Hvað eru lögregluyfirvöld að hugsa ?

    Þetta fer nú að verða brandari. Lögreglan eltist við skottið
á sömu lögbrotaliðinu ,,Saving Iceland" dag eftir dag og viku
eftir viku, tekur af því skýrslur, sleppir því svo, þannig að
lögbrotin og skemmdarverkin sem þessi erlendi ruslaralíður
ástundar, geti af því er virðist haldið endalaust áfram.
Með sama áframhaldi fer að verða áhöld um hver ástundar
mestu fiflalætin, lögreglan eða þessi skríll  í svokölluðu
,,Saving-Iceland" liði.

    Skv.Mbl.is voru 8 handteknir á vegum ,,Saving-Iceland"
við Hellisheiðarvirkjun í morgun. 15-20 á vegum þessa
anarkistaliðs voru svo á Selfossi, þar sem einn hafði
klifrað upp í krana. Væntanlega verða framkvæmdar enn
einar skýrslutökunar.

   Hvað eru lögregluyfirvöld að hugsa eiginlega? Eru ekki
allir jafnir fyrir lögunum á Íslandi lengur? Hvers vegna
er ekki þessum erlendu uppvöðsluhópum og lagabrjótum
þá ekki annað hvort settir undir lás og slá, eða vísað hrein-
lega úr landi?  Svona fiflalæti ganga ekki lengur.! Þau
senda kolröng skilaboð út í þjóðfélagið og grafa undan
virðingu fyrir lögum og reglum í landinu. Einmitt það sem
anarkistarnir í þessum stjórleysingjasamtökum eru að
fiska eftir og vinna að.............

Einar Oddur kvaddur

   Síðdegis fór fram í Hallgrímskirkju minningar- og
kveðjuathöfn um vin minn Einar Odd Kristjánsson.
Mannfjöldinn var gífurlegur og athöfnin mjög virðu-
leg. Mátti sjá þar m.a  helstu ráðamenn þjóðarinnar,
s.s forsetan, ráðherra og þingmenn. Ekki fór því milli
mála, að hér var verið að kveðja stórbrotinn og merkan
mann, sem skilið hefur eftir sig mörg merk spor í sögu
þjóðarinnar.
.

   Ég var þess gæfu aðnjótandi að fá að starfa  á skrifstofu
Hjálms hf á Flateyri hjá Einari Oddi yfir 20 ár. Það væri að
bera í bakkafullan lækinn að fara hér að  skanna lífshlaup 
Einars. Miklu fremur að fókusa á alla þá mannkosti sem 
hann hafði að bera. Því Einar Oddur var ávalt heilsteypur, 
hreinskilinn og tilfinningaríkur, og kom ætíð til dyranna eins 
og hann var klæddur. Húmoristi sem gat svo sannarlega séð 
spaugilegar hliðar á lífinu og tilverunni hverju sinni, jafnframt 
þvi að skynja alvöru lífsins þegar við átti.  En umfram allt var
Einar Oddur maður friðar og sátta, sem m.a kristallaðist í þjóð-
arsáttinni svokölluðu, sem hann var arkitektinn að,  og þeim
stöðugleika og framförum sem þjóðin hefur notið síðan. Já, Einar
Oddur var þjóð sinni og samferðamönnum álvalt dyggur og
ráðagóður, og þess vegna er hann svo sárt  saknað af mörgum
í dag....

   Um leið og ég votta Sigrúnu Gerðu, Brynhildi, Kristjáni Torfa,
Teiti Birni og öðrum aðstandendum mína dýpstu samúð,
vil ég þakka Einari Oddi fyrir öll okkar góðu og gömlu kynni,
og allt það sem hann mér gaf.

   Guð blessi minningu Einars Odds Kristjánssonar, þess
góða og merka manns !

   

Aukin harka gegn múslimum í Danmörku

   Danir hafa löngum verið taldir umburðarlyndir gagvart
innflytjendum. Skv. dönskum fréttum  í morgun virðist nú
hafa upp úr soðið.  Þingmaður Íhaldsflokksins hefur kært
Asma Abdol Hamid  danska múslimska þingkonu fyrir hvorki
meir né minna en landráð.  Hamid réttlætti í opinberu viðtali
árásir vigamanna í Írak á danska hermenn. Hún líkti árásirnar
við dönsku andspyrnuhreyfinguna gegn Þjóðverjum  í síðari
heimsstyrjöldinni. Danskir stjórnamálamenn úr öllum flokkum
hafa vísað þessum fáránlegu ummælum algjörlega á bug, og
nú hefur eins og áður sagði danskur þingmaður kjært Hamid
réttilega fyrir landráð.

