Pólitískar hreinsanir í utanríkisráðuneytinu

   Pólitískar hreinsanir eru hafnar í utanríkisráðuneytinu. Allir
sem eru ekki með sömu viðhorf til utanríkis- og öryggis- og
varnarmála og Ingibjörg Sólrún Gísladóttir utanríkisráðherra
skulu víkja. Ólafur Örn Haraldsson nú fyyverandi forstjóri Rat-
sjárstofnunar er einn af slíkum sem rekinn hefur verið með
afar einkennilegum hætti.

   Ljóst er að utanríkisráðherra ætlar að gera víðtækar póli-
tískar hreinsanir í ráðuneytinu til að koma áformum sínum og
viðhorfum í framkvæmd. Vitað er að utanríkisráðherra vill gjör-
breyta áherslum í  öryggis- og varnarmálum.  Ráðherrann er
talsmaður þess að sem minnst verði unnið í þeim málum, þvert
á t.d viðhorf dómsmálaráðherra, sem talað hefur m.a fyrir því
að Ratsjárstofnun færist undir hans ráðuneyti. Þá eru Evrópu-
málin orðin aðalmál utanríkisráðherra um þessar mundir. Til að
ná takmarki sínu í þeim málum þarf ráðherra að skipta út öllum
þeim sem eru andstæðir henni í áformunum  um að koma Ís-
landi inn í Evrópusambandið.

  Þessar pólitísksu hreinsanir og áherslur utanríkisráðherra
geta ekki verið gleðiefni fyrir þá sjálfstæðismenn sem vilja
efla öryggis-og varnarmál Íslands og standa gegn öllum
tilburðum að Ísland gerist aðili að Evrópusambandinu. Hin
veika forysta Sjálfstæðisflokksins mun hins vegar ekkert  
aðhafast, og það veit utanríkisráðherra...............

ESB-umræðan innan Sjálfstæðisflokksins komin á fullt

  Ekki verður  annað sagt en að umræðan um aðild Íslands að
Evrópusambandsins sé komin á fullt skrið innan Sjálfstæðis-
flokksins. Guðfinna S. Bjarnadóttir  þingmaður Sjálfstæðis-
flokksins lýsti því yfir á fundi Viðskiptaráðs í gær að ekki væri
lengur spurning hvort Ísland myndi ganga í ESB heldur hven-
ær. Þannig hefur Guðfinna tekið skýra afstöðu til þessa stóra
máls.  Athygli vakti að Guðfinna  þótti  sérstök  ástæða til að
koma þessari skoðun sinni á framfæri eftir að Björgvin G. Sig-
urðsson viðskiptaráðherra  hafði ítrekað þá skoðun sína  og
Samfylkingarinnar á fundinum  að Ísland ætti að ganga í ESB
og taka upp evru. Guðfinna tók undir hvert orð viðskiptaráð-
herra skv. því sem fram kemur í Fréttablaðinu í dag.

  Það er því ljóst að ESB-sinnar innan Sjálfstæðisflokksins eru
nú að blása til stórsóknar um að flokkurinn breyti afstöðu
sinni til aðildar Íslands að Evrópusambandinu. Enda var til
ríkisstjórnarsamstarfs við Samfylkingarinnar  stofnað  með
miklum þrystingi frá þeim öflum innan flokksins sem vilja að
Ísland gerist aðili að ESB. Björn Bjarnason dómsmálaráðherra
hefur látið þau orð falla að komi til átaka innan flokksins um
Evrópumál muni það kljúfa flokkinn. -

  Innanflokksátökin í Sjálfstæðisflokknum virðast því ekki ein-
skorðast við borgarmálefnin. - Flokkurinn virðist sigla hratt í
allsherjar hugmyndafræðileg  pólitísk átök, líka á landsvísu.
Sem segir eitt. - Flokksforystan er veik, eftir að hafa gert
meiriháttar  misstök við ríkisstjórnarmyndunina í vor.........

Víkingasveitin. Hvers vegna 52 en ekki 100 ?

   Á Mbl.is í kvöld er  sagt frá 25 ára afmæli Víkingasveitar-
innar svokölluðu. Í henni eru nú aðeins 42 lögreglumenn.
Aðeins á að fjölga í henni um 10 á næsta ári. Þetta er afar
lítil fjölgun í ljósi gjöbreyttra aðstæðna í öryggis- og varnar-
málum. Í ljósi þess hefði mátt ætla að verulega yrði fjölgað
í Víkingasveitinni. Og hvað er orðið að áformum dómsmála-
ráðherra um varalið lögreglu sem kynnt var í tíð fyrrverandi
ríkisstjórnar ?

