ESB-umsóknin verði dregin til baka !

   Í ljósi síðustu atburða í icesave-málinu og þeirrar skjalfestu
staðreyndar, að Bretar og Hollendingar með stuðningi Brussels-
valdsins, misnota gróflega Alþjóðlega-gjaldeyrissjóðinn til að
handrukka ólöglegar icesave-kröfur á hendur íslenzka ríkinu,
er eðilegast af öllu að aðildarumsókn Íslands að ESB verði
dregin til baka. - Full ástæða er til að álíta að góður þingmeiri-
hluti hafi myndast fyrir slíku. Mikill meirihluti þjóðarinnar er
andvígur ESB-aðild skv. skoðanakönnunum, og fer vaxandi.

  Því er  hér  með  skorað   á  ESB-andstæðinga á Alþingi að
leggja þegar í stað fram þingsályktunartillögu um að umsókn
um aðild að ESB verði dreginn til baka. Ekki síst þar sem skýr
tengsl milli icesave-þjóðsvikanna og umsóknarinnar að  ESB
eru orðin meiriháttar samofin hvort öðru. Hinn hrikalegi ice-
save-þjóðsvikasamningur er nefnilega orðinn skýr aðgöngu-
miði að ESB.  Sem engan veginn er hægt að þola.

  Þá er einnig athugandi, að komi til þess að icesave-stjórnin
leggi fram annan icesave-þjóðsvikasamning, að breytinnga-
tillaga um afturköllun ESB-umsóknar verði þar strax lögð fram.
Því svo samofin er ESB-umsóknin orðin icesave- þjóðsvikunum.
Heildarmálið yrði þá afgreitt strax!

   ESB-andstæðingar eiga nú að hefja harða baráttu fyrir því,
að aðildarumsóknin að ESB verði snarlega dregin til baka!

  ÁFRAM ÍSLAND! EKKI ESB! EKKERT ICESAVE NÉ AGS!

   www.zumann.blog.is
   www.fullvalda.is
   Frjálst Ísland á facebook.

 

Segjast ekki tefja endurskoðun

Athugasemdir

[Guðrún María Óskarsdóttir., 16.10.2009 kl. 01:05]

Algjörlega sammála þér Guðmundur.

kv.Guðrún María.

[Guðmundur Jónas Kristjánsson, 16.10.2009 kl. 01:08]

Danke schön kæra Guðrún María!

[Óskar Helgi Helgason (IP-tala skráð) 16.10.2009 kl. 01:14]

Heill og sæll; Guðmundur Jónas, æfinlega !

Það er; notkun byssustingja og púðurs, gagnvart óþjóðaöflunum, sem ættu að verða næsta skref - okkar þjóðfrelsissinna.

Þessi mannskapur, þar syðra, skilur ekkert annað, Guðmundur minn.

Með beztu kveðjum; úr Árnesþingi /

Óskar Helgi Helgason

(Ritað; í minningu Alexanders Nevsky (1220 - 1263) Hersis, af Hólmgarði og fleirri lendum, austur þar)

[Björn Birgisson, 16.10.2009 kl. 01:16]

Þegar Icesave málið kemur aftur (endanlega) fyrir Alþingi, fylgstu þá náið með afstöðu Sjálfstæðismanna, fólksins sem sveik þjóð sína og lagði hana undir í heild í spilavíti Mammons. Og skít tapaði.

[Guðmundur Jónas Kristjánsson, 16.10.2009 kl. 01:21]

Takk kærlega Óskar minn. Engin spurning. Við þjóðfrelsissinnar munum
BERJAST! Og nota allt sem dugar!

[Guðmundur Jónas Kristjánsson, 16.10.2009 kl. 01:25]

Björn. Þjóðsvikarnir númer a-ö eru icesave-flokkarnir og ESB-öflin, kratar
og kommúnístar. Sem svíku íslenska þjóð! Handrukkarar útrásarmafíósa!

[Ragnar Örn Eiríksson (IP-tala skráð) 16.10.2009 kl. 04:13]

hefði nú ekki verið betra að vera í esb núna og haft þessa pressu esb MEР okkur núna?? þetta dæmi sýnir bara mátt esb til verndar aðildarríkjum sínum en þið froðusnakkar kjósið að sjá það ekki og ekki verður nú heldur séð að við séum nú í neitt svaka góðum málum núna standandi UTAN  esb???

