Evruumræðan endanlega úr sögunni

   Brussel hefur nú endanlega talað. Einhliða upptaka evru
ekki möguleiki án aðildar að Evrópusambandinu. Þetta kom
fram hjá  Geir H. Haarde forsætisráðherra með æðstu forystu-
mönnum Evrópusambandsins í dag. Undirstrikun á fyrri yfir-
lýsingum frá ESB, og sem í raun hefur alla tíð legið fyrir. 

  Þetta vonandi verður til þess að slá alla evru-umræðu endan-
lega í kútinn. Enda  veit hver heilvita  maður að upptaka á er-
lendum gjaldmiðli án þess að  Ísland  hafi nokkra  aðkomu  að
honum er gjörsamlega út í hött. Þeir stjórnmálamenn sem boða
slíkt eiga að leita sér að annari vinnu.

   Ísland á ótal tækifæri með sinn sjálfstæða gjaldmiðil í dag. T.d
er það alls ekki sjálfgefið að hafa hann ALGJÖRLEGA FLJÓTANDI
með tilskipun til Seðlabankans um óraunhæfar kvaðir um ákveðin
verðbólgumarkmið er kosta himinháa okurvexti. Skynsamlegast
væri að tengja krónuna við ákveðna myntkörfu eða annan gjald-
miðil með ákveðnum frávikum.

   Byrjum á því!

Geir: Einhliða upptaka evru gæti þýtt pólitíska erfiðleika

Athugasemdir

[Sigurður Þórðarson, 27.2.2008 kl. 22:25]

Ekki sakna ég hennar.

[Villi Asgeirsson, 28.2.2008 kl. 06:37]

Myntir evrulandanna voru samtengdar nokkrum árum fyrir upptöku hennar. Það eru mörg dæmi um að lönd hafi tengt sinn gjaldmiðil við dollarinn. Þetta væri alls ekkert nýtt.

[Guðmundur Jónas Kristjánsson, 28.2.2008 kl. 09:28]

Það að tengjast myntkörfu eða annari mynt með ákveðnum frávikum
yrði mun vitlegra en að taka upp erlenda mynt sem við hefðum ENGIN áhrif á. Skil ekki hvernig heilvita manni dettur slíkt í hug.
Alltaf er hægt að AFTENGJAST myntkörfunni og erlendu myntinni
ef svo ber undir. En eftir að hafa tekið upp hina erlendu mynt væri
ekki aftur snúið. Sætum í súpunni!