Hefur innganga Ólafs verið samþykkt?

   Það er vægast sagt einkennileg sú frétt að Ólafur F Magnússon
ætli að ganga í Frjálslynda flokkinn. Hefur hann gert það? Og með
stuðningi hverra í Frjálslynda flokknum?

  Flokkaflakk Ólafs hefur verið með eindæmum. Úr Sjálfstæðisflokki
í Frjálslyndra og Óháða, þaðan í Íslandshreyfinguna í Frjálslynda
aftur. Þá má benda á að nú nýlega var stofnað Borgarmálafélag
Frjálslyndra í Reykjavík. Jón Magnússon er þar formaður. Hefur
hann samþykkt inngöngu Ólafs? Nýtur Ólafur stuðnings hans?
Á bloggsíðu Stefáns Friðriks Stefánssonar í dag segir Ásgerður
Jóna Flosadóttir, sú ágæta kona í Frjálslynda flokknum í Reykjavík,
það ólíklegt að Ólafur verði andlit flokksins í borginni. Hvernig má
þetta vera?

  Afstaða Ólafs til fjölda lykilmála hefur oftar en ekki farið á skjön
við  stefnu Frjálslyndra. Frjálslyndir eru t.d með afar ábyrga stefnu
í orkumálum og nýtingu okkar auðlinda, og  styðja t.d álver við
Bakka og Húsavík. Afstaða Ólafs er mjög þvert á þetta. Raunar má
segja  að Ólafur eigi miklu fremur samleið með Vinstri-grænum í
öllum þessum málum, enda segist hann  nú ætla að vinna með
vinstriöflunum í Reykjavík í framtíðinni.

  Fróðlegt verður því að sjá hvernig hin ábyrgu borgaralegu öfl í
Frjálslynda flokknum bregðist við yfirlýsingu Ólafs F Magnússonar
um enn eina inngönguna í Frjálslynda flokkinn. - Því ekki virðist
fylginu fyrir að fara með inngöngu Ólafs.
  

Ólafur F. til liðs við Frjálslynda flokkinn

Athugasemdir

[Þorsteinn Ásgeirsson (Icerock), 19.8.2008 kl. 17:45]

Sem betur fer er Ólafi frjálst að vera í þeim flokki sem hann óskar. Þrátt fyrir að hann sé hvergi velkominn.

Það er nefnilega leyfilegt í frjálsum félagasamtökum að vera líka leiðinlegur og óferjandi.

Ef hann bíður sig fram til prófkjörs í næstu borgarstjórnarkosningum fyrir Frjálslynda flokkinn, sem honum er líka frjálst, er ekki fræðilegur möguleiki á að hann komist í 10 efstu sætin.

[Guðmundur Jónas Kristjánsson, 19.8.2008 kl. 20:02]

Enda held ég að all flestir ef ekki allir Frjálslyndir líti þannig á. Ólafur hefur
brotið aallar brýr að baki sér pólitískt....Yrði meiriháttar pólitískt slys hjá
Frjálslndum að taka við honum aftur..