Vantrúaðir vanvirða kristna trú !

   Á sama tíma og Samtökin Vantrú kallar á virðingu og jafnrétti
varðandi trúarbrögð og svokallað trúleysi, vanvirða þau með
grófum hætti einn helgasta dag kristinna manna. Hver er til-
gangur með slíkum ögrunum og vanvirðingu gagnvart okkur
kristnum?

  Samtökin Vantrú stóðu í dag föstudaginn langa fyrir hinu
árlega Vantrúarbingói á  Austurvelli. Kemur fram í frétt á
Mbl.is að slíkt brýtur í bága við lög um helgidagafrið sem
sett voru  til að tryggja  frið, næði og hvild almennings á
helgidögum hinnar íslenzku Þjóðkirkju.

  Samtökin Vantrú hafa skv. þessu brotið  íslenzk lög. Og
það bersýnilega ekki í fyrsta skiptið.

  Eru ekki allir jafnir fyrir lögunum?

Vantrúaðir spila bingó

Athugasemdir

[Guðmundur Jónas Kristjánsson, 21.3.2008 kl. 16:30]

Jón. En meðan lögin eru svona. Á þá ekki að fara eftir þeim ?
Lög eru lög ekki satt?

[Anna Benkovic Mikaelsdóttir, 21.3.2008 kl. 16:31]

auðvitað á að breyta lögunum...það má spila lúdó í dag, en ekki bingó??? Sjá ekki allir hversu kjánalegt þetta er?

[Frikki (IP-tala skráð) 21.3.2008 kl. 16:31]

Það var nú einmitt ætlunin, annars hefði bingóið ekki ekki verið haldið

[Kristján Hrannar Pálsson, 21.3.2008 kl. 16:32]

Ef allir hugsuðu á þann veg væri lítið um lagabreytingar. Með því að sýna fram á að þetta sé augljóslega dauður bókstafur er verið að senda sterk skilaboð um að breyta þurfi þessum lögum.

[Guðmundur Jónas Kristjánsson, 21.3.2008 kl. 16:37]

Meðan íslenzka Þjóðkirkjan er LÖGVARIN í stjórnarskránni þyrfti þá
að breyta henni líka. En sem betur fer er þarna um ÖR-smáan hóp
að ræða sem vill slíkar breytingar. Stór meirihluti þjóðarinnar hlýtur
að ráða þessu.  Hvers konar lýðræði er það ef svo er ekki?

[Jón Valur Jensson, 21.3.2008 kl. 16:39]

Það er ekkert rangt við helgidagafrið í landi þar sem flestir kjósa að aðhyllast kristinn sið: með því að tilheyra kristnum kirkjum, láta skíra börn sín og (að stórum hluta) giftast, unglingar að fermast. Kærar þakkir, Guðmundur Jónas, fyrir ádrepu þína.

[Anna Benkovic Mikaelsdóttir, 21.3.2008 kl. 16:39]

hvernig væri að hafa þjóðaratkvæðagreiðslu?

[sbs (IP-tala skráð) 21.3.2008 kl. 16:41]

næst fara þeir að birta myndir af spámönnum...

[Ottó S. Michelsen (IP-tala skráð) 21.3.2008 kl. 16:56]

Fyndið að þú skulir mæla réttmæti skoðunar í því hversu margir aðhyllast þá skoðun. Jafnvel þó félagsskapurinn Vantrú sé smár þýðir það ekki að hann hafi rangt fyrir sér (að sama skapi þýðir það ekki að hann hafi rétt fyrir sér).  Þú dregur full miklar ályktanir af þeim fjölda sem deila sömu skoðunum.  Ef  einungis einn maður í heiminum tryði því að jörðin væri hnöttótt, væri hún þá ekki samt hnöttótt?

[Jón Valur Jensson, 21.3.2008 kl. 17:13]

Með því að velja að láta skíra barn sitt hjá kristnum presti, er fólk að velja kristindóm. Væri það andvígt honum, myndi það ekki halda börnum sínum að fermingunni, heldur frá henni. Væri það andvígt kristnum siðferðisáhrifum, myndi það ekki kjósa að hafa ákvæði um kristilegt siðgæði í markmiðslýsingu grunnskólalaga. En í skoðanakönnun Útvarps Sögu 30. nóv. til 3. des. sl. reyndust 90,6% segja nei við því að afnema þessa reglu í grunnskólalögum, 9,3% sögðu já, en 0,1% voru hlutlausir.

[DoctorE (IP-tala skráð) 21.3.2008 kl. 17:14]

Þjóðkirkja sumra íslendinga hefur ekkert með að sýsla í annarra manna málum.
Sem betur fer er þjóðin ekki í svart/gráu og hún var.

[Guðmundur Jónas Kristjánsson, 21.3.2008 kl. 17:25]

Og við fermingu gefst manni enn og aftur kostur á að undirstrika kristna trú sína. Og raunar allar götur eftir það. Þannig að það er út í hött að láta liggja að því að þorri þjóðarinnar aðhyllist ekki kristna trú af FRJÁLSUM VILJA, hennar gildi og viðhorf. Þið þessir vantrúðu verðið bara að sætta ykkur við það. Hinn MIKLI meirðhluti þjóðarinnar hlýtur að ráða í þessu máli. Þar að auki er kristin trú  einn AÐAL HLUTI af okkar íslenzku  ÞJÓÐMENNINGU, SAMOFINN HENNI í heil 1000 ár. Þannig bara út frá þeirri staðreynd kemur EKKI TIL GREINA að veita neinn afslátt á því.  Engu að síður er hér
fullt trúfrelsi! 

[Borghildur (IP-tala skráð) 21.3.2008 kl. 17:26]

Þú setjur fram í annarri færslu hér, gagnrýni á Ingibjörgu Sólrúnu fyrir að bera blæju í Afganistan en hneyklast á því hér, að fólk virði ekki helgidaga kristinna. Þú hvetur sumsé til þess að fólk hugsi sjálfstætt og brjóti jafnvel lög ef um önnur trúarbrög en kristni er að ræða?

Ég fór á bingið hjá Vantrú og skemmti mér konunglega. Vona að þeir haldi sínu góða og þarfa starfi áfram sem lengst.

[Tinna (IP-tala skráð) 21.3.2008 kl. 17:29]

Allir eru jafnir fyrir lögunum en svo er spurning hversu mikinn rétt þessi lög eiga á sér.
Hvers vegna þurfa kristnir helgidagar að vera lögbundnir? Ef 50% þjóðarinnar segist vera kristinn, eiga þá hin 50% bara að sitja úti í horni og lúta fyrir því að hinn helmingurinn þarf að hafa sinn heilaga hvíldardag án spila?

Mér finnast þess lög heimskuleg og ekki eiga rétt á sér.

[Guðmundur Jónas Kristjánsson, 21.3.2008 kl. 17:34]

Borghildur. Þótt ég sé kristinn þá er margt íkristni  sem ég er ekki
100% sammala. Ber virðingu fyrir öllum trúarbrögðum, líka
múslimskum. En þar er langt í frá að ég sé sammála öllu í þeirri
trú. Einkanlega vanvirða gagnvart konum og réttindum þeirra.
Slæða múslímkra kvenna er tákn um kúgun. Þess vegna fannst mér
út í hött hjá Ingibjörgu Sólrúnu að flagga slíkri slæðu. Gjörsamlega
út í hött !

