Hver skilur REI málið lengur ?

 

   Egill Helgason skrifar á bloggsíðu sína í dag á Eyjan.is.

,, Ég verð að viðurkenna að eftir skeytasendingar í frétta-
tímum og bloggsíðum um helgina er ég endanlega hættur
að skilja REI- málið".

  Þegar Egill Helgason er hættur að botna í REI klúðrinu mikla
og viðurkennir vanmátt sinn í því að skilja það,  hver gerir það
þá? 

Bandaríkjastjórn horfi sér nær

   Það er grátbroslegt þegar bandaríkjastjórn með Bush
liðið í broddi fylkingar gagnrýnir nú undir kvöld rússnesk
stjórnvöld fyrir að halda uppi lögum og reglu í Moskvu og
St.Petursborg, vegna uppvöðslu óróaseggja á borð við
Garri Kasparov. Bandaríkjastjórn, sem hefur ALLT niður
um sig í  mannréttindamálum  víðsvegar um  heim. Ríkis-
stjórn lands sem er með lang-minnstu kosningaþátt-
töku sem sögur fara af í vestrænum samfélögum...

    Hvenær skyldu Bandaríkjamenn fara að horfa sér nær
og taka til í eigin ranni áður en þeir fara að skipa öðrum
fyrir verkum? Og þar sem þeir eru sjálfir hvað  veikastir
fyrir!

  

Guðni talar hreint út

 

    Það er mikill kostur við  sérhvern  stjórnmálamann  að hann
komi  til  dyranna eins og  hann er klæddur  og  tali hreint  út
um hlutnina. Einn slíkur stjórnmálamaður  er Guðni Ágústsson
formaður  Framsóknarflokksins, en í  nýútkominni  bók sinni er
víða komið við varðandi menn og málefni. Þar á meðal varðandi
fjölmiðlafrumvarpið  svokallaða, en  þar hafa  ýmisir sakað hann
um  trúnaðarbrest við  forsetann að upplýsa um  það sem þeim
fór á  milli  í því  póitíska  stórmáli. Þver  á  móti   er uppljóstrun
Guðna mjög við hæfi, þar  sem  forsetinn  var  þar á  mjög  gráu
svæði, svo ekki sé meira sagt. Beitti þar mjög svo umdeildu valdi
til að koma í veg fyrir meirihlutavilja Alþingis, burtséð hvað mönn-
um finnst um sjálft innihald frumvarpsins. Þá er aðkoma Davíðs
og Halldórs  að  Íraksmálinu með hreinum  eindæmum. Evrópu-
sambandsdaður Halldórs er tíunduð, en þau viðhorf Halldórs
Ásgrímssonar  hafa  stórskaðað  Framsóknarflokkinn og flæmt
stórhluta kjósenda frá flokknum.

    Til að Framsóknarflokkurinn rísi upp til fyrra fylgis og stöðu í
íslenskum stjórnmálum þarf að fara fram hugmyndafræðileg upp-
stokkun innan hans, og uppgjör við hinn fámenna Evrópusam-
bandsarm sem myndaðist illu heilli kringum Halldór Ásgrímsson.
Hvort bók Guðna sé einn þáttur í því, á eftir að koma í ljós.

   Vonandi.....

     

Ingibjörg og Katrín Júl karpa um EES

 

  Athyglisvert að þær stöllur Ingibjörg Sólrún utanríkisráðherra
og  Katrín Júliúsdóttir formaður þingmannanefndar EES skulu
allt í einu vera farnar að karpa  um EES-samninginn. Katrín vill 
að samningurinn  verði  endurskoðaður, en Ingibjörg  telur að
slíkt  kynni að skila  Íslendingum verri  samningi  en áður. Þar
sem Katrín virðist vera með allt aðra sýn en utanríkisráðherra
hvað þetta varðar, er hún þá ekki að koma með röng skilaboð  
inn í  þingmannanefnd EES sem hún er formaður fyrir?  Hvaða
rugl er hér í gangi ?

  Eitt er þó sem þær stöllur eru sammála um þessa daga. Það er
að breyta þurfi stjórnarskránni svo hún verði  móttækilegri  fyrir
öllu fullveldisafsalinu sem fylgir aðild Íslands að Evrópusamband-
inu, og sem  Samfylkingin berst  fyrir. Leggja  þær áherslu á  að
slík stjórnarskrábreyting gerist á þessu kjörtímabili, svo að  hún
taki gildi á  því  næsta. Þannig að  stjórnarskráin  verði  ekki  til
trafala  þeim ásetningi  krata  að  Ísland  gerist aðili  að ESB  á
næsta kjörtímabili. -  Mikilvægt er  því  að ALLIR þeir  þingmenn
sem andvigir eru  aðild Íslands að  ESB sjái í  gegnum  áformin
og komi  í  veg  fyrir  þá  stjórnarskrábreytingu. Vel verður því
fylgst með afgreiðslu  málsins  á  Alþingi og  hvernig  einstakir
þingmenn greiða því atkvæði. Ekki síst  þar sem fyrir liggur á
hvaða forsendum breytingin er boðuð....... 

