Vinstristjórnin og forsetinn flatmaga fyrir kinverskum kommúnistum

    Nú er ljóst að ráðherrar í vinstristjórn Jóhönnu Sigurðardóttir
ætla bæði að lúffa og flatmaga fyrir kinverskum kommúnistum.
Alveg einsdæmi í sögu lýðveldisins að erlendur þjóðarleiðtogi og
auk þess þjóðfrelsishetja  skuli ekki fá viðtökur  sem honum ber
af ríkisstjórn og forseta. En það er nú eimitt að gerast gagnvart
Dalai Lama, trúar- og þjóðarleigtoga Tíbeta, sem þessa daga er
í  heimsókn á Íslandi. Hinn vinstrisinnaði forseti flúinn land og
ráðherrar í felum.

   Alveg dæmigert um undirlægjuhátt vinstrimennskunar á Íslandi.
Sem nú einbeitir sér að stórskerða fullveldi og sjálafstæði íslenzkrar
þjóðar. - Bersýnilega  er samhengið að finna þarna á milli.........

   Íslenzla þjóðkirkjan og biskaup Íslands eiga hins vegar hrós skilið
fyrir að taka á móti þjóðfrelsis-og trúarleiðtoga Tíbeta eins og hann
verðskuldar. - Það munu einnig allir íslenzkir  þjóðfrelsis- fullveldis-
og sjálfstæðissinnar gera.

    Lífi frjálst og fullvalda Tíbet !

Samtrúarleg friðarstund í dag

Athugasemdir

[Einhver Ágúst, 1.6.2009 kl. 14:15]

Var vinstristjórn á Íslandi þegar Falun Gong liðar voru hér handteknir við mómæli á opinberri heimsókn kínverskara ráðamanna? Nei reyndar ekki, þá voru mannréttindi brotin alvarlega á vakt Björns Bjarnasonar enda það fjölskylduhefðin þar á bæ.

það að pólitíkusar heimsins hræðist kína hefur lítið með hægri og vinstri að gera heldur með spillingu stjórnmálamanna og ofurvald peningann í heiminum sem skotið hefur rótum í valdatíð hægri manna.

Kína hefur örlög USA í hendi sér og ekkert nema hernaðarlegt inngrip Bandaríkjamanna í Asíu getur breytt því, svo þar fylgjum við svo fast á eftir sem afleiðing af því að verða algjörlga háð Bandaríkjunum fjárhagslega eftir áratuga sleikjuskap og jafnvel formlegum stuðningi og þáttöku í stríðsátökum um allan heim.

Það skrítna er að Tíbet er frjálsara en við í raun og veru á andlega sviðinu með þennan gríðarsterka leiðtoga sem sýnir í verki hvernig náungarkærleikur og bræðralag mun sigra ALLT að lokum og ekkert sem menn eða peningar geta sagt um það.

Já stjórnmálamenn heimsins eru sem lamaðir af ótta og hafa verið lengi vegna ógnarstærðar og krafts Kínverja, en það gildir einu hvort um er að ræða Kommúnista eða Frjálshyggjupésa. Sorglegt sem það er þá er þetta staða landsins okkar eftir alla spillinguna, allir stökkva til þegar Henry Kissinger mætir en Dalai Lama, eeee nei takk.

[Stefán Jónsson, 1.6.2009 kl. 14:20]

Sæll Guðmundur.

Ég er sammála þér, að mér finnst skjóta skökku við að ráðamenn þjóðarinnar taki ekki á móti Dalai Lama með þeim virktum sem hann svo sannarlega á skilið. En ég hef svo sem ekkert séð því fleygt að leitast hafi verið eftir því. Þetta er ekki opinber heimsókn, heldur eru það einstaklingar sem hafa skipulagt þetta og hafa væntanlega veg og vanda af dagskránni, í samráði við Dalai Lama sjálfan.

