Hvalir og kvóti

    Á sama tíma og fyrirhugað er að stórskerða
þorskkvótann um tug þúsunda tonna, með
gjaldþroti og tilheyrandi atvinnuleysi í kjölfarið,
eru hvölum úthlutað tugþúsunda kvótaaukningu
á hverju ári, vegna fjölgunar þeirra. - Hvers konar
rugl er þetta ?

   Í DV í dag kemur fram  að rannsóknir hjá
Hafró bendi til þess að hvalir hér við land neyti
hvorki meir né minna en 6 milljón tonna af fæðu
árlega. Helmingur þess er fiskmeti, sbr þorskur
og loðna, hinn helmingurinn er áta, krabbadýr
og smokkfiskur.

   Hvalur veiðir alla daga allan sólarhringinn, og
er því á við mörg skip hvað veiðigetu varðar.
Einfallt er því að reikna út hversu marga hvali
þarf að veiða  svo tillögu Hafró um þorskveðar
verði náð án teljandi niðurskurðar þorskafla til
fiskveiðiflotans. Hvers vegna er það ekki gert ?
Eiga hvalir meiri rétt í lífríkinu en maðurinn sjálfur?
Því með sama áframhaldi mun hvalurinn éta okkur
út á gaddinn hvað fiskveiðar varðar ef fram heldur
sem horfir.   

    Hvalastofninn þarf að grisja strax, og það veru-
lega. Með hvaða aðferðum það verður gert, er
algjört aukaatriði................

Leyniþjónustur hafa marg sannað sig

    Nú á tímum alþjóðlegrar glæpastarfsemi og
hryðjuverka hafa leyniþjónustur ríkja um allan
heim marg sannað sig.  Óhætt er að fullyrði  að
fyrir tilstilli þeirra hafa mörg þúsund mannslífa
verið bjargað á undanförnum árum.

    Öll sjálfstæð ríki starfrækja leyniþjónustur, bæði
til að tryggja innra- jafnt sem ytra öryggi viðkom-
andi ríkis. Fyrrverandi ríkisstjórn kom mörgu til
leiðar í öryggismálum þjóðarinnar. Þar á meðal
stofnun greiningardeildar innan lögreglu. Ýmisir
vinstrisinnar hrópuðu öllu illu og töldu hér vera
komið vísir að leyniþjónustu. Eins og það  væri
eittvað hræðilegt. -  Tími er til kominn að Íslend-
ingar sem sjálfstæð þjóð tileinki sér sömu vinnu-
brögð og aðrar sjálfstæðar þjóðir gera í sínum
öryggismálum, og komi á fót álíka leyniþjónustu
og tíðkast í okkar helstu nágrannalöndum. Bæði
til varnar íslenzkum ríkisborgurum fyrir allskyns
alþjóðlegri glæpastarfsemi og hryðjuverkum, og
almennt til varnar íslenzka ríkinu. Þörfin hefur
aldrei verið  brýnni en einmitt nú, bæði vegna
sívaxandi hryðjuverkaógna um allan heim, og
þeirrar staðreyndar, að enn sem komið er hafa
Íslendingar ekki komið sér upp þjóðvarðliði.

     

Einkennilegt pólitískt hugarástand ráðherra

     Björgvin S Guðmundsson viðskiptaráðherra virðist í
einkennilegu pólitísku hugarástandi þessa daganna.
Björgvin  er nýkominn af flokksþingi breska Verkamanna-
flokksins. Það að vera ÍSLENZKUR RÁÐHERRA og sitja
flokksþing erlends stjórnmálaflokks sem slíkur eru auðvitað 
hlutir sem engan veginn fara saman. Á Íslandi yrði litið á það
sem grófa íhlutun í íslenzk innanríkismál ef t.d ráðherra
úr bresku ríkisstjórninni sæti flokksþing íslenzks stjórn-
málaflokks, og ekki síst væri sami flokkurinn að velja sér
nýja flokksforystu eins og í tilfelli hjá breskum krötum.
Nærvera íslenzks RÁÐHERRA á flokksþingi breska Verka-
mannaflokksins var því algjörlega óviðeigandi og gjörsam-
lega út í hött.

    En pólitiskt hugarástand ráðherra virðist ekkert skána. Í
viðtali í Mbl í dag segir hann ,,að stór  hluti Framsóknar
eigi eftir að renna saman við Samfylkinguna í einn stóran
jafnaðarmannaflokk, hvort sem það verður eftir fjögur eða
átta ár. Sameiningarferlinu er ekki lokið." segir Björgvin.

   Þessi ummæli eru vægast sagt stór furðuleg og verða að
skoðast í ljósi þess pólitíska hugarástands sem ráðherra
virðist vera í þessa daganna.  Þegar menn skilja ekki lengur
venjuleg landamæri milli ríkja og hvað í þeim felst, er ekki
nema von að þeir ruglist á  flokkslegum skilum og þeim
ólíku þáttum sem þeim valda........