[Marteinn Unnar Heiðarsson, 16.10.2009 kl. 07:56]

Get ekki verið meira sammála þér Guðmundur.En Ragnar ég get ekki verið eins sammála þér hvað varðar það að við værum betur sett innan ESB núna,ég get nú ekki séð að mörg lönd hér í kríngum okkur séu neitt í góðum málum þó að þau séu innana ESB,hversvegna stendur á því Ragnar?? eða viltu ekki sjá vegna dýrkunar þinnar á ESB.

[Júlíus Björnsson, 16.10.2009 kl. 07:59]

Heildarútflutningur sjávarfangshráefnis Íslands 2008 var um 172.000 miljarða króna. Þar af  fluttu Bretar 25% inn til sinnar fullvinnslu og smásölu m.a. það er um 43.000 milljarða króna. 

Upphæð sem samsvara atvinnuleysibótum um 28 milljón Breta. [1,5 milljóna á ári].

Íslendingar! samkeppni eru um fullvinnslu í EU en hráefni og 1. vinnslustig þeirra er bundið verðlagsákvæðum og Umboðsnefndar í  Brussel.

Bretar mun eiga í ljósi EU samninganna rétt til þess magns um aldur og ævi við innlimun. Við fáum örugglega að veiða það allt áfram. Okkur verður skammtað það hlutverk að skaffa fiskhráefni á hámarksverðum Umboðsins það er hæfs meirihluta. 

Þótt þetta sé "bara fiskur" í augum yngri Íslendinga, þá eru þetta hagsmunir í augum efnahagsráðuneytis Breta m.a.

Öll ríki sem hafa notið aðildarferils lánafyrirgreiðsluhafa farið flatt á því nema Norðmenn, því nokkrum árum fyrir formlega aðild lokast lánalínur EU hæfilega mikið. Bankakerfið í EU er í stórum dráttum Miðstýrt eða hægri hönd Umboðsnefndarinnar.

Fárviðrið í USA var bara tilviljun því planið var að Íslands Innlimaðist 2011 og árið 2007-2008 til valin til að byrja að þrengja að. Vegna þess lánafyrirgreiðslan fór öll í yfirbygginguna en ekki grunninn eins og Þjóðverjar m.a. telja skynsamlegast þegar alvöru fullvinnslu samkeppni hefst inna EU.  Þá byggja öll Meðlima-Ríkja allfarið á sínum heimamarkaði svo sem Lettar og Spánverjar.

Ef hagvöxtur stendur í stað í USA og eykst í Asíu þá fellur hann í EU. hráefnisframleiðendur innan EU fá þá lægri verð frá Umboðinu. Fullvinnslu Samkeppnin hefur forgang.

Ef hann eykst í EU þá þýðir ekki nauðsynlega að hráefnis verðið hækki.

Þess vegna er verið að selja útlendingu allt hérna af einskaklega þjóðhollum skyldmennu okkar. 

Ætli Íslenski þingmenn framtíðarinnar fari með nesti að heiman til Brussel í þessar ráðgefandi nefndir sem mega hafa skoðanir á því sem Miðstýring hefur fyrir stafni hverju sinni?

Stjórnarskrá EU 2500 reglur er skipulögð og úthugsuð þannig að Þjóðverjum og Frökkum þykir samsvara sinni menningar arfleið. Nú hefur efnahagsleg Landafræði ekki verið kennd í grunnskólum síðan um 1972. Sennilega eru það samtekin ráð í Brussel að almenningur eigi ekki gott með að bera svona saman. Við erum nefnilega öllu Evrópumenn í dag í orði kveðnu.   

Ísland er ekki gjaldþrota meðan þjóðarrétturinn stenst fyrir alþjóða dómstólum.

EU er ekki USA þótt allir hafi EU ríkisborgarrétt þá fylgir því ekki ríkisborgararéttur í öllum hinum Meðlima-Ríkjunum. þau eru nefnilega sjálfstæðar efnahagslögsögur sérhver með sinn eftirlits Seðlabanka hluta af Seðlabanka kerfi EU. Hver Seðlabanki mjólkar svo Fjármálageirann í sínu landi og tryggir að Miðstýringin fá sitt.

Þetta er uppfærð menningararfleið slektisins í EU sem tekur ekki niður fyrir sig frá dögum Rómverja.

