ESB og verðtrygging sigruðu hjá x.d í Kraganum.Hægri grænir svarið!

    Úrslit í prófkjöri Sjálfstæðisflokksins í Kraganum eru með
miklum ólíkindum. Í fyrsta lagi var slegið met í slakri þátttöku.
Formaðurinn fékk afar lítinn stuðning í fyrsta sætið, eða rúm
helmings  atkvæða. Frambjóðandi  ESB-trúboðsins  í þingliði
flokksins  komandi  úr  hinum sósíaldemókrataíska armi hans,
fékk afgerandi kosningu  í  annað  sætið. Og svo dunkaði inn
helsti talsmaður verðtryggingar á Íslandi í fjórða sætið, auk
þess að  vera ESB-viðræðusinni.  - Já  þetta er með  hreinum
ólíkindum, og sýnir  hvert Sjálfstæðisflokkurinn, aðal Hrun-
flokkurinn sjálfur, er kominn í íslenzkum stjórnmálum.

   Í ljósi þeirrar ömurlegu stöðu sem eitt helsta borgaralega
aflið til áratuga í íslenzkum stjórnmálum er komið, og  sem
brást gjörsamlega landi og þjóð með hruninu mikla 2008,
hefur ALDREI verið brýnna en nú að stokka upp á ný á hægri
kantinum. Þar hljóta nú HÆGRI GRÆNIR að koma sterkir inn.
ÞJÓÐHOLLUR borgarasinnaður flokkur sem segir t.d ÞVERT
NEI við ESB-aðild og verðtryggingu, gagnstætt skilaboðunum
úr prófkjöri Sjálfstæðisflokksins úr Sv-kjördæmi í gær.

   Enn og aftur eru því allt frjálslynt og þjóðholt borgarasinnað
fólk hvatt til að koma til liðs við HÆGRI GRÆNA, flokk fólksins!

   www.xg.is  www.afram-island/magasin.pdf 

„Getur verið kalt á toppnum“

ESB-sinni nr.2 hjá x.d. Gott mál Hægri grænir!

    Í prófkjöri Sjálfstæðisflokksins í Suðvesturkjördæmi vekur
mesta athygli hvað ESB-sinnin Ragnheiður Ríkharðsdóttir fær
afgerandi kosningu í 2 sætið. Sem sýnir enn og aftur hvað ESB-
sinnar hafa mikil ítök í Sjálfstæðisflokknum. Ljóst er að eftir
þessi úrslit mun Ragnheiður leiða hin sósíaldemókrataísku öfl
innan flokksins nú þegar Þorgerður Katrín Gunnarsdóttir hættir
á Alþingi.

   Annað sem vekur athygli er slök útkoma formannsins, en góð
útkoma hjá Vilhjálmi Barnasyni. En hann hefur frekar verið hallur
undir sjónarmið ESB-sinna  innan flokksins.

   Allt bendir því til þess að hin sósíaldemókrataísku öfl munu
áfram hafa mikil ítök í Sjálfstæðisflokknum. Undir forystu veiks
formanns. Sem ætti að  styrkja mjög framboð HÆGRI GRÆNNA
á hægri kanti íslenzkra stjórnmála í komandi þingkosningum......

   www.xg.is  www.afram-island/magasin.pdf 

Óbreytt röð eftir 2.500 atkvæði

Hægri grænir vilja stríð við hrægammasjóðina.Gott mál!

    Er stoltur af leiðtoga HÆGRI GRÆNNA Guðmundi Franklín
Jónssyni er hann fjallar tæpitungulaust um vogunarsjóðina á
vettvangi Hægri grænna. En hann segir...

   ,, Breyting á gjaldeyrislögunum rýmkuðu regluverkið fyrir
hrægammasjóðina, að koma gjaldeyri úr landi. Ef slitastjórn-
um þrotabúa gömlu bankanna tekst að klára nauðasamninga
á þessum ársfjórðungi, geta erlendu sjóðirnir greitt sér arð
upp á liðlega 78 milljarða út úr Arionbanka og Íslandsbanka.
Kaupverð hrægammasjóðanna á þessum kröfum var á bilinu
3-35% af nafnverði. Hægri grænir, flokkur fólksins skorar á
Alþingi að breyta lögunum aftur og tryggja að erlendir hræ-
gammasjóðir geti ekki sett þjóðarbúið á hliðina. Byggja verður
upp sterka samningsstöðu gagnvart erlendu hrægammasjóð-
unum. Flokkurinn leggur til að  Seðlabankinn neiti skilanefndum
Kaupþings og Glitnis um að fara í nauðasamninga, en þá yrðu
Kaupþing og Glitnir teknir til gjaldþrotaskipta. Þar sem gjald-
þrota  banki má ekki eiga ráðandi hlut í nýju bönkunum þyrftu
þrotabúin að selja eignarhlut sinn hratt. Mjög mikilvægt er að
erlendu hrægammasjóðirnir fái ekki fullt forræði yfir eignum
þrotabúanna, en tilgangur þeirra er að selja eignir sem fyrst
fyrir gjaldeyrir til að geta greitt sínum eigendum".