[Kristján Hrannar Pálsson, 21.3.2008 kl. 17:35]

Hversu stór meirihluti, Guðmundur, að þínu mati þyrfti að vera til staðar til að þetta væri réttlætanlegt? Meirihlutarök duga skammt. Að auki gildir hér trúfrelsi, en ekki trúarjafnræði.

[Guðmundur Jónas Kristjánsson, 21.3.2008 kl. 17:39]

Kringum 90% þjóðarinnar er kristinnar trúar Kristján.  Alla vega er
Samtök Vantrúaðra það litill að krafa þeirra er gjörsamlega úr
takt við íslenskan þjóðarvilja. Svo míkið er víst!

[Friðrik Þór Guðmundsson, 21.3.2008 kl. 17:56]

Guðmundur Jónas. Það er búið að afnema Z-una úr íslenskum rithætti - með lögum. Þú skrifar "íslenzku" og "íslenzk". Þú brýtur lög. Varstu ekki að segja að það ætti að virða lögin? Bara sum lög?

[Óli Gneisti (IP-tala skráð) 21.3.2008 kl. 18:01]

Getraun 

Hver sagði: 

Öfgafullum skoðanakúgurum verði það ljóst  að þetta er eitt af því sem við munum ÆTÍÐ  standa vörð um, TJÁNINGAR-OG SKOÐANAFRELSIÐ.

?

[Borghildur (IP-tala skráð) 21.3.2008 kl. 18:15]

Slæða múslímskra kvenna er EKKI tákn um kúgun, nema í augum sumra vesturlanda búa. Kóraninn mælir með því að konur hylji hár sitt á nákvæmlega sama hátt og biblían gerir. Munurinn er sá að múslima konur fylgja sinni trú á bókstaflegri hátt heldur en kristnar konur og KJÓSA að bera blæju. Á nákvæmlega sama hátt og þú virðist vera á  móti þeirri "kúgun" sem blæjan boðar eru vantrúar menn á móti því að vera "kúgaðir" til þess að haga sínu lífi eftir gildum og helgidögum kristinna manna.

P.s Það er ekki talað um "múslimsk trúarbrögð" heldur Islam. Múslimar viðurkenna/nota ekki spámann sinn sem auka guð eins og kristnir. ;)  

[baddi (IP-tala skráð) 21.3.2008 kl. 18:28]

Ég held að menn séu komnir svolítið langt frá umræðuefninu hérna. Málið er þetta: Af hverju er bingó bannað en margt annað ekki á þessum degi? Var Jésu eitthvað sérstaklega á móti bingói? Eins og kom fram hér að ofan þá get ég spilað lúdó í dag. Þá get ég farið í 10-11 og keypt mér í matinn í dag. Ég get meira að segja farið útá pöbb á eftir og fengið mér bjór. Eru einhver rök í þessum lögum?

[Jón Valur Jensson, 21.3.2008 kl. 18:36]

Bull er þetta í þér, Friðrik minn Þór, það getur enginn bannað okkur að skrifa zetu, og lögin banna það heldur ekki. Hún er hins vegar ekki kennd í skólakerfinu og ekki notuð í nýjum, opinberum gögnum, nema hún komi fyrir í vissum nöfnum (Zóphonías Zoega o.s.frv.) og í erlendum textum. Þú getur heldur ekki bannað fólki að fara með stafrófsvísu séra Ólafs Guðmundssonar á Sauðanesi frá því á 16. eða 17. öld, sem endar svona: "x, y, z, þ, æ, ö. Allt stafrófið er svo læst í erindi þessi lítil tvö."

[Snorri (IP-tala skráð) 21.3.2008 kl. 19:17]

Einhvern tíma sagðir þú þetta ógeðslegi hræsnarinn þinn:

"Öfgafullum skoðanakúgurum verði það ljóst  að þetta er eitt af því
sem við munum ÆTÍÐ  standa vörð um, TJÁNINGAR-OG
SKOÐANAFRELSIÐ. " 

[Friðrik Þór Guðmundsson, 21.3.2008 kl. 19:21]

"Hún er hins vegar ekki kennd í skólakerfinu og ekki notuð...". AHA!! Jón Valur. Zetan var afnumin með lögum. Punktur. Vitaskuld liggur ekki refsing við því að nota hana. Frekar en að nokkrum manni detti í hug að refsa fyrir bingóhald, sem engan truflað nema trufluð trúareðjót.

Og leyfðu nú Guðmundi Jónasi að svara fyrir sig sjálfan Jón minn Valur. Einkanlega þegar þú hefur ekki betri svör en þetta!

[Guðmundur Jónas Kristjánsson, 21.3.2008 kl. 19:30]

Bið menn að gæta hófs í orðavali hér. Varðandi Zetinu eins og Jón
Valur benti áætlega á Friðrík þá má við það bæta að  ritstjórn Mbl notar hana á hverjum degi. Aldrei hef ég heyrt að Mbl hafi verið að brjóta lög vegna þessa.

Aðalatrið er í þessu öllu er að yfirgnæfandi meirihluti þjóðarinnar  ER kristin, hefur verið það í 1000 ár, og VILL vera það áfram Í FRIÐI !

Það er ekkert fólknara en það! Og þeir fáu sem una því ekki verða
þá bara að una því áfram.

[Vendetta, 21.3.2008 kl. 19:42]

Friðrik Þór, svokallað afnám zetunnar var ógjörningur duglausra ráðherra og heimskra embættismanna. Ég lít á öll skrif með zetu-villum (þ.e. með s skrifað þar sem á að vera z) sem kolröng og á erfitt með að lesa þannig texta. En ég læt mig hafa það.

Að öðru leyti er ég sammála flestum hér að þessi helgidagalöggjöf er alveg úrelt. Þeir sem vilja fara í kirkju geta það, aðrir vilja skemmta sér. Að kirkjan skuli geta fjötrað alla þjóðina vegna kreddubókstafa er eins ólýðræðislegt og hugsazt getur.

[Anna Benkovic Mikaelsdóttir, 21.3.2008 kl. 19:51]

Guðmundur...hvað hefði gerZt ef Ljósvetningagoðinn hefði svarað í þínum stíl?...sbr...

Aðalatrið er í þessu öllu er að yfirgnæfandi meirihluti þjóðarinnar  ER ....., hefur verið það í ..... ár, og VILL vera það áfram Í FRIÐI !

Það er ekkert fólknara en það! Og þeir fáu sem una því ekki verða
þá bara að una því áfram.

[Guðmundur Jónas Kristjánsson, 21.3.2008 kl. 20:00]

Anna og þið öll. VIRÐI trúleysi annara. Á sama hátt vill ég að ALLIR
virði trú annara. Föstudagurinn langi er einn af helgustu dögum
kristinna manna. Hvers vegna var gjörningurinn við Austurvöll
framinn einmitt á þessum degi í nafni baráttu gegn hindurvitni?
Bingóið var fyrirsláttur.  Ögrunin var tilgangurinn !
Svo einfalt er það og svo augljóst!

