Hryðjuverkaógnir og uppvöðsluhópar

    Ekkert lát virðist vera á hryðjuverkastarfsemi
ýmissa öfgahópa í heiminum. Það er fásinna ef
við Íslendingar teljum okkur fría  í þessum efnum,
því í reynd beinast aðgerðir hryðjuverkamanna í
raun gegn lýðræði og frelsi hvar sem það er að
finna, eins og leiðari MBL bendir á í dag.

  Íslenzk stjórnvöld hafa á undanförnum misserum
unnið markvíst að styrkja löggæslu ásamt því að
efla Landhelgisgæsluna, ekki síst í ljósi þess  að
bandariskur her hvarf af landi brott. Dómsmála-
ráðherra á hrós skilið hvernig hann hefur unnið að
þessum málum, enda meðvitaður um hvað míkið
er í húfi. Hins vegar er ekki ljóst hvort hann á
jafn mikinn stuðning innan nýrrar ríkisstjórnar og
í þeirri fyrri þegar kemur að öryggis- og varnarmálum.
Því ýmiss vinstrisinnuð óábyrg öfl eiga nú aðkomu að
ríkisstjórninni.

    Öll ríki telja sig þurfa á öflugri leyniþjónustu að
halda, enda hafa þær bjargað þúsundum mannslífa
frá því að verða fórnarlömb hryðjuverka á umliðnum
árum. Hvers vegna stígum við Íslendingar ekki skrefið
til fulls og stofnum slíka leyniþjónustu? Greiningar-
deildin er góðra gjalda verð, en hana þarf að efla
og gera hana að sambærilegri stofnun og gerist
meðal leyniþjónustu annara ríkja. Alþjóðleg Glæpa-
starfsemi hefur þegar teygt anga sína til Íslands,
og engin veit hvernær hryðjuverkin gera það líka.

   Í dag stryma til landsins allskyns uppvöðsluhópar
í þeim tilgangi að mótmæla, enda atvinnumótmælendur
að stórum hluta.  Hvers hvegna er þessum hópum 
hleypt inn í landið?  Því margt af þessu liði er þekkt 
fyrir allskyns óspektir og um að hafa þverbrotið
íslenzk lög.   Já hvers vegna er þessum uppvöðsluhópum
hreinlega ekki vísað frá landinu ?

    Við verðum að fara að átta okkur á að við búum í
ótryggum og viðsjárverðum heimi, og verðum að gera
ráðstafanir í samræmi við það. 

Olíuhreinsunarstöð. Eftir hverju er beðið?

      Íslenzkur hátækniðnaður lýsti snemma í vor áhuga
um að reisa olíuhreinsunarstöð á Vestfjörðum. Að  sögn
Ólafs Egilssonar fyrrverandi sendiherra eins af forvígis-
mönnum Íslenzks hátækniiðnaðar, er þetta fjárfesting
upp á 200 milljarða, með 500 störfum + 200 annara sem
tengjast munu starfseminni. 20% af starfsmönnum er
háskólamenntað fólk. Engar nýjar virkjunarframkvæmdir
þurfa að koma til.

   Ástandið á Vestfjörðum er mjög alvarlegt um þessar
mundir svo ekki sé meira sagt. Ofan á mjög erfitt ástand
í atvinnumálum  Vesfirðinga mun fyrirhuguð skerðing á
þorskvóta koma harðast niður á Vestfjörðum. Það þarf
því eitthvað meiriháttar að koma til svo hinni ískyggju-
legri þróun verði forað. Allt tal um tilfærslur einhverra
opinberra starfa til Vestfjarða, bættar samgöngur  og
fjarskipti eru bara hjóm eitt miðað við þá stærðargráðu
sem við er að fást.

   Það ætti því að liggja beinast við að líta á þau gríðarlegu
tækifæri sem felast  í því fyrir vestfirskar byggðir að fá
eins kröftuga innspýtingu inn í vestfirskt samfélag og
yrði með uppbyggingu olíuhreinsunarstöðvar á Vestfjörðum.