Orðaleikir og nýorðasmíð eru búin rugla flesta í í Ríminu. 

Stjórnsýslan í Kaupmannahöfn í gegnum aldirnar bauð fjárfesta velkoma til Íslands, reynsla mun hafa verið sú að ekki einu sinn ættarhöfðingjar Íslensku munu hafa haft það gott [á meginland höfðingjamælikvarða], helst voru það fulltrúar Danska eftirlitsins og sumir erlendir fjárfestar hér á landi sem gerðu það það betra en en restin.

Lanbúnaður 90% í EU er hluti af samkeppni grunni og eina semkeppnin þar er gefast ekki upp fyrir regluverki og lægri verðskrá.  Þá stækka grunn framleiðslu einingarnar hægt og rólega. Verðin í fullvinnslurnar lækka. 10% er svo til að sýnast í hverri efnahagslögu eða framleiða í þá efnameiri.

Tómatar koma frá Spáni og Kjúklingar frá Póllandi sem eru ætlaðir almúganum sem hann geta fengið meiri kaupmátt.

Ísland verður aðal fiskhráefnistöðin og allur hagnað ef einhver er rennur svo í fjármálageirann. Ísland græðir ef heildin í EU græðir. Ísland græðir ekki á kostnað innri samkeppni heildarinnar

 út á þetta gengur EU. Öllu Ríki EU eru í lokuðu kerfi. Þar sem sem viðskipti við ríki utan EU er í höndum eða undir eftirliti Umboðsins. Sem sér um framkvæmdir sem varða samkeppni grunnin.

Eini munurinn á ESS og EU er að Umboðið beitir fyrir sig alþjóðastofnum meðan á aðildarferlinum stendur.  

[Haraldur Hansson, 16.10.2009 kl. 09:13]

Í síðustu viku skrifaði ég færsluna Drögum ESB umsókn til baka. Ekki á sömu forsendum og hér er gert, enda ástæður ærnar og fer fjölgandi ef eitthvað er.

Það væri heillaspor í rétta átt að hætta við þessa ESB vitleysu strax. Og helst fyrr, ef það er hægt.

[ElleE (IP-tala skráð) 16.10.2009 kl. 10:35]

Sjálf umsóknin var óeðlileg með Icesave nauðungina yfir okkur af hálfu Breta og Hollendinga.  Núna er það orðið óviðunandi að hafa usókn þarna inni og ekkert vit í neinu öðru en hætta vitleysunni strax.  

Og Ragnar, Lettar eru þarna inni og í klóm AGS eyðileggingarvaldsins.  "Þegar Icesave málið kemur aftur (endanlega) fyrir Alþingi,"  Þarf það nokkuð að koma aftur fyrir Alþingi?   Alþingi var búið að setja lög um það.  

[Ragnar Örn Eiríksson (IP-tala skráð) 16.10.2009 kl. 12:26]

ég er engin blindur esb sinni en ég er ekki heldur staurblindur á það ástand sem hér ríkir eftir snillingana sem eru í stjórnmálaflokkunum hér og er fullviss um að ástandið mun breytast til mikils batnaðar þegar völd þeirra minnka.Ekki eru bandaríkjamenn heldur í esb, er ástandið þar eitthvað gæfulegt????

[Guðmundur Jónas Kristjánsson, 16.10.2009 kl. 13:32]

Ragnar. Skv. málflutningi þínum voru það mistök að segja okkur úr lögum
við Danaveldi. Hugsið ykkur  bara alsæluástandið í dag ef þvið hefðum haft
tvöfalda tryggingu að hafa ekki farið okkur að voða. Gulltryggða ESB-aðild gegnum veru okkar í Danaveldi! - Ragnar. Tek þessum málflutningi þínum
hér sem djóki!

Þið hin Marteinn, EllE og þú Haraldur hafið þökk fyrir innlit ykkar sem ég er
sammála.

[ElleE (IP-tala skráð) 16.10.2009 kl. 18:01]

Vildi bara segja, Björn, að ég var ekki að skjóta þig niður þarna að ofan, heldur hélt kannski að einhver gæti svarað þessu, þ.e. hvort Icesave þurfi nokkuð endilega að koma aftur fyrir Alþingi. 

[Guðmundur Jónas Kristjánsson, 16.10.2009 kl. 21:21]

ElleE. Icesave þarf að koma fyrir Alþingi ef á að breyta fyrirvörunum.