Framsókn á tímamótum

    Það er  rétt sem Björn Ingi Hrafsson segir í grein í
Fréttablaðinu í  dag  að Framsóknarflokkurinn  sé á
tímamótun. Hann  spyr jafnframt  hvert  Framsóknar-
flokkurinn stefni? Skrifar margt um vangaveltur sínar
í því sambandi, sem er jákvætt í sjálfu sér. En ef Björn
Ingi telur að þörf sé á öðrum krataflokki til viðbótar við
Samfylkinguna  í íslenzk stjórnmál, flokki, sem taki m.a
stefnu á Evrópusamband og evru, þá er hann á villu-
götum. Afstaða  Björns Inga  virðist  afar  óljós hvað 
þetta varðar, svo ekki  sé  meira sagt, sem er  slæmt
þegar  stjórnmálamenn  geta  ekki  tekið  HREINA og
KLÁRA afstöðu í jafn miklu stórmáli og Evrópumálum.

  Á sama tíma skrifar flokksbróðir Björns Inga, alþingis-
maðurinn Bjarni Harðarson, mjög athyglisverða grein í
24 stundir í  dag, um  fullveldishugsjónir  og breytta
heimsmynd. Hann bendir  réttilega á að þótt alþjóða-
væðingin hafi og  sé í mikilli sókn, sé ÞJÓÐHYGGJAN það
líka, og í raun ekki síður, sem  fellur mjög vel  að  gras-
rót  Framsóknarflokksins og grunngildum hans. Bjarni
segir m.a. :

,,Su hugmynd að þjóðrækni  og  átthagatryggð væru
deyjandi  hugsjónir var  giska  algeng fyrir nokkrum
áratugum en  með aukinni  alþjóðavæðingu,  harðn-
andi alþjóðakapitalísma og minnkandi heimi  hefur
þjóðmenningin um allan  heim snúst  til  varnar og
augu heimsbyggðarinnar lokist upp fyrir því hver
sérstaðan, þjóðernið og ja, raunar bara þessar ryk-
föllnu framsóknardyggðir, eru mikið verðmætar og
áherslan  í þeim efnum er alltaf að aukast".

   Þetta er rétt hja Bjarna. Það er einmitt þarna sem
þörf er á stjórnmálaflokki í dag, og vegna  uppruna
síns og sögu er enginn flokkur eins  betur  fallinn  til
að standa þá  þjóðlegu vakt og Framsóknarflokkurinn. 
Það er því  einmitt  þarna  sem Framsóknarflokkurinn
á að  hasla sér  völl  á  komandi  misserum og árum. 
Vera TRAUSTUR  málsvari hinna þjóðlegu viðhorfa í ís-
lenzkum stjórnmálum. - Þá mun fylgið stóreflast á ný
og flokkstarfið dafna.........

   Það eru þau tímamót sem Framsóknarflokkurinn sted-
ur frammi fyrir í dag..........