 

Anna yfirgefur Framsókn

 

   Anna Kristinsdóttir sem löngum hefur verið í forystusveit
Framsóknarflokksins  hefur nú yfirgefið hann. Tiltekur m. a
skort á hugmyndafræðilegri stefnumótun og óeiningu innan 
flokksins,  einkum  í  Reykjavík, sem  aðalástæðu úrsagnar
sinnar úr flokknum.

  Framsóknarflokkurinn hefur því miður ekki farið varhluta
af  pólitískum  innanflokksátökum gegnum árin, eins  og
Guðni Ágússton núverandi formaður flokksins getur um í
bók sinni sem er að koma út þessa dagana. Tvennt ber
þó  hæðst  sem ollið  hefur  Framsóknarflokknum mikum
skaða, og sem einmitt  Anna  Kristinsdóttir  ber mikla
ábyrgð á.

   Hið fyrra er þátttaka flokksins í R-listasamkrullinu í heil
12 ár. Þar hvarf Framsóknarflokkurinn nánast undir pils-
fald Ingibjargar Sólrúnu Gísladóttir. Sogaðist nánast inn
í hræðslubandalag vinstriaflanna, flokkur sem hingað til
hefur skilgreint sig sem miðjuaflið í íslenzkum stjórnmálum.
Þá fyrst hrundi allt flokksstarf niður sem Anna kvartar svo
mikið um, en ber fulla ábyrgð á, því hún var einn af aðal
talsmönnum R-listasamstarfsins.  Flokkurinn  hvarf  sem
sagt í lang stærsta sveitarfélagi landsins, og fylgið hrundi
samfara því í Reykjavík. Það á því eftir að taka mörg ár að 
byggja upp flokksstarfið  í Reykjavík eftir hin miklu mistök
með R-listasamkrull Önnu og félaga.

  Hið síðara var sífellt daður Halldórs Ásgrímsssonar um
Evrópumál og aðild Íslands að Evrópusambandinu. Það
veit enginn  hversu marga þúsunda þjóðlegra kjósenda
Halldór flæmdi  frá  flokknum af þessum sökum. Því Fram-
sókn er sprottin úr íslenzkum  jarðvegi og hefur gegnum
áratugina  höfðað  til  hinna  þjóðlegu  gilda  og viðhorfa.
Anna  Kristinsdóttir tók hins vegar heilshugar  undir þessi
sjónarmið Hallórs, og gekk meir að segja til liðs við Evrópu-
samtökin. Enda hefur aðdáun hennar á Ingibjörgu Sólrúnu
og hennar Evrópusambanadssýn aldrei farið leynt. Trúlega
verður því miklir fagnaðarfundir þegar þær stöllur ná form-
lega saman á hinum pólitíska vettvangi á næstunni.

   Þannig eru öll  rök Önnu Kristinsdóttir fyrir úrsögn úr Fram-
sókn vægast sagt  blendin og ósannfærandi. Hins vegar verð-
ur það þrautin þyngri fyrir Guðna Ágústsson og hans fólk að
byggja flokkinn upp á ný. Ástæðulaust er að útiloka  að það
muni takast, svo fremi sem hin þjóðlegu grunngildi Fram
sóknarstefnunar verði þar  höfð að leiðarljósi. 

Ríkisstjórnin veldur ekki hlutverki sínu

 

    Jóhanna Sigurðardóttir félagsmálaráðherra segir
húsnæðisstefnuna  augljóslega  komna í þrot.  Góð
meðmæli með hennar verkum það, eða hitt þó heldur.
Skv. nýjustu verðbólguútreikningum hefur verðbólga
á Íslandi ekki  mælst  hærri  í  17 ár. Og nú kemur svo
matsfyrirtækið Standard og Poors og  segir að vaxandi
og þrálátt ójafnvægi í íslenzka hagkerfinu og skortur á
aðhaldi í ríkisfjármálum verði til þess að fyrirtækið breyti
lánshæfnismati ríkissjóðs í dag í neikvæðan. Vaxandi
horfur séu á neikvæðri lendingu í  efnahagsmálum Ís-
lendinga.

    Ríkisstjórn Geirs H Haarde veldur augljóslega ekki
hlutverki sínu. Það að ríkisstjórn skuli fara svona herfi-
lega illa á stað er með ólíkindum.  Með sama áframhaldi
verður kratastjórn Geirs H Haarde ekki langlíf.......   

Ruglið í Katrínu Júlíusdóttir um EES

 

   Það er hárrétt hjá Birni Bjarnasyni dómsmálaráðherra að
undrast  orð Katrínar Júlíusdóttir, þingmanns Samfylkingar-
innar og formanns  þingmannanefndar EES, um  að  endur-
skoða þurfi EES-samninginn. Ráðherra vonar að Katrín lesi
skýrslu Evrópunefndarinnar og átti sig á þeim sjónarmiðum
sem þar koma fram.

