Pia Kjærsgaard sýknuð

    Þær ánægjulegu fréttir bárust frá Danaveldi í dag
að formaður Danska þjóðarflokksins var í dag sýknuð
af kæru um meiðyrði fyrir að hafa kallað danska mús-
limaklerka landráðamenn. Öfgafull trúarsamtök íslam-
ista í Danmörku sem höfuðu mál á hendur Kjærsgaard
lýstu yfir mikilli reiði með dóminn.

   Skv frétt Jyllandsposten kröfðust samtökin fjárbóta,
en þurfa sjálf að greiða málskostnaðinn. Haft var eftir
dómara við réttinn, að orðið ,,landráðamaður" væri oft
notað í opinberri umræðu, og því hefði það ekki verið
refsivert þegar Kjærsgaard skrifaði í fréttabréf flokk-
sins, ,,að áróður danskra múslima erlendis vegna
múhameðsteiknimyndanna hafi verið landráð."

   Fagna ber þessari niðurstöðu, því hún er sigur fyrir
eina helgastu grunnstoð vestrænnar menningar í dag,
TJÁNINGARFRELSIÐ.. - Skilaboðin eru skýr og koma á
mikilvægum tíma þegar allskyns trúarleg öfgasamtök og
and-vestræn múgmennska virðist ætla að vaða uppi í
trássi við öll hin  vestrænu gildi og hefðir.........

Af moskum

   Oftar en ekki virðast moskur tengjast átökum innan
íslams. Í Fréttablaðinu í dag segir t.d  að Maulana
Abdul Aziz, hinn handtekni æðstiklerkur Rauðu mosk-
unnar í Íslamabad hafi sagt við útför hins fallna bróður
síns, helsta leiðtoga uppreisnarmanna moksunnar.
,,Ef guð lofar, þá verður íslömsk bylting brátt gerð í
Pakistan. Blóð píslarvottanna mun bera ávöxt."

   Sagt er að árás hersins á Rauðu moskuna hafi orðið
vatn á myllu strangtrúaðra múslima í Pakistan og bæði
talibanar og al-Kaída hafi nú boðað hefndaraðgerðir.

  Í annari frétt í Fréttablaðinu í dag er sagt frá því að
minnihlutinn í borgarráði segi brýnt að múslimar í
Reykjavík fái lóð undir mosku í borgarlandinu.  Í bókun
minnihlutans segir.

   ,, Jafnframt er það áréttað að múslimar í borginni
hafi beðið í tæp sjö ár eftir lóð undir mosku. Það er
því brýnt að þeir fái úrlausn sinna mála HIÐ SNARASTA."

   Undir þetta rita Vinstri-grænir, Samfylkingin og
sjálfur áhreyrnarfulltrúi F-listans.

   Jaso!

Fylgja krötum kreppa ?

   Dofri Hermannsson settur framkvæmdastjóri þingflokks
Samfylkingarinnar fer mikinn á bloggsíðu sinni varðandi
olíuhreinsunarstöð á Vestfjörðum. Gerir hann lítið úr
för vestfirskra sveitarstjórnarmanna til að kynna sér
slíka starfsemi erlendis og finnur hugmyndinni allt
til foráttu. Er þarna væntanlega komin skýringin á tóm-
læti iðanaðarráðherra og yfirráðherra byggðamála
Össuri Skarphéðinssyni gagnvart hugmynd Íslenzks
hátækniiðnaðar að  reisa oliuhreinsunarstöð á Vestfjörð-
um.

   Samfylkingin fer nú með málefni byggðamála í landinu
ásamt veigamiklum atvinnumálaráðuneytum. Það er með
ólíkindum hvað ráðherrum Samfylkingarinnar virðast
taka þær miklu lífskjaraskerðingar sem stór hluti lands-
manna stendur frammi fyrir  vegna mikils samdráttar í
þorskkvóta með mikilli léttúð. Það er eins og þeir gera
sér engan veginn grein fyrir  þeim gríðarlegu margfeldis-
áhrifum sem niðurskurður þorskafa um  heil 60 þúsund
tonn hefur í för með sér fyrir fólk og fyrirtæki víðsvegar
um land. Grínpistill  Dofra um málefni Vestfjarða er gott
dæmi um þetta. Skilningsleysið er algjört.

   Bygging olíuhreinsunarstöðvar á Vestfjörðum yrði þeim
meiriháttar lytistöng ef af yrði, og gæti í raun bjargað
byggð á Vestfjörðum eins og mál standa í dag. Vest-
firskir sveitarstjórnarmenn hafa margir lýst áhuga fyrir
byggingu olíuhreinsunarstöðvar að uppfylltum ákveðnum
skilyrðum að sjálfsögðu. Þá hefur sjávarútvegsráðherra
einning lýst jákværi afstöðu sinni til málsins. 