   Í fréttum Stöðvar 2 í gærkvöldi kom fram að hópur manna
úr fjármálageiranum hafi átt neyðarfund með forseta Íslands
og skorað á hann að koma í veg fyrir að nauðasamningar  við
kröfuhafa gömlu bankanna verði samþykktir. En greiðslu til
þessara hrægammasjóða gæti numið yfir 600 milljarða  í
erlendri mynt og sett þjóðarbúið í þrot. ÞJÓÐARGJALDÞROT! 

   Já er stoltur af HÆGRI GRÆNUM að skynja hættuna og vilja
bregðast við þessum hrægammasjóðum af HÖRKU!. Setja þá
upp við vegg, því bakhjallar, samningsstaða, og samúð með
þeim  er engin!!! Hvað þá i hinum alþjóðlega fjármálheimi.

    Hin óþjóðholla vinstristjórn er hins vegar trúandi til alls, sbr.
Icesave . Þess vegna er gott á hafa þjóðhollan forseta á valda-
stóli í dag, til að grípa inn í sé þjóðarhagsmunum ógnað!

   P.s. Væru ekki þingkosningar framundan lægi hin óþjóðholla
vinstristjórn HUNDFLÖT FYRIR HRÆGÖMMUNUM!
    
     www.xg.is  www.afram-island/magasin.pdf

Frestar framlagningu nauðasamnings

Brandari. Skyr orðið aðal tálbeita ESB-aðildar. Hálmstráunum fjölgar !

    Maður fer að aumkast yfir málefnafáttækt ESB-sinna.  Því nú er
skyrið orðið aðal tálbeita á vef Evrópusamtakana. En þar er  nú
fjallað um ,, skyr skilaboð. Skyr vinsælt í Finnlandi, en stoppar
vegna þess að Ísland er ekki í ESB".

    Hugsa sér! Þvílíkt stórtjón fyrir íslenzkan landbúnað að Ísland
er utan ESB!  Skyr illseljanlegt innan ESB! En sem kunnugt  er þá
telja íslenzkir bændur íslenzkan landbúnað ekki lifa af ESB-aðild.

    Er málefnafáttækt ESB sinna á Íslandi virkilega orðin svona
aumleg?

    Þeir kasta væntanlega skyrinu sem eiga það!

    Í sjálfa málefnafátæktina sína og rökþrotið sitt ef svo ber undir!

    Já hálmstráunum fjölgar ört hjá ESB-trúboðinu!

    Þið eigið bágt!

Hvað er svona merkilegt við Hönnu Birnu?

     Í einhverri skoðanakönnunni um daginn kom fram að Hanna
Birna Kristjánsdóttir væri með langmestan stuðninginn í próf-
kjöri sjálfstæðismanna í Reykjavík, vegna komandi alþingis-
kosninga. En hvað er svona merkilegt við Hönnu Birnu?

    Tók ekki Hanna Birna einmitt meiriháttar þátt í hinni pólitísku
upplausn í Reykjavíkurborg fyrir örfáum árum? Þar á meðal öllum
aulahættinum í Orkuveitunni, sem þurfti geimveruna Jón Gnarr
til að bjarga frá gjaldþroti? Og í hverju fólust svo hinir nýju stjórn-
unarhættir í borgarstjóratíð Hönnu Birnu?  Sem hún gumaði svo
mikið að!  Að makka endalaust til vinstri! Vera vinur allra í skóg-
inum, já ekki síst vinstriaflanna. Sem nutu svo góðs af öllu saman
að þau  gjörsigriðuðu Hönnu Birnu og félaga í síðustu borgarstjórn-
arkosningum. Tóku Sjálfstæðisflokkinn bókstaflega í bólinu! Já fylgi
Sjálfstæðisflokksins gjörsamlega hrundi undir forystu Hönnu Birnu
Kristjánsdóttir. Eftir hinar alles-zusammen stjórnunarhætti Hönnu
Birnu.  - Forystuafrek það?

