Þjóðarhapp hverfi bankarnir úr landi ?

   Í fréttum RÚV í kvöld kom fram að skuldir bankanna væru hvorki
meira né minna en 88% af þjóðarskuldum Íslendinga. Þeir skulda
8400 milljarða króna í útlöndum  skv. tölum Seðlabanka Íslands.
Þjóðarbúið allt skuldar yfir 9500 milljarða erlendis, svo að bankarnir
eiga bróðurpartinn, rösk 88%.

  Í viðtali við Gylfa Magnússon, hagfræðing við HÍ við RÚV kom fram
að bankarnir verði að velta þessum 8400 milljörðum á undan sér.
Áhyggjur manna af fjármögnum bankanna megi m.a rekja til þess-
ara miklu erlendu skulda.

  Þetta eru hrikalegar tölur sem kemur á óvart. Því hefur allt verið
satt sem Ragnar Önundarson fjármálaráðgjafi hefur varað við á
undanförnum árum varðandi hina miklu útrás bankanna. Þeir færð-
ust allt of mikið í fang, fóru offari. Tóku himinhá erlend lán til fimm
ára, og endurlánuðu til 40 ára, en gerðu aldrei ráð fyrir áföllum á
alþjóðlegum peningamörkuðum, eins og komið er á daginn, og geta
því ekki sinnt eðlilegri bankastarfsemi hér innanlands. Eru nánast
fjársjúkir og með óráði.

  Að undanförnu hafa heyrst hótanir úr þessum sama bankageira
um að taki Ísland ekki upp alvöru gjaldmiðil (evru sem fallið hefur
um 8% s.l mánuð) og gangi í ESB, ella munu  bankarnir neyðast til
að fyltja höfuðstöðvar sínar úr landi.

  Í ljósi alls þessa er ekki nema eðlilegt að almenningur á Íslandi  
hugsi það míkið þjóðarhapp ef þessir bankaræflar bara hverfi úr
landi með allan  sinn skuldahala. Við það minnkuðu skuldir þjóðar-
búsins erlendis um hvorki meir né minna en um 88% á einni nóttu
takk fyrir! Þyrftum nánst enngum gjaldeyrisvarasjóði á að halda
eftir það, því öll sú bankastarfsemi sem eftir yrði myndi eingöngu
sinna íslenzkum viðskiptum.  Krónan myndi stórstyrkjast með til-
heyrandi lækkun verðbólgu og vaxta. Meiriháttar efnahagsjafn-
vægi yrði náð  á stuttum tíma.

   Já. Skyldi það  ekki verða bara besta efnahagslausnin í stöðinni
í dag að hrekja hreinlega þessa skuldumvafna banka úr landi! 
Stjórnendur þeirra sumir hverjir eru þegar búsettir erlendis. Stjórn-
endur, sem gjörsamlega hafa mígið í skóna sína þrátt fyrir öll ofur-
launin.

   

 

Athugasemdir

[Magnús Helgi Björgvinsson, 6.9.2008 kl. 13:44]

Flott færsla hjá þér. Alveg sammála því að það er umhugsunarvert hvort við séum ekki bara betur sett með þessa banka erlendis. Mundi líka hvetja aðra til að koma hingað í það pláss sem gæti komið á markaðinn. Held þó að íslensku bankarnir mundu vilja halda markaði sínum hér. Fá hvergi betri vexti á peninga sína.

[Guðmundur Jónas Kristjánsson, 6.9.2008 kl. 16:16]

Sælir piltar. Nei við sem teljum okkur til almennings á Íslandi getum ekki
verið sáttir að horfa uppá að við þjóðin þurfi að taka ofurlán í útlöndum
á okur vöxtum til að búa til einhvern gjaldeyrisvarasjóð fyrir þessa
fjárglaframenn, sem ætla svo að hlaupa frá öllu saman með allt sitt á
þurru.  NEI TAKK seg ég fyrir mína parta.

[Guðrún María Óskarsdóttir., 6.9.2008 kl. 23:46]

Sæll Guðmundur.

Góður pistill og sannarlega góð spurning í þessu sambandi.

kv.gmaria.