Ingibjörg! Sósíaldemókratar bera höfuðábyrgðina ! Þú líka sem slík!

   Það er alveg óborganlegt hvernig sósíaldemókratarnir ætla að
reyna að sverja af sér sökina og pólitísku ábyrgðina á því hvernig
komið  er fyrir íslenzkri þjóð í dag. Því það var og er einmitt þeirra
hugmyndarfræði sem kom Íslandi í hrunstöðuna. Alveg frá upphafi
til dagsins í dag. Enda hin  sósíaldemókrataíska hugmyndafræði í
eðli sínu meiriháttar fjandsamleg íslenzkum aðstæðum, hagsmunum
og þjóðartilveru. Enda sósíaldemókratar sem voru mestu efahyggju-
menn um stofnun lýðveldis 1944. Síðan þá hafa þeir unnið leynt og
ljóst gegn íslenzkum hagsmunum. -  Voru meiriháttar dragbítar á
útfærslu fiskveiðilögsögunar frá  upphafi, hafa aldrei viljað taka tillit
til fámenni þjóðarinnar, íslenzkra séraðstæðna, þjóðlegra viðhorfa
og gilda.  Oftar en ekki tekið málstað erlendra afla sbr. Icesave, og
unnið markvíst  gegn fullveldi og sjálfstæði þjóðarinnar, sbr. ESB-
aðildarumsóknin og aðildarferlið að ESB. Áttu mestan þátt í hinum
misheppnaða EES-samningi, sem er frum-orsakavaldur bankahrun-
sins. Enda engan veginn sniðinn fyrir jafn örsmátt hagkerfi og það
íslenzka.

   Það er því vægast sagt grátbroslegt horfandi á fyrrverandi leið-
toga  sósíaldemókrata  á Íslandi, Ingibjörgu  Sólrúni Gísladóttir,
reyna að þvo hendur sínar af efnahagshruninu á Íslandi.  Sem
einmitt stjórnmálasamtök hennar bera höfuð pólitíska ábyrgð á
allt frá upphafi, ásamt EES-sinnuðum  frjálshyggjuöflum. Ef  ein-
hverjir eiga að fara fyrir Landsdóm vegna hrunsins mikla eru það
einmitt sósíaldemókratar eins  og  Ingibjörg,  Jóhanna og Össur.  
Og raunar flokkurinn allur. Sem  ALLA TÍÐ hefur setið á svikráðum
við íslenzka  þjóð, OG GERIR ENN! -  Nú  með  aðstoð  hérlendra
kommúnista.

   ÁFRAM ÍSLAND! EKKI ESB né SCHENGEN! EKKERT ICESAVE né AGS!

   (tilvís. HÆGRI GRÆNIR á facebook)

Hefði farið gróflega út fyrir valdsviðið

Athugasemdir

[Guðmundur Júlíusson, 25.9.2010 kl. 00:56]

Heyr heyr nafni, algerlega sammála þér í þessu, í flestum atriðum.

Utan þess að ég tel að ekki sé grundvöllur til að lögsækja ráðherrana fjóra fyrir vanrækslu, þeir gátu ekki frekar en pólítíkusar alls heimsins í kjölfar heimskreppunar séð fyri um hvað verða vildi!!

[Sigurður M Grétarsson, 25.9.2010 kl. 01:34]

Bull. Það far frjálshyggjan og það eftirlitisleysi, sem ríkisstjórn Sjálfstæðisflokks og Framsóknarflokks ákvað að viðhafa í íslensku fjármálaumhverfi, sem olli hruninu.

Smáþjóðum vegnar ágætlega í bæði ESB og EES samanber Lchteinsten, Luxemburg og Malta. Það er einmitt mun mikilvægara fyrir smáþjóðir en stórar þjóðir að standa saman með öðrum þjóðum í að vinna að helstu hagsmunamálum sínum. Ef rétt er haldið á spilunum mun okkur Íslendingum vegna betur innan ESB en utan. Það er því svo sannarlega ekki vinna gegn þjóðarhagsmunum Íslands að vinna að aðild landsins að ESB.

[Guðmundur Jónas Kristjánsson, 25.9.2010 kl. 13:40]

Sigurður. Eins og ég rækti. Sósíaldemókrataisminn ásamt frjálshyggju-hluta
Sjálfstæðisflokksins ber HÖFUÐ ÁBYRGÐINA á efnahagslegu hruni Íslands.
Þess vegna verður að útrýma þessum andþjóðlegum pólitísku stefnum úr
íslenzkum stjórnmálum. ALLA VEGA AÐ ÚTILOKA ÞAU frá stjórn landsins.
Þess vegna þurfum við kosningar sem fyrst til að hreinsa þetta lið útaf
þingi!

[Sigurður M Grétarsson, 26.9.2010 kl. 02:39]

Guðmundur. Getur þú útskýrt hvernig stefna jafnaðarmanna leiddi til hrunsins? Það var ekki EES samningurinn, sem leiddi til hrunsins heldur það hvernig fjármaálöflunum var gefinn algerlega laus taumurinn af Sjálfstæðisflokki og Framsóknarflokk í frjálshyggjustefnu þeirrar ríkisstjórnar. Það var meðvituð pólistísk ákvörðun að veikja eftirlitskerfið.

Ég held að það sé meiri þörf á að útrýma öfgaflokkum eins og Hægri Grænum úr íslenskri pólitík ef ekki á illa að fara. Ég ætla rétt að vona það þjóðarinnar vegna að hann nái ekki mönnum inn á þing.