   Með hliðsjón af öllu þessu. Hvers vegna er ekki lagður
miklu meiri þungi í þetta mál og raun ber vitni ?

   Eftir hverju er beðið ?
  
 

Pólverjar við sama heygarðshornið

   Pólverjar virðast vera enn við sama heygarðshornið
varðandi nýundirskrifaðan sáttmála Evrópusambandsins.
Skv. fréttum í morgun sagði forsætisráðherra Póllands,
Jaroslaw Kaczynski, að Pólverjar vildu taka upp viðræður
um hinn nýja sáttmála ESB. Segir í fréttum, að viðbúið
sé, að  þetta eigi eftir að valda mikilli úlfúð  meðal annara
ríkja ESB.

   Það er ljóst að míkið vatn á eftir að renna til sjávar
áður en hinn nýji sáttmáli ESB verði staðfestur í 27 ríkjum
sambandsins. Augljóst er að vandi ESB er mikill og skoð-
anaágreiningur aðildarríkja djúpstæður og fer vaxandi.

Þátttaka í Öryggisráði S.Þ er algjört RUGL !

     Líkurnar á að Ísland komist í Öryggisráð S.Þ eru
engar. Samt er haldið áfram og skattfé almennings
sólundað út og suður svo hundruði milljóna skiptir.
Allar líkur eru á að þegar upp verður staðið mun
fjárhæðin  slaga hátt í milljarð króna.  Allt er þetta
gert vegna hégómagirndar  örfárra en misvitra 
stjórnmálamanna, þótt vitað sé að nær  öll þjóðin
sé alfarið á móti slíku augljóslegu OFURRUGLI. Því
þjóðin mun ekkert hafa upp úr krafsinu en vandræði 
og aftur vandræði og flækjast í óþarfar deilur á
alþjóðavettvangi og baka sér þar óvildar  að ástæðu-
lausu.

    Þegar nú harðnar á dalnum innanlands eru þeim
miklu fjármunum  sem ætlað er í ruglið svo sannar-
lega betur komið í brýnni og skynsamlegri verkefni
innanlands.

   Hversvegna í ósköpunum er ruglið  ekki stöðvað 
þegar í stað ?  Já hvers vegna í ósköpunum ekki ?

   Þvi ruglið er ALGJÖRT !

Hvað gengur Pólverjum til ?

    Mjög svo óviðeigandi ummæli  Póllandsforseta 
á leiðtogafundi ESB nú á dögunum þess efnis, að
þar sem Þjóðverjar hefðu að hans sögn drepið um
6 millj. Pólverja í seinni heimsstyrjöldinni ættu því
Pólverjar rétt á mun meira atkvæðavægi innan ESB
heldur en stjórnskipunarsáttálin gerði ráð fyrir. Þessi
ummæli fellu að sjálfsögðu  í mjög gríttan jarðveg
meðal fundarmanna og voru ekki til að bæta and-
rúmsloftið á fundinum.

  En nú hefur forsætisráðherra Póllands enn bætt um
betur skv frétt á Mbl.is. Pólski forsætisráðherrann gaf
í skyn í útvarpsviðtali í gær að Þýzkaland samtímans
væri sambærilegt og þegar Adolf Hitler komst til 
valda.  Orðrétt sagði hinn pólski forsætisráðherra
Kacyzinski ,,eitthvað mjög neikvætt er að gerast í
Þýzkalandi og þess vegna vilji hann gefa út við-
vörun til þýzkra yfirvalda". Þetta kemur fram á
fréttavef Der Spiegel. 

   Ekki  vildi Kacyzinski útskýra nánar hvað hann ætti
við.  Hins vegar er ljóst að svona ummæli og viðhorf
eru ekki í þeim anda sem leiddi til stofnunar ESB  á
sínum tíma. Þá er einnig ljóst að svona ummæli eru
til þess fallin að ýfa upp gömul sár.- En allra síst eru
þau til þess að bæta sambúðina innan ESB. 

