Yfirlýsing Guðna veldur vonbrigðum !

   Sem andstæðingur aðildar  Íslands að  Evrópusambandinu, veldur
yfirlýsing  Guðna  Ágústssonar,  formanns  Framsóknarflokksins  á
miðstjórnarfundi  flokksins í gær, miklum vonbrigðum. Þar lýsti Guðni
þeirri skoðun sinni, að  breyta  þurfi  stjórnarskránni  svo að hún verði
ESB-tæk þegar og ef til aðildar komi. En öllum ESB-andstæðingum má
ljóst vera, og þar á meðal Guðna Ágústssyni,  að fyrsta raunverulega
orustan um aðild Íslands að ESB, fer fram á Alþingi Íslands einmitt um
stjórnarskrána. Þvi að i dag kemur stjórnarskrá Íslands í veg fyrir aðild
Íslands að ESB, vegna þess að hún leyfir ekki slíkt stórkostlegt afsal á
fullveldi Íslands sem í ESB aðild felst.  Skv. yfirlýsingu formanns Fram-
sóknarflokksins á því strax að gefast upp í fyrstu orustunni um aðild Ís-
lands að ESB. Strax á að hlaupa til handa og fóta og greiða meiriháttar
fyrir óskum og ráðabruggi ESB-sinna og breyta stjórnarskránni svo hún 
komi ekki í veg fyrir aðildaráform þeirra.  Hvernig  í ósköpunum á að skilja
svona pólitískan tvískinnung ?

  Raunar hafa fleiri stjórnmálamenn sem segjast alla  vega í  orði  vera á
móti  aðild  að  ESB, dottið  í sömu  meinloku  og  Guðni. Varaformaður
Sjálfstæðisflokksins hefur lýst sömu skoðun og Guðni.  Því er fullkomin
ástæða til að hafa áhyggjur af slíkum tviskinnungi í jafn stórpólitísku hita-
máli og því hvort Ísland skuli inn í ESB eða ekki.  Því annað hvort eru menn
á móti aðild Íslands að Evrópusambandinu eða ekki, og hljóta því að tala
og og ekki síst   BREYTA skv. því !

  Yfirlýsing Guðna Ágústssonar, formanns Framsóknarflokksins, var því
alls ekki til þess fallin að bæta ásýnd flokksins í Evrópumálum. Allra  síst
gagnvart þeim fjölda flokksmanna og stuðningsmanna Framsóknarflokk-
sins sem enn vilja standa vörð um fullveldi og sjálfstæði Íslands. 

  Yfirlýsing formannsins voru því bæði í senn vonbrigði og vanhugsuð, svo
ekki sé meira sagt ! 

  

Athugasemdir

[Guðrún María Óskarsdóttir., 4.5.2008 kl. 01:33]

Sammála þér þarna Guðmundur , held að hér sé um loddaragang að ræða þvi miður.

kv.gmaria.

[Jón Valur Jensson, 4.5.2008 kl. 04:08]

Hjartanlega sammála þér, Guðmundur. Það á að vera frágangsmál fyrir pólitíkusa, ef þeir ætla sér að fella það burt úr stjórnarskránni, sem tók áratugi og aldir að berjast fyrir og aflaði okkur fulls sjálfstæðis. 'Frágangsmál' í þeirri merkingu, að þeir fái ekki kosningu með slíkt á stefnuskránni. Og illa mun Framsókn ganga að ná sér í atkvæði með þessu máli––hin verða miklu fleiri, sem hún missir af með þessu áframhaldi, ekki sízt ef betri valkostir bjóðast í framboðsmálum.

[Guðmundur Jónas Kristjánsson, 4.5.2008 kl. 11:27]

Takk fyrir Guðrún og Jón Valuir. Já verð að játa mikil vonbrigði með
tvískinnung Framsóknar í Evrópumálum eftir miðstjórnarfundinn í gær. Sem ESB-andstæðingur þá tel ég að það liggi  fyrir að slíkum flokki er ekki lengur treystandi í almesta pólitíska hitamáli lýðveldisins. Spurning hvar á maður að bera niður? Eru ekki flestir
flokkar klofnir í þessu máli ? Þá er spurninginn Jón Valur minn.
Hver er besti valkosturinn í dag fyrir okkur ESB-andstæðinga ?
Flokkur og stjórnmálamenn sem við getum 100% treyst í þessu
stórpólitíska hitamáli?   