   En það er eins og málið standi á krötum sem fara með
lykilhlutverkið í þessu máli. Fyrir rúmum 12 árum þegar
krötum var fleygt út úr ríkisstjórn var stöðnun og kreppa.
12.000 störf vantaði. - Nú þegar kratar hafa komist í
ríkisstjórn bendir allt til að mikið samdráttarskeið sé fram-
undan,  og mikil lífskjaraskerðing viðsvegar um land.

   Því á það fyllilega rétt á sér að menn spyrji. Fylgir krötum
kreppa?  

Hvar er afstaða byggðaráðherra varðand olíuhreinsunarstöð?

    Athygli vekur að í allri umræðunni um mótvægisaðgerðir
ríkisstjórnarinnar gagnvart miklum aflasamdrætti um land
allt fer lítið sem ekkert fyrir yfirráðherra byggðamála Össuri
Skarphéðinssyni. - Hann er kannski í sumarfríi, því hann
virðist hafa mjög takmarkaðan áhuga á hinni gríðarlegri
afkomuskerðingu einstaklinga og fyrirtækja víðsvegar um
land útaf stórskerðingu stjórnvalda á þorskkvóta.

   Þar sem yfirráðherra byggðamála er líka iðnaðarráðherra
er ennþá eftirtektarverðara að hvorki stuna né hósti skuli
heyrast frá honum varðandi heimkomu vestfirskra sveitar-
stjórnarmanna frá  Rotterdam og Leipzig þar sem skoðaðar
voru olíuhreinsunarstöðvar. En sem kunnugt er hefur Ís-
lenzkur hátækniðnaður lýst áhuga á að reisa olíuhreinsunar-
stöð á Vestfjörðum, sem myndi þýða gríðarlega uppbyggingu
fyrir þann landshluta, og sem raunar myndi bjarga byggðinni
þar eins og mál horfa í dag.

   Bæjarstjóri Ísafjarðabæjar Halldór Halldórsson segist fyl-
gjandi olíuhreinsunarstöð á Vestfjörðum að uppfylltum
ákveðum skilyrðum. Hann segir í viðtali við Bæjarins Besta
í dag ,,að ef það eru fjárfestar sem vilja reisa þessa olíu-
hreinsunarstöð og hún stenst allar þær kröfur sem við gerum
til umhverfis- og öryggismála þá VERÐUR ÞETTA GERT."

   Komið hefur fram að umhverfismat og áreiðanleikakönnun
sem svona olíuhreinsunarstöð þarf að fara í er afar dýr og
ljóst að sveitarfélög á Vestfjörðum ráða ekki við þann kostnað.
Þar þarf ríkisvaldið að koma inn og það strax eftir að jákvæð
viðbrögð vestfirskra sveitarstjórnarmanna liggja nú fyrir.
En hver er afstaða yfirráðherra byggðamála og iðnaðarráðherra
í þessu máli? Tómlæta hans virðist algjört. Afstaða hans virðist
engin!  -


 

Landhelgisgæslan tengis ekki byggðastefnu

    Það er fráleitt að tengja Landhelgisgæsluna byggðastefnu,
og að hana eigi að flytja eins og aðrar ríkisstofnanir út um 
land.  Raddir þess efnis hafa enn aftur heyrst í kjölfar mikils
niðurskurðar á þorskvóta. - Menn verða að átta sig á að
hlutverk Landhelgisgæslunnar hefur gjöbreyst eftir brottför
bandariska hersins, og mun hún í æ ríkari mæli tengjast 
vörnum landsins í náinni framtíð.

   Framtíðarstaðsetning Landhelgisgæslu hlýtur að vera á
Keflavíkurflugvelli og hafnarsvæðinu í Helguvík. Á Kefla-
víkurflugvelli eru mikilvæg hernaðarmannvirki sem nú
þegar munu nýtast til ýmissa heræfinga á vegum Nató,
og aðstöðu fyrir Nató-flugsveitir. Samstarf og samvinna
Landhelgisgæslu við starfsemi Nató-herja hlýtur að stór-
aukast á næstu árum. Uppbygging Landhelgisgæslu og
starfsemi henni tengd hlýtur því að byggjast þar upp.

