Yfirlýsing Guðna vanhugsuð

   Yfirlýsing formanns  Framsóknarflokksins  í  fjölmiðlum  í
gærkvöldi varðandi svokallað REI-mál og aðkomu ákveðinna
flokksmanna  að  því, var vanhugsuð. Í raun torskilin í ljósi
ummæla sem formaðurinn hafði  áður lýst. Hafi  hún  átt að
bæta stöðu og ímynd flokksins í máli þessu, gerði hún illt
verra.

  Þegar stjórnmálamenn hafa sett sig í  pólitískt fúafen eins
og augljóst er í þessu REI máli, eiga þeir SJÁLFIR að axla
FULLA ÁBYRGÐ og taka afleiðingunum. - 

    Svo einfalt er það ! 

REI málið vefur stöðugt upp á sig

    Svo virðist sem REI málið verði alvarlegra með hverjum
deginum sem líður  og margar spurningar vakna sem allar
sýna alvarleika málsins. Þeir stjórnmálamenn sem ekki vilja
sjá alvarleika málsins eru stjórnmálamenn í vondum málum,
þótt þeir persónulega hafa ekki komið að því. Alvarlegast
er þó ef enginn ætlar að axla pólitíska ábyrgð í þessu máli
öllu. Þá er orðin verulega hætta á að þjóðin rísi upp,   því
réttlætiskennd og siðferði hennar verður þá alvarlega
misboðið.

   Þetta REI mál allt er með hreinum eindæmum! Að láta
höfuðpaura þess um  það að leysa það og leiða til lykta
verður hins vegar  hámark heimskunnar og ósvifninar !

   Þjóðinni  er MISBOÐIÐ !

Eru sjálfstæðismenn að fara á taugum ?

   Hvað liggur svona rosalega á að selja hlut Orkuveitunnar
í REI ? Eru sjálfstæðismenn að fara á taugum?  Því má ekki
bíða með það að selja  í 1.1/2- til 2 ár í viðbót eins og upp-
runalega var gert ráð fyrir ? Allar líkur eru á að eigendur
Orkuveitunar, ,  munu hagnast um tugi milljarða á þeirri bið,
auk þess sem hlutur suðunesjamanna verður tryggari.
Á allur þessi hagnaður frekar að renna í vasa útvaldra ofur-
auðmanna, auk þess sem stórhætta er á miklum atgervis-
og þekkingarflótta úr Orkuveitunni fyrir slikk. Hvers vegna
á slíkt að gerast vegna þess  að svokölluð ,,hugmyndafræði"
sjálfstæðismanna segir svo um vegna innanflokksvandamála
þeirra ?  Hvers  konar rugl  er  þetta ? Og ætlar fulltrúi Fram-
sóknar þá að samþykkja það rugl til viðbótar öllu hinu ofur-
ruglinu sem gert hefur verið síðustu daga í þessu máli? Hvers
vegna talaði borgarfulltrúi Framsóknar ekki hreint út með
þetta í kvöld ? Borgarstjórinn talaði hins vegar eintóma
hebresku í Kastljósi kvöldsins sem enginn maður skildi!

Áfall fyrir evrusinna

   Yfirlýsing seðlabankastjóra ESB um  að  EFTA ríkin  taki
upp evru án aðildar að ESB sé útilokað,   hlýtur að  vera
áfall fyrir evrusinna. Þetta kom fram á fundi í  dag að sögn
AP, þegar  íslenzkur  embættismaður  spurði  hvort  hann
sæi möguleika á að Ísland tæki upp evru án aðildar að ESB.
(sbr.Mbl.is) Raunar  kemur yfirlýsingin  alls  ekki á óvart. 
Vitað var ætíð að upptaka evru án aðildar að ESB væri mjög
óraunhæf hugmynd og meiriháttar  rugl.

   Vonandi að rugltalið um evruna taki nú enda. Sérstak-
lega að viðskiptaráðherra komi niður á jörðina og hætti 
þeirri vítaverðu iðju sinni að tala þjóðargjaldmiðil Íslend-
inga niður. Það er einsdæmi í veraldarsöguni að ráðherra
nokkurs ríkis tali þjóðargjaldmiðil sinn niður með þeim
hætti og íslenzki viðskiptaráðherra hefur gert að undan-
förnu.

   Þeir stjórnmálamenn sem hafa talað fyrir upptöku evru
án aðildar að ESB þurfa sömuleiðis að endurskoða sinn
málflutning.  Annað hvort göngum við í ESB og tökum
upp evru eða ekki.  Ekkert ,,hérumbil" tal er í stöðunni.
Þeir stjórnmálamenn sem ekki geta komið hreint fram í
því stórmáli hvort Ísland á að ganga í ESB eða ekki eiga
að hætta í stjórnmálum. Það er lágmarkskrafa til sérhvers
stjórnmálamanns að hafa SKÝRA stefnu í því stórmáli !
 