[Anna Benkovic Mikaelsdóttir, 21.3.2008 kl. 20:38]

Guðmundur og fleiri, þið eruð einmitt EKKI AÐ VIRÐA TRÚLEYSI ANNARA! Trú (trúleysi) er persónuleg ákvörðun, ekki sett í búning 10.000.000.000.000 ára "bingó"...

[Magnús Helgi Björgvinsson, 21.3.2008 kl. 20:51]

Og með því að allir eru að ræða þetta er takmarki Vantrúar náð. Það virðist alltaf vera hægt að hræra í þeim sem hengja sig í trúna. Og þetta er sama fólk og æsir sig yfir siðum annarra þjóða og menningaheima. Þegar Ingibjörg Sólrún virðir trúarskoðanir annarra með því að nota slæðu verða sömu menn að tjá sig í vandlætingu um það. En hef ekki heyrt þá æsa sig yfir þvi að þegar fólk fer í kirkjur í suður Evrópu þurfa konur að hylja axlir og hné. Þ.e. þær geta ekki farið þar inn í hlýra bolum og stuttbuxum. Engin hefur æst sig yfir því.

Og engin æsir sig yfir því að margir gyðingar ætlast til þess að karlmenn hafi höfuðföt þegar þeir fara í samkomuhús gyðinga.

Finnst að kristið fólk ætti að gæta að sér! Sé ekki að bingóspil niður á Austurvelli hafi nokkuð með aðra að gera en þau sem tóku þátt í því. Föstudagurinn Langi er bara eitthvað sem kirkjan kom á ekki fyrir svo mörgum öldum.

Var svo að heyra að bannað var að spila í útvarpi lög af plötunni Lifun með trúbrot og ýmis önnur lög voru bönnuð þar ef texti þeirra var ekki eftir viðurkenndri trúartúlkun. Gengið var svo langt að þau lög voru rispuð þannig að þau voru ekki spilandi. Og þetta var fyrir 30 til 40 árum hér. Þannig að ég held að kristnar þjóðir megi passa sig að dæma ekki aðra.

[Guðmundur Jónas Kristjánsson, 21.3.2008 kl. 21:12]

Magnús minn. Vertu ekki að reyna að bera í bætifláka fyrir slæðu
Ingibjargar í Afganistan. Þetta voru þvílík mistök og kölröng
skilaboð sem hún var að senda með þessari broslegu slæðuupptöku
sinni frammi fyrir öllum sjónvarpsvéunum. Því slæðan er tákn fyrir
kúgun kvenna í Arabaheiminum eins og Skúli bendir hér réttilega
á hér fyrir ofan. Svo bara skil ég ekki hitt. Hér er algjört trúfrelsi.
Spurning bara hvort yfirgnæfandi meirihluti íslenzkrar þjóðar megi
ekki hafa sína kristni trú áfram Í FRIÐI? Hún er samofin okkar
þjóðmenningu í 1000 ár og verður það vonandi ætíð meðan íslenzk
þjóðvartilvera fær að lifa! Þrátt fyrir það meiga vantrúaðir stunda
sína vantrú, líka í friði, en með fullri virðingu samt fyrir ÖÐRUM!

[Anna Benkovic Mikaelsdóttir, 21.3.2008 kl. 21:19]

Jú Guðmundur...þið kristnir meigið og eigið svo sannarlega að eiga YKKAR TRÚ Í FRIÐI!

[Halla Rut , 21.3.2008 kl. 21:20]

Guðmundur þú ert nú svo ágætur og er ég svo fegin að næstum eina ofsa trú á Íslandi snýst um eitthvað svo saklaust eins og þetta tafl niðri í bæ. 

Skák og gleðilega páska. 

[Hannes (IP-tala skráð) 21.3.2008 kl. 21:33]

Er það ekki vanvirðing við þegna þessa lands að fólk sem hefur aðra trú en ríkistrúna, sé skikkað til þess að gera ekki hitt eða þetta á dögum sem tengjast trú annara manna?

Hvað kemur það ríkistrúnni við hvað aðrir gera en fylgjendum hennar?

[Borghildur (IP-tala skráð) 21.3.2008 kl. 21:35]

Kæri Skúli, ég gæti bent þér á fjöldann allan af síðum skrifuðum af  kvenréttindakonum innan Islam sem halda hinu gagnstæða fram. Sumum múslima konum sem hafa vanist því að bera slæðu (hijab ekki búrka) finnst ljótt og óþægilegt að ganga um með hárið bert, á sama hátt og íslenskar konur fara ekki í sund með kafloðna leggi. Öðrum finnst hár sitt fagurt og kæra sig ekki um að sýna það hverjum sem er. En viljirðu endilega halda þig við kúgun þá minni ég þig hér á brot af kúgunarorðum Páls postula í Nýja testamentinu -Fyrra Kórinþubréf 

 

"En sérhver kona, sem biðst fyrir eða flytur spádóma Guðs berhöfðuð, óvirðir höfuð sitt"

Það er hið sama sem hún hefði látið krúnuraka sig. Ef konan því vill ekki hylja höfuð sitt, þá láti hún klippa sig.

Biblían leggur þá til, á NÁKVÆMLEGA sama hátt og Kóraninn að konur séu kúgaðar. Og fyrst þú talar um spennitreyjur múslima þá ættirðu kannski að íhuga, háu hælana, lífstykkin, sílkon aðgerðirnar og aðrar þjáningar sem vestrænar konur leggja á sig. Heldur þú kannski að múslimar horfi á okkur og haldi það að við séum ekki kúgaðar? Think again!   Ég trúi ekki á biblíuna því hún hvetur til kúgunar kvenna á sama hátt og kóraninn gerir. Þess vegna mun ég aldrei virða helgidaga kristinna. Það ætti að vera MINN réttur sem frjálsrar, heilaþveginnar (upplýstrar) konu í þessu landi. 

(Afsakið lengdina á kommentinu)

[Hannes (IP-tala skráð) 21.3.2008 kl. 21:36]

Skúli, þú talar um að kristin trú og íslenska þjóðin hafi átt ágætt samstarf í 1000 ár.

Kynntu þér nú söguna um aldalanga píningu kirkjunnar á þegnum þessa lands og hvað fólk þurfti að líða fyrir trúarkreddur hennar öldum saman.

Kristinni trú var troðið á landsmenn með hótum frá Noregskonungi um að annars hlyti þjóðin verra af.

Og ekki voru siðaskiptin skárri.

[Hannes (IP-tala skráð) 21.3.2008 kl. 21:38]

Guðmundur, ekki það að ég sé að verja gjörðir ISG með slæðunni, en stendur það ekki í biblíunni að konum bera að hylja hár sitt?

[Guðmundur Jónas Kristjánsson, 21.3.2008 kl. 21:46]

Hannes minn. Hef tekið það skýrt fram að þótt kristinn sé meðtek
ég ekki allt sem henni viðvíkur og því síður allt sem stendur í
Biblíunni. Er ekki bókstafstrúarmaður og er á móti þeim í ÖLLUM
trúarbrögðum... Þannig bakka ekki þetta með slæðuna hvað svo
sem sumar arabiskar konur eru þvingaðar  til að segja um hana!

[Anna Benkovic Mikaelsdóttir, 21.3.2008 kl. 22:49]

Ragnar Örn!...það er ekkert "skrítið " hér ...má ég reyna að svara þér með svari mínu tí Höllu Rutar?...

