HÆGRI GRÆNIR vilja borgaralega fullveldisstjórn! Gott mál!

    Stoltur af HÆGRI GRÆNUM, flokki fólksins. Viljum
borgaralega fullveldisstjórn sem númer eitt tekur á
skuldavanda heimila og fyrirtækja með neyðarlögum!

    Skörp skil virðast nú loks vera  fyrir hendi í íslenskum
stjórnmálum. Sterk borgaraleg og fullveldissinnuð ríkis-
stjórn, eða áframhaldandi upplausn vinstriaflanna með
vantrú á íslenskri framtíð.  HÆGRI GRÆNIR vilja taka
sér  stöðu  innan  hinnar  borgaralegu  blokkar mið- og
hægriafla. -  Gegn hinum andþjóðlegu vinstriöflum  og
alþjóðlegum anarkistum.

  Sérstaklega ber að vara við svokölluðum Regnboga,
sem samanstendur að afdönkuðum kommúnistum og
sem vildu hneppa þjóðina í Icesave-skuldadrápsklyfjar,
sem hefðu leitt til þjóðargjaldsþrots og fullveldismissis,
sbr. Svavars-samningurinn. En villa nú á sér heimildir
sem sérstakur fullveldisflokkur. Þvílík öfugmæli!

  Allir þeir þjóðhollu borgarasinnar sem vilja sjá nýjan
flokk hasla sér völl til hægri í íslenskum stjórnmálum,
og tryggja borgaralegt stjórnarfar á Íslandi næsta kjör-
tímabil, kjósið HÆGRI GRÆNA í dag!  

       www.xg.is
 

    

Ólíkar hugmyndir um samstarfsfélaga

Ný kratastjórn í undirbúningi !

   Fjölmargir hafa nú óstaðfestar heimildir fyrir því að
undirbúningur fyrir nýrri sósíaldemókrataískri stjórn sé
í fullum gangi. Herma fréttir að öflug sósíaldemókrata-
ísk öfl innan Sjálfstæðisflokksins hafi átt góðar viðræður
við vini sína í Samfylkingu og Bjartri framtíð. Öllum er í
fersku minni þegar stærsti hluti þingflokks Sjálfstæðis-
flokksins gekki til liðs við núverandi kratastjórn og sam-
þykkti Icesave.  Með frægu ísköldu mati Bjarna Ben. Þá
eru mörgum enn í fersku minni framganga Icesave-for-
ystu Sjálfstæðisflokksins við  að frambjóðandi krata og
ESB-trúboðsins í forsetakosningum næði kjöri s.l sumar.

   Veik staða Sjálfstæðisflokksins og sú staðreynd að allt
gæti gerst að Framsókn yrði stærsti flokkurinn og þar með
kæmi forsetaráðherraembættið í hans hlut geta sjálfstæðis-
menn ekki til þess hugsað. Ríkisstjórn með Samfylkingu og
Bjartri framtíð undir forystu Sjálfstæðisflokksins er því á
teikniborðinu.
 
   Í ljósi þessa skýrist hvers vegna Sjálfstæðisflokkurinn er
þegar farinn  að  draga  í land  í Evrópumálum. Þannig  hefur
vara-formaður  flokksins  sagt  að lokun  Evrópustofu hafi
verið ,,djók"samþykkt  landsfundar sem aldrei hafi staðið til
að fara eftir. Í sama streng tók talsmaður þeirra um utanríkis-
mál í sjónvarpsumræðum í vikunni. Sagt er að málamiðlun sé
í sjónmáli um áframhaldandi viðræður um aðildarumsókn að
ESB tengd ákveðinni tímasetningu, við myndun nýrrar ,,Hrun-
kratastjórnar".

   Og ekki er það verra að allir þessir flokkar vilja standa vörð
um verðtryggingu og láta heimilin í landinu áfram blæða út.

  Meðan öflugur hægrisinnaður flokkur borgaraafla og millistéttar
hefur enn ekki náð brautargengi getur hryllingur sem hér hefur
verið lýst orðið að veruleika!