   Kannski enn eitt dæmið um ráðríki samstarfsflokksins í
ljósi síðustu atburða á stjórnmálasviðinu ?

Stórsigur Svissneska þjóðarflokksins

   Svo virðist að Svissneski þjóðarflokkurinn hafi unnið
stórsigur í þingkosningunum í Svíss í dag. Fær hátt í
30% atkvæða. Flokkurinn lagði áherslu á svissnesk
gildi, andstöðu við aðild Sviss að Evrópusambandinu
og almenna andstöðu  gegn  svokallaðri alþjóðavæð-
ingu. Svo virðist að slíkar áherslur séu víða í  sókn um
þessar mundir, og fá flokkar sem að slíkum viðhorfum
standa aukið fylgi og áhrif. Má þar nefna Danska þjóð-
arflokkinn, Norska framfaraflokkinn, og sambærilega
flokka í Frakklandi, Belgiu, Austurríki og víðar.

   Athyglisverð umfjöllun er í MBL í dag um Dr. Liah
Greefeld við Boiston háskóla sem heldur því fram að
áhrifa Vesturlanda fari þverrandi,  og að þjóðhyggjan
sé grunnur nútímahugsunar. Að þjóðhyggjan sé í
raun orðið mikið hreyfiafl og verði undirstaða sam-
félagsgerðar okkar, og í raun móti hún hverja okkar
hugsun í dag og í framtíðinni.

   Því hefur ofar en ekki verðið haldið fram að margir
öfgafullir alþjóðasinnar hafi fyrir löngu farið fram úr
sjáfum sér, og hafa þegar stuðlað að alvarlegum
vandamálum og fyrirsjáanlegum hættulegum átökum.
Að steypa allt í sama mót gangi aldrei upp í heimi
margbreytileikans. Margbreytileikinn er staðreynd,
hefur og er og verður ætíð fyrir hendi. Að neita að
horfast í augu við það séu hinu raunerulegu hættu-
legu fordómar.

   Allar þjóðir, kynþættir og menningarheimar tilheyra
einu heimstré og eru greinar þess. Allar þessar ólíku
greinar eiga að fá að lifa og blómstra. Eiga ALLAR 
jöfn tækifæri til lífsins. - Þannig hafi skaparinn hugsað
það, og því skapað þennan undursamlega margbreyti-
leika. Til VARÐVEISLU. Þ.á.m hina íslenzku grein.....

Rétt hjá Birni Inga

   Í Fréttablaðinu í dag kemur fram að Björn Ingi Hrafns-
son taki ekki sæti í þeim starfshópi borgarráðs sem fara
á yfir REI klúðrið. Þetta er rétt ákvörðun hjá Birni Inga.
Hann kom að REI-ferlinu sem tengist mesta klúðrinu og
því mjög óeðlilegt að hann verði einn af þeim sem rann-
saki það. Það getur enginn rannsakað sjálfan sig. Í raun
hefði Björn Ingi átt að taka af skarið strax í upphafi og
lýsa því yfir að ekki kæmi til greina að hann kæmi nálagt
slíkri rannsókn.

  Síðan á eftir að koma í lljós hvað út úr slíkri rannsókn
kemur, fyrst verkin voru ekki látin tala strax í upphafi...

Sjálfstæðismenn álykta um olíuhreinsistöð

   Skv.frétt BB.is í dag fagnar stjórn sjálfstæðisfélagsins
Skjaldar á Patreksfirði  framkomnum  hugmyndum um
olíuhreinsunarstöð á Vestfjörðum, og styður heilshugar
áframhaldandi vinnu um að henni verði fundinn staður
í Hvestu í Arnarfirði. Stjórnin harmar yfirlýsingar sumra
ráðherra, að slík starfsemi sé ekki æskileg á Vestfjörð-
um í ljósi atvinnuástands og fólksfækkunar þar.

  Ljóst er að mikill stuðningur meðal sjálfstæðismanna
á Vestfjörðum er við olíuhreinsistöðvarmálið enda er
Einar Kr Guðfinsson sjárvarútvegsráðherra hlynntur
því að málið sé skoðað. Hins vegar er andstaðan við
málið algjör innan Samfylkingarinnar, og hafa báðir
lykilráðherrar í málinu, iðnaðar-og umhverfisráðherra
lýst mikilli andstöðu við það. Þannig að á meðan svo
er, er málið út af borðinu.