En að ætla að setja samasemmerki milli vinstrimennsku og undirlægjuháttar við erlenda ráðamenn er ekkert annað en "skítapólitík".
Þætti þér virkilega betra ef Björn Bjarnason væri enn þá dómsmálaráðherra?  Þá eru minni líkur en meiri að Dalai Lama hefði yfirleitt fengið að koma til landsins.
Ertu nokkuð búinn að gleyma Falung Gong málinu?
Þeirri þjóðarskömm í boði Sjálfstæðisflokksins, sem sverta mun nafn Íslands að eilífu.

Best að ítreka það hér í lokin, að ég er algerlega sammál þér í því, að við megum aldrei láta einhverja vafasama viðskiptahagsmuni verða til þess að við sópum mannréttindum undir teppið.

[Páll Jónsson, 1.6.2009 kl. 17:05]

Falun Gong þjóðarskömmin bætir ekki upp aðrar þjóðarskammir.

2 wrongs don't make a right, jafnvel þó skammirnar séu annars vegar vinstrimanna og hins vegar hægrimanna.

[Einhver Ágúst, 1.6.2009 kl. 17:43]

Nákvæmlega Páll, nákvæmlega.....

[Guðmundur Jónas Kristjánsson, 1.6.2009 kl. 19:42]

Að bera saman Falum Gong og þjóðfrelsishetju Tibetbúa er fáranlegt, og
sýnir vinstrimennskuna hér í hnotskurn hvað varðar þjóðfrelsi og fullveldi
þjóða. Enda hefur ALDREI verið gerð eins alvarleg atlaga að fullveldi og
sjálfstæði Íslands og EINMITT NÚ í boði Jóhönnu Sigurðardóttir og vinstri
stjórnar hennar.

[Einhver Ágúst, 1.6.2009 kl. 19:46]

Ekkert svona þjóðernishjal við mig ungi maður.......ég er ekkert að bera þau saman, lastu ekki það sem ég skrifaði? Ég er að bera saman okkar ástkæru stjórnmálamenn, hægri jafnt sem vinstri lúfaa fyrir Kína.

[Guðmundur Jónas Kristjánsson, 1.6.2009 kl. 20:09]

Ágúst, nefndi EKKERT þjóðernishjal hér, heldur nefndi ég hugtökin ÞJÓÐFRELSI, FULLVELDI OG SJÁLFSTÆÐI, sem eru allt aðrir hlutir, eitthvað sem vinstrimenn geta aldrei skilið. - Er enginn frjálshyggjumaður, og því síður  sjálfstæðismaður. Er fullveldis-og þjóðfrelsissinni (meðlimur í Samtökum Fullveldissinna)  og styð allt slíkt til handa ÖLLUM ÞJÓÐUM
HEIMS!

[Páll Jónsson, 1.6.2009 kl. 20:27]

Guðmundur: Ég er nú sjaldan kallaður vinstrimaður. 

Það að hefta frelsi Falun Gong með þeim hætti sem gert var er einfaldlega miklu verra heldur en það að æðstu ráðamenn Íslands séu hræddir við að hitta Dalai Lama. Mér finnst öllu skárra þegar undirlægjukomplex íslenskra stjórnvalda birtist í heigulskap fremur en beinum takmörkunum á eðlilegu tjáningarfrelsi manna.

[Guðmundur Jónas Kristjánsson, 1.6.2009 kl. 20:41]

Páll bara bendi á að þetta innflæði Falum Gong á sínum tíma var alls ekki
eðlilegt. Þarna ætluðu erlendir mótmælendur að þyrpast til landsins í því mæli að lögreglan sá fram á að hún myndi ekki ráða við neitt ef þetta lið
fengi allt að koma. Veist að löggæsla okkar er ALLT OF FÁMENN til að
ráða við slíkt. Þannig skyldi ég framgöngu stjórnvalda og lögreglu mæta
vel á þessum tíma miðað við aðstæður. Tjáningafrelsið var ekkert í húfi
hvað þetta varðar, heldur að halda uppi lögum og reglum, sem því miður
alltof fáir vinstrisinnar skilja, hvað þá allir róttæklingarnir í þeirra hópi.

