Gleðifréttir frá Flateyri

   Þær gleðifréttir bárust í dag frá Flateyri að
nýtt fyrirtæki Oddatá ehf kaupir allar fasteignir
og tæki Kambs á Flateyri, til að leiða uppbygg-
ingu á margþátta starfsemi með aðkomu sem
flestra aðila. Félagið stefnir m.a að  vinnslu á
frosnum og ferskum afurðum, og vonast til að
sem flestir starfsmenn Kambs haldi vinnu sinni.
Þá stefnir Oddatá að bjóða upp á aðstöðu og
leita eftir samstarfi við fleiri aðila, tengdum eða
ótengdum fiskiðnaðinum, um nýtingu annara
eigna, að því er segir í tilkynningu frá félaginu.

   Oddatá ehf er að stærstum hluta í eigu og undir
stjórn Kristjáns Erlingssonar. Kristján er einn af
útrásarmönnum Íslands, því hann  hefur búið á
annan áratug í Uganda, og byggt þar upp frá
grunni langstærsta fyrirtæki í Uganda  á grænmeti
og vörúflutningum í lofti.

   Kristján Erlingsson kemur því eins og bjargvættur
Flateyrar á elleftu stundu.  Kristján er Flateyringur,
systursonur Einars Odds alþingismanns.

    Færi hér með Kristjáni vini mínum heillaóskir og er
þess fullvíss að hér er um gæfuríka ákvörðun að ræða.

    Til hamingju Flateyri og Flateyringar...........
 

  

   

Staksteinar tala réttilega um barnaskap utanríkisráðherra

   Í Staksteinum Morgunblaðsins í dag er fjallað um
áform utanríkisráðherra að heimsækja Miðausturlönd
til þess að athuga hvernig veð getum beitt okkur
þar og lagt okkar lóð á vogaskálar fyrir betra ástandi
þar, og þá í samvinnu við Norðmenn.

   Í Staksteinum segir: ,,Mikil óskaplegur barnaskapur
væri það af  hálfu hins nýja utanríkisráðherra, ef hún
héldi að Íslendingar gætu komið að einhverju gagni
í Miðausturlöndum.

   Auðvitað getum við engin áhrif haft þar og fáránlegt
að láta sér þetta það í hug. Þetta veit Ingibjörg Sólrún
vel. Hún veit að við gerum bezt í því að vera ekki að
þvælast fyrir Miðausturlöndum. Ástæða fyrir þessum
yfirlýsingu ráðherrans er innanlandspólitík. Hún er að
tala við vinstri arm Samfylkingarinnar og koma í veg
fyrir að Vinstri grænir geti komið höggi á hana vegna
málefna Palestínu.

   En er sjálfsagt að eyða fé skattgreiðenda í ferðalög
af þessi tagi vegna pólitískra átaka hér heima fyrir?
Fyrirfram hefði mátt ætla, að Ingibjörg Sólrún yrði
jarðbundnari utanríkisráðherra en svo að hún hæfi
þann þykjustuleik að halda að smáþjóðin í norðri
geti haft einhver áhrif í Miðausturlöndum!!  ."

  Vert er að taka undir sjónarmið Staksteina. Það er
í senn barnalegt og fáránlegt að fara að flækja
Íslandi inn í stríðsátökin fyrir botni Miðjarðarhafs.
Stríðsátök, sem munu ALDREI linna meðan öfgahyggja
zíonista og íslamista ráða þar ríkjum.

   Svo einfalt er það!

Ingibjörg Sólrún til Miðausturlanda

    Ingibjörg Sólrún utanríkisráðherra sagði á Alþingi
í dag, að mikilvægt væri að íslenzk stjórnvöld kæmu
á eðlilegum samskiptum við þjóðstjórn Palestínu-
manna. Þá upplýsti hún að hún hygðist eiga gott
samstarf við utanríkisráðherra Noregs, um það
hvernig Íslendingar gætu komið að málefnum
svæðisins. Hún sagðist stefna á að heimsækja
svæðið  til að athuga hvernig við getum beitt
okkur þar.  Tilefni umræðananna var tillaga
Vinstri Grænna um að Ísland viðurkenndi  þjóð-
stjórn Palestínumanna en í henni eiga m.a sæti
hryðjuverkasamtökin Hamas.

