En hvað með íhlutun ESB Ögmundur og Álfheiður ?

   Gott og vel. Hafið áhyggjur af einhverri eftirlitssveit á vegum
USA  kringum  bandariska  sendiráðið  á  Íslandi Ögmundur og
Álfheiður. Sem að hluta er skipuð Íslendingum skv. fréttum. Já
til að gæta grasflatarins utan  bandaríska sendiráðsins. Já bara
gott og vel! En hvað þá með hitt stórveldið? Það Evrópska? ESB?
Sem hyggst ekki bara opna sendiráð innan skamms á Íslandi
með tilheyrandi grasfleti og öllu. Heldur með áformum um eina
grófustu íhlutun í íslenzk innanríkismál frá lýðveldisstofnun. Með
tilheyrandi njósnastarfsemi og fjáraustri svo milljarða skipta til
innlimunar Íslands í hið evrópska stórveldi ESB! Og það gegn
vilja stórs meirihluta þjóðarinnar.

  Ættuð að skammast ykkar fyrir svona yfirgengilega HRÆSNI
Ögmundur Jónasson og Álfheiður Ingadóttir. En kunnið það aug-
sjáanlega ekki komandi úr herbúðum Vinstri grænna bjóðandi
hið evrópska stórríki ESB velkomið til njósna og  takmarkalausra
mútugreiðslna svo innlimun Íslands í sæluríkið ESB getið gengið
fram sem fyrst. Enda kunnið aðferðafræðina, forverar hérlendra
kommúnista. 

  ÁFRAM ÍSLAND!

 

 

Almenningur sé upplýstur um „njósnasveitina“

Athugasemdir

[Jón Valur Jensson, 9.11.2010 kl. 04:24]

Þú ert náttúrlega með nákvæmlega rétta vinkilinn á þetta, Guðmundur Jónas. Hvernig voga þau Ö-karlarnir og Álfheiður sér að nefna þetta lítilræðis-eftirlit við sendiráðið meðan þau eru samsek í því að stefna lýðveldinu í innlimun í evrópskt stórveldi sem hagar sér hér eins og fíll í postulínsbúð, brjótandi niður stjórnskipan landsins og fór til þess bakdyraleiðina, án þess að þjóðin yrði upplýst um það fyrir kosningarnar 2009 og jafnvel ekki einu sinni um sumarið þegar þessir ömurleikans fulltrúar (Á til Ö-liðið, Árni Þór og Ásta Ragnheiður meðtalin) samþykktu þessa ömurlegu umsókn (Ö-umsóknina).

Þú gleymdir reyndar að nefna að Eessbéið valdfreka er (enn í sínum afhjúpandi makríls-ránshug) að fara að opna tvær kynningarmiðstöðvar hér á landi til að dreifa sem víðast sínum rammhlutdræga gyllingaráróðri, enda æst í að innlima þetta þjóðríki sem veitir þeim aðgang að norðurslóðum, Norðurskautsráðinu og beztu fiskimiðum Atlantshafs.

Eigum við ekki bara að tilkynna þessum yfirgangsmönnum úr Brussel, að þeir verði að loka þessum miðstöðvum, áður en þeir opna þær?

[Elle_, 9.11.2010 kl. 12:59]

Algerlega sammála ykkur.  Evrópuveldið fær að vera með grófa íhlutun í friði endalaust og það verður að fara að stoppa það.  Og nú setur Álfheiður sig á háan hest með sjálfsvörn Bandaríkjamanna.

[Helga Kristjánsdóttir, 9.11.2010 kl. 15:00]

 Málatilbúnaður!!!,Hvaða óskunda geta sendiráð gert Íslendingum. Hvers vegna umkringdi lögreglan Jóhönnu og ríkisstjórn þegar saklaus og réttmæt mótmæli fóru fram.   Ríkisstjórninni ber að verja sendiráð annara ríkja hér,en ekki kynningarmiðstöðvar ESB. þar ætla ég að mótmæla þótt ein verði.

[Jón Valur Jensson, 9.11.2010 kl. 17:08]

Ég verð með þér, Helga. Tími núna til að mála spjöld.

[Magnús Helgi Björgvinsson, 9.11.2010 kl. 17:57]

Bara að benda ykkur á að við óskuðum eftir viðræðum við ESB!  Þetta var allt í pakkanum. Og ekkert sem mælir á móti því að þeir opni hér sendiskrifstofu sem þeir hafa reyndar held ég haft að einhverjuleiti sem hluti af fastanefnd ESB gangvart Noregi og Íslandi. Nú hafa hún eðli máls samkvæmt verið klofin í 2 nefndir þar sem að Noregur er ekki í aðildarviðræðum.

Bendi líka á að mjög margarar ESB þjóðir eru hér með sendiráð á að reka þau í burtu líka? Þau gætu gefið ESB upplýsingar um okkur. Alveg rosalega hættulegt. Eða skipt sér að inniríkismálum. Ofsalega líklegt? Bara að senda öll þessi sendiráð í burt. Þau hafa öll skipt sér að málum hér. Mótmælt gestum sem við höfum boðið, skipt sér að deilum okkar við önnur ríki og svo framvegis.

En semsagt að fastanefnd ESB hefur haft hér aðstöðu um einhvern tíma og ósköp eðlilegt þegar við erum að sækjast eftir því að tengjast þessum ríkjum í ESB svo nánum böndum á ýmsum sviðum.

Og viti menn ESB er með sendinefndir í 130 löndum utan ESB . sbr.

