Loftárásunum á Dresden minnst.

   Í dag eru liðin 66 ár frá því að Bretar Og Bandaríkjamenn
létu sprengjum rigna yfir Dresden í seinni heimsstyrjöldinni.
Tölur um mannfall eru afar óljósar, en allt að 250.000 hafa
verið nefndar, mest allt saklausir borgarar og flóttafólk.
Enda var borgin nánast lögð í rúst.

   Þessar heiftarlegu árásir voru gerðar þegar Þýzkaland
var í raun gjörsigrað. Því hafa margir spurt hvaða tilgangi
þessar grimmilegu loftárásir á Dresden hafi þjónað, sem
ollu dauða fleiri en fórust í kjarnorkusprengjuárás Banda-
ríkjamanna á Hiroshima. Borgin var yfirfull af flóttafólki
þegar ósköpin dundu yfir, og var borgin lögð í rúst  á
örfáum dögum. Engu var hlíft, hvorki saklausum borgur-
um né dýrmætum menningardjásnum eins og Frúarkirk-
junni í Dresden. sem var endurbyggð fyrir nokkrum
árum.

   Enginn  hefur þurft  að  svara  til saka fyrir stríðsglæp
þennan, ekki frekar en þann sem framinn var í Hiroshima 
og Nagasaki..

   Vonandi eiga hörmungar seinni heimsstyrjaldarinnar
aldrei eftir að endurtaka sig.

   Aldrei!
  

Athugasemdir

[Davíð Bergmann Davíðsson, 13.2.2011 kl. 20:48]

já þetta er ótrúlegt það var enginn látinn sæta ábyrgð fyrir þetta hræðilega grimmdarverk. Sumir vilja meina að þetta hafi verið hefndarárás bara til að sína mátt sinn.

[Jón Magnússon, 13.2.2011 kl. 21:56]

Þakka þér fyrir þessa góðu færslu Guðmundur.  Þetta minnir okkur á að sigurvegararnir setjast í dómarasætið að stríði loknu. Sagan kann að komast að annarri niðurstöðu.  Loftárásin á Dresden var fjöldamorð. Í borginni voru engir hernaðarlega mikilvægir hlutir og fyrirfram vitað að loftárás á borgina mundi þýða fjöldamorð á almennum borgurum.  Það er nokkuð ljóst hverjir bera ábyrgð á þessu og hver ber höfuðábyrgðina.  Þeir voru að sjálfsögðu svívirðilegir stríðsglæpamenn og fjöldamorðingjar.

[Axel Jóhann Hallgrímsson, 13.2.2011 kl. 22:05]

Já stríðsglæpur var þetta og ekkert annað.

Það hefur verið óumdeilt að árásin á Dresten breytti engu um endalok stríðsins og uppgjöf Þjóðverja.

Ég tel að það sé engan vegin hægt að bera þetta saman við Hiroshima og Nagasaki, þau ósköp bundu þó enda á Kyrrahafsstríðið. Miðað við mannfall beggja aðila fram að þeim tíma í sókn Bandamanna til Japans er fullvíst að það hefði kostað mun fleiri mannslíf að leiða stríðið til lykta með hefðbundnum vopnum.