    HÆGRI GRÆNIR, flokkur fólksins, er því eini sanni valkosturinn
til hægri í dag!

    ÁFRAM HÆGRI GRÆNIR! ÁFRAM ÍSLAND!   www.xg.is

Regnboginn flokkur Icesave- og ESB- sinna !

   Nú í  aðdraganda  kosninga  er vert  að  vara alla þjóðholla
kjósendur við klofningsframboðinu úr Vinstri- grænum sem
kalla sig  Regnbogann.  Frumkvöðlar þessa  flokks eru fyrr-
verandi kommúnistar og sósíalistar úr Vinstri grænum. Sem
bera FULLA ÁBYRGÐ á núverandi vinstristjórn kommúnista
og krata. Sem BERA FULLA ÁBYRGÐ á ESB-umsókninni, enda
sátu bæði í flokki og þeirri ríkisstjórn sem komu Brusel-lestinni
af stað. Sátu svo meira segja hjá eða voru fjarverandi þegar
vantrausttillaga  var loks fram borin á Alþingi fyrir skömmu á
hina alræmdu ESB-sinnuðu vinstristjórn. Þvílíkar bleyður gagn-
vart FULLVELDI og SJÁLFSTÆÐI ÍSLANDS!

   Úr tekur þó þegar þessar vinstrisinnuðu RAGGEITUR koma
nú fram í einhverjum  regnbogaslitum  korter  fyrir  kosningar,
hafandi  ICESAVE- svikin á herðum sér.  Jón Bjarna, Atli Gísla
og Bjarni Harðar börðust manna harðast fyrir því að drápsklyfjar
Icesave yrðu  settar á  þjóðina. Sem hefði gert hana gjaldþrota
í dag. Og nú koma þessir Icesave-þjóðsvikarar  fram og  ætlast
til að  þjóðhollir  Íslendingar  kjósi þá.   Þvílíkt og annað eins!
Þessar raggeitur kunna augljóslega  ekki  að  skammast sín!

   Og sem sönnum kommúnistum og róttækum vinstrisinnum
hámarka þeir hræsni sína með því að umvefja sig  íslensku
fánalitunum ákallandi fullveldið. Menn sem syngja Internasjón-
alinn og veifa  rauðum fánum á tyllidögum hrópandi  á varnar-
laust Ísland!   Ásamt því  að  gera  sem minnst  úr þjóðlegum
gildum og viðhorfum! 

   Já það er vert að vara við þessum laumu-kommúnistum. Sem
hika ekki við að svíkja þjóðarhagsmuni þegar þeirra persónulegu
pólitísku hagsmunir eru í veði, sbr. ICESAVE!

  
  

SKANDALL stóreflir baráttuhug HÆGRI GRÆNNA!

   Hvers konar SKANDALL er þetta? Í hvers konar hálfvita-
bananalýðveldi búum við eiginlega í dag?  Maður, al-íslenskur 
frá blautu barnsbeini, talar íslensku, hugsar á íslensku, flytur
heim fyrir 4 árum eftir nokkra dvöl erlendis, því fósturjörðin
kallar, öðlast  kosningarrétt, (háður ríkisborgarrétti) og  fékk
því að kjósa í þjóðaratkvæðagreiðslunni  20 okt. sl. og er því
í góðri trú með sitt íslenska ríkisfang. En er svo á einni nóttu
stimplaður  útlendingur, og tilkynnt að hann fái hvorki að kjósa
né bjóða sig fram við næstu alþingiskosningar. Án þess að geta
leitað réttar sins. Með tilvísun til einhverrar eindæmis ruglreglu-
gerðar sem bersýnilega á að hnekkja á barnfæddum Íslending-
um sem hafa dvalið erlendis en vilja snúa aftur heim til fóstur-
jarðarinnar. Já þvílíkur SKANDALL!