[Fannar frá Rifi, 4.5.2008 kl. 12:33]

Stjórnarskráinn er heilög. Að breyta henni á að þurfa allann þorra alþingis.

ég vona það heitt og innilega að við munum ekki þurfa að lifa nýjan gamla sáttmála. en ætli ESB sinnarnir lýti ekki á gamla sáttmála með fögrum augum. 

[Jón Valur Jensson, 4.5.2008 kl. 15:05]

Ég myndi vilja, Guðmundur Jónas, að Frjálslyndi flokkurinn tæki sjálfstæðismálið gagnvart ESB upp á arma sína, það væri í takt við styrk hans meðal sjómanna (sem vilja engin erlend yfirráð hér á miðunum), og í hópi kjósenda þess flokks er minnsta fylgið við ESB-viðræður; og tæki hann þessari áskorun, væri alltaf unnt að halla sér að honum, ef krosstré eins og D- og B-listi ætla að bregðast.

En hér vantan þjóðlegan, kristinn og traustverðan flokk ...

[Guðmundur Jónas Kristjánsson, 4.5.2008 kl. 15:21]

Sæll Jón. Nú vill svo til að ég bý í Reykjavík. Einn þingmanna Frjálslyndra Jón Magnússon hefur lýst áhuga á að Ísland sæki
um ESB-aðild. Hann er  þingmaður í Reykjavík.  Sama hver maðurinn
er  mun aldrei geta stutt eða kosið flokk né þingmann sem hefur
aðildarumsókn á dagskrá. - Annars er Frjálslyndi flokkurinn að
áítlegur kostur í alla staði, ef hann fengi mann eins og þig og fl.
í framboð. Jú vill þjóðlegan flokk Jón á kristilegum grunni. Bendí á
að Frjálslyndir vilja aðskilja ríki og kirkju sem ég er ekki sammála.
Held að sá ágæti maður Magnús Hafsteinsson vara-formaður
flokksins vilji breyta því.

En það er alveg ljóst Jón Valur að við ESB-anadstæðingar þurfum
að fara að  finna okkur heilsteyptan stjórnmálaflokk í Evrópumálum,
getum ekki búið við neitt já já og nei nei á þeim málum lengur...

[Jón Valur Jensson, 4.5.2008 kl. 18:58]

Þakka þér gott svar, Guðmundur. Ég vil fá þig sjálfan í stjórnmálin.

Vel veit ég af þessu með hann Jón Magnússon og þykir það miður – sem og af þessari kröfu flokksins (m.a. Guðjóns Arnars) um meintan "aðskilnað" ríkis og kirkju. Magnús Þór er maður ágætur eins og þeir fleiri, en Frjálslyndi flokkurinn ekki reynzt nógu góður valkostur hingað til. Þó er hans stærsta mál, fiskveiðiréttindin, vissulega hið bezta mál, og vont væri að missa þann flokk af þingi.

Ég er hálf-hræddur um, að Jón eigin helzti marga skoðanabræður í ESB-málum meðal öflugra Frjálslynda flokknum – t.d. hygg ég þetta eiga við um Tryggva Agnarsson, og Lúðvík kunningi minn Kaaber, sem segist reyndar ekki flokksmaður, en var þó í hópi Jóns og Tryggva, var að skrifa meðmælagrein með ESB í Moggann um daginn (sem ég raunar gagnrýndi, lið fyrir lið, í símtali við hann). Enn er þetta Frjálslynda lið þó ekki komið út í sömu vitleysuna og Framsókn!

[Guðmundur Jónas Kristjánsson, 4.5.2008 kl. 20:01]

Held Jón með tilliti til hversu heitt og tilfinningalegt þetta ESB-mál
er og á eftir að verða enn heitara meðal þjóðarinnar þvert á alla
flokka þá eigum við þjóðlegir íhaldsmenn með kristin gildi og viðhorf
að leiðarljósi að huga að öruggum pólitískum framtíðarstað fyrir
hugsjónir okkar um frjálst og fullvalda sjálfstætt ísland, þar sem
staðið verður dyggan vörð um íslenzka þjóðmenningu og tungu,
á grundvelli krisstilegra og borgaralegra viðhorfa.

Slíkur flokkur er ekki til í dag !