Áframhaldandi borgarstjórnarsamstarf brostið

   Ein af grunnstoðum sérhvers samstarfs er TRÚNAÐUR og
TRAUST. Alveg sérstaklega á þetta við um stjórnmálin. Allir
sem eitthvað hafa fylgst með deilunum um Orkuveitu Reykja-
víkur og útrás hennar á orkusviðinu á vettvangi borgarstjórn-
ar, sjá að þar er allt sem flokka má undir TRÚNAÐ og TRAUST
 fyrir bí. Gjörsamlega fyrir bí!

   Sjálfstæðisflokkurinn logar stafna á milli. Borgarstjórinn er
rúinn öllu trausti þar á bæ. Þegar svo er komið er vandséð
hvernig slíkum flokki er treystandi í samstarf lengur. Og 
fyrir Framsóknarflokkinn alls ekki, þegar það við bætist að
innan  Sjálfstæðisflokksins  voru ræddar hugmyndir  um að
slíta samstarfi við Framsókn og mynda nýjan meirihluta með
Vinstri-grænum  eins  og Mbl. greinir frá í dag. Slík óheilindi
gagnvart samstarfsflokknum er  eins  og köld vatnsgusa í
ljósi þess sem undan er gengið. Því grunnrótin af öllu þessu
stórklúðri er borgarstjórinn sjálfur.  sem kemur úr röðum
sjálfstæðismanna.  - Að borgarfulltrúar Sjálfstæðisflokksins
reyni að hvítþvo sig sem saklausa engla samhliða ,,stuðningi"
við þennan sama borgarstjóra, er fráleitt, enda gengur ekki
upp. Þá eru hugmyndir borgarfulltrúa sjálfstæðismanna að
einkavæða REI alfarið, svo að svokölluð hugmyndafræði þeirra
gangi upp, óásættanleg fyrir samstarsflokkinn. Málið er í hnút.

   Framkoma sjálfstæðismanna gagnvart framsóknarmönnum
í vor var afar ódrengileg, þegar þeir slitu 12 ára farsælu ríkis-
stjórnarsamstarfi með  engum rökum. Þann leik eiga framsókn-
armenn ekki að láta þá komast upp með aftur. Þeir eiga að slíta
núverandi borgarstjórnarsamstarfi við Sjálfstæðisflokkinn nú
áður en sjálfstæðismönnum þóknast, sbr. frétt í Mbl. í dag.
Enda þarf Framsókn heldur betur að taka til  í sínum eigin ranni 
eins og mál hafa skipast. Það er líka augljóst !

   

Sjónarmið Bjarna Harðarsonar njóta víðtæks stuðnings

   Svo virðist að  sjónarmið Bjarna Harðarsonar þingmanns
Framsóknar í Orkuveitumálinu njóti viðtæks stuðnings meðal
framsóknarmanna. Þá hefur Guðni Ágústsson formaður Fram-
sóknarflokksins lýst yfir mikilli reiði framsóknarmanna með
hvernig mál hafi þróast, og hefur boðið þingflokk og hlutað-
eigendi sveitarstjórnarmenn flokksins til fundar um málið á
morgun.

   Ljóst er að til tíðinda munu draga á morgun í málinu og þá
verða borgarstjórnarfulltrúar Sjálfstæðisflokksins neyddir til
að koma fram. Það er alveg furðulegt hversu múlbundnir
þeir hafa verið gagnvart fjölmiðlum síðustu daga, sem sýnir
hversu mikil átök eiga sér stað innan borgarstjórnarflokks
Sjálfstæðisflokksins. Borgarstjórinn virðist rúinn öllu trausti.
Í ljósi þessa hlýtur endurskoðun á meirihlutasamstarfinu í
borgarstjórn að vera uppi á borðinu meðal framsóknarmanna.
Algjör uppstokkun og uppgjör hlýtur þar  að fara fram !


  Í fréttum Stöðvar 2 í kvöld sagði Bjarni Harðarson kaup
Bjarna Ármanssonar algerlega siðlaus og skoraði á hann
að láta kaupin ganga til baka. Hann sagðist einnig mjög
ósáttur við kaup Jóns Diðriks í félaginu. - Þarna hefur 
Bjarni lög að mæla. - Þjóðin hefur fengið yfirsig nóg af
pólitísku siðleysi og framferði ofur-auðmanna í hinu ís-
lenzka samfélagi...........

Krafist verði um verðmat á REI

   Reiðin út af Orkuveitu-klúðrinu kraumar um allt þjóðfélagið.
Innan  Framsóknarflokksins  er  mikil reiði  að  sögn Guðna
Ágústssonar sem hefur boðað þingflokksfund á morgun,
ásamt fulltrúm flokksins í þeim sveitarstjórnum sem eiga
hlut í Orkuveitu Rykjavíkur. Þá hefur Guðni réttilega furðað
sig á því hvers vegna kaupréttarsamningar Bjarna Ármanns-
sonar og Jóns Diðriks  Jónssonar hafa ekki verið ógiltir.