Ég er trúlaus, eftir 35 ára píslargöngu í gegnu kristna kirkju, kristni og síðan eigin trú á lífið (sem ég er sáttust við)...svo ekki segja að ég hafi ekki reynt að vera "kristin"...en er að kenna syni mínum kristni (og önnur trúarbrögð seinna). Í gær spurði hann 5 ára "mamma, af hverju hangir hann svona þarna?"...ég nennti ekki að útskyra píslargönguna fyrir litlu barni og sagði "þetta er SAGA"

[Anna Benkovic Mikaelsdóttir, 21.3.2008 kl. 23:55]

Það er P'OKER á skjá einum?...hvað finnst ykkur "kristnum " um það?

[Hjalti Rúnar Ómarsson, 22.3.2008 kl. 00:18]

VIRÐI trúleysi annara. Á sama hátt vill ég að ALLIR virði trú annara. Föstudagurinn langi er einn af helgustu dögum kristinna manna. Hvers vegna var gjörningurinn við Austurvöll framinn einmitt á þessum degi í nafni baráttu gegn hindurvitni? Bingóið var fyrirsláttur. Ögrunin var tilgangurinn ! Svo einfalt er það og svo augljóst!

Bingóið var á þessum degi einfaldlega af því að þetta er einn af þeim fáu dögum þar sem bingóspil er bannað. hvað skilurðu eignilega ekki við þetta?

[Magnús Helgi Björgvinsson, 22.3.2008 kl. 00:21]

Skúli í mörgum islömskum ríkjum er konum frjálst hvort þær bera slæður eða ekki. Og þar er það stór hópur sem að eigin vali kýs að gera það. Hef séð heimildarmyndir þar sem ungar menntakonur lýsa því að þær beri slæðurnar þar sem það sé hluti af þeirra menningu, þeim finnst það flott og gangast upp í að vera með sem fallegastar slæður. Í öðrum löndum er þetta skylda og þessu þvíngað upp á þær. Varast að vera með alhæfingar.
Bendi á að gyðingar skiptast líka upp í hópa þar sem karlmenn bera höfðföt eða hvað sem þessi eftirlíking af skalla kallast en svo stór hópur sem gerir það ekki.

Hér á landi var um daginn kona sem vildi fara berbrjósta í sund þar sem hún telur að það sé merki um mismunun að karlar megi fara berbrjósta í sund en konur ekki!

[Jonni, 22.3.2008 kl. 00:23]

Það er skrýtið að sama fólkinu sem finnst múhammeðsmyndbirtingin vera mjög gott mál, finnst Austurvallarbíngóið vera hið versta mál. Er þetta samt ekki akkurat sama málið?

[Bjöggi (IP-tala skráð) 22.3.2008 kl. 00:24]

Mér finnst að það eigi bara að gildi yfir kristna að taka þennan dag svona heilagan, þetta á ekki að vera í landslögum. Þessir trúlausu geta bara spilað og skemmt sér á páskunum á meðan Jón Valur og félagar taka því rólega.

[Jón Valur Jensson, 22.3.2008 kl. 00:29]

Hannes, það er auðvelt að vera með svona billegar alhæfingar  og yfirlýsingar án þess að tiltaka eitt einasta dæmi. Þjóðin átti mjög góða samleið með kristinni trú gegnum tíðina og einmitt ekki sízt á hennar erfiðustu stundum. Það þykist ég þekkja á mínum athugunum á sögu okkar og ljóðahefð.

Guðmundur Jónas, hér var a.m.k. einn maður með argasta guðlast (ég hef ekki lesið hér allt í þessari fjörugu umræðu), þ.e.a.s. Kristinn Haukur Guðnason kl. 19:45. Ég myndi fleygja út þvílíku guðlasti – og líttu nú á það, af hvílíkri snerpu Ólafur Als svaraði honum í dag á þessari vefslóð sinni. Kristinn þessi Haukur á sem sé bágt með að fara ekki yfir strikið í umræðum, um það eru mörg dæmi, og þetta hjá þér var eitt þeirra. Látum engan komast upp með að tala þannig um Jesúm Krist í okkar gestaboðum.

Með góðri kveðju, og þakka þér líka fyrir að anza honum Friðriki Þór fyrir mig.

[Guðrún María Óskarsdóttir., 22.3.2008 kl. 00:49]

Góður pistill Guðmundur.

Hér er verið að ögra rétt eins og fyrri daginn og ganga út yfir endamörk sem finna má í formi laga og siðvenja í einu landi.

Það væri fróðlegt að vita hvort þeir sem mæla því bót að lög séu brotin séu til dæmis jafn sáttir við það að menn myndu til dæmis brjóta fiskveiðilöggjöfina á bak aftur með því að fara bara að veiða ?

kv.gmaria.

[Borghildur (IP-tala skráð) 22.3.2008 kl. 00:57]

Kæri Skúli

Hvergi hef ég sagt að ekki væri kúgun innan Islam. HVERGI. Aðeins að  blæjan væri EKKI tákn um kúgun kvenna og að flestar múslima konur KYSU það sjálfar að bera hana. Maryam fjallaði um öfgafulla múslima í þessum fyrirlesturm sínum og getur ekki svarað fyrir milljónir kvenna sem dreifðar eru um allan heim.  Mér finnst jafn brjóstumkennanlegt af þér (svona svo ég fari nú niður á þitt level í orðavali) að halda því fram. Ég gæti eins sagt að allir kristnir prestar væru barnaperrar vegna kaþólsku prestanna sem upp komst um hér um árið. 

Það sem ég er að reyna að sýna fram á með því að taka dæmi af notkun vestrænna kvenna t.d á fegrunaraðgerum er að það sem múslimar sjá sem kúgun á okkar slóðum sjáum við sem frelsi, margar múslima konur líta á hijab sem  frelsi frá t.d útlitskörfum samtímans en við lítum á það sem kúgun. Það er alltaf gott að taka niður gleraugu sinnar eigin menninar þegar skoða á aðra.  

Hafirðu löngun til að fræðast er hér linkur á youtube þar sem nokkrar konur ræða um ástæður þess að þær beri hijab.  http://www.youtube.com/watch?v=WZVYJNvauwo&feature=related
Og ég lofa því að það er enginn Iman fyrir aftan þær með písk í hendinni sem hótar þeim barsmíðum. ;)

[Linda, 22.3.2008 kl. 01:42]

Þeir vanvirtu ekki mína trú, þeir vanvirtu lög sem mætti endurskoða, á sama tíma gera þeim sem ekki trúa að vinna á þessum dögum, ég meina þetta er ekkert annað en hræsni að vera í fríi á þessum háhelgu dögum og trúa ekki...eða hvað? Annars, mætti leiðrétta dagsetningu Páskanna en það er annað mál.  Ég þakka bara Guði fyrir Jesú og það er mér nóg. 

Kæru trúbræður, mér þykir innilega vænt um ykkur, en í þessu er ég ekki sammála, ég vona að þið fyrirgefið það.  Jesú var krossfestur, hann er upprisin og það er það eina sem skiptir máli. Vantrúar bingó er pínu agnasmátt sandkorn í þessu samhengi, skiptir vissulega máli, en breytir vonandi ekki afstöðu fólks til Jesú sem frelsar hvern og einn sem vill taka á móti honum, það er í  raun það eina sem skiptir máli.