   Íslendingar þurfa á næstu árum að verja verulegu
fjármagni í öryggis- og varnarmál. Stækkun og eflingu
Víkingarsveitar er þar mjög brýn, auk uppbyggingu
varaliðs eins og dómsmálaráðherra hefur boðað.
Allt þetta hlýtur á einn eða annan hátt að tengjast starf-
semi Landhelgisgæslunnar.

   Það eru kominir gjörbreyttir tímar í öryggis- og varnar-
málum Íslands, sem Íslendingar verða nú  að bregðast
skjótt við sem sjálfstæð og fullvalda þjóð.
   
 

Látlaus óöld í Mið-austurlöndum óskiljanleg

   Við Vesturlandabúar sem búum við vestrænt
lýðræði og vestræn gildi erum að verða kjaftstopp
yfir þessari látlausri óöld í Mið-austurlöndum og
fyrir botni Miðjarðarhafs. Það virðist enginn mann-
legur máttur geta komið vitinu fyrir þetta blessaða
fólk sem þetta heimssvæði byggir. Trúarofstækið og
ruglið er slíkt að það er orðið gjörsamlega útilokað
lengur að skilja þetta.  Sjálfsmorðsárásir þar sem
hundruð manna, konur börn og gamalmenni  er
strádrepið og limlest daglega, er orðið daglegt brauð
þarna fyrir austan. Og nú virðast sjálfar hinar trúarlegu
byggingar þarna  sem maður hefði haldið að nýtu meiri-
háttar griða og virðingar eins og kirkjur okkar Vestur-
landabúa, þær eru  orðnar að helstu vígvöllunum þarna
fyrir austan. - Er nokkuð að furða að við hér fyrir vestan
séum orðinr já kjaftstopp?

    Þótt hryðjuverkaógnin frá þessum sjúka heimshluta
hafði náð til okkar hér í vesturheimi, kemur ekki til greina
að láta það trufla okkar daglega líf. Hins vegar verðum
við að standa vaktina, og láta hart mæta hörðu til að
standa vörð um okkar meiriháttar  vestrænu og þjóðlegu
gildi..
 
   

Tvískinnungur Vinstri grænna

    Vinstri grænir eru auðvitað við sama heygarðshornið
og styðja hina stórumdeildu ákvörðun ríkisstjórnarinnar
að fara með þorskvótann niður í 130.000 tonn. Þetta
er alveg dæmigert um Vinstri-græna. Þótt gríðarleg
lífskjaraskerðing blasir við þúsundum manna um land
allt, og fyrirtæki munu fjölmörg hætta starfsemi eða fara
í gjaldþrot, skulu afar umdeild náttúruvísindi njóta vafans
hjá VG umfram lífsviðurværi fjölda fólks og fyrirtækja víðs-
vegar um land.

   Afstaða Vinstri grænna þarf hins vegar ekki að koma á
óvart. Hins vegar er vert að vekja athygli á tvískinnungi
í þeirra málflutningi. Á sama tíma sem þeir styjða stór-
skerðingu á þorskvóta sem byggð er á mjög umdeildum
forsendum Hafró, berjast þeir hatræmmt á móti öllum hval-
veiðum þar sem þetta sama Hafró leggur til verulegar
veiðar á. Enda éta hvalir hvorki meir né minna en 6 milljón
tonn af fæðu við Ísland árlega, þar af 3 milljón tonn af fiski,
s.s þorski og loðnu. Þannig að með sama áframhaldi munu
hvalir éta okkur út á gaddinn innan fárra ára.  Eitthvað
sem Vinstri-grænir virðast bara vera MJÖG ánægðir með.

   Það er gott að hafa aldrei skilið hugmyndafræði Vinstri
grænna!.............
   

    


   

Ríkisstjórn lífskjaraskerðinga

    Það er alveg ljóst að ákvörðun ríkisstjórnarinnar
um stórskerðingu á  þorskvóta ásamt léttvægum
mótvægisaðgerðum hefur í för með sér gríðarlega
lífskjaraskerðingu víða um land. Viðbrögð manna
í sjávarbyggðum víðsvegar um land eru öll á sömu
lund. Hrun blasir við og mótvægisaðgerðir ríkis-
stjórnarinnar sagðar brandari. Aðferðafræði Hafró
er harðlega gagnrýnd, og réttilega spurt hvernig í
ósköpunum það sé tæknilega framkvæmalegt að
veiða 100.000 tonn af ýsu með 130.000 tonn af
þorski sem meðafla?  - Nei auðvitað er það gjörsam-
lega út í hött en sýnir skýrast hversu svokölluð
fiskveiðiráðgjöf er komin útúr öllum kortum.