  Sannleikurinn er sá að kratar nota hvert tækifærið til að
rakka niður  EES-samninginn  og  tala niður íslenzka krónu
til  að  styrkja stöðu sína í þeim áróðri  að  Ísland  gangi í
Evrópusambandið  og  taki  upp evru  sem fyrst. Þá gerir
Katrín Júliísdóttir ásamt  samflokksmanni sínum  harða at-
lögu að íslenzku stjórnarskránni með þingsályktunartillögu
um að henni verði breytt svo auðveldara verði að framselja
fullveldið til Brussel.  - Vonandi að stór hluti Alþings sjái  í
gegnum slík áform og svæfi þá tillögu strax í fæðingu....

Svandís guggnaði

 

   Málaferli Svandísar Svavarsdóttir borgarfulltrúa VG gegn
Orkuveitunni er lokið. Svokölluð  sátt er  sögð  hafa náðst í
málinu. En auðvitað er ástæðan sú, að fullkomin óvissa var
um niðurstöðu málsins. Líkurnar á að hinn umdeildi eiganda-
fundur yrði dæmur ógildur voru alls ekki öruggar. Þess vegna
guggnaði Svandís. Ástæðan var klúður Svandísar að mæta á
og taka  fullan  þátt í  fundi sem hún taldi ólöglegan. Hver
tekur fullan þátt í fundi sem viðkomandi telur ólöglegan? Og
það stjórnmálamaður sem vill láta taka sig alvarlegan? Þess
utan var hitt klúðrið að láta Orkuveituna fara fram á að málinu
yrði vísað frá dómi. Núverandi borgarstjórnarmeirihluti ræður
jú meirihluta í stjórn Orkuveitunar. Ekki satt ?

  Annars er leyndardómurinn yfir REI málinu með ólíkindum.
Gjörsamlega á skjön við það sem vinstriflokkarnir hafa boðað,
að hafa allt uppi á borðinu. Þvert á móti er nú nánast allt
undir borðinu varðandi grundvallarþætti alls klúðursins... 

Dæmigerð sósíalisk eignaupptaka hjá borgarstjórn

   Það leynir sér ekki  að  vinstrimennskan hefur  tekið  völd í
borgarstjórn Reykjavíkur. Sú  ákvörðun  hins nýja meirihluta
að halda óbreyttri fasteignaprósentu á næsta ári þýðir í raun
stórhækkun  fasteignagjalda  á næsta ári, því  fasteignaverð
hefur stórhækkað á þessu ári. Þetta er þvert  á sem fyrrver-
andi meirihluti Framsóknarflokks og Sjálfstæðisflokks boðuðu
og  stefndu  að,  þ. e  lækkun  fasteignagjalda. Þetta er því
ekkert  annað  en  dæmigerð sósíalisk  eignaupptaka, enda
sósíalistarnir í Vinstri-grænum komnir í  lykilstöðu í borgar-
stjórn. Þetta  mun koma harðast niður á lágtekjufólki, ungu
fólki sem er að koma sér í fyrsta sinn þaki yfir höfuðið, öryrk-
jum, og ekki síst eldri borgurum sem berjast fyrir að búa sem
lengst í eigin húsnæði. Já þetta er eins og olía á eld á þau
bágu kjör sem nú bjóðast á íbúðamarkaði í dag. Allt undir
forystu Samfylkingarinnar í borg og ríkisstjórn...

   Já. Alveg  dæmigerð vinstrimennka í hnotskurn !
 

Svandís viðurkennir klúður sitt

 

  Með því að fallast á að draga mál sitt gegn Orkuveitunni til
baka  og leita þess í stað sáttar í málinu er Svandís Svavars-
dóttir þá um leið að viðurkenna klúður sitt í málinu. Helstu rök
Svandísar voru þau að fundur sá sem átti að sameina REI og
GGE væri ólöglegur, þar sem  til hans hafi verið boðað með að-
eins sólahrings fyrirvara í stað viku. Engu að síður mætti Svan-
dís á þennan ,,ólöglega" fund og  tók AÐ FULLU þátt í honum.
Það voru hennar GRUNDVALARMISTÖK. Því enginn tekur þátt
í fundi sem viðkomandi telur ekki löglegan.  Allar líkur eru því
á að fundurinn yrði dæmdur lögmætur, því ALLIR fundarmenn 
mættu. En tímasetningin um viku  fundarboð er  sett  til að
tryggja að allir gætu mætt á fund, eða gert ráðstafanir ella.
Þar sem ALLIR mættu, þar á meðal SVANDÍS SVAVARDÓTTIR
eru því allar líkur á að fundurinn hefði verið dæmdur lögmætur,
því hann samræmist í anda lagana hvað fundarþáttöku varðar.
                                                                                                                                                          
    Þar með hefði klúðrið mikla  verið toppað endanlega. Og
Svandís Svavarsdóttir lent þar á toppnum...........