Jákvæð niðurstaða fyrir borgarbúa

   Vinstri meirihlutinn í borgarstjórn Reykjavíkur er fallinn.
Fyrir alla frjálslynda og borgarasinnaða kjósendur hlýtur það
að vera gleðiefni. Hef ætíð hér á blogginu hvatt til þess að
öll hin borgaralegu öfl í stjórnmálum á Íslandi starfi saman
í sveitarstjórnum og landsstjórn. Myndi þannig borgaralega
blokk gegn hinum sundruðu og afturhaldssömu vinstriöflum.
Því miður sundraðist meirihluti Sjálfstæðismanna og Fram-
sóknarmanna í borgarstjórn fyrir nokkrum mánuðum fyrir
meiriháttar klúður. Nú hefur verið myndaður nýr borgaraleg-
ur meirihluti Frjálslyndra og Sjálfstæðismanna í borgarstjórn
Reykjavíkur, og ber að fagna því. 

  Vonandi er þetta upphaf að mikilli uppstokkun í íslenzkum
stjórnmálum. Uppstokkun sem leiðir til þess að tvær blokkir
takast á, þeir sem standa á mið/hægri kanti annars vegar
og þeir sem eru til vinstri.

  Hin pólitísku átök sem eiga sér nú stað í Framsóknarflokkunum
endurspeiglar þessa pólitíska uppstokkun í stjórnmálum á Íslandi
í dag að stórum hluta.  Ætlar Framsóknarflokkurinn  að vera  frjáls-
lyndur flokkur á ÞJÓÐLEGUM GRUNDVELLI, standa vörð um ÞJÓÐLEG
GILDI OG VIÐHORF  með  félagslegar áherslur  að  leiðarljósi, eða
verða lítill og áhrifalaus Evrókrataflokkur við hliðina á Samfylkingunni?

   Sjálfstæðisflokkurinn þarf líka að fara að skerpa sína pólitísku
framtíðarsýn. Ætlar flokkurinn að verða leiðandi afl hinna borgara-
legu flokka ? Láta samstarf við þá hafa forgang í sveitarstjórnum
og landsstjórn?  Samstarf hans við hina sósíaldemókratisku Sam-
fylkingu ber ekki  vott um það. - Vonandi að á því verði breyting
fljótt og það til langframa. - Þannig að kjósendur hafi hreint og
klárt val milli ólíkra pólitíska blokka í framtíðinni eins og þekkist
viðast hvar í okkar nágrannalöndum. - Þá væri lýðræðið fyrst farið
að virka.

    Til hamingju með borgarstjóraembættið, Ólafur F Magnússon.

Ólafur og Vilhjálmur stýra

Athugasemdir

[Auðun Gíslason, 21.1.2008 kl. 22:32]

Skrípastjórnmál í borginni?

[Félag Ungra Frjálslyndra, 21.1.2008 kl. 23:40]

Félag ungra frjálslyndra lýsir yfir algerum stuðning við Ólaf F. Magnússon borgarfulltrúa F-Listans og fagnar því að grundvallarmálefni Frjálslynda flokksins séu nú að fá brautargengi í Reykjavík.

Félag ungra frjálslyndra fagnar því sérstaklega að nýi borgarmeirihlutinn ætli sér að viðhalda eign almennings á Orkuveitu Reykjavíkur og orkuauðlindum hennar.

[Guðmundur Jónas Kristjánsson, 22.1.2008 kl. 00:35]

Gott hjá ykkur ungum frjálslyndum. Vildi sjá unga framsóknarmenn
 taka af skarið eins og þið! Þetta R-lista model ER GJÖRSPILLT! Milljón í fatakaup? Common!

[Guðrún María Óskarsdóttir., 22.1.2008 kl. 01:09]

Góður pistill Guðmundur er þér innilega sammála.

kv.gmaria.

[Jón Valur Jensson, 22.1.2008 kl. 04:28]

Ég hélt þú værir Framsóknarmaður, Guðmundur minn. En ég styð þig í því, að sá flokkur ætti að vera "frjálslyndur flokkur á ÞJÓÐLEGUM GRUNDVELLI, standa vörð um ÞJÓÐLEG GILDI OG VIÐHORF með félagslegar áherslur að leiðarljósi," fremur en að "verða lítill og áhrifalaus Evrókrataflokkur við hliðina á Samfylkingunni." – Með góðri kveðju,

[Guðmundur Jónas Kristjánsson, 22.1.2008 kl. 09:15]

Sæll Jón Valur. Já hef stutt Framsóknarflokkinn gegnum tíðina og unnið fyrir hann á ákveðnum pólitískum hugsjónargrundvelli sem ég
hef ætíð trúað á. En þegar manni finnst að sá hugsjónargrundvöllur
sé sniðgenginn í vegamiklum málum, viðhorfum og framkomu einstakra manna hlýður maður sannfæringu sinni framar öðru, eins
og þú þekkir manna best. Þú hefur t.d ætið verið trúr þínum skoðunum, enda virtur sem slíkur.

[Jón Valur Jensson, 23.1.2008 kl. 11:57]

Kærar þakkir fyrir svarið og vinsamleg orð, Guðmundur. Vegni þér vel í öllu þínu.