Óskiljanlegt ofurkapp Bandaríkjamanna um eldflaugakerfið !

   Verð að játa. Skil  alls ekki  þetta  ofurkapp  Bandaríkjamanna að
koma upp svokölluðu eldflaugavarnarkerfi ENDILEGA  við túnfót Rússa.
Er ekki eðlilegt að Rússar mótmæli? Minnir mann á Kúbudeiluna í denn.
Þá ætluðu Sovétríkin að koma upp elflaugum á Kúpu. Bandaríkjamenn
mótmæltu harðlega, og hótuðu stríði, hættu Sovétríkin  ekki  við  þau
áform. Að sjálfsögðu! - En hver er þá í raun munurinn á uppsetningu
Bandaríkjamanna  á  eldflaugum í  Póllandi nú  og Sovétríkjanna á
Kúbu 1962? Hver er munurinn á ógnuninni nú sem Rússar upplifa og
ógnuninni sem Bandaríkjamenn upplifðu 1962? Hvað nú ef Rússar byggja
upp herflugvelli á Kúbu eins og þeir hafa hótað sem andsvar uppsetningu
Bandaríkjamanna á eldflaugakerfi nánast á landamærum  Rússlands?
Hvernig munu Bandaríkjamenn bregðast við því? Hverskonar skrípaleikur
er þetta eiginlega?  Og tökum við þátt í honum?

  Hverjir eru að reyna að  búa til nýtt kalt stríð?

  Atburðir síðustu daga benda því miður til þess að viss öfl vinni að því!
  

   
    

Skrifað undir eldflaugavarnasamning

Athugasemdir

[Helgi Hrafn Gunnarsson (IP-tala skráð) 20.8.2008 kl. 13:56]

Síðan 2001 hefur þetta verið eitt langt "told you so". Kaninn gerir það sem honum sýnist gagnvart Rússlandi og er svo svaka hissa þegar Rússar snappa. Við hverju í ósköpunum búast Bandaríkjamenn eiginlega af heiminum?

[Guðmundur Jónas Kristjánsson, 20.8.2008 kl. 15:36]

Sæll Helgi. Ef ég væri Rússi væri ég a.m.k bálreiður, að fá óvinveittar eldflaugar alveg upp að dyrum hjá manni myndi ég ALDREI þola. 

Annars  er þessir fordómar einkum í hinum engilsaxneska heimi furðuleg.
Því nú hafa Russar loks höndlað frelsið, hafa komist undan kommúnisma,
tekið upp lýðræðislega stjórnarhætti, búa meir að segja við mið/hægri-
sinnaða borgaralegu ríkisstjórn, og hafa upphafið kristna trú til vegs og
virðingar á ný.

Bara skil þetta ekki!