   Því er eðlilegt að spyrja hvað Pólverjum gengur
eiginlega til með svona undarlegu yfirlýsingum og
viðhorfum ?

Ný Evrópa án okkar ?

    Það er nánast kátbroslegt að lesa í dag leiðara
Fréttablaðsins eftir Jón Kaldal undir yfirskriftinni NÝ
EVRÓPA ÁN OKKAR. Þar fjallar hann um nýlegan
stjórnskipunarsáttmála Evrópusambandsins sem 
leiðtogar ESB komust loks að samkomulagi um.
Leiðarahöfundur virðist hafa miklar áhyggjur af
stöðu Íslands og segir að það ,,hljóti að vera
nokkuð umhugsunarefni fyrir okkur Íslendinga
að milljónaþjóðir Evrópu telji ástæðu til að þjappa
sér saman á sama tíma og við kjósum að vera
utangarðs."

   Fyrir það fyrsta er alls ekkert tryggt að þessi
nýji sáttmáli verði samþykktur í því samþykktar-
ferli sem nú fer í hönd. Alveg er eins líklegt að
hann verði felldur í þeim ríkjum þar sem þjóðar-
atkvæðagreiðsla fer fram um hann og mótstaðan
er hvað  mest. . Því í raun er þarna um sömu
stjórnarskrádrögin að ræða og voru felld  í þjóð-
atkvæðagreiðslunum í Frakklandi og Hollandi árið
2005. Ummæli leiðtogana og annara stjórnmála-
manna eftir fundinn styrkja mjög þá staðreynd að
í raun hafð ekkert breyst frá fyrri drögum sem máli
skiptir.

   Það eina sem þó má segja að hafi tekið breytingum
er að nú mun  atkvæðavægi landanna innan ESB miðast
við íbúafjölda hvers ríkis, auk þess sem allt neitunarvald
er afnumið. - Hvort tveggja er afar óhagstætt smáríkjum
(örríkjum) eins og Íslandi, því áhrif slíkra smáríkja verða
nánast engin innan sambandsins í framtíðinni af þeim
sökum.

   Kostirnir fyrir smáþjóð eins og Íslendinga að standa
utan slíks miðstýrðs ríkjasambands eru því miklu fleiri
en gallarnir. Áhyggjuefni ESB-sinnana á Fréttablaðinu
eru því broslegir. - Þegar menn hætta við að sjá allan
hinn stóra heim og öll þau fjölmörgu tækifæri sem hann
hefur upp á að bjóða fyrir frjálsa og framsækna þjóð, 
eru menn sjálfir orðnir utangarðs og komnir  ansi langt 
út á þekju...

Aðildin að Schengen er rugl !

     Aðild Íslands að Schengen-samstarfinu er álíka
rugl og að Ísland takist að komast inn í Öryggisráð
sameinuðu þjóðanna. Mikill kostnaður fylgir þessu
auk þess sem þetta veitir falskt öryggi, því í raun
hefur öll landamæravarsla ganvart þeim ríkjum sem
eru í þessu Schengen samstarfi stór minnkað.

   Það er athyglistvert að tvær EYÞJÓÐIR innan ESB,
Bretland og Írland hafa til þessa enga ástæðu séð
til þess að ganga í Schengen. Væntanlega vegna
þess hversu Atlantshafið er tryggur landamæravörður.
Nú hafa Austur-Evrópuríkin Slóvena, Litháen, Eistland,
Ungverjaland, Tékkland og Pólland auk Möltu sem öll
eru ESB-ríki óskað eftir að taka þátt í Schengen- sam-
starfinu. Ríki þar sem mesta og alvarlegasta glæpatíðni
er. Enda hefur innanríkisráðherra Þýzkalands miklar
efasemdir um inngöngu þessara ríkja skv fréttum í
dag, einmitt vegna þess hversu allt öryggiseftirlit
er ótryggt í þessum löndum.