   Arhyglisvert mál....
 

Pútin snuprar Breta

    Vladimir Pútín forseti Rússlands snupraði réttilega
Breta í dag vegna kröfu Breta um framsal á Lugovoy,
sem bresk yfirvöld segja morðingja Alexanders Litvin-
enkos. Pútin ásakaði Breta um nýlenduhugsanarhátt.
 Hann sagði ,,Breta hafa augljóslega gleymt því
að þeir hafi ekki lengur nýlenduvald og eiga engar
nýlendur eftir. Guð sé lof þá hefur Rússland aldrei
verið bresk nýlenda" sagði Pútín.

    Ljóst er að bresk stjórnvöld hafa farið offari í þessu
máli. Það er álit þýzkra stjórnvalda auk þess sem Evrópu-
sambandið neitaði Bretum um pólitískan stuðning í þessu
máli og sagði það alfarið mál Breta og Rússa.

   Við Íslendingar  þekkjum vel til bresks nýlenduhugsanar-
háttar. Bretar eru eina þjóðin sem hertekið hefur okkur og
þrívegis beitt okkar hervaldi í jafn mörgum þorskastríðum.

  Náið samstarf við slíka þjóð í öryggis- og varnarmálum
hlýtur því að vera umhugsunarvert, þótt ekki sé meira
sagt!
   

Vinstri grænir öfgafullir róttæklingar

    Hafi einhver verið í vafa um að Vinstri-grænir væru
ofgasinnaðir róttæklingar og stjórnleysingjar í bland,
ætti sá vafi að vera úr sögunni. Það er með ólíkindum
hvernig háttsettir flokksmenn VG verja uppvöðsluskrílinn
í svokölluðum Saving-Iceland í bak og fyrir. Jafnvel þótt
þessi skríll sem aðallega eru iðjulausir útlendingar, þver-
brjóta íslensk lög og reglur í bak og fyrir  viku eftir viku,
þannig að heilu lögregluhópanna þarf að sólarhringsvakta
þennan erlenda ruslaralýð dag eftir dag. - Hvenær  verður 
þessum ófögnuði vísað úr landi?

   Eftirtektarvert er að einn helsti talsmaður Vinstri-grænna
fyrir ,,Saving-Iceland" hópnum sótti í sumar í Berlín  stofn-
fund flokks fyrrverandi austur-þýzkra kommúnista.  Hann
hvetur nú þessa erlendu uppreisnarseggi til dáða við lög-
brotin og skemmdarverkin.

        Þetta er með  hreinum ólíkindum!

   

Anarkisti í drottningaviðtali í Kastljósi

     Sem kunnungt er hafa regnhlífasamtök anarkista og
vinstrisinnaðra róttæklinga, Saving Iceland, haldið hér
uppi allskyns skrílslátum og skemmdarverkum að undan-
förnu. Athyglissýkin hefur verið með eindæmum, og ekki
verið hikað við að þverbrjóta lög og reglur til að höndla
athyglina, ekki síst fjölmiðla. Því hafa fjölmiðlar verið
gagnryndir réttilega fyrir  að gera þessu liði allt of hátt
undir höfði með umfjöllun sinni um þetta fámenna en
mjög svo háværa og uppvöðslusama lið.

   Því kom það mjög á óvart að sjálft Ríkissjónvarpið skyldi
helga aðal vitalstíma Kastljósins í gærkvöldi í það að hafa
einskonar drottningaviðtal við einn af forsprökkum þessara
stjórnleysingja á Íslandi. Þar var reynt að hafa við hann
eitthvað vitrænt viðtal, sem auðvitað snerist upp í meiriháttar
andhverfu sína og fiflahátt. - Miklu fremur hefðu Kastljós-
stjórnendur átt að kalla til einhverja úr hópi þekktra Vinstri-
grænna sem lýst hafa yfir mikilli samúð og skilningi við
þessa vinstrisinnuðu róttæklinga og stjórnleysingja.
Samhengi orðanna hefðu trúlega betur komist þar til skila,
sem þó er alls ekki víst.
  
