétt við úthlutun, vísa einungis til 112. gr. laga um gjaldþrotaskipti o.fl. Þar er ekki gert ráð fyrir innbyrðis forgangi þessara krafna heldur þvert á móti tekið fram að greiðast skuli upp í kröfurnar samkvæmt tiltölu.

Til að unnt væri að líta svo á að sumar forgangskröfur gengju framar öðrum þyrfti að vera til þess lagastoð eða sérstaklega um það samið milli upphaflegs forgangskröfuhafa og þess sem eignast hluta kröfu hans að sá síðarnefndi skuli njóta forgangs við úthlutunina."

[Loftur Altice Þorsteinsson, 21.7.2009 kl. 11:31]

Glæpur Icesave-stjórnarinnar er miklu stærri Guðmundur, því að stjórnin ætlar að leggja á þjóðina skuldaklafa sem almenningur á ekki greiða. Samkvæmt lögum Gvuðs og manna ber landsmönnum ekki að greiða innistæðu-tryggingar.

Evrópusambandið sjálft hefur margoft lýst þessu yfir, til dæmis í Tilvísun 94/19/EB og fjölmörgum skýrslum frá Seðlabanka Evrópu, sem undirritaðar hafa verið af sjálfum Jean-Claude Trichet.

[Elle_, 21.7.2009 kl. 12:31]

Og bæti þessu inn, Guðmundur:
Jón Danielsson, hagfræði-prófessor: Útreikningur Icesave-samnings gallaður,
21. júlí, 09:http://ruv.is/heim/frettir/frett/store64/item290657/

[Guðmundur Jónas Kristjánsson, 21.7.2009 kl. 17:50]

Takk fyrir innleggin hér. Málstaður ríkisstjórnarinnar fer dag-versnandi,
og á eftir að kosta hana lífið!