[Magnús Helgi Björgvinsson, 1.6.2009 kl. 21:16]

Bara að benda ykkur á þessa fréttir af vinstrimönnum:

Ögmundur Jónasson heilbrigðisráðherra ætlar að hitta Dalai Lama, andlegan leiðtoga Tíbeta og friðarverðlaunahafa Nóbels, á morgun.

Og:

Dalai Lama, trúarleiðtogi Tíbeta og friðarverðlaunahafi Nóbels, heimsækir Alþingi á morgun. Þar mun forseti Alþingis, Ásta R. Jóhannesdóttir, taka á móti honum og eiga með honum fund ásamt þingmönnum í utanríkismálanefnd.

Og:

Þó að enginn ráðherra hafi óskað eftir fundi með Dalai Lama voru Árni Páll Árnason félagsmálaráðherra og Svandís Svavarsdóttir umhverfisráðherra á friðarstund með honum í Hallgrímskirkju í dag.

Á morgun hittir Dalai Lama forseta Alþingis, Ástu Ragnheiði Jóhannesdóttur, og þingmenn úr utanríkismálanefnd.

Þá mun Katrín Jakobs ætla að sækja fyrirlestur hans. Mér finnst miðað vð að hann er hér á vegum einkaaðila að þetta sé nú alveg ágætt.

[Svanur Gísli Þorkelsson, 1.6.2009 kl. 22:02]

Sæll Guðmundur.

Þú skrifar;

Þarna ætluðu erlendir mótmælendur að þyrpast til landsins í því mæli að lögreglan sá fram á að hún myndi ekki ráða við neitt ef þetta lið fengi allt að koma.

Hvað hefur þú fyrir þér í því að það hefði yfirleitt komið til nokkurra árekstra, hvað þá átaka milli lögreglu og Falun Gong meðlima ef þeim hefði verið leyft að koma?

Það eina sem Falun Gong meðlimir gera í mótmælaskini þar sem kínverskir ráðmenn fara um er að klæðast gulu, bera mótmælaskilti og singja - Hvergi hafa brotist út óeirðir þar sem Falun Gong meðlimir eiga í hlut né hafa þeir sýnt af sé annað en kurteisi í samskiptum sínum við yfirvöld hinna mörgu landa sem þeir hafa heimsótt til að mótmæla hræðilegum ofsóknum á hendur þeim í Kína.-

Aðgerðir lögreglu hér á Íslandi við heimsókn forseta Kína, var að tryggja það að hvergi sæist gulur klæðnaður þar sem hann fór um, mótmælaskilti eða stöðuhópar.

[Einhver Ágúst, 1.6.2009 kl. 23:18]

Og svo voru menn í borgarlegum klæðum handteknir án tilefnis þarsem þeir fáliðaðir mótmæltu harðræði kínverskra yfirvalda á friðsaman hátt.

[Guðmundur Jónas Kristjánsson, 2.6.2009 kl. 00:20]

Þakka innlitin og svara þeim fljótlega .

[Páll Geir Bjarnason, 2.6.2009 kl. 01:47]

Þarna varstu ærlega tekinn Guðmundur!

[Guðmundur Jónas Kristjánsson, 2.6.2009 kl. 09:05]

Magnús minn. Ekki þetta yfirjklór og kattaþvott við að reyna að verja forsetann, forsætisráðherra og utanríkisráðherra. Framkom þeirra er
ÖMURLEG og ALGJÖR flatmagaháttur gagnvart kínverskum kommúnistum.

Falum Gong eru frá mörgum ríkjum, atvinnumótmælendur margir, og mjög
margir með ofbeldisferla skv. því sem íslenzk lögregluyfirvöld öfluðu sér.
Þess vegna var gripið til þessara ráðsrafanna. Þess utan er ÓÞOLANDI
að einhverjir ERLENDIR atvinnumótmælendur hafi áhrif á það hvaða
þjóðarleiðtogar heimsæki Ísland, eða hafi einhver trúflandi áhrif á það,
þótt við getum verið ósammála um heimssókn viðkomandi persónu´.

