Varalið lögreglu er nauðsynlegt !

   Frumvarp dómsmálaráðherra sem felur í sér 240 manna vara-
lið lögreglu er nauðsýnlegt. Hefðu þurft að vera komið t il  fram-
kvæmda fyrir löngu, og spurning hvort 240 manna lið sé nægjan-
legt.

  Þetta er sagt  algjörlega burt séð frá því hvað gerðist í dag
varðandi mótmæli vörubílsstjóra. Þetta er sagt út frá almanna-
öryggi í víðtækustu skilningi þess orðs. Ekki síst í ljósi þess að
Ísland hefur ekki yfir neinum her að ráða, en þá þarf lögreglan
ekki síður að gæta að ytra öryggi ríkisins eins og því innra.

  Það er því gjörsamlega út í hött ef Samfylkingin ætlar að reyna
að bregða fæti fyrir áformum dómsmálaráðherra um varalið lög-
reglu. Fyrrverandi ríkisstjórn hafði samþykkt að varalið lögreglu
yrði komið á fót, og því  brýnt að frumvarp þess efnis verði sam-
þykkt sem fyrst.

Lögreglumaður á slysadeild

Athugasemdir

[Gullvagninn (IP-tala skráð) 23.4.2008 kl. 18:57]

Því er ég ósammála - það var ekkert í dag sem ógnaði öryggi nokkurs manns, nema lögreglan og þeirra ósveigjanlega framkoma.

svartir fasistabúningar, vígbúnaður, mace, öskur á fólk, ...

þessi dagur er lögreglunni til skammar

[FLÓTTAMAÐURINN, 23.4.2008 kl. 19:36]

Þessar árásir lögreglunnar í dag sannfærðu mig um að við höfum ekkert að gera með gerviherinn hans Björns Bjarna. Ef 60-80 geta ekki höndlað svona aðstæður, afhverju ættu 240 manns frekar að geta það?

[Guðmundur Jónas Kristjánsson, 23.4.2008 kl. 20:16]

Með lögum og reglum skal land byggja. Varið líka ! Burt séð hvað
gerðist í dag.

[Sveinn Sigurður Kjartansson, 23.4.2008 kl. 20:20]

Varalið eða ekki varalið, þá er ljóst að mótmælin hafa gengið alltof langt og óvirðing einstaklinga gagnvart lögum landsins og því valdi sem lögreglan hefur til að framfylgja þeim er komið út fyrir allan þjófabálk.  Þetta sést líka glöggt í miðbænum um helgar þegar lögreglan fær ekki frið til að vinna sína vinnu og verður ítrekað fyrir aðkasti og árásum af hálfu utanaðkomandi aðila algjörlega að ósekju.  Þetta er að sjálfsögðu sprottið af vanþekkingu og fordómum þeirra sem hlut eiga að máli.

Gullvagn, ég verð að segja að ef einhverjir hafa verið ósveigjanlegir þá eru það vörubílstjórar sem loka hringvegi landsins og hindra t.a.m. allan sjúkraflutning þar um og það ógnar klárlega öryggi okkar allra.  Vörubílstjórar fengu það val að færa bílana eða afhenda lyklana að þeim svo lögreglan gæti gert það fyrir þá en þeir neituðu alfarið samvinnu þar að lútandi og því fór sem fór. 

Mér finnst dálítið merkilegt að vörubílstjórar hafi verið hissa á því að lögreglan skyldi gera skyldu sína sem var yfirlýst stefna hennar frá upphafi aðgerða strax í morgun og vörubílstjórar höfðu sjálfir fullt vald á að afstýra.

[Eiríkur Sjóberg, 23.4.2008 kl. 21:36]

Ég get tekið heils hugar undir með Sveini Sigurði Kjartanssyni.

 Ég get þó einnig sagt að ég hafi samúð með mönnum í vörubílaútgerð vegna þess rekstarumhverfis sem þeir eru í.

