Árásin á Dresden voru stríðsglæpir !

   Þótt sérstakt sagnfræðingaráð í Dresden í Þýzkalandi  hafi komist
að þeirri niðurstöðu að 25 þúsund manns hafi látið lifið í  loftárásum
Breta og Bandaríkjamanna á Dresden í lok  síðari  heimsstyrjaldar,
ber að taka þeim með miklum fyrirvara. Ótal  rannsóknir hafa verið
gerðar á þessu frá lok þessa hörmulega stríðs, þar sem haldið hefur
verið fram að hátt í hálf milljón manna hafi látið lífið, og allt þar á milli.
Borgin var nánast lögð í rúst og vítiseldar loguðu um hana alla meðan
á þessum hildarleik stóð. Það sem gert hefur hvað erfiðast  fyrir við að
meta fjölda fórnarlamba var að á þessum tíma var borgin nánast full
af flóttafólki. Og allt brann sem brunnið gat. 

  Hinar grimmilegu loftárásir Breta og Bandaríkjamanna á Dresden
þegar stríðið var í raun lokið og þýzki herinn kominn að fótum fram,
vilja fjölmargir með réttu líkja við stríðsglæpi. Þær höfðu nákvæmlega
enga hernaðarlega þýðingu. -  Einungis að fremja fjöldamorð á sem
flestum saklausum borgurum og leggja dýrmætar menningarminjar í
rúst, sbr Frúarkirkjan í Dresden.

  Loftárásanirnar  á Dresden,  - og  Híroshima og Nagasaki  þar sem
kjarnorkusprengjum var  beitt  í  lok stríðs,  voru með þeim alvarleg-
ustu stríðsglæpum seinni heimsstyrjaldar. - Stríðsglæpum sem enginn
hefur þurft að svara fyrir enn þann dag í dag.

   Vonandi munu slíkir stríðsglæpir á saklausum borgurum aldrei endur-
taka sig.

25 þúsund féllu í Dresden

Athugasemdir

[Sigurður Þór Guðjónsson, 17.3.2010 kl. 22:09]

Í einni loftárás Bandaríkjamanna á Tokyo undir lok stríðsins 24.-25. febrúar 1945 er talið að hafi farist 80-100 þúsund manns. Um þessa árás er furðu lítið fjallað.

[Jón Steinar Ragnarsson, 17.3.2010 kl. 22:38]

Það er nú ekki langt síðan að Bandamenn slátruðu ríflega 100.000 borgurum í Fallujah í Írak og notuðu til þess kolólegar fosfórsprengjur að auki.  Líklegast þurfa þeir ekki að svara fyrir það heldur.  Réttlæting þess stríðs er eiturefnaárás Saddam Hussein á Kúrda í maí 1988!  Þar dóu á bilinu 3-5000 manns.

Það er ekki sama hver er, Jón eða séra Jón, þegar kemur að því að dæma þessi mál. Ekki má svo gleyma eindrægum stuðningi þeirra við þjóðarmorð Ísraela á Palestínumönnum. Allt í nafni geistlegs fasteignamiðlara, sem samkvæmt orðrómi gaf hópi hirðingja landið fyrir 3000 árum.

Þetta er stjörnugalin veröld.

[Sverrir (IP-tala skráð) 17.3.2010 kl. 23:03]

Loksins urðum við sammála.

[Guðmundur Jónas Kristjánsson, 18.3.2010 kl. 17:47]

Takk fyrir innlitin hér Sigurður, Jón og Sverrir. Já furðulegt hvað alvarlegir
stríðsglæpir í seinni heimsstyrjöld fræmdir af svokölluðum sigurvegurum
hafa verið látnir líðast án þess að neinn hafi þurft að svara fyrir þá.