   Ef einhver af erlendum uppruna fengi slíka meðferð  og út-
reið  og hér er í gangi heyrðust klárlega stór hróp úr ákveðnum
áttum.  Svo míkið er víst!

   En við HÆGRI GRÆNIR, flokkur fólksins, munum aldrei verða
ákveðnari í  kosningarbaráttunni og nú. Undir sterkri forystu
formanns okkar, Guðmundar Franklíns Jónssonar, sem flestir eru
að uppgötva nú að hefur RAUNHÆFUSTU LAUSNINA við lausn
efnahagsvanda þjóðarinnar. Sbr. kynslóðasáttin, www.xg.is
Enda ráðherraefni okkar í borgaralegri ríkisstjórn sem HÆGRI
GRÆNIR berjast fyrir................

   ÁFRAM HÆGRI GRÆNIR!

„Þetta er auðvitað bölvað klúður“

Icesavestjórnin leggst hundflöt fyrir hrægammana!

  Gagnstætt okkar stefnu HÆGRI GRÆNNA, flokks fólksins,
ætlar hin illræmda Icesavestjórn bersýnilega að enda sína
stjórnartíð  með jafnmiklum þjóðsvikum og hún hóf feril
sinn. Í  stað Icesave-þjóðsvikanna  bendir  allt  til þess að
hún  hyggst leggjast  hundflöt fyrir hrægammasjóði gömlu
bankanna. Og þvæla lífeyrissjóðum landsmanna í glæpinn,
sbr. frétt RÚV í gærkvöldi.

   Með  ÖLLUM  TILTÆKUM  RÁÐUM verður að koma í veg
fyrir slík þjóðarsvik.  Erlendu hrægammasjóðirnir (e.vulture
funds) keyptu kröfurnar í þrotabú gömlu bankanna á meiri-
háttar hrakvirði, en vilja nú fá þá greidda í toppverði og það
í erlendum gjaldeyri landsmanna sem ekki er til!

   Tek undir með HÆGRI GRÆNUM, flokki fólksins, að allt
slíkt komi ekki til mála! Neyða á þessa glæpasjóði til að
selja kröfurnar á hrakvirði og það í íslenskum krónum.
Krefja þá um upprunavottorðs fjármagns og fulla upplýs-
ingaskyldu um alla endanlega eigendur, nafn og heimilis-
fang. Auk þess á að banna erlendum hrægammasóðum að
eiga í íslenskum fjármálafyrirtækjum. Sem vinstrastjórnin
hefur GJÖRSAMLEGA BRUGÐIST að gera.

   Það að fara að blanda lífeyrissjóðum landsmanna í þetta
meiriháttar fjármálabrask vogunarsjóði hrægamma hlýtur
að kalla á hörð viðbrögð.

  Allavega mótmælum við Hægri grænir KRÖFTUGLEGA!

   www.xg.is

   ÞETTA VERÐUR AР STÖÐVA!  

Ekkert að treysta Sjálfstæðisflokki í Evrópumálum!

   Aðeins nokkrum vikum eftir Landsfund Sjálfstæðisflokksins
er formaðurinn strax farinn  að  draga í land í Evrópumálum.
Formaðurinn  sem  sveik þjóðina í Icesave eins og öllum er í
fersku minni ætlar nú einnig strax að svíkja í Evrópumálum! 

   Í stað  samþykktar Landsfundar um að slíta viðræðunum, á
að  efna  til   óbundinnar  þjóðaratkvæðagreiðslu  EINHVERN
TÍMANN á fyrri hluta næsta kjörtímabils um framhald  þessara
aðlögunar að ESB , segir formaðurinn nú. Hvers konar eindæmis
RUGL BULL er þetta? Á að hafa þetta skaðræðismál hangandi
yfir þjóðinni ENDALAUST Bjarni Benediktsson?

   Jú  það er EKKERT að treysta á þig eða þinn aðal Hrunflokk
í Evrópumálum eins og í Icesave.  Enda traustið nú eftir því!