Pólitísk afskipti Baugsveldisins athyglisverð

   Stjórnarformaður Baugs óskar eftir ríkisstjórn
Sjálfstæðisflokks og Samfylkingar. Einn aðal eig-
andi Baugs skorar á kjósendur að kjósa X-D  en
jafnhliða að strika út ákveðinn frambjóðenda
flokksins sem er ráðherra.

  Þetta er afar athyglisvert svo ekki sé meira
sagt. Tengsl Baugs og Samfylkingarinnar hafa
löngum verið á allra vitorði, auk gamalla tengsla
Baugsmanna við Sjálfstæðisflokkinn. Meðal mála
sem stjórnarformaður Baugs nefndi sem eitt af
áhugaverðum málunum við slíkt stjórnarmynstur
voru Evrópumál. - Innan Sjálfstæðisflokksins eru
sterk öfl sem vilja taka upp gjörbreytta stefnu 
í Evrópumálum. Baugsveldið tengist þeim öflum.
Samstarf Sjálfstæðisflokks og Samfylkingar er
því frumforsenda þess að slík stefnubreyting
nái fram að ganga.  

    Það er mikið umhugsunarefni þegar lang stærsta
og öflugasta fyrirtæki landsins beitir pólitískum
áhrifum sínum á jafn augljósan hátt og nú hefur
gerst korteri fyrir kosningar. -  Afar umhugsunar-
vert fyrir kjósendur á kjördegi.

      

Athugasemdir

[Benedikt Halldórsson, 11.5.2007 kl. 20:03]

já, ég var einmitt að velta þessu fyrir mér. Er eðlilegt að menn beiti áhrifum sínum á þennan hátt? Ég bara veit það ekki....en ayglýsingin er afar neikvæð, hún beinist miklu fremur á neikvæðan hátt gegn Birni Bjarnasyni en velviljað hátt með Sjálfstæðisflokknum, það sem stendur eftir er grímulasut hatur Jóhennesar sem gæti verið fordæmisgefandi...?