Knús.

[Tinna Gunnarsdóttir Gígja, 22.3.2008 kl. 02:31]

KHG - Ekki gleyma öðrum í Júróvisjon!

[Magnús Helgi Björgvinsson, 22.3.2008 kl. 10:57]

Það stendur nú í Biblíuni að konur eigi að vera undirgefnar karlmönnum  og eigi að hylja höfuð sittþannig að þessi tilvitnun er nú ekki merkileg.

[Magnús Helgi Björgvinsson, 22.3.2008 kl. 11:43]

Ekki er ég að bera þessum ógeðslegu athöfnum bót. En ég varast að alhæfa svona eins og þú gerir. Við getum því miður alltaf fundið harðstjón og ómenni sem stjórna með svona ógeðslegum aðferðum en það segir okkur lítð þó að þeir styðji framkomu sína með tilvitnunum í trú. Svona svipað og rök Gyðinga fyrir landtöku sinni og meðferð á Palesínumönnum. Þar vitna þeir í það að Guð hafi gefið þeim þetta land og því eigi þeir rétt á að hrekja palesínumenn burtu með ofbeldi. En ekki þar með sagt að það sé vilji allra Ísraelsmanna.

Í Bandaríkjunum eru öfga kristnir sem víla ekki fyrir sér að sprengja fólk og húsnæði upp þar sem fram fara fóstureyðingar.

Það er miður að öfga klerkar hafi náð völdum í Íran á 8 áratug síðustu aldar og eins þá er það allt of algengt að illa sé komið fram við konur í ríkjum sem aðhyllast íslam en finnst að það þurfi að varast alhæfingar.

Minni á að í Indlandi og fleiri löndum tíðkast að brenna konur, hella yfir þær sýru í Afríku líka.

Í Austu Evrópu eru þær seldar mannsali.

Þannig að mér finnst óþarfi að taka svona einn menningarkima fyrir. Flestir islamistar eru bara fólk eins og ég og þú.

[Hannes (IP-tala skráð) 22.3.2008 kl. 12:24]

VIRÐI trúleysi annara. Á sama hátt vill ég að ALLIR virði trú annara. Föstudagurinn langi er einn af helgustu dögum kristinna manna. Hvers vegna var gjörningurinn við Austurvöll framinn einmitt á þessum degi í nafni baráttu gegn hindurvitni? Bingóið var fyrirsláttur. Ögrunin var tilgangurinn ! Svo einfalt er það og svo augljóst!

 Ég spyrr þá, hver er munnurin á Bingoinu á Austurvelli og svo tónleikum AA samtakana sem haldnir vorum um kvöldið? Kostaði 2500 kr inná þá. Hverjum var verið að ögra þarna?

Málið er að bæði er ólöglegt, bæði eru lög sem eiga ekki heima í frjálsulandi þar sem trú á ekki að stýra löggjöfini. En af einhverjum ástæðum sem ég skill ekki virðist Bingoið hafa stuðað menn meirra, og hvar var þá Löggan ef þetta er svo rosalega bannað? Er ekki málið bara að Lögreglan leggur ekki í það þar sem þessi lög standast ekki alþjólega mannréttindar sátmála sem við erum meðlimir af.

[Borghildur (IP-tala skráð) 22.3.2008 kl. 13:45]

Skúli, ég er farin að endurtaka mig hérna. Ég veit að Maryam telur slæðuna tákn um kúgun kvenna. EN HÚN ER EKKI TALSMAÐUR ALLRA MÚSLIMA KVENNA Í HEIMINUM. Múslimar eru yfir milljarður í heiminum og þú ætlar þér að setja allar konur þeirra undir sama hatt.  Aðeins um 10% múslima telst til öfgasinnaðra hópa. Hvað um hin 90%? Islam eru þau trúarbrögð sem stækka hvað hraðast í heiminum. Og konur eru í miklum meirihluta þeirra sem taka upp Islam. Margar sem eru að snúast frá kristni.
En kannski er það bara af því þeim þykir svo gott að láta berja sig? 

Ég tek undir með Magnúsi um það að þessar tilvitnanir séu ekki merkilegar þar sem Biblían er full af svipuðum tilvitnunum. 

Þér konur, verið undirgefnar mönnum yðar, eins og sómir þeim, er Drottni heyra til.”
Páll postuli – Nýja testamentið

“Eins og í öllum söfnuðum hinna heilögu skulu konur þegja á safnaðarsamkomunum, því að ekki er þeim leyft að tala, heldur skulu þær vera undirgefnar...”
Páll postuli – Nýja testamentið – Fyrra bréf til Kórinþumanna

Konan á að læra í kyrrþei, í allri undirgefni. Ekki leyfi ég konu að kenna eða taka sér vald yfir manninum, heldur á hún að vera kyrrlát..
Páll postuli – Nýja testamentið – Fyrra bréf Páls til Tímoteusar

Sú sem er í raun og veru ekkja og er orðin munaðarlaus, festir von sína á Guði og er stöðug í ákalli og bænum nótt og dag. En hin bílífa er dauð, þó að hún lifi. Brýn þetta fyrir þeim, til þess að þær séu óaðfinnanlegar. Páll postuli – Nýja testamentið

Verið hver öðrum undirgefnir í ótta Krists: Konurnar eiginmönnum sínum eins og það væri Drottinn. Því að maðurinn er höfuð konunnar, eins og Kristur er höfuð kirkjunnar, hann er frelsari líkama síns. En eins og kirkjan er undirgefin Kristi, þannig séu og konurnar mönnum sínum undirgefnar í öllu. Páll postuli – Nýja testamentið – Bréf Páls til Efesusmanna

Eins skuluð þér, eiginkonur, vera undirgefnar eiginmönnum yðar, til þess að jafnvel þeir, sem vilja ekki hlýða orðinu, geti unnist orðalaust við hegðun kvenna sinna...eins og Sara hlýddi Abraham og kallaði hann herra...   Pétur postuli – Nýja testamentið – Fyrra almenna bréf Péturs

Öll eingyðistrúarbrögð halla á hlut kvenna. Þess vegna ætti enginn kona að vera partur af þeim.  Þið getið endalaust haldið áfram að setja fram myndir og dæmi af öfgahópum múslima en það breytir aldrei þeirri staðreynd að til séu konur innan Islam sem bera blæu og eru ekki meira kúgaðar heldur hin venjulega kristna kona. 

Þú talar um þessar kúguðu konur sem séu svo vanvirtar eins og þú berir hag þeirra fyrir brjósti, samt vanvirðirðu þær sjálfur, þegar þú talar um "mörgæsabúninga" þeirra með þvílíkri fyrirlitningu.  Eins og þær hafi eitthvert val um það hverju þær klæðast. 

Þetta Tabari er skrifað sýnist mér um 1990 og kemur því trúarskoðunum Múslima ekkert við. Súnní múslimar 90% fylgja aðeins Kóraninum og Sharía safninu.  