   Það voru stór mistök á sínum tíma að ganga í Scheng-
en. -  Mistökin eiga verulega eftir að koma okkur í koll ef
fram heldur sem horfir................

      

Skiljanleg afstaða Frakka gegn inngöngu Tyrkja í ESB

      Það er vel hægt  að skilja  Frakka sem reynt hafa að
koma í veg fyrir aðild Tyrkja að Evrópusambandinu. Og
raunar má segja að skoðun Frakka sé almenn innnan
sambandsins þótt hljótt fari. Aðild Tykrja að ESB snertir
okkur Íslendinga líka, því með aðild eru Tyrkir sjálfkrafa
orðnir aðilar að hinu evrópska efnahagssvæði sem Ísland
er hluti að.

    Aðild Tyrklands að ESB á tæknilega mjög langt í land.
Tyrkland er múslimaríki og er því í grunnin mjög ólíkt
vestrænum ríkjum og þeim gildum sem þar ríkja.
Þarna mætast svo sannarlega gjörólíkir menningar-
heimar, annars vegar þeir vestrænu, og hins vegar
hinir austrænu. - Þar að auki er augljóst að ESB mun
eiga í vaxandi innbyrðis erfiðleikum með fjölgun ólíkra
aðildarríkja, þótt ekki bætist við eitt stórt í viðbót með
gjórólíka menningu og trúarleg viðhorf á við hin ríkin
sem fyrir eru í Evrópusambandinu.

   Bandaríkin hafa sótt fast með að Tyrkland fái aðild
að ESB. Bandaríkin hafa líka aldrei skilið hinar þjóðlegu
forsendur í samskiptum þjóða, enda á utanríkisstefna
þeirra mjög  undir högg að sækja víðsvegar um heim í
dag.

  Ummæli Frakklandsforsenda, Sarkoyzy um að bjóða
ætti Tyrklandi einskonar vildaraðild að ESB í stað fullar
aðildar eru því afar skiljanleg....

   Tyrkland hefur ekkert í Evrópusambandið að gera !

Óviðeigandi af íslenzkum ráðherra

   Í fréttum í kvöld kom fram, að Björgvin S. Sigurðsson
viðskiptaráðherra hafi nú um helgina  sótt flokksþing
breska Verkamannaflokksins. Hér er um óðviðeigandi
heimsókn að ræða af íslenzkum ráðherra. Hér heima
hefði verið litið á heimssókn erlends ráðherra á flokks-
þing  íslenzks stjórnmálaflokks sem íhlutun í íslenzk
innanríkismál.  - Menn verða alla vega að gæta að 
hvaða embættum þeir þjóna áður en þeir ákveða slíkar
heimsóknir. Þótt Björgvin hafi tvívegis tekið þátt í
kosningabaráttu breska Verkamannaflokksins á árum
áður sem óbreyttur áhugamaður um stjórnmál, þá
gildir allt annað nú eftir að Björgvin hefur tekið við
íslenzkum ráðherradómi. -  

   Þótt sósíaldemókratisk alþjóðahyggja sé með
eindæmum, verða menn engu að síður  að gæta
velsæmis þegar menn gegna jafn virðulegum
embættum og eimbætti ráðherra. Ekki síst varðandi
öll erlend samskipti. Því þá koma menn ÆTÍÐ fram
fyrir hönd ÞJÓÐAR sinnar.......

   

Olíuvinnsla, - og olíuhreinsun líka Össur !

