Stórsókn hægrisinnaða þjóðhyggjuflokka í Evrópu !

     Á meðan algjört tómarúm og ráðleysi ríkir á hægri kanti
íslenskra stjórnmála með tilheyrandi sósíaldemókrataískri
upplausn, berst hver fréttin á fætur annarri af stórsigrum 
hægrisinnaðra þjóðhyggjuflokka í Evrópu. 

   Nýjasta fréttin er af stórsókn Þjóðfylkingar Marine Le Pen,
en flokkur hennar nýtur nú 24% fylgi í aðdraganda kosninga
til  Evrópuþingsins  í  Frakklandi, meðan Gaullistar eru með 
22.5% og Sósíalistaflokkunin með 20.5%. En Le Pen vill 
m.a taka frankann upp á ný og yfirgefa ESB. Þá segir franska
blaðið Le Figaro frá könnun  í gær  sem sýnir að Le Pen muni
keppa í síðari umferð við næstu forsetakosningar.

   Frá Þýzkalandi berast svo fréttir frá  hinum hægrisinnaða
íhaldsflokki  WAHL Alternative , Valkostur fyrir Þýzkaland,
um að hann verði kosinn á Evrópuþingið, kominn með um 6%
atkvæða eða svipað fylgi og Græningjar og vinstriflokkurinn
Linke,  en meira fylgi  en Frjálsir demókratar. En WAHL er
mjög andsnúinn ESB og vill taka upp þýzka markið aftur.

   Frá Bretlandi berast einnig  góðar fréttir af hinum hægri-
sinnaða UKIP sem er mjög andstæður veru Breta í ESB.
Hann ýtti Íhaldsflokknum til hliðar í aukakosningum í febr.
í Wythenshave -kjördæmi, sem er mikið áfall fyrir Íhalds-
flokkinn.

    Þannig má lengi telja um sigra hægrisinnaða þjóðhyggju-
flokka víðsvegar í Evrópu,  s.s í Noregi, Danmörku, Svíþjóð,
Finnlandi, Austurríki , Þýzkalandi, o.s.frv.  En sigrar þeirra
til Evrópuþingsins í vor yrði mikil ógn við Ofur-miðstýringuna,
spillinguna og yfirþjóðlegu valdahrokanna i Brussel.

   Meðan öll þessi fer fram virðast íslensk stjórnmál gjösam-
lega utangátta við hina pólitísku þróun sem nú á sér stað í
Evrópu. Sósíaldemókrataískir Gnarristar með Píratísku ívafi
grassera sem aldrei fyrr, með viðeigandi upplausn og van-
máttarkennd við íslenska tilveru og framtíð.  Ruglið er svo 
magnað að áhrifaríkir  fjölmiðlar matreiða enn eitt  boðað 
ESB-sinnaða sósíaldemókrataíska framboðið  sem hægri-
sinnað afl,  þótt allflestir sjá hversu fráleitt það er að bendla
hægriviðhorfum við  stuðning við hið alræmda, ofur-miðstýrða
yfirþjóðlega Sovéska Brusselvald yfir þjóðum og einstaklingum.
Enda kemur nú allt andófið og andstaðan við hið Sovéska ESB-
bákn  nær  alfarið  frá  hægrisinnuðum  þjóðhyggjuflokkum  í
Evrópu í dag! Tilviljun?

   Þess vegna er staðan í íslenskum stjórnmálum verulegt áhyggju-
efni meðan tómarúmið til hægri er jafn mikið  og raun ber vitni. 
Borgarstjórnarpólitíkin er þar besta dæmið, þegar eldheitur yfir-
lýstur sósíaldemókrataískur ESB-sinni er látinn leiða lista Sjálf-
stæðisflokksins. Enda hrynur fylgið af flokknum, trúverðugleiki
hans sem málsvara þjóðhollra borgarasinnaðra viðhorfa og gilda
er einfaldlega horfið.