[Linda, 22.3.2008 kl. 13:47]

Það sem ég á við þegar ég segi að þessi gjörningur hafi ekki vanvirt mína trú, er það að trú mín er svo miklu meiri en dagur, þessi háhelgi dagur er fyrir Kristna, en við erum meira en dagurinn. Ég sagði við vin minn sem er BNA maður og hann var svo sár yfir því að það er fólk að brenna fánan í mótmæla skyni. Ég spurðu af hverju, hafa þeir líka brennt hann úr hjarta þínu og huga?  Bingó hefur engin áhrif á mig, svo framarlega sem gjörningurinn er ekki kirkju.  Dagurinn er jafn helgur í huga mínum og hjarta.

m.b.k.

[Borghildur (IP-tala skráð) 22.3.2008 kl. 14:28]

Skúli, ég kíkti inn á bloggið þitt rétt í þessu og fékk vægt áfall.  Gerði mér ekki grein fyrir því að þvílíkir trúarfordómar væru í gangi hér á Íslandi. Né að fólk sem komið er á þinn aldur og ætti að hafa smá vit á milli eyrnanna sé að breiða hann út. Mér finnast skrif þín einkennast af hatri og fáfræði þar sem þú veltir þér upp úr viðbjóði minnihlutans og málar hann síðan á milljónir manna sem reyna að lifa sínu lífi í friði. Að setja afstöðu allra muslima til kvenna undir einn hatt er ekkert gáfulegra en að meta alla kristna menn út frá viðhorfum ákveðinna öfgahópa eins og birtast t.d. á þessari vefsíðu.

Þar sem ég styð ekki trúarfordóma og veit að rasistar og aðrir öfgamenn taka ekki rökum, lýk ég hér með skrifum mínum við þig.

Borghildur  

[Óskar Helgi Helgason (IP-tala skráð) 22.3.2008 kl. 14:49]

Heill og sæll; Guðmundur Jónas og aðrir skrifarar !

Þakka ykkur; þér og Skúla Skúlasyni varðstöðuna, með atfylgi Jóns Vals sem ýmissa annarra !

Hitt er allt annað mál; að eigi íslenzka Þjóðkirkjan, að vaxa og dafna, sem hún ætti alveg að hafa burði til, þyrfti hún að afhrópa núverandi Byskup; Karl Sigurbjörnsson.

Hann laðar ekkert fólk, að kirkjunni, með sinni innihaldslausu mærð og, vel að merkja; þjónkun við frjálshyggju makræði núverandi valdhafa, á landi hér.

Þurfum miklu kröftugri; og einbeittari mann, í þessa stöðu, eins og málum er nú komið, hér á gömlu Ísafoldu.

Með beztu kveðjum, sem jafnan / Óskar Helgi Helgason     

[Linda, 22.3.2008 kl. 14:59]

Góð síða Borghildur, sem kristin kona muni sá maður sem reyndi að leggja hendur á mig með ofbeldi  liggja flatur. Hef séð þess síðu áður og mér var ekki  skemmt, en vissulega eru öfgar út um allt og í öllum hornum, og slíkt er engum til sæmdar og því ber okkur að berjast gegn slíku.  Eða hvað? Staðreyndin er sú að það er ekki hægt að taka hlið með öfgum bara gegn öfgum, þetta er mörgum torskilið.

Gleðilega Páska.

[Magnús Helgi Björgvinsson, 22.3.2008 kl. 15:50]

Skúli ég var bara að nefna það að öfgamenn eru í heimshlutum sem telja að vandamál megi leysa með ofbeldi. Ég aftur er á því að engin vandamál leysist með því að við vestræn samfélög reynum að troða okka lífsgildum ofna í þessar þjóðir. Við höfum reynt það í 1000 ár og þú sérð hvernig staðan er. Ástæða fyrir því að þessum heimum lýstur nú saman er það að við viljum gjarnan fá olíuna þeirra. Þetta eru oft þjóðir sem eru kúgaðar og fátækar nema aðallinn. En með afskiptum okkar af þessum löndum höfum við kallað yfir almenning þar ýmiar hörmungar. Þannig má telja að kannski um 60 til 70% af þessum árásum sem þú nefnir séu vesturlöndum að kenna. Þau réðust inn í Írak og öfgasinnar þar og annarstaðar nota þeða til að magna fylgi við sinn öfga málstað.

En þú sem ferð hamförum að níða niður heilu þjóðirnar vegna gerða nokkura manna. Hvaða lausnir hefur þú? Annað en að reyna að magna hatur okkar á þjóðum og trú sem hefur verið við lýði í þúsund ár.

Síðan finnst mér að þú ættir ekki að vísa í svona síður sem eru aðeins til að ala á hatri. Ég gæti bent þér á síður sem telja mannfall í Írak og Afganistan sem er beint rakið til innrásar okkar þar en við værum engu bættari með það því. Þær segja okkur ekkert um aðstæður þeirra sem fremja svona voðaverk og taka sitt líf í leiðinni. Þetta fólk lifir við fátækt, kúgun og aðstæður sem valda því að þau leiðasti inn á þessar brautir. Og þeir sem skipuleggja þetta nýta sér aðstæður til fulls

[Eggert Vébjörnsson (IP-tala skráð) 22.3.2008 kl. 16:50]

Get ekki séð að það sé málið að réttlæta fáránlegar lagasetningar varðandi þjóðkirkjuna og hampa einum hópi manna umfram aðra.

Trúarbrögð sem slík eru einfaldlega skoðun og mig minnir að Disraeli hafi sagt að "trúarbrögð væru skipulögð skoðun".  Hvað réttlætir það að einhver tiltekin meirihluti manna hafi þann rétt að troða sinni skoðun og sínum lífsgildum uppá aðra og þröngva þeim í krafti eldgamalla og úreltra laga til að lifa í sama farinu. Gott og vel ef þetta snérist um eitthvað ósiðlegt þar sem væri verið að brjóta gegn eða á einhverjum. Þá skil ég réttmæti lagasetninga en hitt að frjálsu fullorðnu fólki sé ekki stætt á því að spila bingó eða hvaðeina sem því hugnast sé meinað það er mér óskiljanlegt. Nú verð ég líka að taka svo djúpt í árina að þetta svokallaða trúaða fólk sem gasprar mikið um trúmál virðist eiga til afskaplega lítin skammt af umburðarlyndi og náungakærleika hversu mótsagnarkennt sem það er. Oftar en ekki virðist mér þetta fólk vera grimmlynt og vont og þvi finnst sjálfsagt að þröngva sínum skoðunum uppá aðra hversu fáránlegar sem þær kunna að vera og dæma fólk harkalega ef það er eitthvað öðruvísi. Held að ykkur siðapostulunum væri nær að sýna kristindóm í verki heldur en að vera með þetta eilífa gaspur og kjaftablaður. Það kemur ykkur pottþétt ekki inní himnaríki. 

[Jonni, 22.3.2008 kl. 17:21]

Þá erum við öll sammála um þetta. Þeir sem vilja vera heima og lesa ritninguna á föstudaginn langa gera það og þeir sem vilja spila bíngó gera það. Getur einhver látið Alþingi vita af þessu.

[Magnús Helgi Björgvinsson, 22.3.2008 kl. 17:24]

Ég veit ekki Skúli hvað þetta t.d. er annað en að segja að allir íslamistar séu hryðjuverkamenn. Þetta er af þinni síðu:

"

SMYGLUÐU VOPNUM Í LÍKKISTUM.

