Gott hjá forsætisráðherra, en ekki hjá forsetanum !

   Geir H Haarde forsætisráðherra á hrós skilið að koma með þá
yfirlýsingu að Íslendingar láti hvorki  Breta eða ESB kúga sig 
varðandi lán frá Alþjóða gjaldeyrissjóðnum. En allt bendir
til að Bretar og einstök ríki ESB ætli að koma í veg fyrir lánið
nema Íslendingar gangi að afarkostum Breta og Hollindinga.
Kröfum sem eru gjörsamlega út úr kortinu, auk þess að stand-
ast engar alþjóðlegar reglur eða skuldbindingar.

  Komi það í ljós eftir helgi að Bretar og ríki ESB ætla að misnota
stöðu sína í Alþjóða gjaldeyrissjóðnum, hlýtur það að hafa víðtæk-
ar pólitískar afleiðingar. Stjórnmálasamband við Bretland væri sjálf-
krafa hætt. Viðhorf þjóðarinnar myndi gjörbreytast til ESB. Ísland
yrði í kjölfarið að leita sér nýrra vina, eins og raunar forsætisráð-
herra gaf í skyn við upphaf deilunar við Breta og beitingu hryðju-
verkalaga þeirra gegn íslenzkum hagsmunum. - Nato-aðild yrði
sömuleiðis í hættu. Því það að annað Nato-ríki beiti öðru Nato-
ríki hryðjuverkalögum er einsdæmi, og verður ekki þolað lengur.

   Forseti Íslands skuldar enn þjóðinni skýringa. Hvers vegna
hætti hann opinberri heimsókn sinni til Þýzkalnds nú í lok
október? Hafi einhvern tímann verið þörf fyrir forseta að
heimsækja vinveitta öfluga þjóð þá er það einmitt á þessum
tímum. Útskýra málstað Íslands og fá stuðning, en Þýzkaland
er eitt áhrifamesta ríki ESB. - Hvers vegna aflýsti forsetinn
þessari mikilvægu heimsókn á ögurstundu?  Þjóðin á heimt-
ingu að fá svar við því !

Við hættum frekar við lánið

Athugasemdir

[Guðrún (IP-tala skráð) 7.11.2008 kl. 00:28]

Ólafur Ragnar hefur sennilega verið á fundi í einkaþotunni með vini sínum að skála fyrir fjölmiðlunum sem vinur hans er að kaupa

[Ómar Sigurðsson (IP-tala skráð) 7.11.2008 kl. 00:56]

Ég er sammála því að Geir hefur staðið sig afburða vel í þessu máli. Framganga forsetanns allt frá því hann gerðist fánaberi og ferðafélagi þotuliðsinns þegar hann neitaði að skrifa undir fjölmiðlalögin hefur verið  til háborinnar skammar. Fólk hefur verið óspart að lýsa því yfir að hinn og þessi eigi að segja af sér. Stígið nú fram og krefjist þess að guðfaðirinn segi af sér og það strax.

[Magnús Helgi Björgvinsson, 7.11.2008 kl. 09:29]

Mér sýnist að hann hafi nóg að gera. Það er aldrei hægt að gera fólki til hæfis. Í fyrra var það talinn einn af kostum Ólafs að hann var að aðstoða útrásarfyrirtæki við að vinna nýja markaði. Nú er það honum að kenna. Áður var 70% af þjóðinni á móti fjölmiðlalögum og Ólafur neytaði að samþykkja þau sem átti að leiða til þjóðaratkvæðagreiðslu en stjórnin dró það þá til baka. Og nú er Ólafi kennt um það.´

Nú þegar allir eru að tala um sparnað og erfiðleika og Ólafur vill vera hér heima til að vinna með fólki þá eru allir að rífast út af því.

Fréttatilkynning
frá
skrifstofu forseta Íslands
OPINBERRI HEIMSÓKN TIL ÞÝSKALANDS FRESTAÐ
Forseti Íslands Ólafur Ragnar Grímsson hefur í samráði við
ríkisstjórnina ákveðið að fresta opinberri heimsókn sinni til Þýskalands,
en hún var fyrirhuguð síðar í þessum mánuði. Forsetinn sendi Horst
Köhler forseta Þýskalands bréf þessa efnis í gær.

