Yfirlýsing Jóns í ljósi miðstjórnarfundar ?

   Yfirlýsing Jóns Sigurðssonar  fyrrverandi formanns Framsóknar-
flokksins í Mbl. í gær vakti athygli margra. Ekki síst í ljósi þeirrar
tímasetningar  sem  henni  er gefin. En miðstjórnarfundur Fram-
sóknarflokksins fer einmitt fram nú um helgina. Því hafa eðlilega
margir velt því fyrir sér hvort samhengi sé þarna á milli.

  Í sjálfu sér þarf sú skoðun Jóns að tímabært sé fyrir Íslendinga
að sækja um aðild að ESB  ekki að  koma svo míkið á óvart. Jón
var ætið náinn Halldóri Ásgrímssyni fyrrum  formanni  flokksins,
en Halldór hefur sem kunnugt er verið einlægur ESB-sinni  og
spáði því að Ísland yrði gengið í ESB fyrir árið 2012. Halldór fól
Jóni  á sínum tíma  að fara fyrir Evrópunefnd  flokksins í  þeim
ásetningi að  færa  flokkinn  nær ESB-markmiðinu. Halldór átti
svo allan þátt í því að  Jón  tæki  við af sér sem formaður, og
gekk freklega fram hjá Guðna Ágústssyni þá varaformanni, því
Halldór gat ekki hugsað sér að eins mikill ESB-andstæðingur og
Guðni  tæki við  flokknum. Guðni syndi hins vegar mikla  flokks-
hollustu og drengskap þegar Jón settist í formannsstólinn og
lýsti stuðningi við hann. Þess vegna er yfirlýsing Jóns athyglis-
verð svo ekki sé meira sagt, og ekki til þess fallinn að auðvelda
núverandi  formanni að styrkja og efla flokkinn á ný. Eitthvað
meiriháttar hlýtur því  að búa að baki.  Ekki síst í ljósi þess að
Jón ítrekaði  það margoft  í  kosningabarátunni, að  ef Ísland
myndi sækja um aðild að ESB, skyldi það gerast með STYRKLEIKA
en ekki veikleika.  Hafi það verið einlæg skoðun Jóns, gat hann
ekki valið verri tímasetningu en nú, í ljósi þess efnahagsástands
sem nú ríkir á Íslandi.

   Það hefur ekki farið fram hjá neinum að ESB-hópurinn sem
Halldór skapaði innan flokksins á sínum tíma hefur á undan-
förnum misserum míkið  látið  í sér heyra. Fremst þar  í hópi
fer vara-formaður flokksins, Valgerður Sverrisdóttir, sem bæði
talar fyrir ESB-aðild og upptöku evru. Ungir framsóknarmenn
í Reykjavík hafa verið virkjaðir og sendu frá sér ESB-stuðning-
yfirlýsingu fyrir skömmu. - Allt gerist þetta þvert á flokkssam-
þyktir og opinbera stefnu Framsóknarflokksins í Evrópumálum,
og viðhorfa formannsins, Guðna Ágústssonar. Ef  virkilega  er
hægt að brjóta niður trúverðugleika flokks þá eru það einmitt
svona vinnubrögð sem þarna eru höfð  í frammi.

  Því hlýtur sú spurning að vakna hvort meiriháttar atlaga að
formanni Framsóknarflokksins sé í bígerð á komandi miðstjórn-
arfundi ? Verður þar látið sverfa til stáls í Evrópumálum?  Mið-
stjórn flokksins er æðsta valdastofnun hans milli flokksþinga.

  ESB-vírusinn hefur verið helsta mein Framsóknarflokksins um
all langt skeið. Hefur hann átt stóran þátt í fylgistapi flokksins,
og það svo, að fyrrverandi formaður, Jón Sigurðsson, ESB-sinni,
náði ekki einu sinni kjöri  á Alþingi Íslendinga.

  Ef Framsóknarflokkurinn ætlar að eiga  sér viðreisnar von sem
víðsýnn og ÞJÓÐLEGUR umbótaflokkur, eins og hann var stofnaður
til í byrjun síðustu aldar, verður hann að losa sig við þennan vá-
gest, sem ESB-draugurinn er orðinn innan flokksins. Svona aug-
ljós áttök í mesta pólitíska hitamáli lýðveldisins getur ekki gengið
lengur.

   Það verður því spennandi hvað miðstjórn Framsóknarflokksins
muni bera í skauti sér um næstu helgi...

Athugasemdir

[Guðrún María Óskarsdóttir., 30.4.2008 kl. 00:35]

Sæll Guðmundur.

Gott að vekja athygli á þessu sannarlega, er alveg sammála.

kv.gmaria.

[Jón Valur Jensson, 30.4.2008 kl. 00:37]

Þetta var nú ljóta greinin, Guðmundur –– hjá honum nafna mínum, átti ég við. Krosstrén farin að brotna, hvað þá önnur. Spurning hvort smölun sé í gangi hjá Framsóknarmönnum og nótt hinna löngu hnífa að renna upp. Ég stend með Árnesingagoðanum gegnum þykkt og þunnt, haldi hann trúnað við land og þjóð. – Og heill þér, kæri samherji.

[Guðmundur Jónas Kristjánsson, 30.4.2008 kl. 21:53]

Spennandi að sjá hvað gerist á miðstjórnarfundinum.
Takk  fyrir innlitið...

[Jón Valur Jensson, 1.5.2008 kl. 02:30]

Ekki lízt mér á það, hvernig Guðni sjálfur er farinn að tala eftir þessa uppákomu nafna míns. Framsóknarflokkurinn virðist heillum horfinn að hafa ekki meiri staðfestu en þetta, og sárt er að horfa upp á, að sá leiðtogi hans, sem mest hefur rúið hann fylgi, sé e.t.v. enn að atast í mönnum þar bak við tjöldin og laða þá í 2000 sinnum fólksfleira yfirríkið sem stýrt er frá Bonn og Brussel. Vantar hinn óbreytta Framsóknarmann kannski nýjan, þjóðlegan flokk? Eða þarf hin þjóðlega grasrót ekki að virkja krafta sína í alvöru, ef henni á að takast í þessum gamla flokki að standa vörð um fullveldi okkar og sjálfstæði í löggjöf sem í landhelgi?

[Guðmundur Jónas Kristjánsson, 1.5.2008 kl. 11:16]

Sæll Jón Valur. Er alltaf að verða meir hugsi um hvort grundvöllur sé
ekki að skapast fyrir stofnun borgaralegs og frjálslynds flokks á
ÞJÓÐLEGUM GRUNNI. Flokks sem maður getur 100% treyst á að muni standa ALLTAF vörð um fullveldi og sjálfstæði Íslands, menningararfinn, tunguna og trúna. Flokkur sem myndi ALDREI
samykkja aðild Íslands að ESB. Svo virðist sem flestir flokkar séu
orðnir meir og minna klofnir í þesum Evrópumálum, og sem er farið
verulega að skemma þá innanfrá, sbr. Framsókn í dag. Alla vega
mun ég aldrei getað kosið flokk sem hefur þá stefnu að  Ísland
gangi í ESB og heldur ekki þá stjórnmálamenn sem aðhyllast
slíkt. Hvað á maður eins og ég þá að kjósa? Vinstri grænir koma
ekki til greyna, eru alltaf miklir sósíalistar að alþjóðasinnar til
þess að mínu mati. Frjálslyndir? Jú, en þar er líka uppi ágreiningur
um Evrópumál, sbr. Jón Magnússon....