Hugmyndaflug Íslamista út um allan heim, á sér enginn takmörk,   þegar kemur að því að misnota lög og reglur siðaðra þjóða.  Siðleysi þeirra er þá algjört og engin virðing borin fyrir neinum né neinu í baráttunni fyrir málstað Allah, hins náðuga og alvitra. (Les Mó stríðsherra).  Blekkingarherferðir íslams er háþróuð list, sem hefur þróast á Arabíuskaganum frá þvi löngu fyrir tilkomu stríðsherrans Múhameðs.  Plat og prettir, loðin loforð og fyrirheit, blekkingarvefir spunnir út og suður um allan heim.  Heimurinn fær nú að kenna á þessar háþróuðu svikamyllu frá Arabíu  alls staðar þar sem Íslamistar búa."

Þetta en nú á góðri íslensku alhæfing og kjaftæði. Þú talar eins og hryðjuverk séu daglegt brauð um allan heim. Kjaftæði.  Og eftir að hafa lesið nokkuð vel af síðunni þinni þá sé ég að þitt helsta markmið er að skapa hatur á fólki sem kemur frá öðrum menningarheimum. Og hvað skildi nú takmarkið vera hjá þér? Hvað eigum við að ráðast á alla sem eru íslamskrar trúar? Þú hlýtur væntanlega að hafa rekist á að kristni hefur líka sína ljótu birtingarmyndir í gegnum tíðina. Eða fólk sem hefur túlkað hana þannig að studdi þeirra illa málstað. T.d. Rannsóknarréttin á Spáni.  Voðaverk í Afríku. Trúin m.a. var notuð sem málstaður í Norðu Írlandi sem átti að réttlæta hryðjuverk.

Af hverju eru menn ekki frekar að einbeita sér að því að finna aðrar lausnir en ofbeldi og hatur til að leysa þessi mál. Það gekk á Írlandi.

Nú hef ég lokið máli mínu um þetta mál að sinni

[Jón Valur Jensson, 22.3.2008 kl. 17:50]

Múslimir eru ekki = islamistar. Þeir, sem aðhyllast islamstrú, eru einungis að mjög litlum hluta "islamistar". Í því liggur misskilningur Magnúsar.

[Jonni, 22.3.2008 kl. 18:11]

Það er rétt hjá þér Jón Valur að íslamistar eru öfgamúslimir. Hins vegar hagar Skúli málflutningi sínum þannig að það er ekki gerður neinn greinarmunur á þessu og ókunnugir lesendur hans verða því fyrir barðinu á fordómum sem varða ALLA múslimi. Skúli er ekkert að hafa fyrir því í greinum sínum að gera lesendum sínum grein fyrir því að öfgamúslimir eru einungis lítið brot af öllum múslimum, enda er hans herför með því markmiði að stöðva hina ímynduðu heimsyfirtöku Íslam. Hann er fortölumaður fyrir samsæriskenningu sem er soðin upp úr annarri samsæriskenningu, nefnilega þá um heimsyfirráðasamsæri gyðinga. Beint úr smiðju nasista. Einn daginn gyðingarnir, næsta múslimir.

Hann er alveg tilbúinn í krossferðir, búinn að smyrja nestið og brýna kutann.

[Anna Benkovic Mikaelsdóttir, 22.3.2008 kl. 18:31]

Jonni...þetta er eins og að kalla alla gyðinga Zianista (=nasista)....sem er fáránlegt!...en þjónaði Hitleráróðrinum!  Lærum heima, og verum ekki fáfróð! Flestir "múslimar" eru eins og Íslendingar í þjóðkirkjunni (=pæla ekkert í þessu) hinir hafa áhrifin, og það eru áhrif sem öllum BER AÐ BERJAST GEGN!

[Jón Valur Jensson, 22.3.2008 kl. 19:21]

Það er vanhugsað af þér, Anna, að segja zíonisma jafngilda nazisma. Zíonisminn snerist um að fá aftur þjóðarheimili fyrir Gyðinga. Það er stefna, sem er eldri en bæði nazisminn og fascisminn – og var og er fjarri því að tengjast hugmyndafræði þeirra ófarsælu öfgastefna.

Ég hef ekki orðið var við það, að Skúli smyrji öfga-islamisma á alla múslimi. Hins vegar bendir hann á, að ýmislegt er í Kóraninum o.fl. frumheimildum múslima, sem ofbeldishneigðir í þeirra hópi notfæri sér og hafi jafnvel gert það strax í árdaga þeirrar trúarstefnu. – En Jonni þrætir kannski fyrir það?

[Anna Benkovic Mikaelsdóttir, 22.3.2008 kl. 20:30]

Jon Valur, það grundvallaratriði Zionismans og nasismans var að gera "þjóð" og "einu fólki" hærra til höfuðs!

[Eggert Vébjörnsson (IP-tala skráð) 22.3.2008 kl. 20:34]

Góða kvöldið Skúli.

Ég ætla rétt að vona að enginn sé að halda því fram og þá síst ég að það sé í lagi að vanvirða kristna trú eða kristið fólk með því að  ganga örn... eins og þú tekur svo snyrtilega til orða fyrir framan það.

Ég virði kristið fólk og vil svo sannarlega vona að það megi stunda trú sína í friði fyrir skoðanakúgun af minni hálfu og annarra. Hinsvegar finnst mér jafn sanngjarn að aðrir þurfi ekki að búa við það að kristið fólk eða einhverjir aðrir ákveði hvernig það beri að haga daglegu lífi. Var það ekki líka inntak upphafsinnleggsins að þetta væri vanvirðing gagnvart kristnu fólki að eh spili bingó þennan tiltekna dag. Er nú ekki verið að mála skrattann á vegginn með svona stórkarlalegum yfirlýsingum. Þessutan skaltu gæta að því Skúli að fólk  er ekki guðleysingjar þó svo að það sé ekki eh öfgatrúar eða bókstafstrúarmenn en þeim hættir ansi oft að ætla sem svo að þeir hafi einkarétt á trúnni.

[Jonni, 22.3.2008 kl. 20:45]

Nei Jón Valur ég þræti ekki fyrir það. Hvernig lest þú það úr mínum skrifum spyr ég?

[Jón Valur Jensson, 22.3.2008 kl. 22:03]

Gott að þú þrætir ekki fyrir það.

Anna, þetta var billeg skilgreining hjá þér á nazisma. Þjóðernishyggja er ekki = nazismi. Það hefur verið til urmull þjóðernissinna, sem alls ekki voru nazistar. Margir Færeyingar, sem nú berjast fyrir sjálfstæði, geta talizt til þeirra, einnig margir Íslendingar á 19. og fram á 20. öld, Símon Bolivar, Mustafa Kemal og fjöldi annarra. Ofbeldis- og kynþáttahyggja nazismans er sér-dæmi, og Ísraelar eru ekki lærisveinar nazista. Það hafa hins vegar ýmsir Arabar verið, ef þú skyldir ekki vita það.

[Anna Benkovic Mikaelsdóttir, 22.3.2008 kl. 22:10]

Ég hef aldrei sagt þjóðernishyggju = nasisma, enda er ég þjóðernishyggjusinnuð sjálf sem Íslendingur.....lestu betur..." Jón Valur, það grundvallaratriði Zionismans og nasismans var að gera "þjóð" og "einu fólki" hærra til höfuðs!"

