Óraunsæi Kaupþingsforstjóra kemur á óvart

    Sigurður Einarsson, forstjóri Kaupþings, segir á
ráðstefnu í Kaupmannahöfn  í dag, að líklegt sé að
Íslendingar taki upp nýja mynt innan 3 ára. Svona
yfirlýsing forstjóra Kaupþings kemur verulega á
óvart, svo ekki sé meira sagt. Í hvaða heimi lifir
þessi ágæti bankastjóri eiginlega?

   Fyrir það fyrsta er enginn pólitískur vilji til að taka
upp nýjan gjaldmiðill. Hvað þá að hefja könnun eða
undirbúning að slíku, sem tekur mörg ár. Og eins
og efnahagsmálum er nú háttað og framtíðarhorfur
þar  er svo langt í frá að slíkt geti gerst næstu 3 árin,
þótt allt færi af stað að undirbúa slíkt.  Gjörsamlega
út í hött!

  Því kemur svona óraunsæi Kaupþingsforstjóra
verulega á óvart.

   Er það kannski  á fleiri sviðum en þessum?

Nýr gjaldmiðill innan 3 ára?

Athugasemdir

[Gunnar Rögnvaldsson (IP-tala skráð) 11.3.2008 kl. 22:59]

Ég vona að um misskilning sé að ræða - að bankamaðurinn sé að tala um heima-gjaldmiðil innan banka síns, Kaupþings, en ekki fyrir hönd íslenska lýðveldisins (stofnað þann 17. júní fyrir 63 árum). Annað gæti kynnt undir gengisfalli og neikvæðum framtíðar væntingum fjármálaheimsins til ISK.