Þagað um stærsta hitamálið hjá RÚV í þágu Þóru!

   Aldrei hefur RÚV opinberað sig eins meiriháttar hápólitískt verkfæri
í þágu ESB-Þóru sinnar og í kosningarþætti RÚV-sjónvarpsins í kvöld.
Sparðar-tíningur um allt og ekkert var stefið í gegnum allan þáttinn, 
en látið undir höfuð leggjast að nefna á nafn HÖFUÐ-HITAMÁL forseta-
kosninganna,  sem klárlega hefði komið frambjóðenda RÚV  afar illa. 
Sem sagt FULLVELDIРog SJÁLFSTÆÐI Íslands í skugga  ESB-aðildar. 
Já hvers  vegna var ekki minnst einu orði á það?  Og því síður Icesave!
En bæði þessi STÓRMÁL munu koma til kasta forsetans á næstu miss-
erum ef fram heldur sem horfir.  Svo framarlega sem forsetinn ætli
að standa vörð um sjálfstæði Íslands og þjóðfrelsi Íslendinga ásamt
því að gæta vel að þjóðarhagsmunum, ekki síst gagnvart erlendum
öflum sem nú ógna íslenzkri þjóð. Sem Hr. Ólafur Ragnar forseti mun
svo svo sannarlega gera, en ekki hin sósíaldemókrataíska ESB-Þóra!

   Þáttur RÚV var því til háborinnar skammmar. Sem sýnir og sannar
hversu brýnt það er orðið að taka ærlega til í þeirri stofnun. 

   ÁFRAM FRJÁLS OG FULLVALDA ÞJÓÐ!   ÁFRAM ÓLAFUR RAGNAR FORSETI!
 

Vilja draga úr umsvifum forsetans

Athugasemdir

[Pétur Björnsson (IP-tala skráð) 29.6.2012 kl. 22:07]

Sæll Guðmundur Jónas,

Bloggfærsla þín byggist á hræðslu og vanþekkingu. Þú talar eins og við séum að ganga í evrópusambandið með því að kjósa Þóru Arnórsdóttur. Það mál myndi undir öllum kringumstæðum fara í þjóðaratkvæðagreiðslu hver sem forsetinn væri. 

[Jóhann Elíasson, 29.6.2012 kl. 22:37]

Og fannst þér ekki svolítið merkilegt að Þóra var aldrei stöðvuð í framíköllum og fékk að tjá sig óhindrað um það sem aðrir frambjóðendur sögðu, jafnvel þótt hún hefði talað áður um sömu hluti og aðrir, hvar voru stjórnendur þáttarins????????

[Guðmundur Jónas Kristjánsson, 30.6.2012 kl. 00:39]

Pétur  Björnsson. Athugasemd þín byggist á mikilli VANÞEKKINGU! Skv.
gildandi stjórnarskrá yrði þjóðaratkvæðagreiðsla um ESB aðeins ráðgefandi.
Málskostsréttur forseta og niðurstaða í þeim kosningum er hins vegar BINDANDI!  Jú Þóra er eldheitur ESB-sinni sem myndi  gera ALLT til að
koma Íslandi inn í ESB!

Takk Jóhann!

[Kristján Jón (IP-tala skráð) 30.6.2012 kl. 10:56]

...Samfylkingunni misheppnast þetta eins og allt annað sem hún reynir að gera,henni tekst ekki að koma Trójuhestinum inn á Bessastaði,það kjósa allir sem eru ekki veruleikafirrtir Ólaf Ragnar...!

[Valgarður Guðjónsson, 30.6.2012 kl. 14:19]

Ég styð Ara Trausta (svo það sé klárt). ESB fer í þjóðaratkvæðagreiðslu og það er svo fráleitt að ímynda sér að stjórn/alþingi fari gegn niðurstöðum hennar. Og ef svo ólíklega færi, þá myndi hvaða forseti sem er vísa þeim lögum til þjóðaratkvæðis. Þannig að ESB skiptir engu í þessum kosningum.

Hitt er annað, hvaðan hefur þú upplýsingar um að Þóra sé eldheitur ESB sinni? Er þetta byggt á einhverju eða bara saga sem er vinsælt að dreifa? Ég spyr vegna þess að ég hef ekki séð neitt sem styður þessa fullyrðingu og vil gjarnan sjá málefnalega umræðu.

[Þór Einarsson (IP-tala skráð) 30.6.2012 kl. 18:17]

Þetta er hræðsluáróður hjá þér.

Ólafur hefur jafn mikil áhrif á ESB og ég og þú. Eitt atkvæði.

Þjóðin hefur síðasta orðið. Allir frambjóðendurnir hafa tekið það skýrt fram að svoleiðis órétti yrði aldrei liðið. Ef meiri hluti þjóðar vill ekki fara í ESB þá fer þjóðin ekki í ESB. Sama hvaða forseti situr (nánast valdalausu embætti) á Bessastöðum. Allt virðist benda til að Sjálfstæðisflokkurinn fái yfirburðakosningu í næstu alþingiskosningum, þannig að ég veit ekki hvaða hræðslufílingur það er að halda að okkur verði troðið með góðu eða illu í ESB ef einhverjar breytingar verða.

Og hvaða munur yrði á sjálfstæði og fullveldi eftir að annar frambjóðandi en Ólafur tekur við.

Eigum við ekki að slaka á foringjadýrkuninni. Ef Icesave málið er einhverjum að þakka að þá er það Indefence sem söfnuðu 60þúsundum undirskrifta og síðan þeim sem fóru á kjörstað og sögðu nei. Ólafur hafði áður samþykkt Icesave samning 1 þrátt fyrir 10.000 undirskriftir þar sem beðið var um að málið yrði sett í þjóðaratkvæðagreiðslu.

Eru menn búnir að kynna sér rannsóknarskýrslu Alþingis? www.forsetinn.is - Eigum við ekki að kjósa með opin augun?

Kallað var eftir því að embættinu yrðu settar siðareglur eftir hrunið til að það sem átti sér stað gæti ekki endurtekið sitt. En hægt er að skoða svör Ólafs og hroka hans þegar honum var bent á því að siðareglur þurfi að setja víða eftir svona hrun. Á Bessastöðum sem og á Alþingi. En hann vildi ekki heyra á það minnst.