Forseti á hálum ís

   Vert er að taka undir leiðara Mbl í dag varðandi ummæli forseta
að ráðuneytin séu einskonar deild í forsetaembættinu.

   Í Mbl-leiðara segir ,, að það sé svo fráleitt að ráðuneyti  sé deild
 í forsetaembættinu að það sé eiginlega ekki hægt að ræða þetta
 mál á slíkum grundvelli. Rökstuðningur forsetans fyrir þessu var að
 forseti ,,skipar ráðherra".  Það er ljóst, að það er Alþingi Íslendinga,
 sem tekur ákvörðun um hverjir mynda ríkisstjórn á Íslandi. Aðkoma
 forsetans að því er formsatriði. Þetta veit forsetinn og þeim mun
 alvarlegra að hann skuli tala á þann veg sem hér hefur verið vitnað
 til," segir í leiðara Mbl.

   Það er eins og það gleymist oft hjá forseta að á Íslandi sitji
þingbundin stjórn. Aðkoma forseta að fjölmiðlafrumvarpinu  2004
var dæmi um slíkt, burt séð hvaða skoðanir menn höfðu á frumvarpinu
sjálfu. Með íhlutun forseta í því máli var þingræðinu gróflega lítilsvirt.

   Sem fyrrverandi leiðtogi hérlendra sósíalista er kannski ekki nema
von að Ólafur Ragnar ani oftar en ekki út á hálann ís hvað þetta varðar.

   Spurning hvenær sá ís bresti endanlega í þeim sjó sem hann iðulega
reynir að ýfa.

  

Athugasemdir

[Jón Sigurgeirsson , 20.2.2007 kl. 17:26]

Ég hef áhyggjur af því til hvers ummæli Ólafs leiða og af hverju hann gerir þetta. Prófessorinn í stjórnskipunarrétti kemur aðeins fram í sjónvarpi og ræðir þetta fræðilega. Hún segir það sama og okkur var kennt á sínum tíma í lögfræðinni. Forsetinn hefur engin völd. Hann verður að lúta þingræðinu þ.e. er völdum þingsins. Með þau völd fara m.a. stjórnvöld sem alþingi velur.

Forsetinn á að njóta það mikillar virðingar að ummæli hans eiga að vera tekin alvarlega. Ef hann kemur ítrekað fram og heldur fram stjórnskipulegum reglum sem standast ekki álit - ekki aðeins Íslenskra fræðimanna - heldur allra fræðimanna í stjórnskipun þingræðislanda þá grefur hann undan stjórnskipuninni.

[Guðmundur Jónas Kristjánsson, 20.2.2007 kl. 20:23]

Er það ekki ær og kýr sóaíalista að grafa undan borgaralegu
stjórnskipulagi?