USA: Stríð við Íran undirbúið

  Í fréttum RÚV í dag kom fram að Pentagon hafi samið
áætlun um allsherjarlofárás á 1.200 skotmörk í Íran,
með það að markmiði að tortíma her og hergögnum
Írana á þrem dögum. Lúndúnarblaðið Sunday Times
segir frá þessu í dag, sem hefur þetta eftir yfirmanni
þjóðaröryggisdeildar Nixonstofnunarinnar. USA-herinn
undirbúi ekki lengur árásir á valin skotmörk í Íran eins
og kjarnorkustöðvar, heldur átök við gjörvallan Írans-
her. Þá segir blaðið að Ísraelsmenn leggi  hart að
Bandaríkjamönnum að ráðast á Írana ella geri þeir það
sjálfir.

   Það er eins og sumir læri aldrei af mistökunum, hversu
stór þau eru. Mistökin í Írak blasa við, Afganistan líka.
Samt virðast þeir sömu tilbúnir til að útvikka fúafenið
margfallt með geigvænlegum afleiðingum fyrir heims-
byggð alla. Ef þetta er virkilega inn í myndinni hjá Bush
og félögum, að áeggjan zíonistanna í Ísrael , hlýtur
mikið djúp að skapast milli Bandaríkjanna og annara
vestrænna ríkja.

   Það er gott að vera laus við bandariksan her á Íslandi !

Athugasemdir

[Gunnar Th. Gunnarsson, 2.9.2007 kl. 16:17]

Talandi um vanda í Írak. Íranir eru þrisvar sinnum fjölmennari

[Guðmundur Jónas Kristjánsson, 2.9.2007 kl. 17:18]

Er alveg smmála því að Íranir hafa EKKERT með kjarnorkuvopn að gera. En að afstýra því með enn einu stríðinu í Mið-austurlöndum
yrði meiriháttar slys horfandi á Írak og Afganistan í dag. Númer
eitt er að leysa Palestínumálið, en hingað til hefur það strandað á
vilja Bandaríkjamanna.

[Sigurgeir Jónsson, 2.9.2007 kl. 17:35]

Fyrst og síðast þarf að leysa vandamálið Israel.

[Halldór Carlsson (IP-tala skráð) 2.9.2007 kl. 19:30]

Auðvitað hafa Íranir ekkert að gera með kjarnorkuvopn. En það er yfirlýsing sem fellur í verði þegar búið er að umkringja þá á mjög stuttum tíma.

Dettur engum í hug, að ögranir á hendur Írönum geti ýtt allverulega undir kjarnorkutilraunir þeirra?

Ef það væri búið að umkringja húsið mitt, myndi ég leita að sem flestum vopnum eða útgöngustöðum. 

Ég er heldur ekki viss um að nokurn tíma hafi verið ætlunin að skjóta bara á ,,vel varin skotmörk" í Íran.

[Óskar Helgi Helgason (IP-tala skráð) 3.9.2007 kl. 01:06]

Sælir, Guðmundur og aðrir skrifarar !

Halldór Carlsson bendir þarna, á athyglisverðan flöt, alveg burtséð frá trúarbrögðum og stjórnarfari; í Persíu (Íran).

Hver sá, sem í sjálfheldu lendir, af einhverjum toga, hlýtur að leita allra leiða, til þess að komast úr henni. 

Þetta er alveg sérstakur, og glöggur flötur; hjá Halldóri, hvað sem öðru líður. Bandaríkjamenn hljóta, að ígrunda sína stöðu, ætli þeir sér þennan gjörning.

Mbk. / Óskar Helgi Helgason