Vinstri grænir loðnir í Evrópumálum

   Það vekur mikla athygli að landsfundur Vinstri grænna tók
ekki af skarið varðandi áframhaldandi vinstrasamstarf  við
Samfylkinguna og Evrópumálin. Þótt VG svari því til að þeir
telji hagsmunum Íslands betur borgið í dag utan ESB, svara
þeir ENGU um það, hvort þeir séu tilbúnir að fallast  á aðild-
arviðræður, eins og Samfylkingin krefst. En aðildarviðræður
þýða umsókn  að  ESB.  Það er því ALLT Í LAUSU LOFTI með
það, hvernig VG ætla að bregðast við kröfum Samfylkingar-
innar um aðildarviðræður.  Meðan svo er þá er VG vægast
sagt loðið í Evrópumálum, og ALLS EKKI treystandi þar.

   Vert er að vekja athygli á þessu. Úr því landsfundur VG
tók ekki af öll tvímælu um þetta, verður að líta svo á, að
VG sé tilbúið að semja við Samfylkingu um aðildarviðræður
og þá um leið umsókn að ESB, til að tryggja áframhaldandi
vinstristjórnarsamstarf.

    L-listi fullveldissinna er því eina stjórnmálaaflið í dag sem
allir ESB-andstæðingar geta 100% treyst í Evrópumálum.   

Athugasemdir

[Sigurður Bogi Sævarsson (IP-tala skráð) 22.3.2009 kl. 13:24]

Hvernig má halda því fram að hugsanleg aðild Íslands að ESB sé hitamál? Þar sem ég fer um; í vinnunni, vinahópnum, sundlauginni, í fjölskyldunni og annarsstaðar er alls ekki verið að ræða um Evrópumál. Og heyri ég á þau minnst manna á meðal er fer fjarri að þau séu rædd af einhverjum hita. Fólk einfaldlega velir fyrir sér kostum og göllum. Raunar virðist Evrópuumræðan fyrst og fremst vera knúin áfram af stjórnmálaelítunni sem svo hefur verið nefnd.

[Guðmundur Jónas Kristjánsson, 22.3.2009 kl. 13:55]

Sigurður. Þú og þínir virðast þá bara í allt öðrum heimi en ég og mínir.
Kæri ykkur td kollótta um fullveldið, sjálfstæðið, eins og týpiskir kratar..

[Sigurður Bogi Sævarsson (IP-tala skráð) 22.3.2009 kl. 15:11]

Alls ekki svo að ég kæri mig kollóttan um fullveldið. Þetta bara hvílir ekki svo á mér eða þeim sem ég umgengst að hægt sé að tala um þetta sem hitamál. Og vei þeim sem kalla mig krata. Mér finnst Samfylkingin hálfgert aulabandalags fólk sem lítur á viðfangsefni dagsins fyrst og síðast sem vandamál en ekki verkefni. Umgengst bærilega hugsandi fólk sem aðhyllist, að ég best veit, ólík sjónarmið m.t.t. stjórnmálaflokka og í ranni og hugarheimi þess fólks fer fjarri að Evrópa sé hitamál. Þetta er aðeins eitt af mörgum málum sem eru í deiglunni - raunar held ég að flestum sé næst í huga  atvinnuástandið og sá veruleika að margur á ekki málungi matar eftir hrunið mikla.

[Guðmundur Jónas Kristjánsson, 22.3.2009 kl. 17:31]

Sigurður. Frumforsenda þess að endurreisa Ísland og þar með fólk og
fyrirtæki sem hrunið hafa vegna efnahagslegrar óstjórnar á sl.árum, er
að þjóðin haldi sjálfstæði sínu og óskorðum yfiráráðum yfir sínum helstu
auðlindum. Þá leggja fullveldissinnar sérstaka áherslu á að styðja við
bak þeirra sem verst eru settir í dag.