Sýnist að Ólafur hafi haft nóg að ger skv. þessu hér fyrir neðan frá 14 okt og

FRÉTTASAFN

06.11.2008	Forvarnardagur - Útvarp Saga
06.11.2008	Forvarnardagur - Húsaskóli, Varmárskóli
05.11.2008	Dagskrá Forvarnardagsins 2008
05.11.2008	Heillaóskir til Obama
05.11.2008	Markaðsverðlaun ÍMARKS
04.11.2008	Indefence
04.11.2008	Norðurljósafélagið
04.11.2008	Sendiherra Suður-Afríku
03.11.2008	Vöruhönnun
03.11.2008	Sendiherra Víetnams
01.11.2008	Afmæli Barnahúss
01.11.2008	Kynning á Forvarnardegi
31.10.2008	Neyðarkallinn. Söfnun Landsbjargar
31.10.2008	Forvarnardagurinn 2008 - Fréttamannafundur í Austurbæjarskóla
31.10.2008	Vettvangsheimsókn: Vaki
30.10.2008	Landsleikur
30.10.2008	Vettvangsheimsókn: Útflutningsráð
29.10.2008	Vettvangsheimsókn: Prologus
28.10.2008	Vettvangsheimsóknir: Landspítali-háskólasjúkrahús
28.10.2008	Vettvangsheimsókn: Borgarholtsskóli
27.10.2008	Vettvangsheimsókn: Bæjarskrifstofur Þorlákshafnar
27.10.2008	Vettvangsheimsókn: Vatnsverksmiðja
26.10.2008	Fulltrúar á Kirkjuþingi
26.10.2008	Hátíðarmessa
25.10.2008	IceMUN
25.10.2008	Háskóli Íslands: Útskrift
25.10.2008	Kirkjuþing
23.10.2008	Dagens Industri
23.10.2008	Rajnish Mehra
23.10.2008	Vettvangsheimsókn: Fjölblendir
23.10.2008	Vettvangsheimsókn: Gogogic
22.10.2008	Vettvangsheimsókn: SPRON
22.10.2008	Vettvangsheimsókn: Glitnir
21.10.2008	Vettvangsheimsókn: Byr
21.10.2008	Japönsk sjónvarpsstöð
21.10.2008	Vettvangsheimsóknir: Hafnarfjörður
20.10.2008	Vettvangsheimsóknir: Akureyri
18.10.2008	Framhaldsskólinn á Laugum
18.10.2008	Hugspretta - Landnám nýrra hugmynda
17.10.2008	Vettvangsheimsóknir: Kópavogur
16.10.2008	Sendiherra Írans
16.10.2008	Vettvangsheimsóknir: Marel og Múlalundur
16.10.2008	Loftslagsbreytingar - Wally Broecker
15.10.2008	Vettvangsheimsóknir: FB, HR og Hrafnista
14.10.2008	Staða smáríkja í veröldinni
14.10.2008	Vettvangsheimsóknir: Sparisjóðirnir og Mjólkursamsalan
14.10.2008	Opinberri heimsókn forseta frestað
13.10.2008	Kastljós
13.10.2008	Íslenskir dagar í New York
13.10.2008	Vettvangsheimsóknir: Sjávarútvegur og hugbúnaður
12.10.2008	Vettvangsheimsóknir forseta Íslands
12.10.2008	Þýsk-íslensk orðabók
12.10.2008	Myndlistarsýning - Würth safnið
10.10.2008	Alþjóðlegi geðheilbrigðisdagurinn

[Guðmundur Jónas Kristjánsson, 7.11.2008 kl. 09:47]

Magnús. Heimsferðir forsetans á liðnum árum hafa nú ekki alltaf verið
þjóðhagslegar nuðsýnlegar, þó ekki sé meira sagt. (nefni ekki allar ferðirnar
með þotuliði ,,útrásavikinganna) - Hins vegar hefði þessi Þýzkalandsför
forsetans verið okkur MJÖG nauðsynleg í ljósi aðstæðna í dag. Hvers vegna
hann fór ekki í þessa Þýzkalandsför er engin skýring á. Trú ekki á að  það
sé vegna fordóma á Bessastöðum.. Því ákvörðunin var forsetans... 

[Magnús Helgi Björgvinsson, 7.11.2008 kl. 09:52]

Það stendur í samráði við ríkisstjórn. Það gæti verið að sú ferð mundi snúast upp í deilur um skuldir bankana við þýska banka. Það verður að horfa sérstaklega til þess.

[Guðmundur Jónas Kristjánsson, 7.11.2008 kl. 09:54]

Þessi heimsókn var löngu ákveðin.  Aflýsing hennar án haldbærra skýringa
getur virkað á okkar bestu vinarþjóð, Þjóðverja, sem móðgun. Held að
við þurfum á öllu öðru að halda í dag.  Því er þessi aflýsing út í hött og
krefst skýringa...

[Magnús Helgi Björgvinsson, 7.11.2008 kl. 09:58]

P.s. skv. frétt á mbl.is

Þar af námu lán frá þýskum fjármálafyrirtækjum um 2.516 milljörðum íslenskra króna og voru um 28,4 prósent af öllum skuldum íslensku fyrirtækjanna.

Ekki víst að við viljum fara að ræða þessa stöðu strax

[Strumpur (IP-tala skráð) 7.11.2008 kl. 10:11]

Hlutverk Ólafs er skýrt, leysa upp þing og ríkisstjórn.  Einn mánuður fyrir nýtt fólk að aðlagast kostar ekkert miðað við tap síðasta mánaðar og þá eyðileggingu sem þessir stjórnarherrar hafa valdið.