Framsókn sveik bændur! Fullveldissinnar styðja bændur !

   Í upphafi var Framsókn bændaflokkur á þjóðlegum grunni.
Og hefur gegnum áratugina verið málsvari þeirra. En nú er svo
komið að ekki einu sinni bændur geta lengur treyst Framsókn.
Og sú þjóðhyggja sem ætið var  merkisberi Framsóknar lungan
af síðustu öld er fyrir bí. ESB-trúboðið hefur heltekið Framsókn
svo, að erfitt er að skilja á milli krata og hennar í því trúboði.
Berst nú þvert gegn grundvallarhagsmunum bænda, og vill
aðildarumsókn að ESB. Þvert á ályktun Búnaðarþings fyrir
nokkru, þar sem aðildarviðræður og umsókn að  ESB var AL-
GJÖRLEGA hafnað, þar sem aðild Íslands að ESB myndi leggja
íslenzkan landbúnað í rúst.

   Fyrir hvað stendur Framsóknarflokkurinn í dag eiginlega?
Hver er hugmyndarfræðin?  Ímyndin?  -  Engin!

   Eðlilega hefur því fylgið hrunið af Framsókn.  Hefur yfirgefið
grasrót sína. Enda Framsókn  orðin einskonar útibú frá ESB-
sinnuðum krötum með stefnuna á Brussel. - Hver hefði trúað
slíku ósköpum fyrir nokkrum árum?

  Sem betur fer geta nú bændur, sjómenn og allar vinnandi
stettir, sem eiga samleið með þjóðlegum hagsmunum, grund-
völluð á þjóðfrelsi og fullveldi Íslendinga, treyst nýju afli í dag.
L-lista Fullveldissinna. Þegar allt bendir til að jafnvel Sjálfstæðis-
flokkurinn ætli að hlaupast undan merkjum í sjálfstæðismálum,
og samþykkja ESB-aðildarumsókn eftir kosningar, er þá fokið
í flest skjól.

   Því eru hér alveg sérstaklega kjósendur Framsóknar og Sjálf-
stæðisflokks. sem hafna alfarið ESB-aðild og mótmæla efnahags-
mistökunum undanfarinna ára, hvatir til að koma til liðs við L-
lista fullveldissinna. Bæði til að koma í veg fyrir ESB-aðildina,
og til að refsa þessum flokkum fyrir efnhagshrunið.

   L-listi Fullveldissinna er borgarasinnað afl án allra öfga, sem
öll þjóðholl öfl og einstaklingar geta stutt og kosið í komandi
þingkosningum.

  Áfram frjálst og fullvala Ísland!