    Fiflahátturinn í gærkvöldi verður vonandi ekki endurtekinn !

Ingibjörg kemur í heimsókn til Íslands

    Ingibjörg Sólrún Gísladóttir utanríkisráðherra,  mun
í kvöld koma í heimsókn til Íslands frá Mið-austurlöndum.
Á þeim stutta ferli sínum sem utanríkisráðherra,  hefur
hún víða um heimsins slóðir farið, enda vandamálín víða
stór og mikil, og í mörg horn að líta, úti í honum stóra
heimi. Í lokaáfanga í viku heimsókn sinni til Mið-austurlanda,
ítrekaði hún í Jórdaníu í dag, mikilvægi þess, að koma á friði
og stöðugleika í Mið-austurlöndum. Ummæli hennar vöktu
mikla og verðskuldaða athygli. Óhætt er að fullyrða, að eftir
þessa mikilvægu för Ingibjargar til Mið-austurlanda, hafi friðar-
horfur þar stóraukist. Plestínuvandamálið heyrir nú loks
sögunni til.

   Þá eru góðar horfur á að flóttamenn frá Írak fái lausn
sinna mála. Skv. frétt á Mbl.is í dag greindi fréttastofan
Petra í Jórdaníu frá því, að útanríkisráðherra Íslands
teldi góðan möguleika á því að flytja íraska flóttamenn,
(þó ekki alla) sem eru í flóttamannabúðum í Jórdaníu,
heim til Íslands. Hvort þetta gæti orðið mikilvægur liður
í svokölluðum  mótvægisaðgerðum ríkisstjórnarinnar,
skal ósagt látið, en óneitanlega myndi þetta skapa
mörg mikilvæg störf víða um land við að taka á móti
hinum írönsku flóttamönnum, og reyna að aðlaga þá
íslenzku samfélagi.

   Skv. frétt á Mbl.ís hafði hin jórdanska fréttastofa Petra
eftir Ingibjörgu, að þar sem Ísland er að sækjast eftir 
sæti í Öryggisráði Sameinuðu þjóðanna hafi verið  mjög
nauðsynlegt að kynna sér stöðu mála í Mið-austurlöndum.
Undir þetta ber að taka, enda gríðarlega mikilvægt orðið
fyrir Ísland að komast í Öryggisráðið, í ljósi þess hvað
Ísland er á skömmum tíma orðið mikilvægt og algjörlega
ómissandi í því að leysa heimsins vandamál.

Iðnðarráðherra vinnur gegn olíuhreinsunarstöð

   Eyjan.is segir í frétt í dag að mjög óljóst bakland  sé
um umsóknir um olíuhreinsunarstöð á Vestfjörðum.
Segir að ,,óljóst er hverjir mundu reka olíuhreinsistöð
á Vestfjörðum ef samningar næðust um byggingu 
hennar. Ekkert er fast í hendi með fjármögnun  og við-
skiptasamninga í tengslum við reksturinn. Menn í stjórn-
kefinu telja að þeir rússnesku aðilar, sem eru að þreifa
fyrir sér um verkefnið hérlendis, séu fyrst og fremst að
skapa sér viðskiptatækifæri. Þeir sjáu verðmæti í því að
ná samningi við Íslendinga."

  Þessir menn í stjórnkerfinu sem Eyjan.is vitnar í hljóta
að vera innanbúðarmenn hjá Össuri Skarphéðinssyni
iðnaðarráðherra, sem hefur fundið hugmyndinni um
byggingu olíuhreinsunarstöðvar á Vestfjörðum allt til
foráttu. Athygli vekur að fréttamenn Eyjunnar.is skuli
ekki hafa sett sig í samband við Ólaf Egilsson, fyrrver-
andi sendiherra, og eins af forvígismönnum Íslenzks
hátækniiðnaðar, sem stofnað var um þessa hugmynd.
Ólafur var einmitt í viðtali við RÚV s.l föstudag og hafði
allt aðra sögu að segja en fram kemur í frétt á Eyjuinni.
is. Þvert á móti eru fjárfestar bjartsýnir, ekki síst eftir að
jákvæð viðbrögð vestfirskra ráðamanna komu í ljós. Af
eðlilegum ástæðum hvílir mikil viðskiptaleynd yfir málinu.