   Þótt það geti verið gott og göfugt verkefni að
bjarga heiminum verður smáþjóð eins og Íslend-
ingar að vera raunsæir í þeim efnum og gæta
þess að blanda sér ekki  of í illvæg stríðsátök
eins og verið hafa um áratugi fyrir botni Miðjarðar-
hafs. Stríðsátök sem í grunninn byggja á trúar-
legu ofstæki og öfgum íslamskra- og zíoniskra
afla.  Fræði, sem Íslendingar hafa hingað til alla
vega ekki verið þjóða femstir í.

   Athyglisvert verður að fylgjast með hvort hinn
,,nýji" tónn sem hinn nýji utanríksráðherra slær
í málefnum Miðausturlanda sé aðeins einn  af
mörgum slíkum sem vænta má í utanríkisstefnu
Íslands á næstu mánuðum og misserum.

Bush blíðkar Pútín

    Þetta eru eins og strákar í sandkassaleik.
Bush segir Rússa ekkert að óttast fyrirætlan
Bandaríkjamanna um varnarflugakerfi í Póllandi  
og Tékklandi.  Pútín Rússlandsforseti hótar
hins vegar hefndum og að beina kjarnorku-
flaugum Rússa að Evrópu á ný verði af því
að Bandaríkjamenn komi kerfinu upp.

    Það verður að segjast eins og er að
þetta frumhlaup Bandaríkjamanna er með
öllu óskiljanlegt. Setja upp svokallað varnar-
flaugakerfi við fótskör Rússa til að verjast
flaugum frá Íran og N-kóreu er alls ekki sann-
færandi. Andstaða Rússa er því skiljanleg. Þar
fyrir hefði maður ætlað að fjárhagur Banda-
ríkjanna vegna stríðsins í Írak væri slíkur að
ekki væri á bætandi stjarnfræðilegar fúlgur í
svokallað varnarflaugakerfi í Mið-Evrópu nú
þegar kaldastríðinu er löngu lokið.

   Míkið rosalegur léttir er að vera laus við
bandariskan her af Íslandi. - Íslenzk stjórnvöld
eiga  því að  lýsa andstöðu sinni yfir þessu
heimskulega brambolti  Bandaríkjamanna.

Sigurður Kári eðlilega ekki rótt

    Sigurður Kári Kristjánsson alþingismaður ásakar
Guðna Ágústsson formann Framsóknarflokksins um
spunatilburði á bloggsíðu sinni í dag. Þar segir hann
Guðna stefna Framsóknarflokknum hressilega til
vinstri, ásamt því að vera með hræðsluáróður gagn-
vart Sjálfstæðisflokknum í Evrópumálum. Hvort
tveggja er rangt.

    Í fyrsta lagi hefur Framsóknarflokkurinn ætið
skilgreint sig sem miðjuflokk í íslenzkum stjórn-
málum.  Fullyrðing Sigurðar er því alröng. 

   Í öðru lagi hefur Guðni Ágústsson einungis varað
við þeim þáttarskilum sem nú eru að eiga sér
stað í Evrópumálum á Íslandi, eftir að ný ríkis-
stjórn hefur tekið við völdum. Ríkisstjórn sem til
helminga er skipuð yfirlýstum eitilhörum Evrópu-
sambandssinnum, þar með sjálfur utanríkisráð-
herrann. Ríkisstjórn sem virðist hafa allt opið í
Evrópumálum skv. stjórnarsáttmála. En það er
einmitt vegna hins loðna og óskýra stjórnar-
sáttmála í Evrópumálum, sem margir andstæð-
ingar ESB-aðildar óttast hið versta í þeim málum
á næstu misserum. Því utanríkisráðherra hefur
ávalt mikil áhrif á stefnu og áherslur í utanríkis-
málum hverju sinni, ekki síst í þeim málaflokkum
sem ekki er skýrt kveðið á um í stjórnarsáttmála.