   Júlís Vífill Ingvarsson sem einn borgarfulltrúa Sjálfstæðis-
flokksins hefur þorað að koma fram og tjáð sig um málið,
segir erfitt að leggja mat á verðmæti REI. Hann segir að
fullnægandi upplýsingar hafi ekki verið lagðar fram í mál-
inu, og hann hafi ítrekað óskað eftir upplýsingum um
hvað var lagt til grundvallar því. Þetta er enn eitt dæmið 
um ofur-spillingu í máli þessu. Þetta er í einu orði sagt
forkastanlegt. Að  kjörnir  fulltrúar fái ekki aðgang að
slíkum grunnupplýsingum í málinu.  Er þarna komin ein
skýring á því hvernig hlutur Bjarna Ármannssonar  hafi
hækkað um 100% í REI  á  örfáum  dögum? Þetta  mál
virðist vinda stöðugt meira og meira upp á sig, og spurn-
ing fer að vakna um opinbera rannsókn á þessu furðu-
lega máli öllu, ásamt því að það verði tekið upp frá grunni
þegar í stað.
  
   Þetta mál mun óhjákvæmilega haf miklar pólitiskar af-
leiðingar í för með sér.  - Það eitt er ljóst . Augljóslega
verða höfuðpauranir í malinu að axla sína pólitísku ábyrgð!

Formaður Framsóknarflokksins bregðst við

  Í Fréttablaðinu í dag kemur fram að Guðni Ágústsson
formaður Framsóknarflokksins segist hafa orðið var
við mikla óánægju innan flokks sins með framgöngu
borgarfulltrúa flokksins í Reykjavík, vegna samruna
REI og Geysis Green Energy. Hann boðar fund með
sveitarstjórnarmönnum flokksins á suðvesturhorninu
strax  eftir helgi til  að fara yfir þessi mál.

  Það er ánægjulegt að formaður Framsóknarflokksins
skuli  líta  þetta mál  alvarlegum  augum. Enda ekki 
skrítið,  þar sem sjálf ímynd flokksins er í veði. Ímynd
sem reynt hefur verið að byggja upp eftir að ný for-
ysta tók við flokknum undir formennsku Guðna Ágústs-
sonar. Ímynd sem ákveðin öfl innan flokksins tókust
að sverta um áraraðir. Svo virðist að ekki hafi tekist
að kveða þau niður fyrir fullt og allt. - Það verkefni
verður að ljúka. Það er krafa hins almenna flokks-
manns og stuðningsmanna í dag. -  Til þeirra verka
hefur  formaðurinn  fullan  stuðning, ekki síst  hins
almenna kjósenda flokksins og grasrótar hans....

Þjóðfáninn smánaður

    Get ekkert að því gert. Fannst ekkert fyndið við það í
kvöld í Spaugstofinni  að  eitt atriðið  þar gekk út á það  
að gera gys af reglum  um  íslenzka  þjóðfánann, sem
endaði þannig að látið var líta svo út  að kveikt væri  í
honum. Eða gerðist það í raun?  

    Ekki er hægt að smána þjóðfána meira eins og það að
kveikja í honum. Minnistætt er þegar sömu aðilar vanvirtu
rússneska fánann í fyrra, með viðeigandi mótmælum sendi-
ráðs Rússlands. Var enginn lærdómur dreginn af því ?

   Þarna fór Spaugstofan langt langt  út fyrir öll mörk !  Og
það í sjálfu Íslenzka Ríkissjónvarpinu. 

Kattarþvottur! Framsóknarmenn reiðir

  Sú ákvörðun stjórnar Reykjavík Energy Invest að endurskoða
sölu á hlutabréfum í REI til starfsmanna REI og Orkuveitunnar,
er ekkert annað er kattarþvottur. Þessi ákvörðun er einungis
tekin til að reyna að lægja öldunar og þá miklu réttlátu reiði
meðal almennings, sem búinn er að fá sig meir en fullsaddan
á svona gjörspilltum vinnubrögðum sem þarna áttu sér stað.

  Meðal framsóknarmanna er mikil reiði. Einn af þingmönnum
flokksins, Bjarni Harðarson, skrifar á blogg sitt í dag að margir
framsóknarmenn séu reiðir og sárir hvernig að málum var
staðið hjá Orkuveitu Reykjavíkur. Hann segir réttilega að sú
aðferðafræði sem þar eigi sér stað sé mjög fjarlæg venjulegu
framsóknarfólki. Bjarni segir orðrétt. ,,Það er sárt að sjá verð-
mæti sem eiga að vera í sameign margra vera með þessum
hætti mulin undir grórðaöflin. "

  Það er alveg ljóst að þetta mál er hvergi lokið. Innan sjálf-
stæðismanna eru mikil  átök og borgarstjórinn er rúinn öllu
trausti. Hvernig getur Framsókn starfað innan slíks pólitíks
umhverfis lengur ? Og hver mun axla pólitíska ábyrgð innan
borgarstjórnarlista Framsóknar í þessu meiriháttar klúðri ?