Vinstri grænir ræða breytt pólitískt landslag

   Á föstudag og laugardag halda Vinstri grænir flokksráðs-
fund, og skv. frétt á Visir.is mun formaðurinn Steingrímur
J. Sigfússon fara yfir hlutverk Vinstri grænna í breyttu
landslagi íslenzkra stjórnmála.

   Vissulega hafa orðið miklar breytingar í íslenzkum stjórn-
málum við myndun núverandi ríkisstjórnar. Hin nýja flokks-
forysta Sjálfstæðisflokksins hafnaði einstöku tækifæri til að
framlengja fyrrverandi farsælu ríkisstjórnarsamstarfi með
innkomu   Frjálslyndra í ríkisstjórnina ásamt Framsókn.
Þannig hefði orðið söguleg skipting í íslenzkum stjórn-
málum til langframa, annars vegar fylking hinna borgara-
legu afla og hins vegar fylking vinstrimanna. Úr því varð
því miður  ekki vegna andstöðu vissra afla innan Sjálfstæðis-
flokksins, og uppi situr nú  þjóðin með veika og sundurlynda 
ríkisstjórn, þótt þingmerihlutinn sé mikill.

   Ef allt væri eðlilegt myndi Vinstri-grænir vera hið leiðandi
afl í stjórnarandstöðu í dag  sem stærsti stjórnarandstöðu-
flokkurinn. Svo er hins vegar alls  ekki. Til þess eru Vinstri-
grænir allt of langt til vinstri. Þá staðreynd ættu Steingrímur  
og félagar að íhuga og ræða á komandi flokksráðsfundi. Hins
vegar er bæði eðlilegt og nauðsynlegt að Framsókn og
Frjálslyndir hafi með sér gott samstarf í stjórnarandstöðu.
Slíkt samstarf kæmi flokkunum tveim ekki bara til góða,
heldur þjóðinni allri þegar til lengri tíma er litið, og ný
ríkisstjórn með framsýn borgaraleg viðhorf verði mynduð.

Athugasemdir

[Guðmundur Jónas Kristjánsson, 30.8.2007 kl. 21:23]

Það lá hvort tveggja fyrir að Framsókn var tilbúin í áframhaldandi
samstarf eftir að hún var búin að fara yfir málin og formaður Frjáls-
lyndra útilokaði alls ekki innkomu Frjálslyndra inn í ríkisstjórnina
til að styrkja hennar þingmeirihluta. Hins vegar komu viss öfl
einkum í kringum Þorgerði Katrinu í veg fyrir það. Þú Benedilkt 
hefur ekki fylgst nægjanlega vel með þegar þessir hlutir voru  að
gerast. Þetta er öllum ljóst....... 

[Sigurgeir Jónsson, 30.8.2007 kl. 22:14]

Frjálslyndi flokkurinn er í raun fjórir flokkar.Þingmennirnir virðast ekki getað myndað sér neina stefnu. Sjávarútvegsstefna flokksins er ekki til, önnur en að það eigi að leggja kvótakerfið af sem þeir ætla svo ekki að gera þegar málflutningur þeirra er skoðaður.Helst virðist stefna þeirra sú að stefna að þjóðnýtingu sjávarútvegs,þótt það stangist á við stefnu eins þeirra um stórfellda skattalækkun,einkum hátekjufólks.Samfylkingu,Frjálslyndaflokkinn og Framsóknarflokkinn vantar nú 4-5 þingmenn til að geta myndað starfhæfa ríkisstjórn. Ef Frjálslyndaflokknum tekst að móta sér stefnu hægra megin við miðju, og Jón Magnússon verður formaður flokksins, þá ætti hann að að geta bætt við sig tveim þingmönnum, og Samfylking og Framsókn tveim til þrem til samans.Eins og staðan er innan Frjálslyndaflokksins í dag og eins og þingmannalið flokksins lýtur út nú þá eru engar lýkur á að þetta verði, og það eru mestar lýkur á að flokkurinn deyi út.

[Guðmundur Jónas Kristjánsson, 31.8.2007 kl. 00:57]

Algjörlega óssamála þér Sigurgeir. Eins og Sjálfstæðisflokkurinn
hefur spilað illa úr sínum spilum á Frjálslyndiflokkurinn mörg tækifæri, ekki síst ef hann og Framsókn takast að mynda  saman sterka stjórnarandstöðu.........