Kreppa með tilkomu krata !

   Með  tilkomu Samfylkingarinnar í ríkisstjórn virðist stöðnun
og kreppa framundan í íslenzku þjóðlífi. Í hádegisviðtali
Stöðvar tvö í dag segist viðskiptaráðherra afhuga frekari
stóriðju. Hann hrósar iðnaðarráðherra fyrir að gefa ekki
út frekari rannsóknarleyfi fyrir stóriðju. Hann boðar jafn-
framt að ríkisstjórnin muni aftur færa ákvörðunarvaldið
um virkjanaleyfi til Alþingis frá sveitarfélögunum.  Við-
skiptaráðherra segir svokallað stóriðjutímabil senn lokið,
en boðar í staðin einhver óskilgreind sprotaverkefni og
nýsköpun. Eins og slíkir innantómir  frasar hafi ekki oft-
sinnis heyrst áður

   Þessar yfirlýsingar viðskiptaráðherra koma á sama tíma
og ríkisstjórnin ákveður stórfeldan aflasamdrátt sem mun
hafa mikla kjaraskerðingu í för með sér um land allt fyrir fólk
og fyrirtæki. Mótvægisaðgerðir þær sem ríkisstjórnin boðar og
sem augljóslega eru í grunninn mótaðar af Samfylkingunni,
koma að mjög takmörkuðu gagni hjá  þeim sem fyrir mesta áfallinu verða, enda byggðar á sósíaliskri hugmyndafræði
Samfylkingarinnar. Ríkið á að ausa í hverskyns opinbera lána-
sjóði sbr. Byggðastofnun, til að lengja í hengingaólum fórnar-
lambanna. Til að friðþægja þau meðan á dauðastríðinu stendur
á að strykja internettengingar og hraða vegspottum hér og
þar á næstu árum, eins og það hafi eitthvað að segja um
lífsafkomu viðkomandi á næsta ári.  Ríkið á sömuleiðis að
búa til ný störf út um alla trissur. Ríkið, ríkið, ríkið! Á sama tíma
ætlar iðnaðarráðherra að gera allt sem í hans valdi stendur
til að koma í veg fyrir að hugmyndin um olíuhreinsunarstöð á Vest-
fjörðum verði að veruleika. Hugmynd þar sem EINKAAÐILAR munu
alfarið sjá um alla fjármögnun á. Hugmynd sem mun skapa
milljarða virðisauka fyrir land og þjóð, og varna því að Vestfirðir
fari endanlega í eyði fyrir tilverknað ríkisstjórnarinnar. Og svona
má lengi telja.

   Það er með endæmum hvernig sjálfstæðismenn láta krötum
eftir að innleiða sósíslisma á ný á Íslandi, og það í byrjun 21
aldar. Hinir sósíaldremókratisku ráðherrar virðast hugsa um
það eitt að eyða út og suður af almannafé, en EKKERT gera
til að afla fés og virðisauka á móti. Fremst fer þar formaður
Samfylkingarinnar með meiriháttar heimreisuflippi með til-
heyrandi kostnaði fyrir land og þjóð.
    
   Fyrir rúmum 12 árum þegar kratar hrökluðust úr ríkisstjórn
var hér atvinnuleysi, stöðnun og kreppa. Það sama virðist
vera að endurtaka sig nú!

Athugasemdir

[Geir Ágústsson, 21.7.2007 kl. 22:01]

Því miður eru pólitík bara ein stór hrossakaup. Sjallarnir hafa líklega talið að skaðinn af Samfylkingu yrði mjög lítill í sterkri stöðu hagkerfis, og því mikilvægara að taka til í heilbrigðis- og landbúnaðarkerfinu en að eyða púðrinu í viðskipta- og iðnaðarráðuneytinu. 

Sjallar geta komið vel út úr þessu ef þeir hefjast fljótt handa við að stokka upp bæði heilbrigðis- og landbúnaðarkerfið á róttækan og raunverulegan hátt. Ef fæturnir eru dregnir þar, samtímis og Samfylkingin eykur pólitísk afskipti af atvinnulífinu, þá er voðinn vís!