[Gulli (IP-tala skráð) 23.3.2008 kl. 03:03]

Bara að benda fólki á að nasismi er þjóðernishyggja. Þýska orðið Nazi er stytting á fyrsta hluta nafns þýska sósíalíska þjóðernisflokksins Nationalsozialistische Deutsche Arbeiterpartei, nationalism.

Þjóðernishyggja er að vilja sinni þjóð framgang en af sögulegum ástæðum álíta Íslendingar að land sé alltaf það sama og þjóð þar sem sárafáir af öðrum þjóðernum hafa þangað til fyrir skömmu búið á íslandi. Í víðasta skilningi hugtaksins gætu Norðurlandabúar allir talist ein þjóð - jafnvel allir Norður-Evrópubúar. Í hverju landi geta skv. þessu búið margar þjóðir eða ein þjóð dreifst yfir mörg lönd.

Orðið nasismi hefur síðan verið tengt öfgaþjóðernishyggju eftir síðari heimsstyrjöldina þó nationalismi sé ekki nema að litlu hluti öfgahópar.

Þannig að í raun er nasismi bókstaflega þjóðernishyggja þó fólk sé búið að snúa út úr hugtakinu vegna eins stjórnmálaflokks.

[Gissur Örn (IP-tala skráð) 23.3.2008 kl. 03:16]

Ekki það að ég nenni að taka þátt í þessari lönguvitleysu þá fannst mér ég verða að skjóta einu inn.

Jón Valur og Jonni: Eru Íslamtrúaðir ekki kallaðir Múslimar? Ekki múslimir

Eða eru þeir kannski líka illa vaxnir niður?

Annars finnst mér það fínt að einhverjir nenni enn að spila bíngó.

[K Zeta, 23.3.2008 kl. 13:36]

Það þarf að eyða hverjum einasta lagabókstaf sem skildar fólk að fara eftir trú annarra.  Þetta hlýtur hver einasti vitiborinn maður að sjá að er einungis réttindamál því hvers vegna á trú eins að hamla aðra sem ekki trúa því sama?  Það er ekki mikill munur á ofstæki kristinna og múhameðstrúarmanna.  Um það getur sagan sagt ef menn ekki skilja.

[DoctorE (IP-tala skráð) 23.3.2008 kl. 13:47]

Að hér séu spes lög til þess að hygla kristnum er ekkert nema vanvirðing á öllum íslendingum, það er hneyksli fyrir alla þjóðina.

[Jonni, 23.3.2008 kl. 16:24]

Einar; Af 775 föngum í Guantanamo hafa 6 verið ákærðir fyrir lögbrot. 420 föngum hefur verið sleppt eftir að hafa verið í pyntingafangelsi árum saman. Bandarísk yfirvöld segast ætla að birta kærur gegn 60-80 föngum í viðbót og sleppa hinum. Þ.e.a.s 90% af öllum föngum verður á endanum sleppt án ákæra eða dómsmála. Þetta er raunveruleikinn, farðu nú að vakna af þessum sæta svefni þínum.

[Jóhannes H. Proppé (IP-tala skráð) 23.3.2008 kl. 16:25]

Kristinn Haukur: Saklaus uns sekt er sönnuð. Þetta er ein mikilvægasta setning réttarríkisins, en það er jú ein af helstu ástæðum þess að bandaríkjamenn réðust inn í Afganistan. Til að koma á lýðræði og frelsi til handa afganskra borgara.

[Jóhannes H. Proppé (IP-tala skráð) 23.3.2008 kl. 16:27]

Afsakið, þessi færsla að ofan var ætluð Einari Einarssyni.

[Bjöggi (IP-tala skráð) 23.3.2008 kl. 17:11]

Ég hef aðeins séð eitt viturlegt í umræðunni hérna, og það er þetta með að hætta með páskana og þetta rugl og færa frídagana fyrir framan og aftan skemmtilegar helgar, svona eins og Óskarshelgina, Eurovision og Gay Pride. Reyndar finnst mér að Gay Pride helgin ætti að vera 4 eða fimm daga helgi, þá fáum við öll góðan tíma til að horfast í augu við fordómana okkar og reyna bæta okkar gang og gera þjóðfélagið betra. Gay Pride er tilvalið í það, kannski eitthver sjái ljósið þá helgi, svona eins og Jón Valur

[Brjánn Guðjónsson, 24.3.2008 kl. 08:57]

ekki ætla ég mér að taka þátt í umræðunni um keisarans skegg, heldur vísa í upphafsinnleggið og þá blákalt hvað varðar lögin.

í slenska stjórnarskráin segir einungis að hin lútherska evangelíska kirkja skuli vera ríkiskirkja á íslandi. stjórnarskráin segir ekkert um bingóhald.

íslendingar hafa gengist undir alþjóðlega sáttmála er tryggja öllum frelsi til trúarskoðana- og iðkana. eðli þeirra laga samkvæmt tryggja þau fólki jafnframt frelsi til ekki-trúarskoðana eða iðkana. hin gamla íslenska lagaklausa er bannar bingó og dans, á forsemdum eins trúfélags, gengur því í berhögg við alþjóðlega sáttmálann. sú lagaklausa heldur því ekki vatni og getur ekki skoðast sem gild, í ljói þess.

[Jóhannes H. Proppé (IP-tala skráð) 24.3.2008 kl. 17:58]

Kristinn Haukur: Það er einmitt það sem ég átti við. Kaldæðni vegprestanna sem boða eitt en stunda annað.

[Tómas Dan Jónsson (IP-tala skráð) 24.3.2008 kl. 18:12]

Samkvæmt stjórnarskrá Íslands kemur fram í 62 gr að "Hin evangeliska lúterska kirkja skal vera þjóðkirkja á Íslandi, og skal ríkisvaldið að því leyti styðja hana og vernda." og samkvæmt 64 gr er "Öllum er frjálst að standa utan trúfélaga. Enginn er skyldur til að inna af hendi persónuleg gjöld til trúfélags sem hann á ekki aðild að." Þannig að samkvæmt þessu, ríkið verður að styðja og vernda þjóðkirkjuna og hin greinin segir til um skyldu okkar til að fara eftir reglum eða skyldum okkar til þess trúarfélags sem við tilheyrum.

Má bæta við eina af viðtækustu greinum stjórnarskránnar sem er 65 gr. sem segir "Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti."

Hér er augljóst að Lögin um Helgidagafrið sem tóku gildi þann 16. maí 1997 brjóta í bága við stjórnarskránna:

3 gr lagana segja:"Óheimilt er að trufla guðsþjónustu, kirkjuathöfn eða annað helgihald með hávaða eða öðru því sem andstætt er helgi viðkomandi athafnar." Hér er verið hins vegar að vitna einungis í þjóðkirkjuathafnir en ekki aðrar athafnir frá öðrum trúarfélögum og brýtur það í bága við 65 gr stjórnarskránnar sem er nefnd hér að ofan því að allir eru jafnir frammi fyrir lögum ríkissins.

Þætti gaman að fá að vita hvað aðrir lagaspekúlantar hafi um þessi lög að segja í samanburði við stjórnarskránna.

Kveð frá miðbaugi heims

Tómas Dan Jónsson (búsettur í Quito, Ekvador)