[Einhver Ágúst, 2.6.2009 kl. 10:35]

Mér sýnist nú líka allnokkrir ráðherrar og stjórnmálamenn ætli að hitta hann en já sammála þér og þykir það ekki nóg, vill meiri opinberan stuðning við Tíbet frá mínum stjórnvöldum.

Erlendir með stórum stöfum undirstrikar sýn þína á afskipti annarra þjóða af okkur og ýtir stoðum undir að orð eins og fullveldi, þjóðfrelsi og sjálfstæði virka bara einsog þjóðernishjal hjá þér.

Mannréttindabrot eru alþjóðlegt vandamál og kalla á alþjóðleg mótmæli og þarsem ein frægasta mynd af mótmælum í mannkynssögunni kemur frá Kína ætti þér að vera ljóst hvaðan Lögregla fékk þessa "upplýsingar", Björn Bjarna fékk einfaldlega "rider" (kröfulisti) um hvað þyrfti að gera fyrir heimsóknina og hlýddi honum með sorglegustu valdbeitingu sem sést hefur hér á landi bæði í aðdraganda heimsóknarinnar og á meðann á henni stóð.

Hvaðan viltu fá upplýsingar um erlandar heimsóknir til íslands? Frá Íslandi eða frá þeim sem vita eitthvað um málin?

Hér eru svo nokkrar upplýsingar um Falun Gong þarsem þú virðist eitthvað að misskilja.

http://en.wikipedia.org/wiki/Falun_Gong

http://www.youtube.com/watch?v=1q1CIxCrkRs&feature=fvst

http://www.youtube.com/watch?v=nBnNViWP_Fg

Mér finnst svo leiðinlegt að sjá fullorðinn mann tala af svona mikilli fáfræði um einhvernákveðinn hóp af því að hann telur hópinn bara Atvinnu mómælendur. Þú flatmagar þarmeð sjálfur fyrir kínverskum yfirvöldum.

Guð blessi þig vinur.  En þú ert þjóðernissinni.....það er nokkuð ljóst.

[Guðmundur Jónas Kristjánsson, 2.6.2009 kl. 17:26]

Svo vill til Ágúst að ég hef kynnt mér mikið um Falun Gong og tel mig EKKI
fáfræðaru um þau en þig. Ber FULLT TRAUST til íslenzkra löggæsluyfirvala
þegar meta á svona hluti.  Hefur ekkert með þjóðerniskyggju að gera í
þeim skilningi sem þú leggur í hana. Ber FULLA virðingu fyrir ÖLLUM þjóðum
og kynþáttum, þótt ég vilji standa vörð um fullveldi og sjálfstæði Íslands,
og láta ekki erlend öfl segja okkur fyrir verkum.

Já sömuleiðis. Guð blessi þig vinur. - Þú ert Falun Gong sinni.... það er nokkuð ljóst.

[Einhver Ágúst, 2.6.2009 kl. 21:20]

Já nú tuðum við hér og Kínverski sendiherrann farinn, við hljótum bara að fagna því, eða hvað?

Ég styð fólk sem berst frekar vonlausum málstað gegn ofurefli og ofsóknum, ef það geri mig falun gong sinna þá það enda ekki rétt að stjórnvöld brjóti svo skelfilega gegn þegnum sínu og kínverjar gera.´

Mér þykir nú frekar vænt um lögregluna á íslandi svona almennt séð, en þeir eru ekkert hafnir yfir gagnrýni, enda hálfgerðir amatörar að svo ofsalega mörgu leyti. Og með sögu af að þjóna hagsmunum hægri sinnaðra afla landsins með ofbeldi og hlerunum meiraað segja gegn sínum eigin mönnum svo sem afa mínum sem var svo óheppinn að vera sósíalískur lögreglumaður í reykjavík í 40 ár. Var meðal annars læstur inni 30 mars 1949 vegna skoðanna sinna.

Fínt að rífast aðeins við þig, þú ert nú frekar kurteis og skemmtilegur kall.