  Batnandi mönnum er best að lifa. Össur
Skarphéðinssin iðnaðrráðherra upplýsir það
í Mbl. í dag að allar niðurstöður jarðeðlisfræði-
legra rannsókna á vegum íslenzkra og noskra
stjórnvalda, sem og fyrirtækja í einkaeigu,
bendi til að Íslendingar muni á næstu árum
geta hafið olíuvinnslu í eigin efnahagslögsögu.
En svo að því verði haldið til haga þá var það
einmitt í tíð Valgerðar Sverrisdóttir og síðar
Jóns Sigurðssonar fyrrv. iðnaðarráðherra sem
unnið var að þessum mikilvægum rannsóknum.
Fagna ber því þeim ummælum Össurar, að hann
telur ,,að málið sé komið á það stig að kanna
þurfi hvort alþjóðlegur áhugi sé á því hjá olíu-
fyrirtækjum að fjárfesta í virkri leit með rannsóknar-
borunum OG VONANDI VINNSLU Í FRAMHALDI AF
ÞVÍ."

   Í framhaldi að þessari ánægjulegri niðurstöðu hlýtur
hugmyndin um olíuhreinsunarstöð á Vestfjörðum að
styrkjast mjög. Því olíuvinnsla og olíuhreinsun hlýtur
að vinna mjög vel saman af augljósum ástæðum.

   Þessa dagana eru fulltrúar frá sveitarstjórnum frá
Vestfjörðum að fara til Þýzkalands til að kynna sér
starfsemi olíuhreinsunarstöðva. Í ljósi alvarlegrar
stöðu Vesfjarða í byggðamálum, ekki síst vegna stór-
minnkandi þorskveiðakvóta á næstu árum, er 
lífsnauðsynlegt  fyrir Vestfirðinga að fá VERULEGA
innspýtingu í vestfirskt atvinnulíf.

   Í þessu sambndi er vert að benda á veigamikil rök sem
Þórólfur Halldórsson sýslumaður á Patreksfiriði tíundaði
í grein í MBL 11 júní s.l. varðandi olíuhreinsunarstöð á
Vestfjörðum.  ,,500 ný störf á Vestfjörðum, þar af 15-20%
fyrir háskólamenntað starfsfólk. Mun styrkja starfsemi
margs konar þjónustufyrirtækja sem fyrir eru. Mun gefa
brottfluttum Vestfirðingum tækifæri til að flytja heim aftur.
Mun gefa öðrum Vestfirðingum tækifæri  að búa áfram á
Vestfjörðum. Mun hækka markaðsvirði fasteigna á Vest-
fjörðum. Íbúðarhús á Vestfjörðum verða aftur einhvers virði
og tæk veðandlög. Teymi mjög öflugra dráttarbáta verður
til staðar á Vestfjörðum. Öryggi siglinga um Grænlandssund
batnar, sbr skemmtiferðaskipa. Eitt öflugasta slökkvilið á
Íslandi verður á Vestfjörðum. Fullkominn búnaður til að
bregðast við olíumengun á sjó verður á Vestfjörðum. Afhend-
ingaröryggi raforku á Vestfjörðum stóreykst. Smávirkjanir
Orkubúsins og bænda á Vestfjörðum framleiða alla orku sem
þarf. Margs konar ný iðnfyrirtæki munu verða til, t.d í plastiðn-
aði og snyrtivöru. INNSTREYMI FJÁRFESTINGA ALLT AÐ 210
MILLJARÐRA KRÓNA."

    Í ljósi alls þessa hljóta íslenzk stjórnvöld að koma inn með
fullum þunga um að byggingu olíuhreinsunarstöðvar á Vest-
fjörðum verði að veruleika. Það hlýtur að vera laukrétt framhald
af olíuvinnslu á íslenzka landgrunninu í náinni framtíð.

    Össur!  Valgerður og Jón hafa látið vinna rannsóknavinnu
um olíuvinnslu við Ísland. Niðurstöðurnar liggja nú fyrirr og eru 
mjög jákvæðar. - Þitt hlutverk er nú að láta hreinsa þessa
dýrmætu olíu á Vestfjörðum, þeim og öllum öðrum landsmönnum
til hagsbóta að brenna hreinna og ódýrara eldsneyti.........