    Vonandi er samt ljósið handan við hornið og þróunin á hægri
kanti evrópskra stjórnmála innan seilingar í íslenskum stjórn-
málum. -  Landi og þjóð til heilla!   

Sjálfstæðisflokkurinn ungar út sóíaldemókrötum!

   Fólk á hægri kanti íslenskra stjórnmála virðist enn ekki
hafa áttað sig á því að ekkert alvöru hægrisinnað framboð
er lengur til í íslenzkum stjórnmálum. Hvorki á landsvísu
né á sveitarstjórnarstígi.  Allar kannanir styðja þetta!!

    Sjálfstæðisflokkurinn sem í upphafi átti að vera málsvari
þjóðlegra borgaralegra gilda og viðhorfa, standa vörð um 
réttarríkið, og að lögum og reglum sé framfylgt, er það ekki
lengur.  Endalokin urðu í Hruninu mikla í samstarfi við hin
sósíaldemókrataísku öfl og í borgarstjórn á yfirstandandi
kjörtímabili með sömu öflum.

    Enginn munur er t.d lengur á Sjálfstæðisflokknum í borgar-
stjórn og Gnarristaliði sósíaldemókratanna. Meir að segja 
oddviti Sjálfstæðisflokksins er svo stækur sósíaldemókrati
að hann styður ESB-trúboðið heilshugar. Þá er mikill meiri-
hluti borgarfulltrúa Sjálfstæðisflokksins  ásamt hinu sósíal-
demókrataísku Gnarr-liði  móti  áframhaldandi  flugvelli  í
Reykjavík og styðja auk þess moskubyggingu öfga-íslamista
á einni bestu lóð í borginni og það endurgjaldslaust! Að ekki
sé talað um alla yfirbyggingu borgarinnar og skýjakljúfanna
alla í miðborginni sem hefur gert borgina að afskapnaði skipu-
lega séð. Allt  í samstarfi við hina Gnarrísku-sósíaldemókrata.  
Enda hrynur nú fylgið af Sjálfstæðisflokknum. Því munurinn á
honum og vinstriöflunum er enginn!

   Og á landsvísu eru sömu sósíaldemókrataísku tilburðirnir.
Nema nú stendur til að unga út enn öðrum ESB-sinnuðum 
sósíaldemókrataflokki. Undir hinni hlálegu nafnbót Hægri-
sinnaður Evrópuflokkur. Á sama tíma og alflestu hægri/ og
Íhaldsflokkar Evrópu andæfa sterkt gegn hinu OFURMIÐ-
STÝRÐA og GJÖRSPILLTA  YFIRÞJÓÐLEGA Brusselvaldi  
yfir þjóðum og einstaklingum.  Misnotkun á pólitískum hug-
tökum til að rugla og blekkja fólk virðist ótakmörkuð!

   Já hvenær ætlar fólk á hægri kanti íslenzkra stjórnmála að
vakna af sínum pólitíska Þyrnirósasvefni?  Því á morgun 
getur það verið orðið um seinan!

   p.s já sem íhaldsmaður hvern andskotann á maður að kjósa 
í komandi borgarstjórnarkosningum? Pírata?  NEI TAKK!

Samfylkingin stærst í Reykjavík

Leggjast tveir ráðherrar hundflatir fyrir ESB-trúboðinu?

    Því miður virðist a.m.k tveir ráðherrar ætla að leggjast
hundflatir fyrir hinu öfgafulla ESB-trúboði 365 og RÚV.

   Þannig lýstu þær báðar ráðherrarnir Hanna Birna og Eygló
Harðar um helgina á RÚV  og 365 miðlum að of geyst hafi
verið   farið í því að draga umsóknina að ESB   til baka, og
leita bæri sáttar og koma til móts við andstæðar fylkingar.