   Það er því ekki að undra að Sigurður Kári og
fleiri Evrópusambandsandstæðingar innan Sjálf-
stæðisflokksins séu eðlilega ekki rótt um þessar
mundir. Ekki síst þegar þeir skynja að sterk öfl
innan Sjálfstæðisflokkssins úr atvinnulífinu vilja
taka höndum saman við sjónarmið Samfylkingar-
innar í Evrópumálum og knýja fram stefnubreytingu
í þeim málum á kjörtímabilinu.

    Orð Sigurðar Kára um formann Framsóknarflokksins
ber því að skoða í ljósi þessa...

Olíuhreinsunarstöð til bjargar Vestfjörðum

    Það er alveg ljóst að eftir síðustu svörtu skýrslu
Hafró um verulegan samdrátt í þorskveiðum á kom-
andi árum, auk allra áfallana í atvinnumálum Vest-
fjarða undanfarna mánuði, gæti bygging olíuhreins-
unarstöðvar á Vestfjörðum komið meiriháttar til
bjargar því samfélagi  sem þar er. Það er búið að 
ræna Vestfirðingum lífsbjörginni, fiskinum í sjónum, 
og því  ekkert annað sem við blasir þar en  eymd og 
volæði, ef fram heldur sem horfir. Hugmyndin  um
byggingu olíuhreinsunarstöðvar á Vestfjörðum yrði
því meiriháttar bjargvættur Vestfjarða, og því er
afar brýnt að hugmyndin komist til framkvæmda
sem allra fyrst.

    Umrædd olíuhreinsunarstöð yrði fjármögnuð
af erlendum fjárfestum, einkum rússneskum og
bandariskum, auk íslenzkra aðila. Orkan er fyrir
hendi, þannig að ekki þarf að koma til nýrra virk-
junarframkvæmda. Um 500 manns fá þarna trygga
og góða atvinnu, auk þess sem um 200 önnur
störf munu tengjast starfseminni. Rúm 20% af
þessum mannskap verður háskólamenntað fólk.
Þannig að innspýtingin í vestfirskt atvinnulíf og
byggðarþróun yrði gríðarleg, einmitt sem Vest-
firðingar þarfnast svo mjög í dag.  Þá myndi þetta
sjálfkrafa kalla á jarðgangagerð milli Dýrafjarðar
og Arnarfjarðar, en Dýrafjörður hefur verið nefndur
sem ákjósanlegur staður fyrir slíka starfsemi.

   Öll rök hniga því til þess að hugmyndin um olíu-
hreinunarstöð á Vestfjörðum verði hrint í framkvæmd
hið snarasta. Stjórnvöld og yfirvöld vestra hafa í 
raun um ekkert annað að vellja, eins og ástand og 
horfur eru í dag. 
   

Fiskveiðistjórnunarkerfið bíður skipbrot

    Skýrsla Hafró sýnir einfaldlega skipbrot núverandi
fiskveiðistjórnunarkerfis. Kerfið hefur algjörlega mis-
tekist að byggja upp  fiskistofnana, auk þess sem það
er gjörspillt og er að leggja heilu sjárvarplássin í rúst

   Þverpólitísk samstaða hlýtur að nást um allsherjar
uppstokkun á stjórn fiskveiða þegar í stað. Formaður
Framsóknarflokksins hefur lýst yfir vilja til að kerfið
allt verði skoðað frá grunni, og í sama streng tekur
oddviti framsóknarmanna í Reykjavík, og er það vel.
Allir stjórnmálaflokkar verða að  samþykkja þverpóli-
tíska ákvörðun um allsherjar uppstokkun á þessu
kolruglaða kerfi, sem aldrei hefði átt að setja á.

   Horfi til heimabyggðar minnar Flateyri með hryllingi,
þar sem þetta skaðræðiskerfi er að því komið að legga
þorpið  í eyði.  

  - Það hlýtur að vera hægt að koma í veg fyrir 
móðuharðindi af mannavöldum...........  

Framsókn vildi ekki vinstristjórn !

     Björgvin Guðmundsson spyr hér á bloggsíðu
sinni hvort Framsókn hafi viljað vinstristjórn?
Nei, Framsókn vildi ekki vinstristjórn, enda 
hefði það þýtt pólitískt  harakíri fyrir Framsókn.
Þvert á móti vildi forysta Framsóknar áfram-
haldandi stjórnarsamstarf við  Sjálfstæðisflokkinn
eins og margoft hefur komið fram.  Að öðrum 
kosti færi Framsókn í stjórnarandstöðu.
Sjálfstæðisflokkurinn valdi hins vegar stjórnar-
samstarf við hina Evrópusinnuðu krata, og við
það situr þjóðin uppi með í dag.  - Því miður !
      

