Viðræður við Þjóðverja um öryggis-og varnarmál !

    Á morgun hefjast viðræður íslenzkra stjórnvalda
og þýzkra  um öryggis- og varnarmál. Þýzk stjórn-
völd hafa sýnt áhuga að koma að öryggis-og varnar-
málum Íslands eftir að bandariski herinn hvarf  af
landi brott.

    Þýzkaland hefur ætíð verið í hópi okkar bestu
vinaríkja, og þangað eigum við að leita í auknum
mæli á sem flestum sviðum. Íslenzk stjórnvöld
hafa átt í árangursríkum viðræðum við frændþjóðir
okkar Dani og Norðmenn um öryggis- og varnar-
mál og nú er komið að Þjóðverjum.

   Þjóðverjar eru eitt af öflugustu ríkjum Evrópu,
ekki síst á hernaðarsviðinu. Þýzkar herflugvélar
nota mjög oft Keflavíkurflugvöll til millilendinga,
þannig að þýzk nærvera er þegar fyrir hendi.

   Vonandi að viðræðurnar á morgun séu aðeins 
upphaf af stórauknum pólitískum samskiptum
Íslands og Þýzkalands. 

Athugasemdir

[Óskar Helgi Helgason (IP-tala skráð) 17.5.2007 kl. 01:04]

Heill og sæll, Guðmundur Jónas og þökk fyrir allt gamalt og gott !

Ekki, ekki........ Guðmundur, alls ekki mæla með nánari tengslum við þessa sjálfskipuðu herraþjóð Evrópu (allsráðandi í ESB, t.d.), og það, á hernaðarsviðinu.

Nú er ég einn unnenda gamallar þýzkrar tónlistar, allt frá miðöldum; og inn á þá 20., sem og bókmenningar Þjóðverja; ýmissa tíma, en......... of náið samband við Þýzkaland, sem og jú Noreg; gæti orðið okkur skeinuhætt, ráðríki þeirra er með hinum mestu eindæmum; eins og sagan greinir okkur frá.

Megum alveg líta til þjóða, sunnar í álfunni; eins og Hollendinga - Frakka - Spánverja, á Spáni var jú eitt síðasta höfuðvígi gamla góða fasismans, hjá Franco heitnum hershöfðingja og ríkismarskálki.

Með beztu kveðjum / Óskar Helgi Helgason 

[Guðmundur Jónas Kristjánsson, 17.5.2007 kl. 13:10]

Sæll Óskar. Tengsl Íslands og Þýzkalands hafa ætíð veri mjög
sérstök, góð og náin. Þjóðverjar hafa ætíð sýnt okkur einskan
velvilja og áhuga, enda menning okkar byggð á sömu rótum.
Þóðverjar eru alls ekki sjálfskipuð herraþjóð, þvert á móti. Og einmitt vegna sterkrar stöðu Þjóðverja í Evrópu eigum við að halla okkur að þeim í ríkum mæli. Þjóðerjar eru t.d mest ráðandi innan ESB, og þar sem við viljum ekki þangað fara, er ómetanlegt að
eiga þar sterkan vin og bandamann til að leita til um okkar mál
sem snerta samskipti okkar við ESB.

Er mjög glaður yfir brottför bandariks hers af Íslandi. Tengsl
okkar við Bandaríkin hafa skaðað samband okkar við raun-
verulega VINAÞJÓÐIR eins og Þjóðverja. Nú er rétti tími
kominn að stórefla þau tengsl á ÖLLUM sviðum, og þá ekki
síst á sviði öryggis- og varnarmála.

  Sem sagt. Stóreflum okkar pólitísku, viðskiptalegu, menningar-
legu og sem varðar öryggis- og varnarmál við vini okkar Þjóð-
verja.  Drögum þannig úr hinum engilsaxnesku áhfrifum. Nóg
komið af þeim !