Evrópusambandið rekur sendinefndir í um 130 ríkjum utan sambandsins.

Sendinefnd Evrópusambandsins á Íslandi
xxxxxxxxx  6, 4. hæð      
101 Reykjavík

Bendi hinsvegar að ólíkt USA er ESB ekki heimsveldi eða hernaðarbandlag. ESB er fyrst og fremst samvinna ríkja á sviði umhverfismála, viðskipta og fjármagns og tolla. Auk þess sem að þessi ríki sameinast um ákveðin mál er varða utanríkismál þó hver þjóð hafi sína stefnu í þeim líka.

[Jón Valur Jensson, 9.11.2010 kl. 18:25]

Nei, Magnús Helgi Björgvinsson, VIÐ óskuðum ekki eftir þessu, heldur Ö-liðið', einkum þó Össurargengið sem þú ert í tygjum við.

Ég verð að bíða með að lesa allt innleggið hjá þér, er tímabundinn sem stendur.

Nú var sendiherra ESB hér á landi að ljúga því með sínum hálfsannleik að hér verði litlu fé varið til kynningarmála, "hvergi í Evrópusambandinu der varið minna fé til slíkra mála" (og lýgur því um leið, að þetta verði ekki áróður, heldur hlutlaus kynning). Hann gat þess ekki, að hinar þjóðirnar eru um 1570 sinnum stærri en við og að HLUTFALLLSLEGA verði mjög miklu varið hér til hinna rangnefndu kynningarmála.

[Jón Valur Jensson, 10.11.2010 kl. 03:17]

Verð áfram upptekinn og hvet fullveldissinna til að svara áróðri Magnúsar hér.

Ekki er hún betri músin sem læðist en hin sem stökkur. Undir smeðjulegum slagorðum um "samvinnu" og "samstarf" og menningu hyggjast Brusselmenn berjast fyrir yfirráðum yfir landi okkar. ÁTTARÐU ÞIG EKKI Á ÞVÍ, Magnús Helgi Björgvinsson?

Ef Bandaríkjunum byðist fríverslunar- OG "samstarfs"- og sameiningar-samningur við Ísland, þar sem Íslendingar fengju nál. 1/1000 hlutdeild í fullveldi Bandaríkjanna gegn því að gefa stórríkinu æðstu lögsögu yfir okkar málum og að þegar okkar lög rækjust á lög stórríkisins myndu lög þess ráða, myndir þú þá ekki berjast gegn því sem svínslegu ranglæti, jafnvel þótt þar væru við völd ágætustu menn sem hefðu engan áhuga á því að eltast við heimsveldishagsmuni?

Líttu framan í þig í spegli á sérhverjum morgni og spyrðu þig: Væri Jón Sigurðsson ánægður með það sem ég hef leyft mér að skrifa?

[Guðmundur Jónas Kristjánsson, 10.11.2010 kl. 21:57]

Takk kærlega Jón Valur fyrir málsvörn okkar hér! Var vantviðlátinn og komst
ekki í umræðuna. Tek heilshugar undir hvert orð þitt hér!

[Jón Valur Jensson, 11.11.2010 kl. 06:50]

Kærar þakkir, Guðmundur Jónas.

Eftirfarandi segir Magnús Helgi um evrópsk sendiráð hér:

"Þau hafa öll skipt sér að [sic] málum hér. Mótmælt gestum sem við höfum boðið, skipt sér að [sic] deilum okkar við önnur ríki og svo framvegis."

Já, hafa þau það? Fróðlegt, og segðu betur frá, Magnús.

Einnig segirðu: "Bendi líka á að mjög margarar ESB þjóðir eru hér með sendiráð á að reka þau í burtu líka? Þau gætu gefið ESB upplýsingar um okkur. Alveg rosalega hættulegt. Eða skipt sér að inniríkismálum [sic]. Ofsalega líklegt? Bara að senda öll þessi sendiráð í burt," segirðu eða öllu heldur spyrð. Það er ekki mitt að segja öðrum til um slíkt, en ég bendi á, að það er langt bil milli þess að gagnrýna ummæli sendiherra, kalla þá inn á teppið og að láta leggja sendiráð niður! En sízt er ég verjandi þeirra erlendu sendiráðsstarfsmanna, sem voga sér að tala gegn hagsmunum okkar og rétti. Í vissum, grófum tilfellum getur verið rétt að vísa slíkum tilteknum diplómötum úr landi fyrir óviðurkvæmileg afskipti af innanríkismálum.

Magnús segir einnig (sic): "Bendi hinsvegar að ólíkt USA er ESB ekki heimsveldi eða hernaðarbandlag." – En Bandaríkin eru ekki hernaðarbandalag. Þau eru herveldi. En það er greinileg tilhneiging innan ESB, að einnig það verði herveldi; ein ástæðan er t.d. sú, að þannig verði hægt að hagræða í stað þess að halda uppi mörgum sjálfstæðum herjum þjóðríkja.

Hvað segir annars Barroso, æðsti maður ESB frá nóv. 2004, um heimsveldi? Sjá hér: Barroso “forseti” talar um “heimsveldi” sitt (empire). Og um viðhorf fyrirrennara hans í starfi, þ.e. Jacques Delors, sem var forseti framkvæmdastjórnar Evrópubandalagsins 1985–1995 og Jón Baldvin Hannibalsson hefur bugtað og beygt sig fyrir sem hinum mesta stjórnvitringi, má lesa hér: "Wir müßen Großmacht werden!" – stórveldisdraumur Evrópubandalagsins.