Ástandið í austur hluta Þýzkalands enn slæmt.

   Skv. nýrri rannsókn í Þýzkalandi hefur komið
í ljós að ástandið í austur hluta landsins sem
var undir kommúniskri stjórn þar til Berlínarmúr-
inn féll 1991 er enn slæmt. Um ein og hálf milljón
manna hefur yfirgefið austurhlutan frá 1991,
og eru tveir þriðju þeirra konur, sem yfirgáfu
heimabyggðir sínar til að freista gæfunnar annars
staðar. Kom fram í rannsókninni, að þetta hafi m.a
leitt til ýmissa félagslegra vandamála, því efna-
hagsástandið í fyrrum Austur-Þýzkalandi er  enn
slæmt og atvinnuleysi mikið.

   Ástandið í austur-þýzka alþýðulýðveldinu var
skelfilegt og það komið að fótum fram þegar
loks Berlínarmúrinn féll. - Því mun það taka
langan tíma  að  byggja upp  þennan hluta
Þýzkalands. Hins vegar eru kröfur fólks allt
aðrar í dag, og því skiljanlegt, að óþolinmæði
sé farin að gæta. Þannig hefur róstur gegn
ýmisum minnihlutahópum aukist í Þýzkalandi
á undanförnum árum, einkum í eystri hluta
landsins.

    Engu að síður er Þýzkaland eitt af öflugustu
efnahagsveldum heims og á eftir að eflast mjög
á komandi áfram, ekki  síst pólitískt. Fyrir okkur
Íslendinga er því afar mikilvægt að efla okkar
góðu og sterku tengsl við Þýzkaland.  Þjóð-
verjar eru ein vinveittasta þjóð okkar Íslendinga,
og þá vináttu ber að efla og styrkja á allan hátt
í náinni framtíð.

Hryðjuverkamaðurinn Paul Watson tekinn föstum tökum !

   Eftir um 2 vikur er von á komu Pauls Watsons
og skipi samtaka hans, Sea Shepherd, að Íslands-
ströndum. Embætti ríkislögreglustjóra hefur í
samvinnu við aðrar löggæslustofnanir búið sig
undur komu hans.

   Í frétt í Blaðinu í dag er greint frá því ,,að grein-
ingardeild ríkislögreglustjóra stýri undirbúningi og
aðgerðum fyrir komu Watsons en greiningardeild-
in hefur það hlutverk að rannsaka landráð og brot
gegn stjórnskipan ríkisins og æðstu stjórnvöldum
þess og leggja mat á hryðjuverkum og skipulagðri
glæpastarfsemi. Þær aðferðir sem Sea Shepherd
eru þekkt fyrir að beita eru klárlega skilgreindar
sem hryðjuverk í íslenzkum lögum og eru viðurlög
við þeim allt að lífstíðarfangelsi."

   Það er alveg ljóst að fyrirhuguð innrás Sea Shep-
herd í íslenska landhelgi, sem þau kalla Ragnarök 
flokkast undir hryðjuverk og eiga að meðhöndlast
skv. því. Hér er um beina árás á íslenzkt fullveldi
að ræða sem verður undir engum kringumstæðum
þolað. Íslenzk stjórnvöld bera því skylda til að koma
í veg fyrir slíka innrás með öllum tiltækum ráðum.

   Greiningardeildin sannar nú meiriháttar gildi sitt.
Fyrrverandi ríkisstjórn kom henni á fót með mikilli
gagnrýni Vinstri-grænna og stórs hluta Samfylkingar-
innar. Sem betur fer þá fer Björn Bjarnason enn með
löggæslu á Íslandi, því utanríkisráðuneytið mun verða
handónýtt  í þessu máli  sem og í svo mörgum öðrum
þegar þjóðlegir  hagsmunir Íslands eru annars vegar. 
Áherslur og viðhorf hins nýja utanríkisráðherra varðandi
slík mál liggja einfaldlega  fyrir.........