   Og hvað með Icesave?  Hanna Birna steinþagði í öllu Icesave
málinu. Þar til  þjóðin hafði gjörsamlega  hafnað því tvísvar. Þá
þorði Hanna Birna loks að tjá sig.  Sterkleikamerki það?

    Og svona má lengi halda áfram. Fyrir utan sjálfan Sjálfstæðis-
flokkinn. Hrunflokkinn sjálfan! Hrunflokk Hönnu Birnu og félaga.
Já  hvers  vegna  í  ósköpunum  ættu  kjósendur  á hægri kanti
íslenzkra stjórnmála að verðlauna þann Hrunflokk? Er  virkilega
enn  treyst á gullfiskaminni kjósenda ? 

    Fyrir þjóðholla borgarasinnaða kjósendur sem vilja nýtt afl og
ferska vinda á hægri kanti íslenzkra stjórnmála, er ánægjulegt að
í fyrsta skipta frá upphafi síðustu aldar (gamli góði Íhaldsflokkur-
inn) fá þeir nú loks  tækifæri  að  veita  nýjum  stjórnmálaflokki
til hægri brautargengi í komandi þingkosningum. HÆGRI GRÆNUM,
flokki fólksins. - 

      Tökum ákalli HÆGRI GRÆNNA, flokk fólksins, og göngum til
liðs við hann! 

   www.afram-island.is/magasin.pdf   www.xg.is

Ólína á að skammast sín og hætta hræsninni!

   Ólína Þorvarðardóttir þingmaður Samfylkingarinnar og mikill
ESB-sinni  segist  hafa  áhyggjur  af  makríldeilunni við ESB og 
Norðmenn. Og vill að Norðurlandaráð beiti sér í málinu. Þvílík
HRÆSNI Ólína!  Ættir að skammast þín!

   Sem mikill ESB- sinni gerir Ólína sér væntanlega grein fyrir
að væri Ísland í ESB væri í dag engin makríldeila. Brussel hefði
alræðisvald yfir makrílveiðum Íslendinga.  Kannski þess vegna
sem Ólína vill ganga í ESB til að komast hjá slíkum persónuleg-
um áhyggjum og óþægindum í kóktel-boðum á þingum Norður-
landaráðs. . Því  eftir inngöngu Íslands í ESB færi  Brussel  með
alla samninga Íslands varðandi svokallaða flökkustofna,  sem
eru  hvorki meir né minna en um 30% af öllum þeim fiski sem
Íslendingar veiða, þ.á.m makríl.  Ólína  vill  sem sagt  afhenda
Brussel  yfirráð og alla samningagerð fyrir Íslands hönd á þessu
sviði yfir til Brussel. Fyrir  þjóðarbúið yrði þetta tugir milljarðar
á ári sem Ísland  myndi  verða  af. Því  ALLIR  samningar færu
fram á vegum ESB sem hefði heildarhagsmuni þess að leiðarljósi
en ekki Íslands. 

   Þá er öll framganga þessa þingmanns í sjávarútvegsmálum
með eindæmum. Þykist vilja hlut sjávarbyggða og sjómanna
við Íslandstrendur sem mestan á sama tíma og Ólína vill óð að
Ísland gagnist undi sameiginlega sjávarútvegsstefnu ESB. JÁ
afhenda Brussel yfirráð yfir helstu auðlind þjóðarinnar á sama
tíma og hún segist vilja hana bundna sem þjóðareign í stjórnar-
skrá. Stjórnarskrá sem vikur strax fyrir þeirri í Brussel gangi
Ísland í ESB. Ólína!

   Og hafandi mikinn áhuga á kvótamálum, hefur einhver heyrt
áhyggjur Ólínu af því að gagni Ísland í ESB fær allt togaraauð-
valdið innan  ESB  sama  rétt  og  Íslendingar  að kaupa  upp
íslenzkar útgerðir og kvóta þeirra? Að íslenzk fiskveiðilögsaga
galopnist fyrir erlendu togaraauðvaldi, því frjálsar fjárfestingar
útlendinga í útgerð yrðu strax gerð 100% frjálsar við inngöngu
Íslands í ESB.

   Það að þingmaður sem Ólína Þorvarðardóttir skuli gegna þing-
mennsku fyrir jafn mikilvægar sjávarbyggðir landsins og hún er
þingmaður fyrir, með jafn draumórakennda ESB-komplexa  og
raun ber vitni, er með hreinum ólíkindum!

    Hennar tími er liðinn eins og Jóhönnu & co! 
  
    P.S. Sem VESTFIRÐINGUR skammast mín mjög fyrir svona
þingmann Vestfirðinga og okkar allra sannra Íslendinga!

Makríldeila hefur áhrif á samstarf