  Enn eitt dæmið um gjörólíkar áherslur á stjórnar-
heimilinu þessa daga.  Svo virðist sem sjálfstæðis-
menn lúffi fyrir hverju málinu á fætur öðru, sem ber
vott um vaxandi veikleika þeirra gagnvart samstarfs-
flokknum. Nýjasta er yfirlýsing umhverfisráðherra
að sækja alls ekki um neinar undanþágur fyrir Ísland
á loftlagsráðstefnu SÞ  í des nk. En allar þjóðir reyna
að gæta þar sinna hagsmuna nema Ísland. Hags-
muna sem gætu þýtt hundruð milljarða í krónum
talið í náinni framtíð. - Hvenær hafa krata  varið
þjóðarhagsmuni ?

   

Evru-umræðunni lokið

   Skv. athyglisverði samantekt í 24-stundir í dag er upptaka
evru án  Evrópusambandsaðildar ekki  möguleg. Þetta  var  í
raun löngu vitað. En sem  kunnugt  er hefur  hugmyndin  um
upptöku evru án ESB-aðildar verið reifuð af ýmsum íslenzkum
stjórnmálamönnum og  áhrifamönnum úr viðskiptalífinu.

   Fram kemur að  fjármálaráðherrar ESB hafa sent frá sér
yfirlýsingu þar sem tekið er af öll tvímæli um að einhliða upp-
taka evru er ekki möguleiki án aðildar að  ESB. Þetta er í fullu
samræmi við yfirlýsingu seðlabandastjóra Evrópu á dögunum.

   Þá liggur þetta endanlega fyrir. ENGIN EVRA ÁN ESB-AÐILDAR.

   Þetta Evrópumál er úr sögunni !

Forhertir auðmenn ulla bara á stýrishópinn

    Í útvarpsfréttum  í kvöld kom skýrt  fram að þeir hjá
Geysis Green Energey (GGE) eru  aldeilis  ekki á þeim
buxum að láta REI ofurklúðrið hafa áhrif á sig. Samingar
skulu standa segir forstjóri GGE.   Samrunaferlið heldur
því áfram á fullu. Styrishópur borgarráðs hefur þar eng-
in áhrif á. Jafnvel  20 ára samningur REI og OR er án
ALLRA fyrirvara og honum er EKKI HÆGT að rifta að mati
GGE.

  Þannig virðast hinir forhertu auðmenn hjá GGE bara
ulla á stýrishóp Svandísar Svavarsdóttir, sem tókst með
ótrúlegum hætti að setja málið nánast í salt til næstu
mánaða með samþykki allra borgarfulltrúa. Í stað þess
að berja í borðið og láta borgarstjórn lýsa yfir ógildingu
eigandafundar þar sem samningurinn var samþykktur,
SAMHLIÐA því að vísa málinu til efnahagsbrotardeildar
ríkislögreglustjóra. Að formanni REI yrði vísað úr stjórn
STRAX og honum greiddar þeir fjármunir sem hann var
búinn að greiða í kaupréttarsamningi sem augljóslega
mun alls  ekki standast nein lög eða reglur, og því
síður stjórnsýslulögin

   Þá væri ekki víst að sumir ulluðu í  dag. Og því síður
að sumir væru á leið í leiguþotu um helgina til Indó-
nesíu með ráðherra orkumála innanborðs til að við-
halda  klúðrinu. REI-klúðrið  hefði  þá verið STÖÐVAÐ,
í eitt skiptið fyrir öll! Borgarstjórn hefði barið í borðið
og sagt. HINGAÐ OG EKKI LENGRA ! Og hlotið klapp
ALLRA borgarbúa fyrir........... 
  
   En það er nú aldeilis öðru nær !
   

Valgerður telur Sjálfstæðisflokkinn með eindæmum veikann

    Það er rétt mat hjá Valgerði Sverrisdóttir vara-formanns
Framsóknarflokksins að staða Sjálfstæðisflokksins er með
eindæmum veik um þessar mundir. Þetta kemur fram á
heimasíður hennar. Valgerður segir að ,,flokkurinn hefur
vissulega hrakist úr meirihlutasamstarfi í Reykjavík vegna
innbyrðis sundurþykkju, en á landsvísu gæti orðið stutt
í sömu málalok ef fram heldur sem horfir. Með ríkisstjórn-
armyndun sjálfstæðismanna með Samfylkingu s.l vor var
pólitískt líf Ingibjargar Sólrúnar nefnilega ekki aðeins
endurvakið. Með þeirri atburðarás sem átti sér stað  var
líka gengið þannig til verks að samstarf Sjálfstæðisflokks
við  Framsóknarflokk og Vinstri græna gæti orðið erfitt
á næstu árum".