   Ríkisstjórn Sjálfstæðisflokks og Samfylkingar eins
og ríkisstjórnir þessara sömu pólitísku afla áður fyrr
ætlar að verða þjóðinni dýrkeypt. Síðast þegar þessi
pólitísku öfl skiluðu af sér fyrir rúmum 12 árum vant-
aði 12.000 ný störf og atvinnuleysi og samdráttur
var þá skv. því.  Nú virðist allt stefna í sama farið
aftur, ríkisstjórn lífskjaraskerðinga er tekin við...

Léttvægar mótvægisaðgerðir og ráðaleysi

   Mótvægisaðgerðir þær sem ríkisstjórnin hefur
ákveðið gagnvart stórskerðingu  þorskkvótans eru 
afar léttvægar og skipta t.d Vestfirði sem harðast
verða fyrir barðinu á niðurskurðinum,  litlu sem engu
máli. Hvað hefur það að segja að efla hjá fólki menntun,
menningu, samgöngur, fjarskipti, starfsþjálfun og
svo framvegis, þegar sjálfri LÍFSBJÖRGINNI er kippt
undan viðkomandi nánast á einni nóttu, og sem var 
þó ekki beysinn fyrir ?  Hvað er ríkisstjórnin eiginlega
að hugsa í þessu sambandi? Er ráðaleysið algjört?
Er ríkisstjórnin farin á taugum?

     Það er alveg ljóst að niðurskurður þorskvótans í
130.000 tonn er allt of mikill. 150.000 tonna þorsk-
kvóti hefði verið mun skynsamlegri ásamt stórauknu
fjármagni til þorskrannsókna. Samhliða því hefði
þurft að grípa til miklu markvissari aðgerða gagnvart
þeim svæðum sem alverst  fara út úr þessum niður-
skurði. Vestfirðir eru sá landshluti sem fer verst út
úr skerðingu þorskkvótans. Má segja að í raun sé
búið að ræna Vestfirðinga sjálfri lífsbjörginni. Í ljósi
þess hefði ríkisstjórnin átt að koma með RAUNVERU-
LEGAR AÐGERÐIR gagnvart t.d þeim landshluta. Eitt-
hvað sem væri virkilega BITASTÆTT, eins og byggingu 
OLÍUHREINSUNARSTÖÐVAR með 200 milljarða innspýt-
ingu inn í landsfjórðunginn og allt að 700 ný og vel-
launuð trygg störf. Íslenzkur hátækniiðnaður hefur sett 
fram slíkar hugmyndir og sagt þær raunhæfar, og fjár-
festa tilbúna.  Hvers vegna í ósköpunum hefur ríkis-
stjórnin ekki skoðað þennan áhugaverða möguleika fyrir 
uppbyggingu Vestfjarða, þegar fiskurinn  í sjónum er nú 
nánast frá þeim tekinn um ókomin ár með hreinum STJÓRN-
VALDSAÐGERÐUM? Með ákvörðun um uppbyggingu olíu-
hreinsunarstöðvar á Vestfjörðum yrði þá mun meira  til skipt-
ana gagnvart öðrum svæðum þar sem samdrátturinn  mun 
bitna hvað harðast á. 

    Ríkissjórnin virðist ráðvillt og hefur ekki staðist sitt fyrsta
raunverulega próf. - Framhaldið lofar alls ekki góðu...
     

Ruglið um Öryggisráðið heldur áfram

    Ingibjörg Sólrún Gísladóttir utanríkisráðherra
hefur ráðið Kristínu Á. Árnadóttir, skrifstofustjóra
borgarstjórnar Reykjavíkur, til að stýra framboði
Íslands til Öryggisráðs Sameinuðu þjóðanna, en
kosningin fer  fram á Alsherjaþingi S.Þ á næsta
ári.

   Hér er enn eitt ruglið á ferðinni varðandi þetta
fáránlega framboð. Fyrir liggur, að litlar sem engar
líkur eru á að Ísland hljóti kosningu í ráðið. Samt
er haldið áfram að ausa fleiri hundruð milljónum
í þetta gæluverkefni örfárra misvitra stjórnmála-
manna. Ávinningur þjóðarinnar er enginn að kom-
ast í þetta ráð. Ókostirnir eru hins vegar fjölmargir,
m.a sá að flækja Íslandi í erfið aðþjóðleg deilumál.
Ef fram heldur sem horfir, gæti heildarkostnaður
við ruglið farið hátt í milljarð króna.

   Það er með ólíkindum hvað  þetta rugl ætlar að
vinda upp á sig. - Ekki síst vegna þess að öllum
þeim miklu fjármunum sem varið er í þetta væri
mun  betur varið í ótal brýnni verkefni innanlands.