Framsókn orðin afdráttarlaus ESB-flokkur !

   Það er alls ekki rétt hjá Birni Bjarnasyni dómsmálaráðherra,  að
afstaða Framsóknarflokksins til Evrópusambandsins sé hefðbundin
já já / nei nei afstaða framsóknarmanna. Þvert á móti er afstaðan
afar  skýr. Framsóknarflokkurinn er í dag orðinn hreinn og klár
Evrópusambandsflokkur. Enda gleðjast eins og Björn bendir  á
þeir Ágúst Ólafur Ágústsson varaformaður Samfylkingarinnar og
hennar helsti sérfræðingur í ESB-málum Eirikur Bergmenn, yfir
hinni nýju ESB-stefnu Framsóknar. Hún er nánast bergmál  af
ESB-stefnu Samfylkingarinnar. Ekta Evrókratismi!

  Hins vegar verður fróðlegt að vita hver verði niðurstaða lands-
fundar Sjálfstæðisflokksins. Því flest bendir til nú  að þar verði
einmitt já já/nei nei stefna í Evrópumálum niðurstaðan, svo
framarlega sem reynt verði að forða flokknum frá alvarlegum
klofningi. Alla vega má óttast að sú óljósa samansuða sem
þar verði boðið upp á muni ekki verða mörgum fullveldis- og
sjálfstæðissinnum tilefni til að hrópa húrra fyrir. Þvert á móti!

   ESB-væðing Framsóknar kemur alls ekki á óvart. Hún var
löngu orðin. Einungis formleg niðurstaða skorti sem nú er
fengin.  Hin afgerandi  niðurstaða  skýrist af  því  að  þorri
þjóðlegra afla hafa  fyrir löngu yfirgefið  flokkinn, enda  fylgis-
hrunið eftir því.  Því áttu ESB-sinnar flokksþingið. Niðurstaðan
gefur hins vegar til mjög náins pólitísks samstarfs Framsóknar
og Samfylkingar í framtíðinni. Því nú er Framsókn orðin algjör
Evrókrataflokkur eins og Samfylkingin á mið/vinstra kannti
íslenzkra stjórnmála. Sameining þessara flokka ætti því  að
blasa við! Strax á mánudaginn!

    Fyrir þjóðleg og þjóðholl öfl er því margt orðið umhugsana-
vert. Spennandi tímar eru því framundan í íslenzkum stjórn-
nálum, þar sem allt getur gerst. Fæðing öflugrar borgara-
legrar hreyfingar á ÞJÓÐLEGUM grunni yrði mjög líkleg.
Því pílitíska tómarúmið  á Íslandi í dag er algjört!

  

Dómsmálaráðherra: Hefðbundin já,já/nei,nei afstaða framsóknarmanna

Athugasemdir

[Baldur Guðmundsson (IP-tala skráð) 18.1.2009 kl. 04:07]

Sæll Guðmundur 

Hingað kem lít ég stundum við í þeirri von að lesa blogg sem veitir mér gjörólíka og allt aðra sýn á lífið en ég hef sálfur. Ég verð aldrei fyrir vonbrigðum.

Þjóðernissinnaður afturhaldsflokkur á hægri væng stórnmálanna er að mínu viti líklega það síðasta sem þjóðin þarf á að halda. Í allra besta falli gæti slíkur flokkur klofið Sálfstæðisflokkinn í herðar niður en ég hef því miður enga trú á því að flokkurinn næði nema pilsnerfylgi.

Rétt eins og hver flokkurinn á fætur öðrum áttar sig nú á, er hag okkar betur borgið í nánu samstarfi við annan gjaldmiðil og önnur lönd. Mér sýnist núverandi fyrirkomulag fullreynt.

[Guðmundur Jónas Kristjánsson, 18.1.2009 kl. 11:00]

Baldur. Mótmæli harðlega að ég sé hér að tala fyrir afturhaldsamri þjóðernisstefnu. Hugsaðu aðeins. Er ekki hin skefjalausa frjálshyggja
og hin öfgakennda alþjóðavæðing sem komið hefur okkur í þá stöðu sem
við erum í dag? Dansinn kringum gullkálfinn.  Og er þá ekki sú stefna full-
reynd og gjaldþrota? Eða á að fara enn lengra inn í hið ESB-sinnaða regluverk sem að stórum hluta kom okkur í þessa súpu í dag? Afhenda
hinu alþjóðlega auðveldi yforráð yfir okkar helstu  auðlindum?
NEI TAKK Baldur. Mér sýnist núverandi fyrirkomulag fullreynt, og að
fara enn lengra á þeirri braut, yrði að fara svo gjörsamlega úr öskunni í eldinn. Verðum að fara að haga okkur sem ÞJÓÐ, smáþjóð sem við erum,
og sniða okkur stakk eftir því.