   HALLÓ! Þvílíkur barnaskapur svo ekki sé notuð sterkari orð!
Gera þessir ráðherrar sér ekki ljóst að í þessu stærsta pólitíska
hitamáli lýðveldisins mun ALDREI nást nein sátt? Um framsals  
fullveldis  og  innlimun  Íslands  í  erlent sambandsríki verður
ALDREI  nein pólitísk sátt! Er það ekki ljóst Hanna Birna og Eygló?
Í hvaða heimi eruð þið eiginlega?  Ekki í hinum pólitíska veruleika
alla vega eftir þessu að dæma!

   Hér er um grafalvarlegt mál að ræða!  Þjóðin kaus nýtt Alþingi
í vor sem er skipað miklum meirihluta ESB andstæðingum. Enda
góður meirihluti þjóðarinnar á móti ESB-aðild. Tveir yfirlýstir
ESB-andstöðuflokkar mynduðu  ríkisstjórn.  Hvað á því að koma
í veg fyrir afturköllun ESB-umsóknarinnar?  Pólitískt valdarán
öfgakenndra ESB-sinna í algjörum minnihluta, og ráðvilltir 
ráðherrar eins og þær stöllur? Sem nú hafa enn og aftur opinber-
að sitt sósíaldemókrataíska eðli

   Ríkisstjórn sem hefur ekki burði til að afturkalla ESB-umsóknina
eins og hún var kosin til með góðan þingstyrk að baki á að segja af
sér!   Tíminn er á þrotum! Örfáar vikur til stefnu!

Fréttastofa RÚV býr til stjórnmálaflokk !

    Fréttastofa RÚV er nú í óða önn að búa til stjórnmálaflokk!
Því aldrei í sögu RÚV hefur kastljósi verið beint að jafn miklum
áróðursmætti en að stofnun þessa flokks.  Hver fréttatíminn af
fætur öðrum af þessari flokksstofnun er helgaður honum. Meir
að segja gerð að aðalfrétt og fyrstu frétt í gær og í dag hjá frétta-
stofu RÚV. Með tilheyrandi  myndbirtingum og viðtölum! Já frétta-
stofa RÚV er í óða önn að búa til stjórnmálaflokk! Að sínu skapi! 

   Og hver skyldi svo vera hinn heilagi boðskapur þessa stjórnmála-
flokks fréttastofu RÚV? Jú innganga Íslands í ESB!  Hvað annað?
Nema nú á að pakka þennan flokk  í  algjörar  nýjar  umbúðir  og
markaðasetja hann sem ,, Nýjan Evrópusinnaðan flokk hægra megin
við miðju". Markaðsetja ESB-trúboðið frá öðrum og nýjum sjónar-
hóli. Til frekari aðgreiningar frá hinum sósíaldemókrataísku framboð-
unum.  Reynslunni ríkari af Icesave-óförunum hjá fréttastofu RÚV!

   En þessi alræmda pólitíska misnotkun fréttastofu RÚV við að
stofna þennan flokk sinn mun mistakast! Því flestir sjá að þarna er
um að ræða enn eitt ESB-sósíaldemókrataíska framboðið. Því þótt
innan þess verði einhverjir yfirlýstir sósíaldemókratar úr Sjálf-
stæðisflokknum mun aldrei takast að markaðsetja flokkinn  til
hægri. Af þeirri einföldu ástæðu að OFUR-MIÐSTÝRING og YFIR-
ÞJÓÐLEGT VALD yfir einstaklingum og þjóðum með tilheyrandi
spillingu og hroka eins og hjá hinu Sovéska bákni ESB getur aldrei
fallið að  hægrisinnuðum  viðhorfum  og  skoðunum! Enda mesta
andstaðan við Brussel innan ESB nánast alfarið frá hreinum íhalds/
og hægriflokkum! 

    Hins vegar er það grafalvarlegt mál hvernig viss pólitísk öfl til
vinstri með sósíaldemókrataískar öfgaskoðanir í Evrópumálum,
fá enn að misnota aðstöðu sína á fréttastofu  RÚV! Og það þrátt
fyrir breytingar á yfirstjórn stofnunarinnar! 

   Það er hið alvarlegasta!  Og að það skuli látið viðgangast dag 
eftir dag!  SKANDALL!