Upphaf af þjóðlegu stjórnlyndi ?

   Það er gleðiefni ef menn horfa  nú  til  þjóðlegrar stjórnlyndisstefnu í
þeim ólgusjó sem íslenzk þjóð er nú stödd í. Nú kalla þjóðarhagsmunir
á að þjóðarskútunni sé stýrt  með  handafli gegnum brimgarðinn. Hér
hefur margsinnis verið kallað eftir slíkri þjóðlegum stjórnlyndisaðgerðum.
Nú hafa menn loks vaknað við vondann draum. - Og því er batnandi
mönnum best að lífa.

  Peningarmálastefnan  var  löngu orðin  gjaldþrota. Því er  það mikið
gleðiefni að stjórnvöld hafi nú loks viðurkennt það, hætt við flotgengið
og tekið krónuna út af markaði. Gengið handstýrt  í átt til eðlilegs
gengisvægis, meðan peningastefnan er endurmetin frá grunni, eins og
hér hefur margsinnis verið kallað eftir. Í kjölfar þessa þarf svo að koma
myndarleg vaxtalækkun, þannig að verðbólga komist ört niður næstu
misseri.

   Hin miklu stjórnlyndisinngrip stjórnvalda í fjármála- og bankageirann
voru sömuleiðis bráðnauðsynleg, og þótt fyrr hefði verið. Nú er það
framtíð ÍSLENZKRAR ÞJÓÐAR sem sett er í algjöran forgang  í því mikla
ölduróti sem nú dynur yfir þjóðina. Hárrétt stefna!

   Í ljósi alls þessa  má því spyrja. Er tími þjóðlegs stjórnlyndisflokks
ekki nú loks runnin upp á Íslandi í dag? Ný heimsmynd blasir við. Hin
taumlausa  alþjóðavæðing og hin  öfgasinnaða  alþjóðahygga hefur
beðið alvarlegt skipbrot!  Tími þjóðlegra gilda er runninn upp á ný!

Gengi krónu fest tímabundið