   Síðan segir Valgerður. ,,Það verður því fróðlegt að
fylgjast með vinnubrögðum  sjálfstæðismanna við heima-
tilbúnum ágreiningsmálum og skeytasendingum Samfylk-
ingarinnar s.s frestun vatnalaga, hugmyndum um skipun
hæstaréttardómara, hugmyndum um stjórnarskrárbreyt-
ingar sem auðveldi þátttöku í yfirþjóðlegu samstarfi eins
og innan Evópusambandsins o.s.frv. Hversu lengi kyngir
Sjálfstæðisflokkurinn slíkum sendingum og hver er leiðin
út?" spyr Valgerður.

  Allt er þetta hárrétt hjá Valgerði. Hin nýja flokksforysta
Sjálfstæðisflokksins hefur verið ótrúlega óraunsæ og tekið
meiriháttar RANGAR pólitískar ákvarðanir í GRUNDVALLAR-
ATRIÐUM.  Fékk einstakt tækifæri í vor að skapa ný þáttar-
skil í íslenzkum stjórnmálum með því að kjósa áfram borg-
aralega og frjálslynda ríkisstjórn á þjóðlegum grunni með
Framsókn og Frjálslyndum. Þessu einstaka tækifæri hafnaði
flokksforysta Sjálfstæðisflokksins. Fell þess í stað í faðm
Evrópusambandssinnaða krata og björguðu þar með póli-
tísku lífi Ingibjargar Sólrúnar. Í dag hefur Sjálfstæðisflokk-
urinn veikst með eindæmum, það er það sem hann er að
uppskera síðustu daga, fyrir fádæm pólitísk mistök síðustu
mánuði og misseri..........

Að breyta rétt Þorgerður Katrin

   Þogerður Katrín Gunnarsdóttir  varaformaður Sjálfstæðis-
flokksins ritar grein í MBL í dag undir fyrirsögninni AÐ BREYTA
RÉTT. Þar bindir vara-formaðurinn fyrir bæði augun og hugsar
sér slitin á borgarstjórnarmeirihlutunum í svart/hvítu. Allt
hvítt hjá Sjálfstæðisflokknum, allt svart hjá Framsókn. Svona
málflutningur er ekki sæmandi stjórnmálamanni sem vill  láta
taka sig alvarlega. Því auðvitað var hér um allsherjar klúður
að ræða sem skrifast verður á ALLA þá sem að fyrrverandi
borgarstjórnarmeirihluta komu, og þá ekki síður sjálfstæðis-
menn.

   Hins vegar kemur það úr hörðustu átt þega vara-formaður
Sjálfstæðisflokksins fer að tala um  pólitískar bakstungur
hjá öðrum. Skemmst er að minnast þegar hún sjálf stakk
formann Framsóknarflokksins, Jón Sigurðsson í bakið í vor.
Þann grandvara og heiðarlega mann sem stóð í þeirri góðri
trú að búið væri að handsala áframhaldandi stjórnarsam-
starfi fyrri ríkisstjórnar. Þá  kom í  ljós  að  vara-formaður
Sjálfstæðisflokksins, Þorgerður Katrin Gunnarsdóttir, var 
fyrir löngu búin að semja við vinkonu sína Ingibjörgu Sól-
rúnu um ríkisstjórnarsamstarf. Hún kaus þá frekar hina
Evrópusinnuðu krata en áframhaldandi ríkisstjórn á
frjálslyndum og borgaralegum grundvelli. Það er því í
hæðsta máta ósvifni þegar Þorgerður Katrin sakar Fram-
sókn um svik varðandi áframhaldandi borgarstjórnarsam-
starf. Vara-formaðurinn á að líta sér nær, því eftir að hún
sjálf sprengdi fyrrverandi ríkisstjórnarsamstarf, er eins og
allt hafi gengið á afturlöppunum hjá Sjálfstæðisflokknum,
bæði hjá ríki og borg.

  Svona vinnubrögð og háttsemi kallast EKKI að breyta rétt,
Þorgerður  Katrín. Allra síst í pólitík!