 En mér finnst þessi ákveðni hópur vörubílstjóra sem hér um ræðir hafa gengið allt of langt í svokölluðum mótmælum sínum.  Að þeir skuli stöðva bíla sína og teppa umferð, tala ekki um á mikilvægum umferðaræðum, er algerlega ólíðandi!  Það að þeir skuli ekki fara eftir fyrirmælum lögreglu er enn alvarlegra.  Og að hafa í hótunum við lögregluna er gjörsamlega út úr kortinu, slíkt býður bara upp á upplausn.

Greinilegt er að einstaklingarnir í þessum ákveðna hópi vörubílstjóra hafa enga stjórn á annað hvort sjálfum sér eða "mótmælunum" sem slíkum.

Þeir verða að fara hugsa sinn gang.  Skynja þeir ekki hvað þeir gera?  Þeir hvetja til múgæsingar og röskunar á allsherjarreglunni.  Aðgerðir þeirra eru því GRAFALVARLEGAR.

Þeir verða einnig að koma skipulagi á kröfugerð sína en um leið að átta sig á hvað stjórnvöld geta raunverulega gert, og ekki gert.

Það var rétt skref hjá þeim að stofna félag til að ræða kjör sín og kröfur.  Þann vettvang þurfa þeir að nota til að koma skipulagi á kröfugerðina og fylgja henni eftir.  Ofbeldi gengur ekki og er ólýðandi.

Ég tekk hatt minn ofan fyrir Geir H. Haarde, og reyndar Birni Bjarnasyni líka, þegar þeir gefa í skyn þá skoðun sína að ekki sé hægt að semja við menn sem koma fram eins og þessi ákveðni hluti vörubílstjóra hefur gert undanfarið.  Ég hef það eftir áreiðanlegum heimildum að ekki séu enda allir vörubílstjórar hrifnir af þessum aðgerðum.

Það er furðulegt að fylgjast með fréttum og heyra fólk mótmæla lögreglunni.  Fólk verður að skilja mikilvægi þess að allsherjarregla sé haldin og að fyrirmælum lögreglu sé hlýtt.  Margir Íslendingar virðast afar óagaðir og tilbúnir til skrílsláta.  Það boðar bara alls ekkert gott þegar múgæsingur verður.  Og störf lögreglu eru ekki auðveld.  Eða hvernig væri að fólk setti sig í spor lögreglunnar áður en það mótmælir vinnubrögðum hennar?

 Þótt hugmynd Björns Bjarnasonar um varalið lögreglu kunni að vera góðra gjalda verð sýnist mér ekki vanþörf á að efla lögregluna sjálfa.  Sjálfur kýs ég að regla sé haldin í samfélaginu og styð störf og hlutverk þeirra Íslendinga sem starfa í lögreglunni hundrað prósent.

[Magnús Helgi Björgvinsson, 23.4.2008 kl. 23:27]

Hef reyndar heyrt Björn skilgreina sínar hugmyndir um varalið sem sveit manna sem hægt er að kalla í umferðar og mannfjöldastjórn til að létta þeim störfum af lögreglu við ákveðna atburðil. Hann hefur nefnt það að breytingin sé helst í því falinn að í stað þess að björgunarsveitarmenn séu að stjónra umferð t.d. við viðburði eins og Reykjavíkurfund USA og USSR sem og Kristnihátíð, þá klæðist þeir lögreglubúningum í stað Björgunarsveitabúning. Ef hann er að meina annað hefur hann ekki sagt það.

Því held ég að það væri nú skynsamlegra að fjölga bara í lögreglunni.