     Það virðist vera aðalhlutverk ráðherra Samfylkingarinnar
í ríkisstjórninni að koma í veg fyrir allar þjóðhagslegar arð-
bærar stórframkvæmdir eins og byggingu olíuhreinsunar-
stöðvar á Vestfjörðum. Mun þeim takast það með tilheyr-
andi stöðnun og kreppu í framhaldi af því ?

Vond ferð Ingibjargar til Palestínu

   Viku ferðalagi Ingibjargar Sólrúnar Gísladóttir utanríkis-
ráðherra er nú loks lokið um Mið-austurlönd. Yfirlýstur
tilgangur ferðarinnar var að kynna sér ástand mála þar,
einkum í Palestínu og Ísrael. Þegar ákveðið er að kynna
sér flókin pólitísk vandamál á framandi slóðum, hlýtur að
vera grundvallaratriði að kynna sér ástand mála frá sem
flestum hliðum. Í heimsókn sinni til Palestínu gerði Ingibjörg
það ALLS EKKI. Því var ferð hennar þangað  bæði vond og
misheppnuð!

   Í dag ríkir nánast borgarastríð í Palestínu. Tvær fylkingar,
Fatah og Hamas berjast þar um völdin. Hamas ræður Gaza,
Fata ræður Vesturbakkanum. Hamas náði á s.l. ári völdum
af Fatah í löglegum og lýðræðislegum kosningum. Ísreaelar
viðurkendu ekki stjórn Hamas, og lokuðu fyrir allar skatt-
greiðslur sem þeir innheimta fyrir heimastjórnina.  Þjóð-
stjórn með Hamas og Fatah var síðan komið á eftir blóðug
átök hreyfinganna. Þá þjóðstjórn setti Abbas forseti  og
Fatah-leiðtogi af, og skipaði umdeilda neyðarstjórn í óþökk
Hamas. Pólitísk pattstaða ríkir því á heimastjórnarsvæði
Plaestínumanna. Í raun borgarastríð, sem Ísraelstjórn
harmar ekki, og í raun kyndir undir.

   Við þessar aðstæður kom Ingibjörg til Palestínu með
nánast bundið fyrir augu. Pólitískur klofningur Palestínu-
manna virtist ekki skipta hana nokkru máli, fremur en 
hinn umdeildi múr sem Ísraealar eru að hlaða. Allflestir
vita þó  að pólitískur stöðugleiki í Palestínu hlýtur að vera
grunnforsenda friðarferils. Þess vegna voru það stærstu
mistök Ingibjargar Í Palestínuferðinni að sniðganga alveg
Hamas-samtökin, sem þrátt fyrir harðlínustefnu sína gagn-
vart Ísrael, ræður helmingi heimastjórnarsvæðisins, og
unnu síðustu kosningar sem fram fóru í alla staði fram
á lýðræðislegum grunni. Friður án aðkomu Hamas verður
þarna aldrei friður í raun.

   Með hinni undarlegri aðkomu sinni að málefnum Palestínu
í för sinni til Mið-austurlanda, hefur því  Ingibjörg gert mikil
mistök, og fyrirgert frekari trúverðugri aðkomu Íslands að 
friðarferlinu fyrir botni Miðjarðarhafs. -  Spurning hver ber
ábyrgð á misvitrum ráðgjöfum Ingibjargar ? 

Hvers vegna ekki vísað úr landi ?

    Regnhlífasamtök anarkista og vinstrisinnaðra róttæklinga
Saving Iceland hafa staðið í látlausum mótmælum og ýmsum
skemmdarverkum að undanförnu.  Nú síðast í dag. Hefur
þetta fólk einhvern einkarétt á allskyns skrílslátum þar sem
lög og reglur eru þverbrotin dag eftir dag og viku eftir viku?
Hvers vegna er þessu fólki ekki hreinlega  vísað úr landi þegar
það endurtekur lögbrotin sí og æ? Hver eru skilaboðin út í sam-
félagið láti stjórnvöld þetta nær óátalið?

   Eftirtektarvert hvað margir Vinstri grænir taka upp hanskann
fyrir þessa óróaseggi, og lýsa aðdáun á. Þarf samt ekki að koma
svo á óvart, því innan vébanda þeirra eru einmitt starfandi ýmiss
vinstrisinnuð róttæk öfl, sem lata lög og reglur sem vind um eyru
þjóta, þegar því er að skipta......