Icesave-liðið upphefur nú svikasöng sinn um makrílinn!

   Allt bendir nú til að sjávarútvegsmálastjóri ESB  hafi svínbeygt
Icesave-stjórnina í makríldeilunni með komu sinni til Íslands  á
dögunum. Bæði sjávarútvegsráðherra og formaður utanríkismála-
nefndar, flokksbræður  félaga  Svavars  í  Icesave-þjóðsvikunum,
keppast nú við að syngja um að ,,nú verði að semja, nú verði  að
semja", í makríldeilunni.  Sem þýðir hjá Icesave-stjórninni að nú
skuli samið  við valdhafanna í Brussel á forsendum ESB nú í byrjun
sept. n.k. Enn á ný skulu Þjóðarhagsmunir Íslands víkja. Sjávarút-
vegsmálastjóri ESB hefur talað!  Ísland í aðildarferlinu að ESB skal 
nú standast fyrsta prófið í hinni sameiginlegri stefnu ESB í sjávar-
útvegsmálum, og gagnast undir skipunina og kröfuna frá Brussel.
Hversu óhagstæð hún er íslenzkum hagsmunum. SKILYRÐISLAUST!

   Og auðvitað eruð það kommúnistarnir í Vinstri grænum sem fara
fyrir þjóðarsvikunum. Vanir menn sbr. Icesave. Skósveinar sósíal-
demókrata og þeirra þjóðsvikalýðs! 

   Ljósi punkturinn er hins vegar sá að í haust hafi verulega hitnað
svo í íslenzkum stjórnmálum í aðdraganda þingkosninga, að annað
stórt þjóðsvikamál yrði vinstristjórn kommúnista og sósíaldemó-
krata að falli.  Þing og þjóð með þjóðhollan forseta á Bessastöðum 
í fararbrodd myndi einfaldlega setja Icesave-stjórninni stólinn fyrir
dyrnar. 

    ENDANLEGA!  

  

Athugasemdir

[Óskar Helgi Helgason (IP-tala skráð) 10.7.2012 kl. 00:45]

Heill og sæll Guðmundur Jónas; æfinlega !

Vel mælist þér; sem oftar - en,................. betur treysti ég Ólafi Ragnari, en alþingis afmánunum, til þess að reyna að koma einhverju vitrænu lagi, á hlutina.

Ekki; væri Lúðvík heitnum Jósepssyni rótt, væri hann ofar foldu - fremur en hinum aldna Matthíasi Bjarnasyni, vitandi af Þistilfjarðar Skoffíninu, að ráðskast með þessi brýnustu hagsmunamál okkar, Guðmundur.

Svo mikið; er þó víst, fornvinur góður.

Með góðum kveðjum; sem jafnan, úr Árnesþingi / 

[Jón Valur Jensson, 10.7.2012 kl. 02:33]

Þetta er stóralvarlegt mál, Guðmundur Jónas. Steingrímur gerir sig líklegan til að svíkja þjóðina með enn einum smánarsamningum í september. Þá og þangað til þurfa allir sem unna hér réttindum lands og þjóðar að halda vöku sinni og efna til virkra og fjölmennra mótmæla gegn undanslattar- og uppgjafarstefnu hans, já, gegn því hneyksli, að hann vogi sér að fastbinda einhvern smánarkvóta hér á veiðum okkar á okkar eigin fiskimiðum.

Það er varla hægt að líta af þessu liði, þá er það farið að gera okkur nýjar og nýjar skráveifur - eins og í IPA-málinu um daginn og því máli, sem laumað var í gegnum Alþingi, þótt lagasérfræðingar teldu það andstætt stjórnarskrá.

Og ekki er hann 10 milljóna Esb-Árni Þór Sigurðsson barnanna beztur!

[Jón Valur Jensson, 10.7.2012 kl. 18:57]

Lesið grein mína Enn fleiri aðlögunarverkefni dúkka upp og tölvukerfum ráðuneyta breytt í þágu ESB - en ráðherrar týndir þjóðinni og tröllum gefnir? á vef Fullveldisvaktarinnar. Hún hefst þannig: "Á sama tíma og öll teikn eru um, að Steingrímur J. ætli sér að láta undan kröfum ESB um stórfelldan samdrátt í makrílveiðum hér, berast fleiri fregnir af hneisulegri meðvirkni með ESB hér, stjórnarskrárbrot falin og ný aðlögun sett í gang." Um þetta er fjallað miklu nánar í greininni.

[Guðmundur Jónas Kristjánsson, 10.7.2012 kl. 21:05]

Takk kærlega félagi Jón Valur og einnig þú Óskar.