Vildi síður að menn sem eru ekki í nægri þjálfun færu að takast á við þessi mál. Bendi á að nú er verið að loka lögreglustöðvum á nóttinni og um helgar t.d. í Kópavogi og eins af þessum vandræðum sem eru t.d. á Reykjanesi vegna reksturs. Sé ekki hverning svona varasveit ætti að bjarga nokkru nema við stóra fundi og annað slíkt.  Það hefur verið bent á að af um 650 lögreglumönnum hér á landi eru aðeins um 250 sem gegna almennum löggæstustörfum aðrir eru í stöðum sem eru í gildi varðstjóra eða hærra. Þetta gengur náttúrulega ekki. Hér verður að fjölga í lögreglu og þjáfa hana vel. Svona varalið gengur held ég ekki nema við sérstakar aðstæður.

[Guðmundur Sigurðsson (IP-tala skráð) 23.4.2008 kl. 23:46]

Árás lögreglunnar í dag var óhugnanleg, þarna æddi vopnaður skríll um svæðið með mjög ofbeldisfullum hætti. Held að þjóðin megi þakka fyrir að Birni Bjarnasyni takist ekki að koma fleirum ofbeldismönnum undir vopn í hernaðarhyggju sinni.

Þessi fasísku viðhorf um vopnaðar sveitir til að tryggja öryggi íbúanna eru bara bull. Öryggi okkar hefur verið með ágætum lengi og það jafnvel þó langt sé komið með að lama almenna löggæslu í landinu með hernaðarhyggjunni.

Þessi rök um öryggi íbúanna eru þau sömu og notuð hafa verið afar lengi þegar herða hefur átt tökin á þegnum landa. Frægasta dæmið er líklega í Þriðja ríkinu. Þar var að vísu glæpamaður við völd eins og í mörgum öðrum löndum þar sem svipað hefur verið að farið.

Getum við séð fyrir hverjir verða við völd hér næstu áratugi?

Nei.

Við höfum ekkert að gera með svona fasíska tilburði. Nær væri að ráða til löggæslu fólk sem getur haldið ró sinni á vettvangi og hefur jafnvel ekki séð neitt of mikið af bíómyndum.

Vil samt taka fram að ég er á móti þessum mótmælum þessara bílstjóra en tel skrílshátt lögreglunnar ekki bæta neitt þar um.

[Guðmundur Jónas Kristjánsson, 24.4.2008 kl. 00:27]

Guðmundur Sigurðsson. Slakaðu á maður! Með LÖGUM skal land
vort byggja. Getur ekki verið að þarna blandist inn kolröng ríkisstjórnarstefna í efnahagsmálum. Menn séu að hengja bakara-
löggu  fyrir smið?

[Guðmundur Sigurðsson (IP-tala skráð) 24.4.2008 kl. 01:22]

Klárlega er ríkisstjórnarstefnan undanfarin ár að spila þarna inní, fólk er komið með uppí kok, búist var við að þetta myndi aðeins lagast við að skipta um annan flokkinn en það hefur ekki orðið. Allir stjórnmálamenn virðast alveg úr tengslum við lífið í landinu.

Það var eitthvað svo dæmigert að fréttamenn náðu í forsætisráðherrann í London til aðfá viðbrögð við árás lögreglunnar. Auðvitað taldi hann að þessi vopnaði skríll hefði í einu og öllu gert allt rétt. Þrátt fyrir að allt skynsamt fólk sá að fasískar aðferðir urðu ofaná. Enda halda slíkir menn ekki hlandi yfir aðgerður óeirðalöggunnar. Það er eins gott að ekki hafi verið fjölgað slíkum mönnum.

[Jón Aðalsteinn Jónsson, 24.4.2008 kl. 13:42]

Her myndi aldrei tryggja öryggi okkar þvi að hvaða afl er það i heiminum sem oftast byltir stjornvöldum það er herinn. svo mikið fyrir það öryggi það er half falskt

[Guðmundur Jónas Kristjánsson, 24.4.2008 kl. 15:11]

Jón. Það er frumskylda sérhver ríkis að TRYGGJA öryggi þegna sinna.
Með lögreglu inn á við og með her út á við. Meðan við höfum ekki
her er nauðsynlegt að hafa sterk og öflugt varalið lögreglu. Það er
ekki flóknara en það.